नेहमीप्रमाणे गूगलने त्यांच्या प्ले स्टोअरवरील सर्वोत्तम ॲप्स, गेम्सची यादी जाहीर केली आहे. त्याचबरोबर गुगलकडून ‘User’s Choice’ विभागसुद्धा करण्यात आला असून यामध्ये यूजर्सच्या वोटिंगद्वारे विजेता ठरविण्यात आला आहे. चित्रपट, गाणी यांचीसुद्धा यादी अशाच प्रकारे प्रसिद्ध करण्यात आली असून ती तुम्ही गूगल प्ले स्टोरवर जाऊन पाहू शकता! ही यादी प्रत्येक देशात वेगळी असणार असून त्या त्या भागात वापरले जाणारे ॲप्स, गेम्स ग्राह्य धरले जातात.

गूगल वरील सर्वोत्तम ॲप्स, गेम्स यांची अधिकृत यादी : Best Apps & Games on Google Play Store 2022

या विजेत्यांमध्ये ६ प्रकारे विभागणी करण्यात आली असून एकूण गुणवत्ता, डिझाईन, तांत्रिक कामगिरी व नावीन्य यांच्या आधारे ती विभागणी केलेली आहे. खाली ते प्रकार आणि त्यानंतर त्यामध्ये सर्वोत्कृष्ट ॲप असा उल्लेख आहे. यामधील नावीन्य असलेले ॲप्स वापरुन पहायलाच हवेत…

ॲप्स

२०२२ चं सर्वोत्तम ॲप : Questt: Navigator for Learning : Best App of 2022
हे ॲप आपण शिकत असलेल्या माहितीचा वाटाड्या म्हणून काम करतं.

User’s Choice : Shopsy Shopping App – Flipkart

२०२२ ची मजेशीर ॲप्स : Best for Fun Apps of 2022
Turnip – Talk, chat and stream
Dance Workout for Weight Loss
Dream by WOMBO – AI Art Tool

२०२२ ची सर्वोत्तम छुपी रत्ने! : काही वैशिष्ट्यपूर्ण ॲप्स : Best Hidden Gems of 2022
BabyG: Activity, Tracker, Meal
Blinctrip : Flight Booking App
Pet Perfect – Dog Health Care
Record Book : Excel & Register
ZyadaShop: Create Online Store

२०२२ मधील रोज वापरायला हवेत असे काही ॲप्स : Best everyday essentials 2022
Shopsy Shopping App – Flipkart
Blinkit: Grocery in minutes
Tata CLiQ Palette: Shop Beauty
Tech News on the Go: Techminis
Zepto: 10-Min Grocery Delivery

Best for personal growth
Filo: Instant 1-to-1 tutoring
Cuemath: Math Games & Classes
Kohbee: Create, Sell courses
PrepLadder Learning App
Yellow Class: Practice & Learn

Best Apps for Good
Khyaal: Senior Citizens App
BunkerFit-Strong Body & Mind
Neend: Relax, Sleep, Meditate
Zario: Digital Wellbeing

गेम्स

२०२२ ची सर्वोत्तम गेम : Apex Legends Mobile : Best Game of 2022
ही एक सुप्रसिद्ध बॅटल रॉयाल गेम आहे.

Users’ Choice Game
Angry Birds Journey

Best Multiplayer
Rocket League Sideswipe
Catalyst Black
Farlight 84
Offroad Unchained

Best Pick Up & Play
Angry Birds Journey
Gun & Dungeons
HOOK 2
Hyde and Seek
Punball

Best Indies
Dicey Dungeons
Cooking Valley: Cooking Games
Dungeons of Dreadrock
Phobies
quadline

Best Story
Diablo Immortal
DEEMO II
Gladiators: Survival in Rome
Inua – A Story in Ice and Time
The Secret of Cat Island

Best Ongoing
Clash of Clans
Candy Crush Saga
Genshin Impact
Ludo King
Real Cricket 20

The post गूगल प्लेवर २०२२ मधील सर्वोत्तम ॲप्स, गेम्स जाहीर! appeared first on MarathiTech - मराठीटेक.

Garena Free Fire ही लोकप्रिय गेम कालपासून गूगल प्ले स्टोअर आणि ॲपल ॲप स्टोअरवर भारतात डाउनलोड करण्यासाठी उपलब्ध नसून सध्यातरी ही गेम दोन्ही प्लॅटफॉर्म्सवरून डिलीट करण्यात आलेली आहे. गरेना कंपनीतर्फे याबाबत अजून काहीही माहिती देण्यात आलेली नाही. मात्र आज सर्व सोशल मीडियावर ही गेम बॅन करण्यात आली आहे अशी चर्चा सुरू झालीय!

