Nexus 7 2013 असूस आणि गुगल या कंपन्यांनी संयुक्तणे ‘नेक्सस 7’ हा पातळ, हलका आणि वेगवान टॅब्लेट बाजारात दाखल केला आहे. ‘नेक्सस 7’ हे कोणतीही गुंतागुंत नसलेला सॉफ्ट टच टॅब्लेट असून सडपातळ असल्याने एका हाताने वापरण्यासाठी ते योग्य आहे. 

 

हा टॅब्लेट पूर्वीपेक्षा वजनाने हलका असून टिकाऊ आहे. गुगल नेक्सस 7 चे वजन अवघे 290 ग्रॅम असल्याने तो बॅगेत, पाठीवरच्या बॅगेत किंवा खिशात सहज राहू शकतो त्यात सुमारे नऊ तासांचा एचडी व्हिडिओ प्लेबॅक आणि 10 तासांचा वेब ब्राउझिंग किंवा ई रीडिंगची सोय त्यात आहे. त्यामुळे तुम्हाला दिवसभर अनेक गोष्टींचा आनंद घेता येईल. त्यातील अंतर्गत वायरलेस चाìजगमुळे तुम्ही चार्ज करून घेऊन कुठेही जाऊ शकता. 

किंमत 

> नेक्सस 7सी असूस- 1ए29ए (एलटीई/ 32 जीबी) : 27,999 रु 

> नेक्सस 7 असूस- 1ए045ए (वायफाय/ 16 जीबी) : 20,999 रु, 

The post गॅझेट मार्केटमध्ये ‘नेक्सस 7’ टॅब ग्राहकांचे लक्ष वेधणार appeared first on MarathiTech - मराठीटेक.

गुगलचा महत्‍वकांक्षी टॅब्‍लेट अखेर लॉंच झाला. या स्‍मार्टफोनने आधीपासूनच बाजारात धूम केली होती. आता हा नवा टॅब्‍लेट आल्‍याने टक्‍कर आणखी वाढणार आहे. गुगल नेक्‍सस 7 (फर्स्‍ट जनरेशन टॅब्‍लेट) गेल्‍यावर्षीच कंपनीने रिलीज केला होता. त्‍याशिवाय काल (बुधवार) कंपनीने सॅन फ्रॅन्सिस्‍कोमध्‍ये या नव्‍या नेक्‍ससवरील पडदा उठवला आहे.

ग्राहक या नव्‍या आणि जबरदस्‍त टॅब्‍लेटसाठी थोडे अधिक पैसे देण्‍यासाठी तयार होतील असा गुगलचा दावा आहे. नवीन नेक्‍सस 7 या श्रेणीतील एक शानदार टॅब्‍लेट आहे. विशेष म्‍हणजे याची किंमतही मिड रेंज टॅब्‍लेट इतकीच आहे. या टॅब्‍लेटच्‍या येण्‍याने अ‍ॅपल आणि अ‍ॅमेझॉनसारख्‍या कंपन्‍यांना मोठे नुकसान होण्‍याची शक्‍यता आहे. तंत्रज्ञानाच्‍या या युगातील ही उंदरा-मांजराची स्‍पर्धा खूपच रोमांचक होऊ शकते. त्‍याशिवाय बाजारात लॉंच होणारे नवीन टॅब्‍लेट ग्राहकांना आकर्षित करीत आहेत. आता गुगलच्‍या या नव्‍या नेक्‍सस 7कडून मोठया अपेक्षा केल्‍या जात आहेत

