PlayStation Archives - MarathiTech - मराठीटेक

प्लेस्टेशन शोकेस : स्पायडरमॅन २ सह अनेक नव्या गेम्स जाहीर!

Sooraj Bagal — Fri, 26 May 2023 04:52:20 +0000

सोनीने नेहमीप्रमाणे त्यांच्या PlayStation Showcase या कार्यक्रमात यावर्षी येणाऱ्या गेम्स जाहीर केल्या आहेत. यामध्ये प्रमुख आकर्षण असलेली गेम म्हणजे Spiderman 2. अनेक जण या गेमची वाट पाहत होते. या गेमचा गेमप्ले यावेळी दाखवण्यात आला. जाहीर झालेल्या गेम्सपैकी ही गेम PS5 Exclusive असेल.

Marvel’s Spider-Man 2 सोबत पुढील गेम्ससुद्धा जाहीर झाल्या असून यामधील काही गेम्स VR हेडसेटवर खेळण्यासाठी तर काही एक्सबॉक्स व पीसीवरसुद्धा खेळता येतील.

Metal Gear Solid Delta: Snake Eater, Phantom Blade Zero, Marathon, Destiny 2: The Final Shape, Assassin’s Creed Mirage, Dragon’s Dogma 2, Alan Wake 2, Helldivers 2, Ghostrunner 2, Final Fantasy XVI – ‘Salvation’, Foamstars, Five Nights at Freddy’s Help Wanted 2, Towers of Aghasba, Revenant Hill, Sword of the Sea, Immortals of Aveum, Granblue Fantasy: Relink, Resident Evil 4 VR Mode, The Plucky Squire, Street Fighter 6 – Your Story, Neva, Cat Quest: Pirates of the Purribean, Teardown, The Talos Principle 2, Crossfire: Sierra Squad, Ultros, Beat Saber, Arizona Sunshine 2, Synapse, Concord, Fairgame$

सोनीने याच कार्यक्रमात त्यांचं नवं हँडहेल्ड गेमिंग डिव्हाइस जाहीर केलं असून Project Q नावाचं हे उपकरण तुमच्या PS5 मधील गेम्स या छोट्या स्क्रीनवर स्ट्रीम करू शकतं ज्यामुळे तुम्ही याद्वारे टीव्ही ऐवजी या हँडहेल्डवर प्लेस्टेशनवरील गेम्स खेळू शकता. यासोबत सोनीने Playstation Wireless Buds सुद्धा आणले आहेत हे इयरबड्स गेमिंग वेळेस लॉसलेस ऑडिओ ऐकवू शकतील!

खालील यूट्यूब प्लेलिस्टमध्ये जाहीर झालेल्या सर्व गेम्सचे ट्रेलर्स पाहू शकता.

The post प्लेस्टेशन शोकेस : स्पायडरमॅन २ सह अनेक नव्या गेम्स जाहीर! appeared first on MarathiTech - मराठीटेक.

सोनीचा PlayStation 5 सादर : जबरदस्त कॉन्सोल सोबत भन्नाट गेम्स!

Sooraj Bagal — Fri, 12 Jun 2020 04:03:45 +0000

गेले काही दिवस लॉंच पुढे ढकलल्यानंतर आज सोनीचा पुढचा प्लेस्टेशन गेमिंग कॉन्सोल PS5 सादर करण्यात आला आहे. यापूर्वी फक्त कंट्रोलरचीच माहिती देण्यात आली होती आता मात्र कॉन्सोलसोबत उपलब्ध होणाऱ्या गेम्सचीही झलक दाखवण्यात आली आहे. यामध्ये एक डिजिटल एडिशनसुद्धा आणली असून यामध्ये डिस्कशिवाय गेम्स इंस्टॉल करून खेळता येतील म्हणजेच ही पूर्ण ऑनलाइन असेल!

