Pebble Time Watch

स्मार्टवॉचचं मार्केट सध्या मोठ्या प्रमाणात वाढत आहे. अॅपल, सॅमसंग, एचटीसी, असुस, सोनी, इ. प्रमुख टेक्नॉलजी कंपन्यानी याधीच स्मार्टवॉचची एकापेक्षा अधिक मॉडेल्स सादर केली आहेत. गूगलने त्यांच्या Android ओएसचं खास स्मार्टवॉचसाठीचं रूप Android Wear या नावाने सादर केलय. डिसप्ले चकाचक, अनेक फीचर्समुळे ग्राहकसुद्धा यांची खरेदी करत आहेत. यांचा महत्वाचा प्रॉब्लेम म्हणजे यांची बॅटरी लाइफ. यावर सोल्यूशन काढण्याचा प्रयत्न अनेक कंपन्या करत आहेत.
मात्र या सर्व गर्दीत एक कंपनी अशी आहे जी ज्यांनी फक्त स्मार्टवॉचलाच वाहून घेतलं आहे. त्या कंपनीचं नाव Pebble (पेबल). किकस्टार्टर नावाच्या वेबसाइटवर जिथे क्राऊडफंडिंग म्हणजे आपण खाद प्रॉडक्ट बनवलंय मात्र त्याच उत्पादन करण्यासाठी आपल्याकडे बजेट नाही तर या वेबसाइटवर आपण जगातील दानशूर व्यक्तींना किंवा जे या प्रॉडक्टमध्ये आपल योगदान देऊ इच्छितात त्यांच्याकडून फंड मिळवला जातो.
पेबल या कंपनीने तीन वर्षांपूर्वी किकस्टार्टवर तब्बल 10 मिलियन डॉलर्सचा फंड जमवून इतिहास रचला होता आणि तेही Android Wear येण्याच्या 2 वर्ष आधी! तेव्हापासून ते अधिकाधिक चांगलं घड्याळ ग्राहकांना कस देता येईल याचा विचार करत आता त्यांनी ‘पेबल टाइम’ या नावाच वॉच सादर केलय. आणि तेही किकस्टार्टरच्याच मदतीने.  आणि यावेळी सुद्धा पुन्हा त्यांनी इतिहास रचला आहे सर्वात कमी वेळात लक्ष्य पूर्ण करत फंड मिळवण्याचा रेकॉर्ड आपल्या नवे करत!
पेबल टाइमबद्दल विशेष म्हणजे याची बॅटरी लाइफ जी तब्बल 7 दिवस नॉन स्टॉप बॅकअप देईल. अगदी अॅपल वॉचच्या 7 पट …. यामध्ये मायक्रोफोनसुद्धा आहे जेणेकरून छोटे वॉइस मेसेज पाठवता येतील. आणि हे वॉच अॅपल, Android या दोन्ही ओएस असलेल्या फोन्ससोबत काम करेल. कलर पेपर e इंक डिसप्ले जो अॅपलच्या तुलनेत कमी वाटतो मात्र त्यामुळे बॅटरी लाइफ नक्कीच जास्त मिळते. रीमेंडर, अनेक वॉचफेस, पेबल ओएस ही याची बाकी फीचर्स. यामध्ये दोन मॉडेल्स असून पेबल टाइम व पेबल टाइम स्टील अशी त्यांची नाव आहेत. बॅटरीमुळे हे वॉच बाकी स्पर्धेला नक्कीच मागे टाकण्यात यशस्वी होईल. आश्चर्याची बाब म्हणजे ज्यावेळी अॅपल वॉचचा लाईव इवेंट सुरू होता त्यावेळी पेबलबद्दल फंडिंग दिडपट वाढलं होतं !    
पेबल टाइम स्पेसिफिकेशन