सुमारे एक वर्षापूर्वी गुगलने आपला पहिला फर्स्‍ट जनरेशन नेक्‍सस 7 टॅब्‍लेट लॉंच केला होता. हा टॅब्‍लेट लॉंच झाल्‍यानंतर स्‍मार्टफोनच्‍या दुनियेत ब्रँडेड आणि लेटेस्‍ट तंत्रज्ञानाच्‍या टॅब्‍लेटने धूम केली होती. नेक्‍ससला टक्‍कर देण्‍यासाठी अनेक कंपन्‍यांनी आपले टॅब्‍लेट बाजारात आणले होते. आता गुगलचा हा नवा धमाकाही अशीच कमाल करण्‍याची शक्‍यता आहे. हा टॅब्‍लेट 7 इंच स्‍क्रीनबरोबर येईल. त्‍याचबरोबर, हा फक्‍त 2 मिमी पातळ आहे. याचा लुक तुम्‍हाला आकर्षित केल्‍याशिवाय राहणार नाही. त्‍याचबरोबर या नवीन नेक्‍ससचे वजन मागील मॉडेलपेक्षा 50 ग्रॅम कमी आहे. या नवीन नेक्‍ससची किंमत 13740 इतकी असेल.

याच्‍या वेगाबद्दल बोलायचे म्‍हटले तर नेक्‍सस 7मध्‍ये 2जीबी रॅम आहे. याच्‍या मेमरीचा टॅब्‍लेटच्‍या स्‍पीडवर खूप परिणाम करेल. त्‍याचबरोबर या टॅब्‍लेटमध्‍ये 1.5 GHz चा क्‍वॉलकॉम स्‍नॅपड्रॅगन प्रोसेसर आहे. हा नवा नेक्‍सस 7 अँड्राएड 4.3 ओएसवर काम करेल. गुगलने या नव्‍या अँड्राएडलाही याच इव्‍हेंटमध्‍ये लॉंच केले. याचाच अर्थ अँडव्‍हान्‍स अँड्राएड ओएस असलेला नेक्‍ससचा एकमेव टॅब्‍लेट असेल.

गुगलच्‍या या नेक्‍सस 7मध्‍ये अ‍ॅड्रिनो 320 ग्राफिक कार्डही आहे. हा टॅब्‍लेट गेमच्‍या शौकिनांना उत्‍कृष्‍ट पर्वणी असेल. वेगळे ग्राफिक कार्ड असल्‍यामुळे 7 इंची स्‍क्रीनवर जबरदस्‍त ग्राफिक्‍स पाहता येईल.पॉवरच्‍या बाबतीत नेक्‍सस 7मध्‍ये 4325 mAh बॅटरी आहे. इतक्‍या पॉवरनंतर जर टॅब्‍लेटला सतत चार्ज करण्‍याची गरज भासणार नाही. याचा टॉकटाईम 10 तासांपर्यंत वाढवता येऊ शकतो.या टॅब्‍लेटमध्‍ये 16 जीबीची इंटर्नल मेमरी आहे. त्‍याशिवाय या टॅब्‍लेटचे आणखी एक व्‍हर्जन काढण्‍याचा कंपनी विचार करीत आहे. ज्‍यामध्‍ये असेल तब्‍बल 32 जीबीची इंटर्नल मेमरी.

New Nexus 7 (2013) Available at eBay.in Imported from US <<<<<

गुगलने याच इव्‍हेंटमध्‍ये एक टीव्‍ही डोंगलही लॉंच केले आहे. हा कोणत्‍याही टीव्‍हीला कनेक्‍ट करून त्‍यातून युजरला व्हिडिओ स्‍ट्रीम करता येईल. या नव्‍या डिव्‍हाईसच्‍या मदतीने अँड्राएड युजर्स मोठया स्‍क्रीनवर कोणताही व्हिडिओ पाहू शकतात.

The post गुगल हंगामा: जबरदस्‍त फीचर्सचा राजेशाही नेक्‍सस मिळणार कमी किंमतीत appeared first on MarathiTech - मराठीटेक.

यंदाच्या दिवाळीला तुम्ही नवा टॅब खरेदी करण्‍याच्या विचारात असाल तर तुमच्यासाठी खूशखबर आहे. गुगलचा नेक्सस- 7 टॅब्लेट आज भारतीय बाजारात दाखल झाला आहे. नेक्सस- 7 सध्या आयपॅडला टक्कर देत आहे. यूरोपमध्ये नेक्सस-7ला आयपॅडच्या तुलनेत मोठी मागणी आहे.