मायक्रोसॉफ्ट एक्सबॉक्सच्या येणाऱ्या सिरीज एक्स नावाच्या कॉन्सोलसोबत PS5 ची स्पर्धा असेल. दोन्ही कॉन्सोल्स आधीच्या आवृत्त्यापेक्षा अनेक पटींनी शक्तिशाली असणार आहेत आणि आता हे थेट 8K रेजोल्यूशन पर्यंतसुद्धा सपोर्ट देत आहेत.

Sony PlayStation PS5 Hardware Reveal Trailer : https://youtu.be/RkC0l4iekYo

या PS5 कॉन्सोलसोबत त्यांनी इतर उपकरणे जसे की कंट्रोलर, 3D हेडफोन, एचडी कॅमेरा आणि एक मीडिया रिमोटसुद्धा सादर केला आहे! या कॉन्सोलची किंमत अद्याप जाहीर करण्यात आलेली नाही. हा हॉलिडे 2020 (नोव्हेंबर/डिसेंबर) वेळी उपलब्ध होईल असं सांगण्यात आलं आहे.

PS5 सोबत जाहीर करण्यात आलेल्या गेम्सचे ट्रेलर

Search Terms : Sony PlayStation 5 gaming console launched with so many games, to compete with Xbox Series X

The post सोनीचा PlayStation 5 सादर : जबरदस्त कॉन्सोल सोबत भन्नाट गेम्स! appeared first on MarathiTech - मराठीटेक.

सोनी PS5 साठी नवा कंट्रोलर जाहीर : पुन्हा एक्सबॉक्स vs प्लेस्टेशन?

Sooraj Bagal — Thu, 09 Apr 2020 13:53:28 +0000

सोनीने काल त्यांच्या लवकरच येणाऱ्या Sony PlayStation 5 या गेम कॉन्सोलसाठी नवा ड्युयलसेन्स (DualSense) नावाचा कंट्रोलर जाहीर केला आहे. यामध्ये अनेक नव्या सुविधा जोडण्यात आल्या आहेत ज्याला नव्या डिझाईनची जोड देण्यात आली आहे. डिझाईन बदललं असलं तरी DualShock 4 मधील गेमर्सच्या आवडीच्या सोयी यामध्येही उपलब्ध असतील. नव्या कंट्रोलरला USB-C पोर्ट देण्यात आलं आहे ज्याद्वारे चार्जिंग करता येईल. इंटर्नल माइक सुद्धा आहे ज्याद्वारे गेमिंगवेळी चॅट करू शकाल. Haptic Feedback And Adaptive Triggers द्वारे गेम्स खेळताना आता आणखी मजा येणार आहे कारण यामुळे नक्कीच अधिक सुधारित अनुभव मिळेल.

A first look at DualSense, PS5’s new wireless controller.

More details and images: https://t.co/SuaUVDkyvD pic.twitter.com/ot5R1u5hsz
— PlayStation (@PlayStation) April 7, 2020

Sony DualSense PS5 Controller मधील नव्या सुविधा!

Two-tone color design
Form factor
Light bar placement
Haptic feedback
Adaptive triggers
Rechargeable battery via USB-C
Built-in mic
Create button

गेमिंग विश्वात मायक्रोसॉफ्टचा Xbox आणि सोनीचा PlayStation गेम कॉन्सोलची मोठी स्पर्धा असते. दोन्हीही कॉन्सोलच्या पुढील आवृत्ती येत्या काही महिन्यात उपलब्ध होत आहेत. Xbox Series X आणि PlayStation 5 दोन्ही कॉन्सोल सध्या त्यांच्या ग्राहकांना म्हणजेच गेमर्सना आकर्षित करण्यासाठी अधून मधून नव्या फीचर्सची घोषणा करत आहेत. आलेला नवा कॉन्सोल बाजारात ५-६ वर्षांसाठी राहणार असल्याने भविष्यातील ट्रेंडसचा विचार करून त्यांना विविध सोईचा समावेश करावा लागतो. 120 fps support, 8K resolutions, Ray-tracing technology यावर सध्या तरी यांचा भर दिसून येत आहे. एक्सबॉक्सने त्यांच्या कॉन्सोलचंसुद्धा डिझाईन जाहीर केलं आहे मात्र सोनीनी अद्याप फक्त कंट्रोलरच जाहीर केला आहे.

