गेली अनेक वर्षं लोकप्रिय असलेला टाटा स्काय हा डायरेक्ट टू होम प्लॅटफॉर्म आता नव्या नावाने येत असून त्यांचा हा ब्रॅंड आता २७ जानेवारीपासून ‘टाटा प्ले‘ (Tata Play) म्हणून ओळखला जाईल. यासोबतच त्यांनी आता विविध OTT पॅक्सद्वारे इंटरनेटमार्फत मालिका, चित्रपट पाहता येईल असे पॅक उपलब्ध करून देत असल्याचं सांगितलं आहे.

या नव्या OTT पॅक्समध्ये तुम्ही नेहमीचे टीव्ही चॅनल्ससोबत हॉटस्टार, प्राइम व्हिडिओ, Zee5 सुद्धा पाहू शकता. टाटा प्लेवर आता Disney+ Hotstar, Prime Video, Zee5, SonyLIV, Voot Select, Voot Kids, eros now, hungama Play, shemaroo me, SUN NXT, DocuBay, Epic ON CuriosityStream यांचा कंटेंट उपलब्ध आहे. शिवाय काल जाहीर केलेल्या माहितीनुसार आता नेटफ्लिक्ससुद्धा यासोबत उपलब्ध करून देण्यात येत आहे.

नेटफ्लिक्स Tata Play Binge+ या स्मार्ट सेट टॉप बॉक्सवरच उपलब्ध होईल. याची किंमत २४९९ असून यासोबत तुम्हाला दरमहा २९९ पासून सुरू असलेला Binge प्लॅन घ्यावा लागतो जो आपल्याला या OTT ॲप्सना ॲक्सेस देईल.

https://www.tataplay.com/dth/explore-offerings या लिंकवर यांच्या नव्या पॅक्सबद्दल माहिती मिळेल.

टाटा प्ले ही एक टाटा सन्स आणि वॉल्ट डिज्नी या दोन कंपन्यांच्या भागीदारीत सुरू असलेली कंपनी असून यांच्याकडे 2 कोटी ३० लाख ग्राहक आहेत. टाटाने त्यांच्या फायबर सेवेचं सुद्धा नाव बदललं असून आता त्याचं नाव Tata Play Fiber असं असणार आहे.

The post टाटा स्कायचं नवं नाव ‘टाटा प्ले’ : ओटीटी कंटेंट उपलब्ध! appeared first on MarathiTech - मराठीटेक.

नेटफ्लिक्स या प्रसिद्ध स्ट्रीमिंग सेवेने भारतात त्यांचे नवे प्लॅन्स जाहीर केले असून आधीच्या तुलनेत त्यांची किंमत बरीच कमी झाली आहे. स्वस्त प्लॅन्समुळे अधिकाधिक लोक नेटफ्लिक्स वापरू शकतील. आता प्लॅन्स १४९ रुपयांपासून सुरू होत असून सर्व डिव्हाईसवर वापरता येईल असा बेसिक प्लॅन १९९ रुपयांपासून सुरू होत आहे!

त्यांचा सर्वात महाग प्रीमियम प्लॅन जो UHD कंटेंट उपलब्ध करून देतो तो आता ६४९ दरमहा या किंमतीत उपलब्ध होईल. यामध्ये एकावेळी चार उपकरणांवर कंटेंट पाहता येतो.

तुम्ही सध्या नेटफ्लिक्सचे सभासद असाल तर तुम्हाला आपोआप पुढील प्लॅन्सवर अपग्रेड केलं जाईल. उदा. तुम्ही जर सध्या ४९९ च्या प्लॅन्सवर असाल तर तुम्हाला त्याच किंमतीत पण अधिक पर्याय असलेल्या प्लॅनवर नेण्यात येईल. तुम्हाला जर खालच्या प्लॅनवर जायचं असेल तर तसा पर्याय निवडावा लागेल आणि मग पुढील बिलिंग सायकलमध्ये तो लागू होईल.

नेटफ्लिक्सने २०१६ मध्ये भारतात प्रवेश केला असून अजूनही त्यांना फारसा ग्राहकवर्ग मिळवता आलेला नाही. याचं मुख्य कारण हेच की इतर स्ट्रीमिंग सेवांच्या तुलनेत ह्यांची जास्त किंमत. नेटफ्लिक्सच्या एका महिन्याच्या किंमतीत इतर स्ट्रीमिंग सेवा जवळपास वर्षभर सेवा देत आहेत. कालच आलेल्या माहितीनुसार नेटफ्लिक्सकडे भारतातील OTT प्लॅटफॉर्ममध्ये फक्त ५% हिस्सा आहे. लगेचच आज ही दर कमी करत असल्याची बातमी आली आहे.

नेटफ्लिक्सने यावर्षी ४१ नवे टायटल्स (चित्रपट, मालिका, डॉक्युमेंटरी, इ.) आणत असल्याचं जाहीर केलं होतं.

नेटफ्लिक्सने नवे प्लॅन्स जाहीर करण्यासाठी स्वतंत्र व्हिडिओसुद्धा त्यांच्या सोशल मीडियाद्वारे प्रसारित केला आहे!