DIMENSIONS :-
Case: 40.5mm L × 37.5mm W × 9.5mm T (including lugs, length: 47mm)
Band: 22mm wide
Weight: 42.5g (including standard band)
WIRELESS : – Bluetooth 4.0
DISPLAY : –
1.25-inch, color e-paper display
LED backlight
1.25-inch, color e-paper displayLED backlight

SENSORS : –
3D accelerometer
Compass
Ambient light sensor
Microphone
POWER AND BATTERY : –
Lithium-ion polymer battery
Up to 7 days between charges

MATERIALS AND CARE :-
Watch case: polycarbonate
Bezel: stainless steel
Band: silicone

The post पेबल टाइम : स्मार्टवॉचच्या दुनियेत मोठा प्लेयर appeared first on MarathiTech - मराठीटेक.

तंत्रज्ञानाचं जग जितकं अफाट बनत चाललंय तितकंच ते सर्वसामान्याच्या आवाक्यातही सहज येत चाललं आहे. झपाटय़ाने बदलणाऱ्या तंत्रज्ञानाचा आपल्या उत्पादनांमध्ये अंतर्भाव करून ग्राहकांना नवनवीन अनुभव देण्याची स्पर्धाच जणू कंपन्यांमध्ये लागली आहे. चष्म्यात बसवलेल्या स्क्रीनवर झळकणारे ईमेल्स आणि मेसेजेस, घडी करून ठेवता येण्यासारखा पेपर टॅब्लेट, तुम्ही भरभर जेवत असल्यास ‘अॅलर्ट’ करणारा काटा चमचा किंवा एखाद्या वस्तूची थ्रीडी प्रतिमा उभी करणारा प्रिंटर.. अशा एकाहून एक विलक्षण उत्पादनांनी तंत्रज्ञानाचं जग ‘जादुई’ बनत चाललं आहे. सरत्या वर्षांत अशाच काही उत्पादनांनी आपल्या ‘जादुई’ वैशिष्टय़ांनी ग्राहकांची मने जिंकली. त्यांची जादू बाजारात चालली किंवा फसली, पण नाविन्यपूर्ण प्रयोगांत या उत्पादनांनी बाजी मारली. अशाच काही उत्पादनांविषयी..

पेबल

एकेकाळी वेळ पाहण्यासाठी अवलंबून रहावे लागणाऱ्या घडय़ाळय़ांना मोबाइलमधील घडय़ाळय़ांनी डच्चू दिला. पण ती वेळ आता इतकी बदलली आहे की सध्याचे ‘स्मार्टफोन’ना पर्याय म्हणून ‘स्मार्टवॉच’ बाजारातझळकू लागले आहेत. स्मार्टफोन हातात बाळगण्यापासून आणि वारंवार त्याकडे लक्ष देण्यापासून सुटका करवणाऱ्या ‘स्मार्टवॉच’नी यंदाचं वर्ष चांगलंच गाजवलं आहे. पण यातही आघाडीवर आहे, ते पेबल. सॅमसंग आणि सोनीच्या स्मार्टवॉचना टक्कर देणारं हे स्मार्ट ‘घडय़ाळ’ सर्वात स्वस्त पर्याय आहे. आपला जड, मोठय़ा आकाराचा स्मार्टफोन खिशात ठेवून त्याचं सारं नियंत्रण ‘स्मार्टवॉच’वर सोडणं, यासारखं सुख सध्यातरी नसावं. येणारे कॉल्स, मेसेज, ईमेल्स आणि अन्य गोष्टींची सूचना फोन हातात नसतानाही मिळणं, हे नक्कीच उपयुक्त आहे.किंमत: ९ हजार रुपये.

