गेले अनेक दिवस चर्चेत असलेली ओला (Ola) कंपनीची इलेक्ट्रिक स्कूटर काल सादर झाली असून यामध्ये S1 आणि S1 Pro असे दोन पर्याय उपलब्ध आहेत. या गाड्यांचं सध्या प्रि बुकिंग सुरू असून ८ सप्टेंबरपर्यंत विक्री आणि मग ऑक्टोबर महिन्यात याची डिलिव्हरी सुरू होईल असं सांगण्यात आलं आहे. या गाड्यांच्या निर्मितीसाठी ओलाने भारतातली सर्वात मोठी फॅक्टरी उभी केली आहे.

या स्कूटरमध्ये चक्क गाणीसुद्धा लावता येतात. मूडनुसार आवाजाचे सेटिंग्ससुद्धा बदलता येतात. आपण या गाडीच्या जवळ गेल्यावर गाडी आपोआप अनलॉक होईल. फोन्सना उत्तर देऊ शकता. मेसेज पाठवू शकता. कुणी गाडी चोरण्याचा प्रयत्न केला तर त्याचाही अलर्ट देण्याची सोय यामध्ये आहे. इथे आपल्या मित्र किंवा कुटुंबमधील सदस्यांची प्रोफाइल सेट करून त्यांनाही याची डिजिटल चावी शेयर करता येईल. फोनद्वारे लाइट्स नियंत्रित करता येतील. या गाडीमध्ये उलट म्हणजे रिव्हर्स जाण्याचीही सोय आहे.

या स्कूटरची किंमत महाराष्ट्रात S1 साठी ९४,९९९ आणि S1 Pro साठी १,२४,९९९ अशी जाहीर करण्यात आली आहे. मात्र ही किंमत इलेक्ट्रिक गाड्यांविषयी जुन्या धोरणानुसार असल्याचं सांगण्यात येत आहे. महाराष्ट्राच्या बदललेल्या धोरणानुसार ही स्कूटर भारतात सर्वात स्वस्त महाराष्ट्रात मिळेल आणि तिची किंमत S1 साठी ७४,९९९ आणि S1 Pro साठी १,०४,९९९ इतकी असू शकेल.
इतर ठिकाणी याची किंमत ९९९९९ आणि १२९९९९ अशी असेल जी FAME II सबसिडी देऊन ठरवण्यात आली आहे. ओला सध्या १०० शहरांमध्ये चार्जिंग स्टेशन्स बसवणार आहे. नंतर ही संख्या ४०० शहरांपर्यंत वाढवण्यात येणार आहे.

Ola च्या दोन्ही स्कूटर्समध्ये असलेल्या सोयी : ७ इंची टचस्क्रिन, गाणी ऐकण्यासाठी स्पीकर्स, side-stand cut-off function, cruise control, hill hold assist, geo-fencing, anti-theft alert, ब्ल्युटुथ, GPS वायफाय, reverse mode, स्पीकर्स आणि नॅविगेशन, व्हॉईस असिस्टंट, MoveOS नावाची ऑपरेटिंग सिस्टम (क्रुज कंट्रोल, व्हॉईस फीचर्स S1 मध्ये नाहीत)

Ola S1 Pro स्कूटर्समध्ये असलेली सुविधा :

• ० ते ४० किमी/तास वेग पकडण्यास फक्त ३ सेकंद, ० ते ६० किमी/तास वेगासाठी ५ सेकंद
• एका फुल चार्जवर १८१ किमी अंतर
• 115 किमी/तास वेग
• 3.97kWH बॅटरी
• घरी चार्ज केल्यास पूर्ण चार्ज होण्यास सहा तास ३० मिनिटे वेळ लागणार
• ओलाच्या हायपरचार्जर स्टेशनवर चार्ज केल्यास १५ मिनिटांच्या चार्जवर ७५ किमी अंतर चालवता येईल
• दहा रंग

Ola S1 स्कूटर्समध्ये असलेली सुविधा :