पब्जीच्या लोकप्रियतेनंतर Garena कंपनीने त्यांची स्वतःची बॅटल रॉयाल गेम आणली होती. या Free Fire गेमला कमी क्षमतेच्या स्मार्टफोन्सवरसुद्धा खेळता येत असल्यामुळे हळू हळू ही गेम प्रसिद्ध होऊ लागली होती आणि नंतर तर पब्जी मोबाइलच बॅन झाली त्यामुळे त्यांचा बराच मोठा युजरबेस या फ्री फायर कडे वळला.

आत्ता जरी ही गेम बॅन झाली आहे अशी चर्चा असली तरी भारत सरकार किंवा गरेना कंपनी दोघांकडूनही तशी कोणतीच माहिती दिलेली नाही. यामुळे असं म्हणता येईल की सध्यातरी ही गेम तांत्रिक अडचणींमुळे काढून टाकण्यात आलेली असू शकते कारण या गेमला दोन दिवसांपूर्वी अपडेट देण्यात आलं होतं. दोन्ही प्लॅटफॉर्मवरील ॲप स्टोअर्सवर कोणताही नियम भंग झाला की ते ॲप काढून टाकण्यात येतं तसच याबाबत घडलेलं असू शकतं.

गरेना ही कंपनी सिंगापूरची असल्यामुळे ही गेम ज्याप्रकारे चीनी ॲप्स बॅन करण्यात आले होते त्याप्रकारे तर बॅन झालेली नाही. शिवाय यांचीच Garena Free Fire Max ही गेम अजूनही गूगल प्ले स्टोअरवर आहे. (ही सुद्धा गेम ॲपलच्या ॲप स्टोअरवर मात्र नाही!)

अपडेट १४-०२-२०२२ सरकारने जाहीर केलेल्या माहितीनुसार फ्रीफायर गेमसुद्धा बॅन करण्यात आलेली आहे.

The post Free Fire गेम प्ले स्टोअर आणि ॲपल ॲप स्टोअरवरून काढून टाकली! appeared first on MarathiTech - मराठीटेक.

गूगलने आज त्यांच्या प्ले स्टोअरवरून पेटीएमच्या पेमेंट ॲपला काढून टाकलं आहे. गूगलच्या म्हणण्यानुसार पेटीएमने प्ले स्टोअरच्या जुगार/Gambling संबंधी नियमांचं वारंवार उल्लंघन केलं आहे. हे ॲप प्ले स्टोअरवरून काढून टाकलं असलं तरी ज्यांच्याकडे हे ॲप आधीपासून आहे त्यांना काळजी करण्याची गरज नाही. त्यांच्याकडे पेटीएम नेहमी प्रमाणे सुरू राहील. फक्त नव्याने कोणाला पेटीएम घ्यायचं असेल तर ते त्यांना डाउनलोड करता येणार नाही. पेटीएमने ट्विट करून याबाबत माहिती देत आमचं ॲप लवकरच प्ले स्टोअरवर परतणार असल्याचं सांगितलं आहे.

यासंबंधीत एक ब्लॉग लिहून माहिती देण्यात आली असून यामध्ये एखाद्या ॲपमध्ये ऑनलाइन कसिनो किंवा जुगार/बेटिंग सुरू करणं अवैध आहे. यूजर्सचं नुकसान होऊ नये या उद्देशाने गूगलने हे नियम लागू केले आहेत. यामुळे यूजर्सची संभाव्य फसवणूक टाळता येईल असं गूगलला वाटतं. शिवाय एखाद्या ॲपमधून अमुक एका वेबसाइट/ॲपकडे redirect करून तिथे असे प्रकार घडणार असतील तर ते सुद्धा अवैध असेल असंही गूगलने स्पष्ट केलं आहे. जर वारंवार हा प्रकार घडला तर आधी हे ॲप काढून टाकण्यात येईल आणि पुन्हा असा प्रकार झाला तर डेव्हलपर अकाऊंट बंद करण्यात येईल.