The post नेटफ्लिक्सचे भारतात नवे स्वस्त प्लॅन्स जाहीर! appeared first on MarathiTech - मराठीटेक.

नेटफ्लिक्स या लोकप्रिय स्ट्रीमिंग सेवेवर यावर्षी भारतीय यूजर्ससाठी तब्बल ४१ टायटल्स उपलब्ध होणार आहेत असं जाहीर करण्यात आलं आहे. यामध्ये विविध चित्रपट, मालिका, डॉक्युमेंटरी, कॉमेडी स्पेशल्स आणि रियालिटी शोजचा समावेश आहे. त्यांनी मार्केटिंगसाठी #AbMenuMeinSabNew नावाच्या हिंदी हॅशटॅगचा वापर सोशल मीडियावर केला आहे. २०१९ च्या तुलनेत यावर्षी दुप्पट टायटल्स उपलब्ध होत आहेत.

या प्लॅटफॉर्मवर २०२१ मध्ये १३ चित्रपट, १५ मालिका, ४ डॉक्युमेंटरी, ६ कॉमेडी स्पेशल्स आणि ३ रियालिटी शोज उपलब्ध होणार आहेत.

चित्रपट : Bulbul Tarang, Dhamaka, Haseen Dillruba, Jaadugar, Jagame Thandhiram, Meenakshi Sundareshwar, Milestone, Navarasa, Pagglait, Penthouse, Sardar Ka Grandson, The Disciple

मालिका : Aranyak, Bombay Begums, Decoupled, Delhi Crime Season 2, Feels Like Ishq, Finding Anamika, Jamtara – Sabka Number Ayega Season 2, Kota Factory Season 2, Little Things Season 4, Mai, Masaba Masaba Season 2, Mismatched Season 2, Ray, She Season 2, Yeh Kaali Kaali Ankhein

यापैकी मराठी भाषेतील एकमेव टायटल असेल ते म्हणजे दिग्दर्शक चैतन्य ताम्हाणे यांचा द डिसायपल हा चित्रपट. आणखी मराठी चित्रपट किंवा मालिका पाहायला नक्कीच आवडलं असतं पण मराठीत OTT साठी अजूनही विशेष निर्मिती सुरू करण्यात आलेली दिसत नाही. OTT वर नव्याने उपलब्ध होणारा मराठी कंटेंट सुद्धा फारच कमी आहे.

कोरोना काळात मोठ्या संख्येने वाढलेला OTT प्रेक्षक पुढेही धरून ठेवण्याचं आव्हान नेटफ्लिक्ससमोर असणार आहे. इतर सेवांच्या तुलनेने महाग असलेल्या नेटफ्लिक्सवर येणारा कंटेंट आणि त्याची गुणवत्ताच ते आव्हान पूर्ण करू शकेल.

The post नेटफ्लिक्सवर यावर्षी ४१ नवे टायटल्स : चित्रपट, मालिका, डॉक्युमेंटरी, इ. appeared first on MarathiTech - मराठीटेक.

सध्या करोना व्हायरसच्या प्रसारास आळा घालण्यासाठी अनेक देशात संचारबंदी/जमावबंदी जाहीर करण्यात आली आहे त्यामुळे अनेक लोक घरबसल्या विविध ऑनलाइन स्ट्रीमिंग सेवांवर वेगवेगळे चित्रपट, मालिका पाहण्याचा आनंद घेत आहेत. एकाचवेळी नेहमीपेक्षा अनेक लोक ही गोष्ट करू लागल्यामुळे जगभरातील नेटवर्क्सवर मोठ्या प्रमाणात लोड येत आहे. युरोपमध्ये तर सरकारी आदेशानुसार नेटफ्लिक्स, यूट्यूब, अॅमेझॉन प्राइम व्हिडिओ या स्ट्रीमिंग सेवांना त्यांच्या व्हिडिओची गुणवत्ता कमी करण्यास सांगण्यात आले आहे जेणेकरून इंटरनेट प्रोवायडर्सच्या नेटवर्कवरील लोड कमी होईल!

आजपासून यूट्यूबसुद्धा जगभरात त्यांच्या व्हिडिओचं रेजोल्यूशन कमी करण्यास सुरुवात करणार आहे. आता व्हिडिओ By Default 480p रेजोल्यूशनवर दिसतील. जर तुम्हाला एचडी पाहायचं असेल तर तुम्हाला स्वतःला तो पर्याय निवडावा लागेल. “आम्ही या अभूतपूर्व काळात सरकारी संस्था आणि नेटवर्क ऑपरेटर्ससोबत काम करत असून आमच्या तर्फे जागतिक सिस्टम्सवरील ताण कमी करण्यासाठी आमचं कर्तव्य पार पाडत आहोत” असं गूगलकडून सांगण्यात आलं आहे. यूट्यूबवरील हे कमी गुणवत्तेचं डिफॉल्ट सेटिंग ३० दिवस सुरू असेल अशी माहिती आहे.

