मायक्रोसॉफ्टने Copilot चा नवीन Fall Release जाहीर केला आहे, ज्यात AI सहाय्यकाला जास्त मानवी, जास्त कामात येणारा व आपल्याशी नीट संवाद साधणारा बनवण्याचा प्रयत्न केला गेला आहे.
याचसोबत Windows 11 वर AI अनुभवांकडे लक्ष देऊन प्रत्येक Windows 11 PC ला एक AI PC बनवणे या दृष्टिकोनातून नवीन Agentic फीचर्स जाहीर झाले आहेत. याचाच भाग म्हणून पूर्ण ओएसमधील गोष्टी करण्यासाठी आपण आता Copilot ची मदत घेऊ शकतो!

आता विंडोज आणि Copilot द्वारे एक नवा Mico नावाचा Companion मिळणार असून हा एक blob आकाराचा असिस्टंट जो आपण ज्याप्रकारे बोलत आहोत त्याचा अभ्यास करून उत्तरे देतानासुद्धा वेगवेगळे हावभाव आणि आवाजात चढउतार करून उत्तरे देईल ! विशेष म्हणजे यामध्ये गंमत म्हणून त्यांनी जुन्या विंडोजमध्ये एकेकाळी उपलब्ध असलेल्या Clippy ला सुद्धा आणलं आहे. Mico च्या डिझाईनसाठी मिळणारे वेगवेगळे पर्यायांमध्ये Clippy सुद्धा मिळेल.

Copilot Vision सारख्या सोयीमुळे आपण शब्दशः आपल्या स्क्रीनवर दिसत असलेल्या गोष्टीबद्दल प्रश्न विचारून ती अडचण Copilot कडून दूर करून घेऊ शकतो!

Copilot Fall Release मधील मुख्य वैशिष्ट्ये या अपडेटमध्ये एकूण १२ मोठ्या वैशिष्ट्यांचा समावेश आहे. त्यातील काही महत्वाच्या गोष्टी खालीलप्रमाणे:

• ग्रुप्स (Copilot Groups): ३२ लोकांसोबत एकत्र ब्रेनस्टॉर्मिंग करा. कॉपायलट चर्चा सारांश तयार करतो, त्यानुसार मते तपासतो आणि टास्क वाटप करतो. टीम वर्कसाठी परफेक्ट!
• इमॅजिन (Imagine): एकमेकांच्या AI Generated Conntent आयडियाज एकत्र करा आणि रिमिक्स करा. कलाकुसर किंवा मार्केटिंग आयडियाजसाठी उत्तम.
• रिअल टॉक (Conversation Styles): कोपायलट आता तुमच्या स्टाइलनुसार बोलतो. तो तुम्हाला उपयुक्त होईल अशा मार्गाने चर्चा करेल.
• मेमरी अँड पर्सनलायझेशन (Memory & Personalization): कॉपायलट आता तुमची जुनी बोलणी आठवते – जसं ट्रेनिंग प्लॅन किंवा वार्षिकोत्सव. तुम्ही ते संपादित किंवा डिलीटही करू शकता. हे तुमचा ‘सेकंड ब्रेन’ सारखे आहे.
• कनेक्टर्स (Connectors): वनड्राइव्ह, आउटलुक, जीमेल, गुगल ड्राइव्ह सारख्या अॅप्सशी जोडा. “माझी डेंटिस्ट अपॉइंटमेंट कधी?” असं बोलून विचारा आणि लगेच त्या App मध्ये माहिती अभ्यासून उत्तर मिळेल.
• Proactive Actions : कोपायलट आता स्वतः सुचवतो की पुढे काय करायचं, जसं रिसर्चमध्ये नेक्स्ट स्टेप्स.
• कॉपायलट फॉर हेल्थ (Copilot for Health): आरोग्य विषयक प्रश्नांसाठी विश्वसनीय माहिती (हार्वर्ड हेल्थवरून) आणि डॉक्टर शोधण्यात मदत. सध्या अमेरिकेत उपलब्ध.
• लर्न लाइव्ह (Learn Live): अभ्यासासाठी व्हॉइस-बेस्ड ट्यूटर. स्वतःचा वैयक्तिक शिक्षक असल्याप्रमाणे आपल्याला प्रश्न विचारून शिकवतो, थेट उत्तर देण्याऐवजी तो विषय समजावून सांगतो.
• Copilot Mode in Edge : ब्राउजरमध्ये AI द्वारे टॅब्स सारांश मिळवा, हॉटेल बुक करा किंवा फॉर्म भरायला लावा. आपल्या बोलण्याप्रमाणेनेही कृती करेल.
• Copilot Pages and Copilot Search : एकाचवेळी अनेक फाइल्स अपलोड करा आणि त्या सर्वांचं एकत्र विश्लेषण AI मार्फत करून घ्या.

