फोटोची साईज अनेक पटींनी कमी करण्याची सर्वात सोपी पद्धत! फोटोची क्वालिटी खराब न करता साईज कमी करा आणि ते सुद्धा इंटरनेटशिवाय! कॉम्पुटर, फोन्सवरही करता येईल… कोणतंही अॅप किंवा सॉफ्टवेअर डाउनलोड करण्याची गरज नाही…!

व्हिडीओ लिंक : https://youtu.be/QIwTlmbF8UU

ही सोय थेट ब्राऊजरमध्येच वापरता येईल ह्यासाठी स्वतंत्र डाउनलोडची गरज नाही. अगदी स्मार्टफोन्समधील ब्राऊझरमध्येही ही सुविधा उत्तम प्रकारे चालेल! Squoosh मध्ये सध्या OptiPNG, MozJPG, WebP, Browser PNG, Browser JPG व WebP हे इमेज फॉरमॅट सपोर्ट करत असून यांचे पॅरामीटर बदलण्याची सुद्धा सोय देण्यात आली आहे! Resize, Convert व Compress ही कामे Squoosh करू शकेल!

Search Terms How to compress images, compress images without internet, reduce image size offline Make images smaller using best-in-class codecs, right in the browser Squoosh is an image compression web app that allows you to dive into the advanced options provided by various image compressors. Compress photos, images in your android phone

The post नवा व्हिडीओ : फोटोची साईज कशी कमी करायची? क्वालिटी खराब न करता! appeared first on MarathiTech - मराठीटेक.

गूगल फोटोज् या गूगलच्या फोटो अॅपमध्ये ऑप्टिकल कॅरक्टर रिकग्निनिशन (OCR) चा वापर करून फोटोमध्ये असलेला टेक्स्ट/मजकूर ओळखून त्याद्वारे सर्च केल्यास तो फोटो शोधून देईल. समजा तुम्ही एखादा फोटो काढला आहे ज्यामध्ये कुठेतरी ‘Marathi’ असं लिहिलं आहे तर आता तुम्ही गूगल फोटोजमध्ये जाऊन Marathi असं सर्च केलं तर तो फोटो दाखवेल! यामुळे फोटो पटकन शोधणं आणखी सोपं होणार आहे!

गूगल फोटोजमध्ये सध्या अनेक सोयी जोडलेल्या असून प्रत्येक नवीन अपडेटसोबत आपलं काम आणखी सोपं करणाऱ्या सुविधा यामध्ये पहायला मिळत आहेत. आता तर फोटोमध्ये असलेल्या गोष्टी ओळखून सर्च करण्याची सोय दिली जात आहे! ही सुविधा सध्या रोल आउट केली जात असून त्यामुळे गूगल फोटोज अॅप अपडेट केल्यावर पाहता येईल तर काहींना आणखी वाट पहावी लागेल.

ही सोय वापरण्यासाठी Google Photos अॅप उघडा. तुम्हाला ज्या फोटो/इमेज/स्क्रीनशॉटमधील टेक्स्ट आठवत आहे आणि तो सर्च करायचा आहे त्यामधील टेक्स्ट सर्च करा आणि गूगल लगेच तो फोटो समोर आणून दाखवेल. ही सोय विविध भाषांमध्ये चालत आहे. अलीकडेच सादर झालेल्या सॅमसंग गॅलक्सी नोट १० + मध्ये सुद्धा ही सोय हाताने लिहलेल्या नोट्स बाबत पहायला मिळत आहे. मात्र गूगल फोटोज त्याप्रकरच्या हाताने लिहलेल्या नोट्स ओळखेल का हे अद्याप अस्पष्ट आहे.

तसेच तुम्हाला सर्च करून दिलेल्या फोटोवर जर तुम्ही गूगल लेन्सचा वापर केला तर तो टेक्स्ट सिलेक्ट होईल आणि मग तुम्ही तो कॉपी पेस्टसुद्धा करू शकाल!

The post गूगल फोटोजमध्ये आता फोटोंमधील टेक्स्टद्वारेसुद्धा सर्च करता येईल! appeared first on MarathiTech - मराठीटेक.