अनेकांना माहीत नसेल की गेल्यावर्षीच सोनी व मायक्रोसॉफ्ट यांच्यामध्ये क्लाऊड सेवांसाठी करार झाला आहे आणि इथून पुढे सोनी मायक्रोसॉफ्टच्या क्लाऊड सेवांचा वापर करणार आहे!

The post सोनी PS5 साठी नवा कंट्रोलर जाहीर : पुन्हा एक्सबॉक्स vs प्लेस्टेशन? appeared first on MarathiTech - मराठीटेक.

गेमस्थ : Top Games currently

Sooraj Bagal — Sat, 11 Jan 2014 07:00:00 +0000

गेम्स खेळण्यात रमणे हे कुणाला आवडत नाही? कामाचा, अभ्यासाचा वा आणखी कुठला ताण वाटला की थोडे विश्रांत होण्यासाठी मोबाइलवर किंवा अगदी संगणकावर गेम खेळणे कुणीही टाळत नाही. यामुळे सध्या बाजारात असलेल्या व नव्या वर्षांत बाजारात येणार असलेल्या गेम्सविषयी आपण माहिती करून घेऊयात.

ग्रान टुरिझ्मो ६ : सोनी प्ले स्टेशनने नुकतेच भारतात लाँच केलेल्या ‘ग्रान टुरिझ्मो ६’ या गेमिंग कन्सोलमध्ये आपल्याला भरपूर नवनवे गेम्स मिळणार आहेत. हे सर्व गेम वेगवान आहेत. यामध्ये आपल्याला १२०० हून अधिक गाडय़ा असलेल्या कार रेसिंग चॅम्पियनशिप गेम खेळता येणार आहे. यामध्ये देण्यात आलेली ‘लुनार रोवर व्हेइकल’ जर तुम्ही अनलॉक केली, तर तुम्हाला परग्रहावरील वातावरणाचा अनुभव देणारी स्क्रीन उपलब्ध होईल. इतकेच नव्हे, तर तुम्हाला अनोखी रेसही खेळता येणार आहे. याशिवाय या माध्यमातून आपल्याला ऑनलाइन गेमिंगमध्येही सहभागी होता येणार आहे. यामध्ये वापरण्यात आलेले नवे तंत्रज्ञान हे या कन्सोलची खासियत असणार आहे. याशिवाय २०१०मधील रेड बुल एक्स सीरिज या कन्सोलमध्ये आपल्याला नव्याने खेळता येणार आहे. रेडबुल एक्स २०१४ ही आवृत्ती यासाठी बाजारात आणली आहे.

बायोशॉक इन्फिनिट : कोलंबिया शहरात हीरोला एक मुलगी सापडते आणि तिच्यावरून सुरू होणारी कहाणी या गेममध्ये विविध टप्प्यांमध्ये रंगवण्यात आली आहे. यामधील हीरो आपण असलो तरी यात येणाऱ्या अडचणींवर मात करत तिची सुटका करून आपल्या ताब्यात आणणे खूप जिकिरीचे काम आहे. यामध्ये आपल्याला केवळ मज्जाच करता येते असे नाही, तर बुद्धीचाही वापर करावा लागतो. समोरून अनपेक्षितपणे येणारी आव्हाने स्वीकारण्यासाठी सज्ज राहावे लागते. जर तुम्हाला गोष्टी ऐकायला किंवा सांगायला आवडत असेल, तर नक्कीच तुम्ही हा गेम एन्जॉय करू शकता. यामध्ये याच संकल्पनेवर आधारित विविध गेम्स देण्यात आले आहेत. यामध्ये देण्यात आलेली कथा खरोखरीच प्रोत्साहन देणारीही आहे.