या फीचर्समुळे कोपायलट तुम्हाला मदत करेल पण हे करताना गरजेचा असलेला डेटा आणि इतर कंट्रोल तुमच्याकडे राहतो. हे अपडेट सुरुवातीला अमेरिका, यूके, कॅनडा येथे उपलब्ध होणार असून नंतर हळूहळू इतर ठिकाणी येईल.

विंडोज ११ वर एआय आणखी सोपे: नवे कोपायलट आणि Agentic Features : या रिलीजने प्रत्येक विंडोज ११ पीसीला एआय पीसी बनवलं आहे. तुम्ही “Hey Copilot” म्हणून बोलू शकता आणि तो तुमचं बोलण ऐकायला तयार होईल.

• Copilot Vision आता जगभर उपलब्ध – आपली स्क्रीन पाहून टिप्स देणे, जसं रेझ्युमे मध्ये योग्य बदल करणे किंवा गेम खेळण्यात मदत.
• टास्कबारवर असलेल्या नव्या Ask Copilot बटणाने एका क्लिकमध्ये एआय सुरू करा. लोकल फाइल्सवर अॅक्शन्स घ्या, जसं फोटोज सॉर्ट करा किंवा पीडीएफ वाचा.
• Agentic फीचर्स मध्येही एआय तुमच्या परवानगीने काम करतो, जसं वेबसाइट तयार करणे, कोडचा अभ्यास करून bugs काढून टाकणे किंवा व्हिडिओ एडिट करणे. गेमिंगसाठीही कोपायलट बीटा उपलब्ध होतो आहे.

मायक्रोसॉफ्ट गेल्या काही दिवसात AI च्या शर्यतीत थोडंसं मागे पडत असल्याची जाणीव होताच भसाभस AI फीचर्स आणत आहे पण या सोयी उपयुक्त असल्या तरी एकाचवेळी अनेक नव्या गोष्टी आणि त्यात व्यवस्थित माहिती देणारं UI डिझाईन नसल्याने वापरकर्त्यांना अडचणीच्याच ठरणार आहेत. Copilot एज ब्राऊजरमध्येही उघडल्यावर बऱ्याच गोष्टी स्क्रीनवर दिसू लागतात ज्यांची त्यावेळी आपल्याला गरज नसते.

हल्ली ट्रेंडनुसार सगळ्याच गोष्टी AI AI AI म्हणत प्रत्यक्ष वापर आणि युजर्सना एकंदरीत AI फीचर्सची गरज याकडेही लक्ष द्यायला हवं. AI फीचर्सच्या नादात मूळ सॉफ्टवेअर/वेबसाइटचा वापर कोणत्या गोष्टीसाठी होतो तेच बाजूला गेल्यासारखं होईल…

The post विंडोज ११ मध्येही AI Copilot : नवा Mico आणि सोबत Clippy देईल उत्तरे! appeared first on MarathiTech - मराठीटेक.