सॅमसंग कव्र्हड ओएलईडी आणि एलजीचा जी फ्लेक्स फ्लॅट एलसीडी/एलईडी टीव्ही किंवा सपाट स्क्रीन असलेला उंची स्मार्टफोन हा सध्या तुमचा ‘स्टेटस सिम्बॉल’ असेल, तर तुम्ही थोडे मागेच आहात. कारण सॅमसंग आणि एलजीने चक्क वक्राकार टीव्ही आणि स्मार्टफोन आणून आणखी एक क्रांती घडवली आहे. शिकागोतील सीईएस प्रदर्शनात सॅमसंगने वक्राकार स्क्रीन असलेला ‘ओएलईडी’ मांडला आणि साऱ्यांचेच डोळे फिरले. सध्याच्या टीव्हीपेक्षा अधिक चांगला दृश्यानुभव देणारा आणि अधिक व्यापक दृश्य दाखवणारा ओएलईडी हे निश्चितच उद्याचे उत्पादन आहे. त्यापाठोपाठ एलजीने वक्राकार स्क्रीन असलेला स्मार्टफोन आणून या तंत्रज्ञानाला आणखी एका शिखरावर आणले. सॅमसंगचा जी फ्लेक्स म्हणजे सहा इंची एचडी डिस्प्ले असलेला स्मार्टफोन आहे. याच्या १३ मेगापिक्सेल कॅमेऱ्यातून काढलेली छायाचित्रे विलक्षण सजीव भासतात, अशी पावती तज्ज्ञांनी आधीच देऊन ठेवली आहे.

योटाफोन‘डय़ुअल सिम’ म्हणजे दोन सिमकार्ड असलेल्या फोन्सनी बाजार ऊतू जातो आहे. पण ‘डय़ूअल स्क्रीन’च्या मोबाइलची संकल्पना म्हणजे अचाटच! अशा अचाट कल्पनेतूनच ‘योटाफोन’ने दोन स्क्रीन असलेला स्मार्टफोन आंतरराष्ट्रीय बाजारांत आणला. रशियातील कंपनी असलेल्या योटाने ४०० युरो किमतीचा हा फोन ब्रिटन, स्पेन अशा निवडक देशांतील बाजारांत दाखल केला. स्मार्टफोनच्या पुढील बाजूस फोनची स्क्रीन आणि मागील बाजूस ‘ई-बुक्स’ वाचण्यासाठी वेगळी स्क्रीन अशी संकल्पना घेऊन आलेल्या योटाफोनला ग्राहक कमी मिळाले असले तरी या नव्या प्रयोगाने ‘डय़ूअल स्क्रीन’चे दार मोबाइल कंपन्यांना उघडले आहे. ‘ई बुक्स’ किंवा अन्य मजकूर वाचण्यासाठी लागणारी स्क्रीन स्वतंत्रपणे पुरवून स्मार्टफोनची बॅटरीक्षमता वाढवणे, हा योटाफोनच्या शोधामागील मुख्य हेतू आहे. बाहेरील देशांत पुस्तकांऐवजी ‘ई बुक्स’ना वाढत चाललेली मागणी आणि त्यातून ‘किंडल’ सारख्या ‘ई बुक रीडर’ उत्पादनांना मिळणारे यश खेचण्याचा ‘योटा’चा प्रयत्न फारसा यशस्वी नसला तरी स्तुत्य नक्कीच आहे. अँड्राइड जेली बिन ४.२.२वर चालणारा, १.७ गिगाहर्ट्झ प्रोसेसर, १३ मेगापिक्सेल कॅमेरा, २ जीबी रॅम, ३२ जीबी इंटर्नल मेमरी असा नियमित वैशिष्टय़ांचा लवाजमा या फोनमध्ये आहेच. पण भारतात अजूनतरी या फोनचा उदय झालेला नाही.