कंपनी ऑफ हीरोज :दुसऱ्या महायुद्धावर अनेक संगणकीय गेम्स आले आहेत, पण यातील हा गेम म्हणजे सर्वात लोकप्रिय आहे. हा गेम प्रत्यक्षात २००६ मध्ये बाजारात आला. तरी त्याच्या प्रत्येक आवृत्तीने बाजारात लोकप्रियतेचे शिखर गाठले आहे. या गेममध्ये भरपूर पात्र असून शत्रुपक्षाचा खात्मा करण्यासाठी आपल्याला कधी बुद्धीचा, तर कधी बळाचा वापर करावा लागतो. योजनाबद्ध आक्रमणाची आखणी करण्याची यामध्ये गरज असून ही करण्यासाठी आपल्याला यात काही क्लू देण्यात आले आहेत. त्याचा वापर करून योग्य आखणी करणे आणि शत्रुपक्षाचा नियोजित वेळेत खात्मा करण्याचे आव्हान आपल्याला पेलायचे असते. यामध्ये वापरण्यात आलेले ग्राफिक्स आणि त्याचा आवाज हे अत्याधुनिक असून त्याचा प्रभाव गेम खेळताना खूप चांगल्या प्रकारे पडत असतो.

फिफा १४ : फुटबॉलचा वर्ल्ड कप हा सध्या भारतीय तरुणांचा चांगलाच चर्चेचा विषय बनला आहे. नाक्यावर प्रत्येक जण एक एक फुटबॉलपटूच झाल्यासारखा वावरत असतो आणि चर्चाही करत असतो; पण प्रत्यक्ष मैदानात नाही, पण संगणकीय मैदानात जाऊन खेळण्याची संधी आपल्याला या गेमच्या माध्यमातून मिळू शकते. यात आपण अगदी मेस्सी, रोनाल्डोपासून कुणीही आपला आवडता फुटबॉलपटू होता येते. या गेमचे व्हर्जन आपल्याला नव्या वर्षांत उपलब्ध होणार असून या गेममध्ये आपल्याला खिळवून आणि खेळवत ठेवण्याची चांगलीच क्षमता आहे.

बॅटमन : वॉर्नर ब्रदर्सनी विकसित केलेल्या गेम्सपैकी हा एक गेम आहे. हा गेम विंडोज, पीएस ३, एक्सबॉक्स ३६० वर खेळता येऊ शकतो. या गेममध्ये आपल्याला शत्रूंचा खात्मा करणाऱ्या बॅटमनची भूमिका बजावायची असते. यामुळे आपल्याला हीरो असल्याची भावना निर्माण होऊन आपण हा गेम खूप जास्त एन्जॉय करत असतो. या गेममध्ये काही फारसे वेगळे नसले तरी हा गेम खूप लोकप्रिय आहे. याचे कारण म्हणजे हा गेम खेळताना खूप जास्त मज्जा येत असते. यामध्ये तयार करण्यात आलेली शत्रूंची चाल आणि त्यातून लढणारा बॅटमन आपल्याला गोष्ट सांगतो आणि विचार करायलाही भाग पाडत असतो.

बॅटल फिल्ड ४ : तुम्हाला युद्धाच्या खेळांची आवड असेल तर हा गेम खूप जास्त तुम्ही एन्जॉय करू शकतात. यामध्ये केवळ भूदलाशीच युद्ध नसून हे युद्ध वायू तसेच नौसेनेशीही आहे. यामुळे या गेमला एक वेगळे वळण देण्यात आले आहे. हा गेम म्हणजे आपल्याला एन्जॉयमेंटबरोबरच युद्धाच्या वेळी करण्यात येणाऱ्या आखण्यांची माहितीही करून देत असतो. यामध्ये इनबिल्ट देण्यात आलेली माहिती ही खऱ्या युद्धाच्या वेळी वापरण्यात येणाऱ्या माहितीपैकी आहे. यामध्ये युद्ध करण्यासाठी आपल्याला शहरात, जंगलात, पाण्यात कुठेही जावे लागते. हे सर्व लक्षात घेऊन तयार करण्यात आलेले याचे ग्राफिक्स आणि साऊंड खूप चांगल्या प्रकारे विकसित करण्यात आले आहेत.
Also GTA V is great Option Check It Here >>

The post गेमस्थ : Top Games currently appeared first on MarathiTech - मराठीटेक.