Disney+Hostar ची जागा आता JioHotstar ने घेतली आहे. या विलीनीकरणामुळे जियो सिनेमा आणि डिस्नी+ हॉटस्टारचा कंटेंट एकत्रित उपलब्ध होणार आहे. रिलायन्स इंडस्ट्रीज आणि डिज्नी यांनी त्यांच्या भारतातल्या मीडिया व कंटेंटचं अंदाजे 8.5 बिलियन डॉलर्सच्या कराराद्वारे विलीनीकरण केले आहे. १४ फेब्रुवारीपासून हा बदल सर्व वापरकर्त्यांना दिसू लागला.

हॉटस्टारची स्थापना २०१५ साली स्टार इंडियाने केली होती, ज्यामध्ये विविध भारतीय भाषांमधील टीव्ही शो, लाईव्ह टीव्ही, चित्रपट आणि क्रीडा कार्यक्रमांचा समावेश होता. २०१९ साली, डिस्नीने 21st Century Fox चे अधिग्रहण केल्यानंतर, हॉटस्टार डिस्नीच्या मालकीचे झाले आणि त्याचे नाव डिस्नी+ हॉटस्टार असे ठेवले गेले. या प्लॅटफॉर्मवर भारतातल्या विविध भाषा आणि सोबतच डिज्नीच्या आंतरराष्ट्रीय कंटेंटचा समावेश होता, ज्यामुळे ते भारतातील अग्रगण्य स्ट्रीमिंग सेवांपैकी एक बनले.

जियो हॉटस्टारच्या आल्यावर आता जियो सिनेमा अॅप्स आणि वेबसाइटवरून वापरकर्त्यांना hotstar.com वर redirect केलं जात आहे. सध्या सदस्य असलेले वापरकर्ते त्यांच्या सध्याच्या प्लॅन आणि लाभांसह जियो हॉटस्टारवर प्रवेश करू शकतात. नवीन प्लॅटफॉर्मवर चित्रपट, मालिका आणि लाईव्ह क्रीडा कव्हरेज वापरकर्त्यांना उपलब्ध झालं आहे. Disney, Marvel, HBO, peacock, Paramount+, Star Wars, Pixar, National Geographic अशा जवळपास सर्व प्रमुख स्टुडिओचा कंटेंट एकाच प्लॅटफॉर्मवर मिळेल !

जियो हॉटस्टारच्या लोगोवरून मात्र त्यांची सोशल मीडियावर बरीच खिल्ली उडवण्यात आली. इतक्या मोठ्या कंटेंट आणि नावाजलेल्या कंपनीसाठी हा लोगो अगदीच सामान्य वाटत आहे.

जियो कालच नवी JioTele OS नावाची खास टीव्हीसाठी तयार करण्यात आलेली ऑपरेटिंग सिस्टम जाहीर केली आहे. ह्या ओएसवर आधारित टीव्ही जे BPL, JVC, Kodak आणि Thompson या कंपन्यानी बनवलेले आहेत ते लवकरच बाजारात उपलब्ध होणार आहेत. इतर कंपन्यासुद्धा ही ओएस त्यांच्या टीव्हीमध्ये देण्यासाठी प्रयत्न सुरू आहेत. ही ओएस AI ची मदत घेऊन चित्रपट आणि मालिका सुचवेल.

थॉमसनचा Thomson QLED TV (43TJQ0012) हा ४३ इंची QLED टीव्ही या ओएसवर आधारित असून याची किंमत १८९९९ असणार आहे. हा 4K टीव्ही असून यामध्ये 40W चे स्पीकर्स आहेत.

The post डिज्नी + हॉटस्टार आता जियो हॉटस्टार : JioTele OS चे टीव्ही येणार! appeared first on MarathiTech - मराठीटेक.

आज सकाळी जवळपास १०-११ पासून जगभरातील मायक्रोसॉफ्ट विंडोज ओएस इंस्टॉल असलेले पीसी Crowdstrike या कंपनीने केलेल्या चुकीच्या अपडेटमुळे बंद पडले आहेत. आज झालेल्या या सर्व प्रकारामुळे या घटनेला आजवरचा सर्वात मोठा Outage म्हणता येईल. Crowdstrike ही एक क्लाऊड सुरक्षा देणारी कंपनी आहे जिची सेवा या जगभरातील कंपन्या वापरतात.