अँड्रॉइड गो या गूगलच्या कमी क्षमतेच्या फोन्ससाठी असलेल्या प्लॅटफॉर्मवर विकसनशील देशांमध्ये स्मार्टफोन्सचा वापर वाढावा व एरवी न परवडणाऱ्या फोन्समध्ये असलेल्या सुविधा काही प्रमाणात उपलब्ध करून देण्याचा गूगलचा प्रयत्न आहे. त्यानुसार त्यांनी आजवर गूगल गो, यूट्यूब गो, गूगल मॅप्स गो, फाइल्स गो अशा अॅप्सद्वारे कमी क्षमता असणाऱ्या फोन्सवर स्लो इंटरनेटवरही वापरता येईल अशी सोय दिली आहे! आता ‘गूगल फोटोज’ची ऑफलाइन आवृत्ती गूगल गॅलरी गो द्वारे उपलब्ध करून देण्यात येत आहे. विशेष म्हणजे गूगलच्या मशीन लर्निंगचा वापर यामध्येही करण्यात आलेला आहे!

हे नवं Google Gallery Go अॅप तुमचे फोटो व्यवस्थित वर्गीकरण करून दाखवेल. यासाठी इंटरनेटची आवश्यकता नाही. या अॅपची साईज केवळ 10MB आहे! सोबत यामध्ये Auto Enhance सोय सुद्धा देण्यात आली आहे जी तुमचे फोटो एका क्लिकवर चांगले बनवते! बाकी नेहमीच्या फिल्टर्स, क्रॉप, रोटेट या सोयी तर आहेतच.

Download Gallery Go on Google Play Store

Search Terms Android Go Google Go Files Go Maps Go Gallery Go YouTube Go

The post गूगल गॅलरी गो : ऑफलाइन फोटो गॅलरी अॅप सादर! appeared first on MarathiTech - मराठीटेक.

अडोबीने अलीकडच्या काळात मोठ्या प्रमाणात समस्या बनत असलेल्या फेक न्यूज, एडिटेड व्हायरल फोटोजवर उपाय शोधण्याच्या दृष्टीने प्रयत्न करण्याचं ठरवलं आहे. फोटो एडिटिंगसाठी जगात सर्वात लोकप्रिय असलेल्या फॉटोशॉप या सॉफ्टवेअरद्वारे आता गैरप्रकार करण्यासाठीही वापर केला जात असल्याच निदर्शनास आलं आहे. यावर उपाय म्हणून अडोबीने कृत्रिम बुद्धिमत्तेची मदत घेत एखादा फोटो खरा आहे की नाही किंवा तो एडिटेड आहे का हे सांगता येणारी सोय तयार केली आहे.

अडोबीचे रिसर्चर्स रिचर्ड झांग व ऑलिव्हर वांग यांनी UC Berkeley च्या शेंग यू वांग व डॉ. अँड्र्यु ओवेन्स यांच्या सहकार्याने चेहर्‍यांसोबत केल्या गेलेल्या फॉटोशॉप फॉटोशॉप ओळखता येईल असा AI (कृत्रिम बुद्धिमत्ता) तयार केली आहे! यासाठी अडोबीच्या Face Aware Liquify सुविधेचा वापर करण्यात आला असून ही सुविधा फोटोशॉपमध्ये चेहर्‍यावर बदल करण्यासाठी वापरले जाते. एक न्यूरल नेटवर्क अशा पद्धतीने तयार केलं गेलं की ते हजारो फोटो वापरुन एखाद्या फोटोमधील चेहर्‍यावर केलेला बदल ओळखेल!

• हा नवा AI मूळ फोटो तपासून त्यावर केलेले बदल दाखवेल
• हे बदल पाहून कोणत्या भागावर फॉटोशॉपचा वापर केलेला आहे ते समजेल
• यासोबत हा AI मूळ फोटोमध्ये तो भाग कशा प्रकारे दिसत असेल हे सुद्धा सांगेल!

यासाठी अडोबीनी एक चाचणी सुद्धा घेतली ज्यामध्ये हे मूळ फोटो व एडिटेड फोटो काही व्यक्तींसोबत AI ला दाखवण्यात आले. त्या व्यक्तींनी ५३% फोटोमध्ये बदल केलेला असल्याच ओळखलं तर AI ने तब्बल ९९% फोटोमध्ये केलेला बदल ओळखला! हा AI इतक्या चांगल्या प्रकारे डेव्हलप केलेला आहे की या फेक फोटोमध्ये करण्यात आलेले बदल रिव्हर्स करून मूळ फोटो कशा प्रकारे दिसत असेल हे सुद्धा दाखवतो!

अडोबीला भविष्यात AI ची मदत घेऊन अशा प्रकारे फोटोंची सत्यता तपासण्याची टूल्स निर्माण करण्याची आशा आहे. फॉटोशॉपसारख्या एका सर्वोत्कृष्ट सॉफ्टवेअरचा गैरवापर झालेलं नक्कीच त्यांना नाही आवडणार… अशा उत्तम सुविधांचा चांगल्या ऐवजी वाईट गोष्टींसाठीच जास्त चर्चा होऊ लागल्यामुळे अशी पावले भविष्यात सर्वच प्रकारच्या तंत्रज्ञानाबद्दल उचलावी लागतील!

