कालपासून काही न्यूज मीडियामार्फत प्रसारित झालेल्या लेखांमुळे आज देशभरात याबद्दल बराच संभ्रम निर्माण झालेला असून आता NPCI ने यावर स्पष्टीकरण देत सांगितलं आहे की UPI पूर्णपणे मोफत असून याद्वारे पैसे देत असताना ग्राहकांना कोणत्याही प्रकारचा चार्ज द्यावा लागणार नाही.

सोप्या आणि मोजक्या शब्दात सांगायचं तर पैसे देणाऱ्यास कोणताही चार्ज लागणार नाही.

९९.९% UPI व्यवहार बँक ते बँक प्रकारचे असून यामध्ये कोणताही चार्ज नसेल.

मग १ एप्रिलपासून UPI वरचा 1.1% चार्ज नेमका कुणाला?

सध्या आपण UPI मार्फत पैसे देत असताना त्या UPI ला आपलं बँक अकाऊंट जोडलेलं असतं. आपण ज्यावेळी पैसे पाठवतो त्यावेळी आपलं फोनपे, गूगल पे सारखं ॲप UPI कडे तशी विनंती पाठवतं. मग त्यानुसार UPI तुमच्या बँक अकाऊंटमधील पैसे समोरच्या व्यक्ती/विक्रेत्याच्या बँक अकाऊंटवर पाठवतं. अशा व्यवहारावर कसलंही शुल्क (चार्ज) यापुढेही घेतला जाणार नाही. असे बँक ते बँक व्यवहार पूर्ण मोफतच असतील.

मात्र काही दिवसांपूर्वीच Prepaid Payment Instruments (PPI) म्हणजेच उदा. Paytm Wallet. यांच्याद्वारेसुद्धा UPI मार्फत पैसे पाठवता येतील अशी सोय सुरू झाली आहे. यासाठी बँक अकाऊंटची गरज उरत नाही. तुम्ही तुमच्या ऑनलाइन वॉलेटमधूनच UPI पेमेंट करू शकता.

तर हा नवा चार्ज अशा PPI मार्फत पैसे स्वीकारणाऱ्या merchants म्हणजे विक्रेत्याना आकारला जाणार आहे. … याचाच अर्थ इथेही ग्राहकांना कोणताही चार्ज नाही.
पैसे स्वीकारणाऱ्याला मात्र अशा वॉलेटमधून UPI मार्फत पैसे घेतल्यास 1.1% चार्ज द्यावा लागणार आहे. तेसुद्धा २००० च्या वरील रक्कम वॉलेट UPI ने घेतली तरच…

Paytm UPI आणि Paytm Wallet या दोन वेगळ्या गोष्टी आहेत. Wallet मध्ये आपल्याला बँकमधून पैसे भरावे लागतात मगच ते वापरता येतं. खरंतर UPI मुळे अशा वॉलेटची गरज उरलीच नव्हती.

काही न्यूज माध्यमांनी योग्य प्रकारे खातरजमा न करता सरसकट सर्वच UPI व्यवहारांवर चार्ज लागणार अशी खोटी माहिती प्रसारित केली होती. त्यामुळे सकाळपासून हा गोंधळ उडाला आहे.

search terms : upi charges phonepe google pay gpay paytm upi wallet

The post आता UPI पेमेंट केल्यावर अतिरिक्त चार्जेस द्यावे लागणार का? appeared first on MarathiTech - मराठीटेक.

UPI म्हणजेच Unified Payment Interface ने भारतातील व्यवहार करण्याच्या पद्धतीमध्ये क्रांतीच आणली आहे. आजवर आपण UPI ॲप्सच्या सहाय्याने व्यवहार करत आहोत. मात्र आता इंटरनेट नसलेल्या किंवा स्मार्ट नसलेल्या फीचर फोन्समध्येही आपण UPI मार्फत व्यवहार करू शकणार आहोत. रिझर्व बँक ऑफ इंडियाने आज झालेल्या कार्यक्रमात याबद्दल माहिती दिली आहे. अजूनही ४० कोटी लोक फीचर फोन्सचाच वापर करत आहेत त्यांना डिजिटल इंडियासोबत जोडण्यासाठी हा एक महत्वाचा पर्याय ठरेल असं RBI ने सांगितलं आहे.