सोनीचे लेन्स कॅमेरा : स्मार्टफोनला अधिक ‘स्मार्ट’ बनवण्यात एकीकडे कंपन्यांमध्ये स्पर्धा सुरू असतानाच, त्यातील कॅमेऱ्याचा दर्जाही वाढवण्याचा अनेक कंपन्यांनी प्रयत्न केला. सॅमसंग, नोकिया यांच्या गॅलक्सी आणि लुमिया वर्गातील उच्चश्रेणीच्या स्मार्टफोन्सनी यावर्षी यात बाजी मारली. मात्र, सोनीने त्यांच्या एक पाऊल पुढे टाकत ग्राहकांच्या हाती ‘लेन्स कॅमेरा’ सोपवला. सोनीने यावर्षी बाजारात आणलेल्या क्यूएएक्स १० आणि क्यूएक्स १०० या लेन्सनी स्मार्टफोनला उत्तम दर्जाच्या कॅमेऱ्यात रूपांतर केलं. कोणत्याही स्मार्टफोनला जोडून १८ ते २० मेगापिक्सेल कॅमेऱ्यासारखे फोटो काढण्याची सुविधा क्यूएक्स १० व क्यूएक्स १००ने उपलब्ध करून दिली. अँड्रॉइड आणि अॅपलच्या आयओएस या दोन्ही प्लॅटफॉर्मवर चालू शकणाऱ्या या लेन्सनी नेहमीच्या कॅमेऱ्याची जागा कमी केलीच; शिवाय एलसीडी स्क्रीन आणि अन्य गोष्टींची आवश्यकता नसल्याने या क्षमतेच्या कॅमेऱ्याच्या तुलनेत ‘लेन्स कॅमेरा’ स्वस्त आहेत. 

किंमत: क्यूएक्स १०- १२९९० रु., क्यूएक्स १०० – २४९९० रु.

पेपर टॅब : एकीकडे स्मार्टफोनचे वाढते आकार ग्राहकांना आकर्षित करत असताना टॅब्लेट पीसीची कमी होत चाललेली जाडी ग्राहकांच्या पसंतीचा विषय आहे. यातूनच अॅपलने यावर्षी आयपॅड एअर आणि आयपॅड मिनीची निर्मिती केली आणि त्याची धडाक्यात विक्रीही सुरू झाली. पण या टॅबनाही जड ठरवेल, असा पेपर टॅब (कागदाइतका पातळ) यावर्षी कॅनडातील क्वीन्स युनिव्हर्सिटी, इंटेल लॅब्स आणि प्लास्टिक लॉजिक यांनी एका आंतरराष्ट्रीय प्रदर्शनात मांडला. १०.७ इंची प्लास्टिक डिस्प्ले असलेल्या या पेपर टॅबमध्ये इंटेल कोअर आय५ प्रोसेसर असलेला ‘पेपर टॅब’ हा खरोखरच भविष्यातलं ‘गॅझेट’ आहे. वेगवेगळय़ा पेपर टॅबच्या साह्य़ाने हाताळता येणारा हा टॅब कसाही वाकवला, दुमडला किंवा आपटला तरी त्याला काही होत नाही. अर्थात अजून हे तंत्रज्ञान निर्मितावस्थेत आहे. पण पुढच्या वर्षी कदाचित खराखुरा पेपर टॅब ग्राहकांच्या हाती पडल्यास नवल नाही.

The post 2013 चे अवतार appeared first on MarathiTech - मराठीटेक.