• ० ते ४० किमी/तास वेग पकडण्यास फक्त ३.६ सेकंद, ० ते ६० किमी/तास वेगासाठी ७ सेकंद
• एका फुल चार्जवर १२१ किमी अंतर
• 90 किमी/तास वेग
• 2.98kWH बॅटरी
• घरी चार्ज केल्यास पूर्ण चार्ज होण्यास चार तास ४८ मिनिटे वेळ लागणार
• ओलाच्या हायपरचार्जर स्टेशनवर चार्ज केल्यास १५ मिनिटांच्या चार्जवर ७५ किमी अंतर चालवता येईल
• पाच रंग

या गाडीची नोंदणी सध्या book.olaelectric.com वर ४९९ रु देऊन करता येईल.

यापूर्वी Ather कंपनीने त्यांच्या इलेक्ट्रिक स्कूटर्स जाहीर केल्या आहेत. तर काल ओलाने आणि त्यांच्या नंतर लगेचच Simple Energy कंपनीनेसुद्धा त्यांची २३६ किमी रेंज असलेली स्कूटर जाहीर केली आहे! यापुढे आता बऱ्याच कंपन्या यामध्ये उतरत जातील. विशेष म्हणजे भारतात इलेक्ट्रिक स्कूटर्स, कार्सच्या निर्मितीमध्ये स्टार्टअप्सनेच पुढाकार घेतला आहे!

The post ओला कंपनीच्या इलेक्ट्रिक स्कूटर्स सादर : भन्नाट सोयींसह किंमतही जाहीर! appeared first on MarathiTech - मराठीटेक.

ओला या कॅब सेवेसाठी प्रसिद्ध असणाऱ्या कंपनीने गेल्या वर्षी ओला इलेक्ट्रिक सुरू करून त्याअंतर्गत ई स्कूटर सादर करत असल्याचं जाहीर केलं आहे. यासाठी त्यांनी अॅमस्टरडॅम येथील Etergo नावाच्या स्टार्टअपचं अधिग्रहण केलं आहे. ही कंपनी AppScooter नावाची ईलेक्ट्रिक स्कूटर बनवते. ओलाने आज जाहीर केलेल्या स्कूटरच्या फोटोनुसार ही स्कूटर मॅट ब्लॅक रंगात उपलब्ध होईल. स्कूटर आणि कंपनीच्या तामिळनाडूमधील मेगाफॅक्टरीची माहिती ओलाचे प्रमुख भावीश अगरवाल यांनी जाहीर केली.

त्यांच्या तामिळनाडूमध्ये बांधकाम सुरू असलेल्या इलेक्ट्रिक वाहने तयार करण्यासाठी सुरू करण्यात आलेल्या फॅक्टरीची आणखी माहिती आज सांगण्यात आली आहे. ही फॅक्टरी जगातील सर्वात मोठी दुचाकी/टू व्हीलर गाड्या बनवणारी फॅक्टरी असेल. येथे तब्बल ३००० AI आधारित रोबॉट्स काम करत आहे. जून २०२१ पर्यंत येथे वर्षाला जवळपास २० लाख गाड्या तयार करता येतील अशी क्षमता पाहायला मिळेल. २०२२ पर्यंत ही संख्या वाढून तब्बल १ कोटी वर पोहचेल अशा विश्वास ओला तर्फे व्यक्त करण्यात आला आहे! सध्या दुचाकी वाहनांची निर्मिती हेच ध्येय असलं तरी पुढे चारचाकी वाहनांचीही निर्मिती येथे होऊ शकते!

ओलाची तामिळनाडूमधील फॅक्टरी तब्बल ५०० एकर जागेवर पसरली असून यामधील १०० एकर जागेवर जंगल/झाडे लावून कंपनीचं कार्बन नेगेटिव ऑपरेशन्स सुरू करण्याचं ध्येय आहे. एव्हढया मोठ्या प्रमाणात निर्मिती क्षमता ठेवत असल्यामुळे साहजिकच ओलाने मोठ्या तयारीने या क्षेत्रात उतरण्याचा निर्णय घेतला आहे हे स्पष्टच आहे. त्याची स्पर्धा Ather, Bajaj, TVS आणि लवकरच Hero अशा कंपन्यांसोबत असेल.