ही सेवा वापरण्यासाठी 08045163666 या IVR क्रमांकावर कॉल करून तुम्हाला नोंदणी करावी लागेल.

हा क्रमांक NPCI च्या अधिकृत ट्विटमध्ये देण्यात आला असून यावर रजिस्टर केल्यास Ultracash व IDFC मार्फत सेवा दिली जात आहे असं दिसून आलं आहे. याबद्दल अधिक माहिती सध्या तरी उपलब्ध नाही. मात्र या दोन्ही संस्था खासगी आहेत. शिवाय ही नवी सेवा फक्त इंग्लिश व हिन्दी भाषांमध्येच उपलब्ध करून देण्यात आली आहे जी अर्थातच मोजकी राज्ये सोडली तर ग्रामीण भागात समजण्यासाठी अवघड किंवा अशक्यच असेल. इतर भाषा लवकरच आणल्या जातील असं सांगण्यात आलं आहे.

तुमचा फोन स्मार्ट असेल तरीही तुम्ही ही सेवा वापरू शकता कधी कधी आपण इंटरनेटला स्पीड नसलेल्या ठिकाणी गेलो तर ही सेवा नक्की उपयोगी पडू शकेल. UPI ची २०१६ मध्ये उपलब्ध झालेली सेवा आता बऱ्यापैकी सर्वत्र उपलब्ध झाली असून मॉल्स, हॉटेल्स, मोठी दुकाने यापासून टपऱ्या, फिरते विक्रेते यांच्याकडेही UPI चा QR कोड दिसतोच.

यामध्ये IVR क्रमांकासोबत इतरही पर्याय येत असून आवाजावर आधारित टॅप अँड पे, मिसकॉल द्वारे पेमेंट, फीचर फोनवरील ॲप असे पर्याय लवकरच उपलब्ध होतील.

Digisaathi 24*7 हेल्पलाइन सादर

डिजीसाथी द्वारे तुम्हाला UPI संबंधी जे काही प्रश्न तक्रारी असतील त्यांचं निराकरण करून मिळेल. RTGS, NEFT, IMPS, UPI, NACH, PPI Wallets, credit, debit, prepaid cards अशा सर्व NPCI सेवांबद्दल माहिती या डिजीसाथीद्वारे देण्यात येईल.

ही सेवा वापरण्यासाठी 14431 किंवा 18008913333 या क्रमांकावर फोन करू शकता किंवा www.digitalsaathi.info या वेबसाइटवर पाहू शकता.

search terms : how to use upi123pay how send money with upi without internet

The post UPI आता फीचर फोन्सवरही उपलब्ध : इंटरनेटशिवाय पैसे पाठवा : UPI123Pay appeared first on MarathiTech - मराठीटेक.

आज दुपारी ४.३० वाजता पंतप्रधान नरेंद्र मोदींच्या हस्ते ऑनलाइन व्हिडिओ कॉन्फरन्समार्फत या सेवेची सुरुवात करण्यात आली. नॅशनल पेमेंट्स कॉर्पोरेशन (NPCI) यांनी DFS, NHA, MoHFW अशा सरकारी विभागांसोबत भागीदारी करून काही पार्टनर बँकासह ही सेवा विकसित केली आहे. e-RUPI हे एक QR कोड किंवा SMS मेसेज स्ट्रिंग आधारित इ व्हाऊचर असून हे मोबाइलमध्ये पाठवण्यात येईल.

e-RUPI (ई रूपी) म्हणजे काय ?

e-RUPI हे एकदा वापरता येईल असे डिजिटल व्हाऊचर आहे जे आपण कोणत्याही कार्डशिवाय, कोणत्याही पेमेंट ॲपशिवाय किंवा इंटरनेट बँकिंग शिवाय वापरू शकता. काही संस्था किंवा सरकारतर्फे निधी लाभार्थ्यांना द्यायचा असतो तेव्हा e-RUPI चा वापर करून SMS किंवा QR कोड द्वारे पाठवण्यात येतील.