Search Terms : Adobe Research and UC Berkeley: Detecting Facial Manipulations in Adobe Photoshop

The post अडोबीचा नवीन AI ओळखेल फॉटोशॉप केलेले खरे/खोटे फोटो! appeared first on MarathiTech - मराठीटेक.

एनव्हीडियाने कृत्रिम बुद्धिमत्तेचा वापर करून साध्या रेघोट्या ओढून काढलेल्या चित्रांना अगदी खर्‍याखुर्‍या फोटोंमध्ये रूपांतर करणारं सॉफ्टवेअर बनवलं आहे. GauGan नाव असलेल्या या सॉफ्टवेअरमधील स्मार्ट पेंट ब्रश आउटलाइन काढण्यासाठी वापरता येईल त्यानंतर त्या आउटलाइनचा AI द्वारे अभ्यास करून सॉफ्टवेअर इंटरनेटवरील लाखो इमेजेसमधून योग्य त्या इमेजेस निवडून त्यांना बरोबर जोडून आपल्यासमोर एक खराखुरा फोटो तयार करून देईल! थोडक्यात तुम्हाला कलरिंग बुकमध्ये ज्याप्रमाणे रंग भरले जातात तसेच रंग व रेषा काढायच्या आहेत आणि AI तुम्हाला त्याचा फोटो बनवून देईल तो सुद्धा कॅमेराने काढलेल्या खर्‍या फोटोसारखा!

GauGan मध्ये तीन टूल्स देण्यात आली आहेत. पेंट बकेट, पेन व पेन्सिल. यासोबत स्क्रीनवर खाली बर्‍याच गोष्टींना स्वतंत्र बटणे देण्यात आली आहेत ज्यापैकी पर्याय आपल्याला तयार करायच्या असलेल्या फोटोला साजेसा निवडून त्याचं चित्र रेषा काढून करायच आहे. उदा. ढग हवे असतील तर Cloud पर्याय निवडायचा आणि पेन्सिल द्वारे इच्छित ढगांचा आकार काढा, रंग भरा की झाले खरे ढग तयार! झाडाच्या आकाराच्या रेषा काढल्या की आपोआप शोभेल असं झाड त्या फोटोमध्ये जोडलेल दिसेल! न्यूरल नेटवर्क्स तुमच्या फोटोमध्ये आधीच असलेल्या गोष्टी पाहून त्याला साजेस रूप देत जातात.

GauGAN टेन्सर कम्प्युटिंग प्लॅटफॉर्मवर कार्य करतं. एनव्हीडियाने RTX Titan GPU वर या सॉफ्टवेअरचा डेमो दाखवला. या गोष्टींमुळे हे सॉफ्टवेअर रियल टाइम म्हणजे आज्ञा दिल्या क्षणीच काम करून स्क्रीनवर दाखवते! एनव्हीडियाने यासाठी फ्लिकरया प्रसिद्ध साईटवरील दहा लाख फोटोंचा वापर केला आहे.

GauGAN मधील GAN म्हणजे Generative Adversarial Network (GAN) असून Gau नाव फ्रेंच चित्रकाराच्या नावावरून देण्यात आलं आहे. मध्यंतरी आलेलं Prisma अॅपसुद्धा बर्‍यापैकी अशाच प्रकारे फोटोचा अभ्यास करून इफेक्ट्स देतं. आता एनव्हीडियाने आणखी एक पाऊल पुढे नेट स्वतःची कृत्रिम बुद्धिमत्तेमधील प्रगती जगासमोर आणली आहे. GauGAN लवकरच एनव्हीडियाच्या AI Playground वेबसाइटवर पाहायला मिळेल.

या सॉफ्टवेअरमुळे AI च्या मानवी आयुष्यावरील परिणामांबद्दल पुन्हा एकदा नव्याने चर्चा सुरू झाल्याचं पहायला मिळत आहे. डिजिटल युगात अशा गोष्टींचा गैरवापर होण्याचीच शक्यता डीपफेक्सच्या वेळी आपण सर्वांनी पाहिली आहेच. AI चा वापर चांगल्या गोष्टींसाठीच व्हावा यासंबंधी प्रयत्न होण्याची वेळ अगदी जवळ येऊन ठेवली आहे हे मात्र नक्की…

The post साध्या चित्रांना फोटोत रूपांतरित करणारं Nvidia चं भन्नाट AI सॉफ्टवेअर! appeared first on MarathiTech - मराठीटेक.