गेम कन्सोल: सोनी व मायक्रोसॉफ्टमध्ये प्रचंड चढाओढ

Sooraj Bagal — Sat, 21 Dec 2013 21:00:00 +0000

गेमिंग कन्सोल फार काळ चालणार नाहीत, असा अंदाज होता. अँड्रॉइड, आयओएस, स्मार्टफोन आणि टॅब्लेटच भविष्यातील गॅजेट आहेत. जेव्हा तुमच्या खिशात तुलनेने स्वस्त इंटरनेट सेंटर असतील तेव्हा खर्चीक गेमच्या मोठय़ा ब्लॅक बॉक्सवर जास्त खर्च करण्याची काय गरज आहे? असो. विसरूयात या गोष्टी. प्ले स्टेशन- 3 आणि एक्स बॉक्स 360 साठी सप्टेंबरमध्ये आलेल्या ग्रँड थेप्ट ऑटो 5 गेमिंग कन्सोलने तीन दिवसांत 63 अब्ज रुपये कमावले आहेत. त्याने गेमिंगच्या दुनियेतील सर्व विक्रम मोडीत काढले आहेत.

टॅब्लेट आणि स्मार्टफोन युर्जससाठी ग्रँड थेफ्ट ऑटोसारखी दुसरी वस्तू नाही. त्यामुळे सोनी आणि मायक्रोसॉफ्ट अशा युर्जसना आकर्षित करण्यासाठी मैदानात उतरले आहेत. तंत्रज्ञान जगतातील दोन मोठे मल्ल पुढच्या दशकात होणार्‍या चढाओढीत पूर्णांशाने अंग टाकणार आहेत. एकीकडे सोनीचे 25000 रुपयांचे प्ले स्टेशन 4 आहे. दुसरीकडे, मायक्रोसॉफ्टचे 31250 रुपयांचे एक्स बॉक्स वन आहे. हे डेस्कटॉपसारखे मल्टिमीडिया डिव्हाइस आहे. यात टीव्ही, स्ट्रीमिंग सर्व्हिस आणि गेमिंगला व्हाइस मास्टर हबने जोडले आहे.

दोन्ही कन्सोल एकसारखी मीडिया सर्व्हिस ऑफर करीत आहेत. तसा त्यांच्या किमतीत 6250 रुपयांचा फरक खूपच वाटतो.

असे आहेत दोन्ही गेम कन्सोल

प्ले स्टेशन 4: किंमत रू 25000

मायक्रोसॉफ्टच्या कायनेक्टच्या तुलनेत प्ले स्टेशनच्या कॅमेर्‍याचा व्हाइस कंट्रोल सरळ आहे. याची किंमत वेगळी 3750 आहे. ब्ल्यू रे प्लेअर आणि कन्टेंट स्ट्रीमिंग सर्व्हिस. वायरलेस गेम पॅड. बहुतांश ऑनलाइन सेवांसाठी 3120 रुपये वार्षिक शुल्कचे सदस्यत्व अनिवार्य आहे.

एक्स बॉक्स वन : किंमत रु. 31250

कायनेक्ट कॅमेरा आणि मायक्रोफोन सेन्सर. केबल बॉक्सने लाइव्ह टीव्ही, ब्ल्यू रे प्लेअर आणि स्ट्रीमिंग सर्व्हिस, नवीन वायरलेस गेम पॅड.

ऑनलाइन सेवांसाठी 3750 रुपये वार्षिक शुल्कचे एक्स बॉक्स लाइव्ह गोल्ड सदस्यत्व.

The post गेम कन्सोल: सोनी व मायक्रोसॉफ्टमध्ये प्रचंड चढाओढ appeared first on MarathiTech - मराठीटेक.