अलीकडे ईलेक्ट्रिक वाहनांची मागणी वाढत चाललेली मागणी पाहून चारचाकी निर्माण करणाऱ्या कंपन्यासुद्धा मोठ्या प्रमाणात ईलेक्ट्रिक कार्स आणत आहेत. आता दुचाकीसाठीही स्पर्धा सुरू झाली आहे. पर्यावरणाचा विचार करता ही गोष्ट नक्कीच चांगली ठरणार आहे. आता फक्त गरज आहे ती यासाठी चार्जिंग स्टेशन्स उपलब्ध करून देण्याची…

The post ओला कंपनी दुचाकी निर्मिती करणार : जगातली सर्वात मोठी फॅक्टरी! appeared first on MarathiTech - मराठीटेक.

आज आहे एप्रिल फुल्स डे… आजच्या दिवशी बरेच जण एकमेकांना मूर्ख बनवण्यासाठी भन्नाट कल्पना शोधत असतात. तंत्रज्ञान क्षेत्रात असणार्‍या मोठ्या कंपन्याही याला अपवाद नाहीत. दरवर्षी प्रमाणे यावेळीही वेगवेगळ्या कल्पना लढवून विचित्र उत्पादन आणत असल्याच जाहीर केलं जातं. तर आजच्या लेखामध्ये पाहूया कोणत्या कंपनीने २०१९ एप्रिल फुल्स डे साठी कोणतं उत्पादन आणलं आहे…!

खाली उल्लेख केलेली सर्व उत्पादने काल्पनिक असून एप्रिल फुल्स डे च्या निमित्ताने सादर करण्यात आली आहेत आहेत याची वाचकांनी नोंद घ्यावी…

गूगल : गूगल स्क्रीन क्लिनर इन फाइल्स अॅप : हे अॅप आता फोनमधील गरज नसलेल्या फाइल्स सोबत फोनच्या स्क्रीनवरील धूळ, डाग स्वच्छ करेल! http://g.co/getfiles

Google Maps Snake : गूगल मॅप्समध्ये स्नेक गेम खेळण्याची सोय! : जगभरातील विविध ठिकाणं गूगल मॅप्सवर जोडत हा स्नेक गेम खेळता येईल! आज गूगल मॅप्स अॅपच्या सर्चबारच्या डाव्या बाजूला लाल ठिपका दिसेल. त्यावर टॅप करून Play Snake वर करा.https://goo.gl/VTaeWG

Google Tulip : गूगल ट्यूलिप : AI चा वापर करून गूगल असिस्टंट Tulipish भाषा बोलेल! https://youtu.be/nsPQvZm_rgM

Roku Press Paws Remote : रोकू कंपनीने त्यांच्या स्ट्रिमिंग स्टिकच्या रिमोटसाठी नवा पर्याय दिला असून प्राण्यांसाठीही हा वापरण सोपं असेल कारण यामध्ये त्यांच्या पंज्याच्या आकाराची बटणे जोडलेली असतील! सोबत बार्क असिस्टंट असेल!

OnePlus Warp Car : वनप्लसची कार : या कारमध्ये वनप्लसच्या वार्प चार्ज तंत्रज्ञानाचा वापर केलेला असेल ज्यामुळे २० मिनिटांच्या चार्जवर चार पूर्ण दिवस चालेल! 0-60 mph ३ सेकंदात गाठण्याची क्षमता! https://youtu.be/QG6Bs1nXpiE

Shuttestock Physical Library : शटरस्टॉक या प्रसिद्ध स्टॉक इमेजेस पुरवणार्‍या वेबसाइटने आता ऑफलाइन ग्रंथालय दुकान सुरू करण्याचं ठरवलं असून सर्व इमेजेस ऑफलाइन पाहता खरेदी करता येतील! https://youtu.be/M7bUF0qyMVE

OLA Restrooms : ओला रेस्टरूम्स : भारतीय कॅब कंपनी ओलानेही नवं उत्पादन आणलं असून कॅबप्रमाणे आपल्याला प्रसाधनगृहसुद्धा अॅपद्वारे बोलवता येईल!