Outage म्हणजे अचानक काही काळासाठी ठराविक सेवा पूर्णपणे बंद पडणे. (उदा. Power Outage म्हणजे वीजपुरवठा खंडित होणे.) आता सर्व सोशल मीडिया आणि न्यूज मीडिया वर याला मायक्रोसॉफ्ट विंडोज क्रॅश, विंडोज Outage वगैरे म्हटलं जात असलं तरी हा प्रॉब्लेम फक्त Crowdstrike ची सेवा वापरणाऱ्या विंडोज पीसीवरच झाला आहे. मॅक आणि लिनक्स आधारित कम्प्युटर्सवर ही अडचण आली नाही. शिवाय हे सर्व प्रॉब्लेम वर्क पीसीना झाल्यामुळे तुम्ही घरी वापरात असलेल्या कम्प्युटर/लॅपटॉपबद्दल चिंतेत असाल तर तुम्हाला चिंतेचं काही कारण नाही.

या कंपनीने आज त्यांची सेवा वापरणाऱ्या पीसीवर एक अपडेट पाठवलं ज्यामुळे विंडोज ऑपरेटिंग सिस्टममधील Hosts मधील काही फाइल्समध्ये नको असलेले बदल झाले आणि यामुळे पीसी BSOD म्हणजेच Blue Screen Of Death मध्ये गेले. या स्टेटमध्ये तुमच्या स्क्रीनवर एक ब्ल्यु स्क्रीन आलेली असते ज्यावर ही अडचण कशामुळे आलेली असू शकते आणि त्यावर रिस्टार्ट करण्याचा पर्याय दिलेला असतो. मात्र आज झालेल्या प्रॉब्लेममुळे पीसी/कम्प्युटर जरी रिस्टार्ट केला तरी पुन्हा त्याच स्क्रीनवर येत आहे. याला Bootloop म्हणतात.

• अनेक देशांमधील बँका, हॉस्पिटल्स, विमानतळे, सुपरमार्केट, टीव्ही चॅनल्स, रेल्वे सेवा ठप्प झाल्या होत्या
• भारतातसुद्धा विमानसेवा, अनेक कंपन्यांचं दैनंदिन कामकाज आणि काही ठिकाणी बँक सेवा विस्कळीत

या कंपनीमुळे झालेल्या गोंधळाने या कंपनीचे शेयर पडले आहेत. Pre Market किंमत जवळपास १० ते २० टक्क्यानी घसरली आहे!

यावर तात्पुरता उपाय त्यांच्या वेबसाइटवर प्रकाशित करण्यात आला होता.

1. Boot Windows into Safe Mode or the Windows Recovery Environment
2. Navigate to the C:\Windows\System32\drivers\CrowdStrike directory
3. Locate the file matching “C-00000291*.sys”, and delete it.
4. Boot the host normally.

भारताच्या MEITY माहिती व तंत्रज्ञान मंत्रालयाने मायक्रोसॉफ्टसोबत संपर्क साधून यावर उपाय काढण्याचा प्रयत्न सुरू केला होता अशी माहिती प्रकाशित केली.

Crowdstrike च्या प्रमुखांनी एक्सवर खालील पोस्ट केली आहे. त्यांच्या म्हणण्यानुसार हा सायबरअटॅक नव्हता. नेमकी तांत्रिक अडचण शोधून त्यावर उपाय आता अंमलात आणला आहे.