ओळख पटवण्यासाठी तुमच्या मोबाइल क्रमांकाचा वापर केलेला असेल. (फोन स्मार्ट नसला तरी चालेल). ओळख पटल्यावर संबंधित बँकेला सरकार किंवा त्या त्या संस्थेकडून व्हाऊचर्स दिली जातील. ते व्हाऊचर QR कोड किंवा एसएमएस दाखवून फक्त आणि फक्त तुम्हालाच मिळू शकेल. या अंतर्गत दिलेलं एक व्हाऊचर एकदाच वापरता येईल.

यामुळे अनुदान वाटपावेळी निधी वरून खाली येईपर्यंत होणारी गळती काही प्रमाणात का होईना थांबण्यास मदत होईल. आयुष्यमान भारत, पंतप्रधान जन आरोग्य योजना, औषधे आरोग्य उपचार आणि अन्नधान्य अनुदान योजनासारख्या अनेक सरकारी व खासगी संस्थासुद्धा थेट लाभार्थ्यांना पैसे देण्यासाठी याचा वापर करणार आहेत.

सोप्या शब्दात सांगायचं तर हे काही वर्षांपूर्वी फोनसाठी ज्याप्रकारे कुपन द्वारे रीचार्ज केले जायचे तशा प्रकारचं व्हाऊचर म्हणता येईल. ठराविक रक्कम सरकार किंवा संस्थेतर्फे त्या व्हाऊचरवर जोडलेली असेल ती आपण आपला फोन घेऊन जिथे वापरायची आहे तिथे जाऊन तुमच्या फोनमध्ये आलेल्या QR/SMS कोड स्कॅन करायचा की झालं पेमेंट!

व्यवसायांना होणारा फायदा

• व्यवसाय त्यांच्या कर्मचाऱ्यांच्या सोयीसाठी हा पर्याय निवडू शकतात.
• थेट व्यवहार असेल आणि प्रत्यक्ष फिजिकल देणं होणार नाही त्यामुळे पैसे वाचतील.
• Voucher redemption can be tracked by the issuer व्हाऊचर वितरणाची नोंद ठेवता येईल.
• वेगवान, सुरक्षित आणि कॉनटॅक्टलेस व्हाऊचर वितरण

हॉस्पिटलना होणारा फायदा

• सोपा आणि सुरक्षित व्हाऊचर व्हेरीफीकेशन कोडमार्फत देण्यात येईल.
• कटकटीशिवाय पेमेंट घेता येईल : कॅश/कार्डची गरज नाही
• व्हाऊचर Redeem करणं सोपं : रक्कम आधीच ठरवलेली असल्यामुळे अडचणी कमी

ग्राहकांना होणारा फायदा

• संपर्कविरहित (Contactless) प्रिंट घेऊन जावं लागणार नाही.
• २ स्टेपमध्येच Redeem करता येईल.
• सुरक्षित : लाभार्थ्यांना वैयक्तिक माहिती द्यावी लागणार नाही त्यामुळे गोपनीयता जपली जाईल.
• बँक अकाऊंट किंवा पेमेंट ॲप किंवा कार्ड अशा कशाचीही गरज नाही.

e RUPI मध्ये सहभागी बँका : Axis Bank, Bank of Baroda, Canara Bank, HDFC Bank, ICICI Bank, Indusind Bank, Indian Bank, Kotak Bank, Punjab National Bank, State Bank of India, Union Bank of India

e-RUPI मध्ये सहभागी हॉस्पिटल्स : पुढील लिंकवर पीडीएफमध्ये पाहू शकता : https://www.npci.org.in/PDF/npci/e-rupi/live-hospitals.pdf

Search Terms : What is e rupi how to get e rupi how to redeem e rupi e rupi benefits in marathi

The post e-RUPI सादर : कॅशलेस पेमेंटसाठी नवा एसएमएस व्हाऊचर पर्याय! appeared first on MarathiTech - मराठीटेक.