Search Terms : April Fool’s Day being celebrated by Tech Companies

The post टेक कंपन्यांचं एप्रिल फूल : गूगलचा स्क्रीन क्लीनर, वनप्लसची कार…! appeared first on MarathiTech - मराठीटेक.

अलीकडे कमी क्षमतेच्या व 2G किंवा 3G वर असलेल्या फोन्सना अॅप/सेवा उपलब्ध करून देणं वाढीस लागलेल दिसतं. यामुळे कंपन्यांना अधिकाधिक ग्राहकांपर्यंत पोहोचता येतं. गूगलने काही दिवसांपूर्वी अशाच प्रकारे अॅप्स सादर केली आहेत. आता ओला या प्रसिद्ध कॅब/टॅक्सी सेवेनं त्यांचं कमी जागा घेणारं Ola Lite अॅप सादर केलं आहे. यामुळे आता कमी जागेत हे अॅप इंस्टॉल करून हळू चालणार्‍या नेटवरसुद्धा कॅब बुक करता येणार आहे!

Ola Lite on Google Play

ओला लाइट सुविधा :
– ओला लाईट 1 MB पेक्षा कमी जागा घेतं
– टॅक्सी बुक करा सोप्या आणि वेगवान मार्गाने!
– कॅब बुक करण्याला आता कमी डेटा लागेल
– कॅब, ऑटो, सेडान बुक करण्यासाठी वापरता येईल
– 2G, 3G नेटवर्कवरसुद्धा चालेल!
– ओला अॅपवरील सर्व सुविधा ओला लाईटवर उपलब्ध!

– Ola Lite uses less than 1MB on your phone
– Book taxi online in a easy and fast way!

The post ओला लाइट अॅप सादर : कमी क्षमतेच्या फोन्ससाठी अॅप! appeared first on MarathiTech - मराठीटेक.

ओला या कंपनीने (ANI Technologies Operated) फुडपांडा इंडिया या स्टार्टअपचं अधिग्रहण केलं आहे. फुडपांडा कंपनी अॅपद्वारे फुड डिलिव्हरी सेवा पुरवते. सध्या ही फुडपांडा जर्मन कंपनी Delivery Hero AG यांच्याकडे आहे. 200 मिलियन डॉलर्स मध्ये आता ओला फुडपांडा इंडियाचा भारतातील कारभार ताब्यात घेईल!
या करारानुसार कंपनीचे शेअर्स ओलाकडे दिले जातील.

या करारामुळे ओलाचा फूड डिलिव्हरी क्षेत्रात प्रवेश झाला असून त्यांची आता स्वीगी, झोमॅटो, उबरईट्स यांच्याशी स्पर्धा असेल. ओलाने यापूर्वी ओला कॅफेद्वारे या क्षेत्रात अयशस्वी प्रयत्न केले होते.     
आमच्या फुडपांडामधील 200 मिलियन डॉलर्स गुंतवणुकीमुळे वाढीवर लक्ष देऊन ग्राहक आणि भागीदारांना लाभ होईल. अशी घोषणा ओला कार्यक्रारी प्रमुख आणि संस्थापक भावीश अगरवाल यांनी केली.   
यानिमित्ताने सौरभ कोचर सध्याचे सीईओ पायउतार होत असून तात्पुरते सीईओ म्हणून प्रणय जीवराजका यांची नियुक्ती करण्यात आली आहे. काही महिन्यापूर्वीच ओलाने सॉफ्टबँक आणि टेन्सेन्ट यांच्याकडून 1.1 बिलियन डॉलर्स उभारले होते.

याविषयी अधिकृत माहितीसाठी लिंक : Ola and FoodPanda Deal

The post ओलाने केलं फुडपांडा इंडियाचं अधिग्रहण : भारतातील कारभार आता ओलाकडे! appeared first on MarathiTech - मराठीटेक.