त्यांनी असं म्हटलं असलं तरी हे करण्यासाठी जगभरात एकाच सर्वच पीसीमधून ही अडचण दूर करता येणं शक्य नाही. त्यात Bitlocker किंवा Advance Admin प्रोटोकॉल असलेल्या पीसीवर प्रत्यक्ष अॅक्सेस करूनच ही अडचण दूर करावी लागणार अशी परिस्थिती आहे. एकंदरीत सर्व सेवा पूर्ववत होण्यासाठी काही दिवस लागू शकतात आणि शिवाय या दरम्यान होणारा त्रास आणि आर्थिक नुकसान वेगळंच!

The post जगभरातील विंडोज वर्क पीसीज् बंद : बँका, विमानतळे, रेल्वे अशा सेवा विस्कळीत! appeared first on MarathiTech - मराठीटेक.

ॲपलच्या काल WWDC या त्यांच्या डेव्हलपर्ससाठी असलेल्या कार्यक्रमात अनेक नव्या गोष्टी जाहीर केल्या असून iOS 18, iPadOS 18, vision OS 2, macOS Sequoia, watchOS 11 अशा ओएस अपडेट्स जाहीर झाल्या आहेत. यासोबत प्रथमच ॲपलने त्यांच्या उपकरणांमध्ये AI टूल्सचा समावेश केला असून याला Apple Intelligence असं नाव दिलं आहे.

ॲप लॉक, पासवर्ड्स ॲप, Genmoji, गेम मोड, Customization चे अनेक नवे पर्याय आणि सरतेशेवटी आयपॅडवर आलेलं कॅलक्युलेटर ॲप होय ॲपल आयपॅडवर आजपर्यंत स्वतःचं कॅलक्युलेटर ॲप उपलब्ध नव्हतं! शिवाय आज जाहीर झालेल्या बऱ्याच गोष्टी अनेक वर्षांपासून अँड्रॉइड आणि विंडोजवर उपलब्ध आहेत!

Apple Intelligence : ॲपलने त्यांच्या AI आधारित सिस्टमला ॲपल इंटेलिजन्स असं नाव दिलं आहे. (Video)

• याद्वारे तुम्हाला महत्वाच्या असतील अशाच नोटिफिकेशन्सना आपोआप प्राधान्य दिलं जाईल.
• ईमेल्स, कीनोट्स, नोट्स आणि वर्ड सारख्या इतर ॲप्समध्येही ही सोय वापरुन लेख तयार करून घेऊ शकता, त्यामधील चुका शोधून घेऊ शकता आणि त्यांचा सारांश तयार करून घेऊ शकता!
• यूजर्स आता स्वतःच्या इमेजेस, स्केच, ॲनिमेशन्ससुद्धा जनरेट करू शकणार आहेत. ही सोय Messages, Apps, Freeform, Keynote आणि Pages मध्ये उपलब्ध असेल.
• ॲपल इंटेलिजन्सला बोलून तुम्ही “Show me all the photos,” “Play the podcast”, “Pull the files that my coworker shared with me last week.” अशा कमांड्स देऊन तुम्हाला हव्या त्या फाइल्स आणि माहिती उघडून पाहू शकता.
• ॲपल इंटेलिजन्स हे ऑन डिव्हाईस प्रकारे असलेल्या मॉडेल्सवर काम करणार असून यामुळे तुमचा डेटा आयफोनवरच असेल आणि सुरक्षित असेल असं ॲपलने सांगितलं आहे.
• सिरीमध्येही आता या AI ची जोड देण्यात आली असून AI द्वारे करता येणाऱ्या सर्व गोष्टी तुम्ही सिरीला बोलून सांगू शकता आणि त्याचं आउटपुट लगेच आपल्याला स्क्रीनवर दिसेल.
• Genmoji नावाच्या नव्या सोयीद्वारे आपल्याला हव्या त्या प्रकारच्या इमोजी तयार करता येतील! या तयार केलेल्या इमोजी मेसेजेसमध्येही वापरता येतील!
• Image Playground द्वारे तुम्ही टाइप केलेल्या प्रॉम्प्ट नुसार हवी ती इमेज तयार करता येते आणि नंतर ती कुठेही शेयर करता येते!
• Image Wand नावाची नवी सोय तुम्ही काढलेल्या स्केचपासून पूर्ण इमेज तयार करून देईल! तुम्ही टाइप केलेल्या मजकूराच्या बाजूला जरी सर्कल केलं तरी त्यावर आधारीत इमेज आपोआप तिथे तयार होऊन दिसेल!
• फोटोज ॲपमध्ये आता फोटोंमधील नको असलेल्या गोष्टी काढून टाकण्याची सोय आली आहे!
• या सोयी On Device प्रकारच्या असून यासोबत OpenAI सोबत भागीदारी करून त्यांनी ChatGPT चीही मदत घेण्याचा पर्याय दिला आहे. जर आपण परवानगी दिली तर आपली request आणि तो डेटा चॅटजीपीटीकडे जाईल आणि त्याचं लगेच उत्तर मिळेल!
• Apple Intelligence फक्त iPhone 15 Pro आणि M1 वर त्याहून नव्या चिप असलेल्या मॅक आणि आयपॅडवरच मिळणार आहे!!!