(smart watch) घड्याळ म्हणजे सर्वसामान्यांसाठी वेळ बघण्याचे एक साधेसे उपकरण. उच्चभ्रूंसाठी फार-फार तर स्टेटस सिम्बॉल. रोलेक्स, टॉमी हिलफायर, फास्टट्रॅक अशी घड्याळं आजकाल स्टेटस सिम्बॉल समजली जातात. साधारण तीन, चार वर्षांपूर्वी हाताळण्यास सोप्या असलेल्या लहान हँटसेट्सना पसंती दिली जायची. मात्र आजकाल हाताच्या पंजातही मावणार नाहीत, असे स्मार्टफोन आले आहेत. ट्रेन किंवा बसच्या गर्दीत असे भलेमोठे मोबाइल्स काढून त्यावर बोलणे शक्यच होत नाही. बऱ्याचदा बॅटरी संपल्याची अडचणही उदभवते… ही अडचण लक्षात घेत स्मार्टफोन्स बनवणाऱ्या आघाडीच्या कंपन्यांनी स्मार्टवॉच बनवण्याची युक्ती केली. सामान्य घड्याळ्यांप्रमाणे ही स्मार्टवॉच वेळ दाखवतातच, मात्र त्या बरोबरच या स्मार्टवॉचमधून तुम्ही तुम्हाला येणारे कॉलही घेऊ शकता. ईमेल, एसएमएस, नोटिफिकेशन्स बघणे यामुळे शक्य होईल. सोनी, सॅमसंग यासारख्या आघाडीच्या कंपनीनी तयार केलेल्या स्मार्टवॉचमध्ये कॅमेरा, मायक्रोफोन, जीपीएस अशी फीचर्स हमखास मिळतात. आपल्याकडे उपलब्ध असलेल्या काही स्मार्टवॉचच्या पर्यायांवर ‘मटा’च्या टेक्नो टीममधील वैभव राऊळ यांनी टाकलेला हा दृष्टिक्षेप…

सोनी स्मार्टवॉच २ (sony smartwatch 2) किंमतः १५,००० रुपये स्मार्टवॉचची सुरुवात सोनीने केली होती. आता तर त्यांनी एनएफसी देऊन हे स्मार्टवॉच अपडेट केले आहे. डस्ट आणि वॉटरप्रूफ अशी स्मार्टवॉचपण अँड्रॉइडसाठी तयार करण्यात आली आहेत. पण ही वॉच आयओएसशी कनेक्ट होत नाहीत, हे लक्षात ठेवा. यात १.६ इंच स्क्रीन असून काँल्स, टेक्स्ट, फेसबूक, ईमेल नोटिफिकेशन्स बघण्यासाठी या स्मार्टवाँचचा उपयोग करता येईल. चार्जिंग पूर्ण असेल, तर तीन दिवस हे स्मार्टवॉच वापरता येईल, असा दावा सोनीने केला आहे. 
बलस्थानेः वॉटरप्रूफ, अॅप्सचा खजाना आणि तुलनेत कमी किंमत. 
दुबळ्याबाजूः यातील टेक्स्टचा आकार खूपच लहान असल्याने डोळ्यांना त्रास होऊ शकतो, वाय-फाय तसेच थ्रीजी कनेक्टिविटीचा अभाव यात असून याचा सेटअपही काहीसा किचकट आहे.

सॅमसंग गॅलेक्सी गीअर (samsung galaxy gear smartwatch) किंमतः २३,००० रुपये झकास मार्केटिंग गमक वापरत नोट थ्रीसह हे वॉच लाँच करण्यात आले आहे. अँडड्राँइड ४.३ जेलिबीनवर हे चालत असून ठराविक गॅलेक्सी फोनलाच ते सपोर्ट करते. येत्या काही दिवसांत ब्लूटूथ ४.० असलेल्या फोनसह हे वापरता येतील. काळा, राखाडी, केशरी, हिरवा, पिवळा या रंगात ही स्मार्टवॉच उपलब्ध आहेत. १.६३ इंचीचा सुपर अॅमोल्ड डिस्प्ले असून १.९ इंचीचा मेगापिक्सल कॅमेरादेखील आहे. सध्या गॅलेक्झी गीअरसाठी ७० अॅप्स उपलब्ध आहेत. सॅमसंगच्या या स्मार्टवॉचमध्ये ५१२ एमबीचा रॅम व ४ जीबी स्टोरेज उपलब्ध आहे. अन् पूर्ण चार्ज केल्यास २५ तासांचा बॅटरी बॅकअपदेखील आहेच. 
बलस्थानेः प्रिमिअर डिझाइन, सोपा मेन्यू, कॅमेरा. 
दुबळ्याबाजूः अवास्तव किंमत, बॅटरीलाइफ.