अपडेट 30-03-2020 : यूट्यूब इंडियाने त्यांच्या मोबाइल अॅपवर व्हिडिओ रेजोल्यूशन आता 480p वर मर्यादित केलं आहे, यामुळे आणखी काही दिवस यूट्यूब अॅपवर तुम्ही एचडी व्हीडीओ पाहता येणार नाहीत. डेस्कटॉपवर सुद्धा हा बदल करण्यात आला आहे मात्र तुम्ही डेस्कटॉपवर पुन्हा एचडीचा पर्याय निवडू शकता.

नेटवर्कवरील लोड कमी करण्यासाठी सर्वात आधी नेटफ्लिक्सने पाऊल उचललं असून आधी युरोप व आता भारत आणि ऑस्ट्रेलियामध्ये त्यांच्या व्हिडिओ स्ट्रीमिंग सेवेचा बिटरेट कमी करणार आहे. यामुळे व्हिडिओ गुणवत्तेत फारसा फरक न पडता नेटवर्क लोड कमी करता येईल! नेटफ्लिक्सचे अधिकारी केन फ्लोरान्स यांनी अशा प्रकारे कृती केल्यामुळे टेलीकॉम नेटवर्क्सवरील लोड तब्बल २५ टक्क्यांनी कमी झाला असून ग्राहकांना त्यांच्या प्लॅननुसार Ultra High, High किंवा Standard Definition यापैकी त्या त्या प्लॅन्सच्या ग्राहकांना चित्रपट/मालिका पाहणं सुरू ठेवता येईल!
याचा अर्थ गुणवत्तेवर विशेष फरक न पडता प्लॅनच्याच रेजोल्यूशनमध्येच चित्रपट/मालिका पाहता येतील!

आतापर्यंत भारतात नेटफ्लिक्स, यूट्यूब, फेसबुक, इंस्टाग्राम यांनी या दृष्टीने पाऊल उचलल्याची माहिती आहे.

The post यूट्यूब, नेटफ्लिक्स, प्राइम व्हिडिओ क्वालिटी काही दिवस कमी करणार! appeared first on MarathiTech - मराठीटेक.

गेले काही दिवस तुम्ही मायक्रोसॉफ्ट विंडोजच्या सोशल मीडिया पेजेसवर लक्ष ठेवून असाल तर तुम्हाला मायक्रोसॉफ्ट विंडोज १.० बद्दल अचानकच पोस्ट्स सुरू झालेल्या पाहायला मिळाल्या असतील. अनेकांना याचा अर्थ उमगत नव्हता. मात्र काल मायक्रोसॉफ्टने नेटफ्लिक्सवरच्या प्रसिद्ध स्ट्रेंजर थिंग्ज या मालिकेच्या तिसऱ्या सीझनच्या निमित्ताने हे केल्याचं उघड झालं आहे. यासाठी मायक्रोसॉफ्टने स्ट्रेंजर थिंग्जसोबत भागीदारी करून विंडोज १.१ अॅप सादर केलं आहे ज्यामध्ये आधीच्या विंडोजमधील डिझाईन लूक देण्यात आला आहे! यासाठी विंडोजच्या सोशल मीडिया पेजेसवर त्यांचा लोगोसुद्धा बदलण्यात आला आहे! हे अॅप त्या मालिकेप्रमाणे १९८५ च्या उन्हाळ्यातला कालावधी दाखवत असलं तरी प्रत्यक्षात Windows 1.0 नोव्हेंबर १९८५ मध्ये उपलब्ध झालं होतं!

अधिकृत लिंक : microsoft.com/en-us/windows/strangerthings3

या अॅपमध्ये Windows 1.0 च्या फारश्या सुविधा उपलब्ध नसून मुख्य उद्देश स्ट्रेंजर थिंग्जच्या कथानकानुसार मधून अधून पाहायला मिळणाऱ्या गोष्टी आहेत. ज्या तुम्ही खालील व्हिडिओमध्ये पाहू शकाल. जर तुम्ही नेटफ्लिक्सवर स्ट्रेंजर थिंग्ज पाहिली नसेल तर नक्की पहा आणि मग हा व्हिडिओ तुम्हाला नक्कीच समजेल/आवडेल.

स्ट्रेंजर थिंग्ज पाहिली असेल तर त्यामध्ये कोणीही विंडोज पीसी वापरताना दिसत नाही मात्र डस्टिन (मालिकेतलं पात्र) Camp Know More लिहिलेली टोपी घालताना पाहायला मिळतो. ही कॅम्प नो मोर मुख्य भागीदारीचं कारण असून याद्वारे मायक्रोसॉफ्टच्या दुकानांमध्ये विद्यार्थ्याना विविध चॅलेंजेसमध्ये भाग घेत कोडिंग करत गेम्स खेळता येतील. सोबत त्यांच्या मिक्स्ड रियालिटी हेडसेट्सद्वारे 3D Models सुद्धा तयार करून पाहता येतील!

The post मायक्रोसॉफ्ट विंडोज 1.0 परत उपलब्ध : स्ट्रेंजर थिंग्जसोबत भागीदारी! appeared first on MarathiTech - मराठीटेक.