निर्माता कंपनी ‘असूस’नुसार यूरोपमध्ये प्रत्येक महिन्याला 10 लाख नेक्सस-7 टॅब विक्री होत आहेत. भारतीय बाजारात ‘नेक्सस- 7’ ची किंमत जवळपास 20 हजार रूपये इतकी असेल. हा टॅब टाटाच्या क्रोमा इलेक्ट्रॉनिक स्टोअर्ससोबत अन्य रिटेल स्टोअर्समध्ये विक्रीसाठी उपलब्ध असेल. अँड्रॉइडच्या अत्याधुनिक व्हर्जनसोबत नेक्सस-7 मध्ये अनेक शानदार फिचर्स आहेत.

गुगलचा नेक्सस-7 टॅबची ‍स्क्रीन 7 इंचाची असून 1280*800 इतके रिझोल्यूशन आहे.नेक्सस-7 टॅबमध्ये अँड्रॉईड जॅलीबीन ऑपरेटिंग सिस्टिम, 1.2 Ghz चे एन-व्हिडिया टिएग्रा तीन प्रोसेसर, 1 GB ची रॅम 
8GB ची इंटरनल मेमोरी असून 16 GB पर्यंत ती वाढविता येईल. 32 GB मेमोरी असलेला टॅबही लवकरच लॉन्च होणार आहे.कॅमेरा- 1.2 मेगापिक्सलर् NFC, वाय-फाय आणि ब्लूटूथ कनेक्टिव्हिटी. 4325 एमएएचची बॅटरी. 340 ग्रॅम वजन

The post गुगलचा शानदार नेक्सस-7 टॅब भारतात दाखल appeared first on MarathiTech - मराठीटेक.

गूगलचा नेक्सस- 7 टॅब्लेट नोव्हेंबर महिन्यात भारतीय बाजारात दाखल होणार आहे, अशी माहिती टॅब्लेट निर्माता कंपनी असूसने दिली आहे. नेक्सस-7 ची किंमत अद्याप कळलेली नाही. गूगल नेक्सस येत्या 7 ऑक्टोबरला भारतात येणार होता. परंतु काही कारणास्तव त्याला येण्यास विलंब होत असल्याचे कंपनीच्या सूत्रांनी सांगितले. फ्रान्स, जर्मनी, स्पेनमध्ये नेक्सस-7 ची प्री- ऑर्डर सुरू झाली आहे.

नेक्सस – 7 हे वास्तविक गूगल प्रोडक्ट आहे. असूस या कंपनीशी गूगलने करार केला आहे. नेक्सस-7मध्ये NVIDIA Tegra 3 प्रोसेसर बस‍विण्यात आले आहे. गूगल नेक्सस- 7 मध्ये 8 तसेच 16GB इंटरनल स्टोरेज ऑप्शन मिळणार आहे. 1 GB रॅम असेल. 1.2 MP च्या कॅमेरा सोबत वाय-फाय कनेक्टिविटी असेल. 7 इंचाचा स्क्रीन असून 1280-800 चे रिझॉल्यूशन असेल. गूगल नेक्सस- 7 हा 4.1 एंड्रॉयड जेलीबीन ऑपरेटिंग सिस्टमवर काम करते.
गूगल नेक्सस- 7 सोबत आपल्याला गूगलच्या अनेक अ‍ॅप्स मिळणार आहे. या टॅब्लेटमध्ये Game आहेत.गूगल नेक्सस- 7 मध्ये 3 G कनेक्टिवटी नसणार आहे. परंतु असूसने 3G नेक्सस- 7 चे प्रयत्न सुरू  केले आहेत. लवकरच तोही सादर होईल.    

The post नोव्हेंबरमध्ये भारतात पोहचेल गूगल टॅब ( स्वस्त + फीचर्सनी युक्त ) appeared first on MarathiTech - मराठीटेक.