iOS 18 : iOS 18 preview

• आयफोन आणि आयपॅड युजर्स आता त्यांची होमस्क्रीन Customize करू शकतील आणि त्यांचे ॲप्स होमस्क्रीनवर कुठेही ठेऊ शकतील. ॲप आयकॉन्सचा रंग बदलता येईल! आयफोन्सच्या इतिहासात असे पर्याय प्रथमच देण्यात आले आहेत.
• कंट्रोल सेंटरमध्येही नवे पर्याय असून टॉगलला सुद्धा Customize करता येईल.
• आता ॲप्ससुद्धा स्वतंत्रपणे लॉक करता येणार असून एखादं ॲप लॉक केलं की FaceID शिवाय उघडता येणार नाही अशी ही सोय आहे!
• Game Mode देण्यात येणार असून यामध्ये बॅकग्राऊंड ॲक्टिविटी कमी करून बाहेरच्या गेमिंग accessories ना सपोर्ट मिळेल.
• नवं Passwords ॲप येणार असून यामध्ये तुमचे सर्व पासवर्ड्स साठवता येतील. शिवाय तुम्ही वापरलेले कोणते पासवर्ड हॅक झाले आहेत कोणते पासवर्ड बदलण्याची गरज आहे हे सुद्धा सुचवेल!

iPadOS 18 : iPadOS 18 preview

• अनेक वर्षांच्या प्रतिक्षेनंतर आयपॅडमध्ये प्रथमच कॅलक्युलेटर ॲप मिळणार आहे!
• यासोबत त्यांनी नोट्स ॲपमध्ये Math Notes आणले असून यामध्ये तुम्ही ॲपल पेन्सिलने लिहलेले कॅलक्युलेशन्स, ग्राफ्स, सर्वकाही आपोआप त्याच ठिकाणी उत्तर देईल आणि त्यामध्ये बदल करताच ग्राफमध्येही लगेच बदल झालेला दिसेल!
• Shareplay द्वारे आता इतर आयफोन आणि आयपॅड नियंत्रित करता येईल जेणेकरून ड्रॉइंग स्क्रीन शेयरद्वारे दाखवता येईल!
• तुम्ही लिहलेला मजकूर स्मार्ट स्क्रिप्ट द्वारे ओळखून त्यानुसार कॉपी पेस्ट किंवा तयार केलेला टेक्स्ट दिलेलं उत्तर आपोआप तुमच्याच हस्ताक्षरामध्ये मिळेल!