कॅसिओ जीशॉक GB900AB1 (CASIO G-SHOCK) किंमतः १०,००० रुपये. या स्मार्टवॉचमध्ये ब्लूटूथ ४.० चा पर्याय देण्यात आला असून त्याद्वारे टेक्स्ट मेसेज व कॉल घेता येऊ शकतात. २X२ इंचीचे हे घड्याळ किंचीत वजनदार असून लाल, निळा, पिवळा, पांढरा व काळ्या रंगात उपलब्ध आहे. हे फक्त आयफोनसोबतच वापरू शकता. आयओएस ५.१ व त्यापुढच्या व्हर्जन्समध्ये जीशॉक+ हे अॅप डाऊनलोड केल्यानंतर आपण हे घड्याळ वापरू शकतो. मात्र जी-शॉकचे हे स्मार्टवॉच अँड्रॉइड फोनसह वापरता येऊ शकत नाही. आयफोनशी जोडल्यावर कॉल, ईमेल किंवा नोटिफिकेशन्सला वायब्रेट होते. स्मार्टवॉचच्या एलसीडीवर डबल टॅप करून नोटिफिकेशन्स क्लिअर करता येतात. बलस्थानेः स्पोर्टी लूक. दुबळ्याबाजूः खूपच वजनदार.

आयअॅम वॉच (IM WATCH) किंमतः १४,००० रुपये हे वॉच तुमच्या आयओएस, अँड्रॉइड तसेच ब्लॅकबेरी १० ओएससह वापरू शकता. १.५ इंचीचा डिस्प्ले या वॉचमध्ये देण्यात आला असून अँड्रॉइडचे कस्टमाइज व्हर्जन आयअॅमड्रॉइड २वर हे चालते. यासाठी अॅप्स डाऊनलोड करायचे असतील तर याच कंपनीच्या आयमार्केटवर जाता येईल. यात ईमेल, फेसबुक, मेसेज ब्लूटूथला तुमचा फोन कनेक्ट करुन वापरू शकता. बलस्थानेः हेडफोन स्लाँट, फुल टेक्समध्ये फेसबुक ट्विटर मॅसेज. वापरण्यास सोपे. कमकुवत दुवेः फारसा प्रभावी नसलेला स्क्रीनटच.

Other Options include : 
1. Pebble Smartwatch ( This is also a better option)
2. Martian Smartwatch
3. ConnecteDevice Cookoo Smartwatch

Incoming search terms : sony smartwatch samsung galaxy gear casio pebble best top smart watches in the world

(smart watch) स्मार्टवॉचची क्रेझ पाहून येत्याकाळात अजून काही स्मार्टवॉच येत आहेत. यामध्ये अॅपलचे आयवॉच, गुगलचे स्मार्टवॉच, स्मार्टवॉच बाय एचटीसी, क्वालकॉचे स्मार्टवॉच, नोकियाचे मल्टीस्क्रीन स्मार्टवॉच यांचा समावेश आहे. बघायला गेले तर स्मार्टवॉच ही अफलातून संकल्पना आहे, पण हे तंत्रज्ञान नवीन असून त्याला विकसित व्हायला अजून बराच कालावधी लागेल. अॅलर्ट महत्त्वाचे असतातच, पण सततचे नोटिफिकेशन्स बऱ्याचदा त्रासदायकही ठरू शकतात. स्मार्टवाच हा खरेतर स्मोर्टफोनची एक एक्सेसरी आहे, पण त्याची किंमत त्या स्मार्टफोनएवढीच असल्याने बरेचजण हा पर्याय फारसा पडताळत नाही. त्यातच या स्मार्टवॉचची बॅटरी लाइफ फारशी नसल्याने रोज आपल्या फोनसह त्यालाही चार्ज करावे लागेल. तर मग आहे मंजूर ? मग हे स्मार्टवॉच वापरायला हरकत नाही.

The post घड्याळांचा ‘स्मार्ट’ चॉइस (smart watch) appeared first on MarathiTech - मराठीटेक.