macOS Sequoia : macOS Sequoia preview

• Apple unveiled MacOS Sequoia, which will feature many of the new features that were added to iOS 18 and iPadOS 18, including the updated Safari, Photos, Messages, and the new Password App.
• iOS18 आणि iPadOS 18 मधील बऱ्याच नव्या सोयी macOS च्या या अपडेटमध्येही मिळणार आहेत.
• आयफोन मिररिंग मधील नव्या सोयीमुळे तुम्हाला आयफोनच्या नोटिफिकेशन मॅकवरच पाहायला मिळतील आणि त्यावर उत्तर सुद्धा तिथूनच देता येईल!
• Window Tiling करणं आता मॅकवरसुद्धा शक्य असून विंडोज ओएसप्रमाणे तुम्ही स्क्रीनच्या ठराविक कोपऱ्यात विंडो नेली की त्याला टाइल्सचा पर्याय सुचवला जाईल.
• AI Summarization Tool मॅकमध्येही मिळणार असून सफारी आणि इतर सॉफ्टवेअरमध्येही त्या AI सोयी वापरता येतील.

वरील अपडेट्ससोबत visionOS 2, tvOS18 आणि watchOS 11 हे अपडेट्स जाहीर करण्यात आले आहेत.

The post ॲपल WWDC24 कार्यक्रम : iOS 18, macOS Sequoia, Apple Intelligence जाहीर! appeared first on MarathiTech - मराठीटेक.

विंडोजची नवी ऑपरेटिंग सिस्टम विंडोज ११ ला काल रात्री नवं अपडेट उपलब्ध करून देण्यात आलं असून या अपडेटचं नाव Windows 11 2022 Update Version 22H2 असं आहे. विंडोज ११ सादर झाल्यापासून जवळपास एक वर्षाने हे नवं अपडेट देण्यात येत आहे. यामध्ये बऱ्याच नव्या सोयी जोडण्यात आल्या आहेत.

अपडेट करण्यासाठी Settings > Update & Security > Check For Updates

स्टार्ट मेन्यू : स्टार्ट मेन्यूमध्ये आता फोल्डर तयार करून त्यामध्ये प्रकारानुसार Apps जोडता येतील. आता आवडीनुसार लेआऊटसाठी तीन पर्याय निवडता येतील. (More Pins, Default & More Recommendations)

विंडोज स्टुडिओ इफेक्टस : ही सुविधा अनेकांना नक्कीच आवडेल. आपल्या वेबकॅममध्ये आता बॅकग्राऊंड ब्लर करण्याची सोय मायक्रोसॉफ्टने विंडोजच्या सेटिंग्जमध्येच दिली आहे! कमी अधिक ब्लरचाही पर्याय आहे. ऑटो फ्रेमिंग, आय कॉनटॅक्ट अशा सुविधाही यामध्ये आहेत. बॅकग्राऊंडमधील आवाज कमी करून आपल्या आवाजावर फोकस करण्याचाही पर्याय ऑडिओ इफेक्टसमध्ये आहे.

फ्री व्हिडिओ एडिटर : विंडोज ११ मध्ये आता ClipChamp नावाचा बेसिक व्हिडिओ एडिटर मोफत देण्यात येत आहे. याद्वारे गरजेपुरत्या व्हिडिओ एडिटिंग करू शकता जसे की कॉपी, पेस्ट, ट्रिम, इमेजेस, टेक्स्ट जोडणे इ.

टच अपडेट्स : snap layout मुळे विंडोज वापरणं सोपं झालं आहे आता यासोबत त्यांनी नव्या टच gestures चीसुद्धा जोड दिली आहे. App Switching मध्ये यांचा वापर होईल.

गेमिंग अपडेट्स : विंडोज ११ मध्ये गेमिंग आता आणखी वेगवान आणि सोपं होणार आहे. विंडोज गेम्समधील लेटन्सी कमी होईल आणि Auto HDR, Variable Refresh Rate सारख्या सोयी मिळतील.

चाचणी सुरू असलेलं फाइल एक्सप्लोररमध्ये टॅब्जचा पर्याय मात्र ऑक्टोबर अपडेट मध्ये दिला जाईल असं मायक्रोसॉफ्टने सांगितलं आहे.

The post Windows 11 2022 अपडेट आजपासून उपलब्ध : 22H2 मध्ये नव्या सोयी! appeared first on MarathiTech - मराठीटेक.