याच नियमांमुळे Dream11, MPL सारख्या सेवांची ॲप्स प्ले स्टोअरवर उपलब्ध नाहीत. पेटीएमने Paytm First Games नावाची सेवा आणली आहे ज्यामध्ये अशाच गेमचं गोंडस नाव दिलेल्या जुगाराच्या गोष्टी चालतील. पेटीएमला याबाबत माहिती नव्हती की त्यांनी माहिती असून त्याकडे दुर्लक्ष केलं त्यांनाच ठाऊक. पण भारतातल्या ॲप्स आणि त्यांच्यामध्ये सुरू असलेल्या बऱ्याच त्रासदायक गोष्टींना आळा घालणं नक्कीच गरजेचं आहे. पाश्चात्य देशांप्रमाणे इथे अशा गोष्टींबद्दल कंपन्याना कुठेही जाब विचारला जात नाही त्यामुळे वाट्टेल तितक्या जाहिराती टाका, फसव्या जाहिराती टाका असे प्रकार सुरू आहेत. किमान गूगलने तरी अँड्रॉइड यूजर्सचा विचार करून अशा ॲप्सवर लक्ष ठेवायला हवं.

ज्यांचे Paytm Wallet/Payments Bank मध्ये पैसे आहेत त्यांनी घाबरू नये. तुम्ही अजूनही ॲप वापरू शकता आणि हे ॲप काही दिवसातच प्ले स्टोअर नक्की परत येईल.

अपडेट 07:08 PM : पेटीएम पुन्हा प्ले स्टोरवर उपलब्ध झालेलं आहे.

गूगलची ब्लॉग पोस्ट : Understanding our Play gambling policies in India

The post गूगलने पेटीएम ॲप प्ले स्टोअरवरून काढून टाकलं : नियम मोडल्यामुळे कारवाई! appeared first on MarathiTech - मराठीटेक.

गूगलने भारतात त्यांच्या गूगल प्ले स्टोअरवर युनिफाईड पेमेंट्स इंटरफेस (यूपीआय) हा नवा पर्याय उपलब्ध करून दिला आहे. यामुळे युजर्सना अॅप्स, गेम्स, पुस्तके, चित्रपट खरेदी करण्यासाठी UPI चा वापर करता येणार आहे. UPI द्वारे पेमेंट करण्यासाठी आपण BHIM, Google Pay, Paytm, PhonePe अशा कोणत्याही अॅपचा वापर करू शकाल.

हा पर्याय काही यूजर्सना गेल्या काही आठवड्यापासून दिसण्यास सुरुवात झाली होती मात्र गूगलने आता यासंबंधी अधिकृत घोषणा केली असून आता डेबिट कार्ड, क्रेडिट कार्ड, नेटबँकिंग सोबत यूपीआय हा नवा पर्याय उपलब्ध झालेला पाहायला मिळेल.

युजर्सना यासाठी गूगल प्ले स्टोअरच्या सेटिंग्समध्ये जाऊन त्यांचा UPI ID (VPA) लिंक करायचा आहे जेणेकरून तिथून पुढे कधीही पेमेंट करणं सोपं जाईल.

गूगल प्ले रिटेल अँड पेमेंट्स विभागाचे प्रमुख सौरभ अगरवाल यांनी अशी माहिती दिली की “भारतीय अॅप डेव्हलपर्स सध्या वेगवेगळ्या प्रकारचे उत्तम अॅप्स तयार करून त्यामार्फत चांगला व्यवसाय करत आहेत आणि आम्ही त्यांना मदत करण्यासाठी कटिबद्ध आहोत.” यासाठी एक मार्ग म्हणजे युजर्सना अॅप, गेम्स खरेदी करण्यासाठी सोपे पेमेंट पर्याय उपलब्ध करून देणं असून Credit Cards, Debit Cards, Carrier Billing (थेट सीम कार्ड बॅलन्सद्वारे खरेदी) व गिफ्ट कार्ड हे पर्याय आधीपासून आहेत. आता यामध्ये UPI जोडल्यामुळे पेड अॅप्स, गेम्स, अॅप्स मध्ये उपलब्ध पेड कंटेंट यासाठी पैसे देणं सोपं होईल.

UPI द्वारे पेमेंट्सची भारतात प्रचंड वेगाने वाढ

युनिफाईड पेमेंट्स इंटरफेस (यूपीआय) पर्याय उपलब्ध झाल्यापासून देशभरात सर्वत्र याचा मोठ्या प्रमाणात वापर केला जात असून आता सर्व दुकाने, हॉटेल्स, मॉल अशा सर्वच ठिकाणी UPI साठी लावलेले QR कोड्स पाहायला मिळतात. फोनपे याबाबत अलीकडे पुढाकार घेऊन सर्वच अॅप्सना पेमेंट करता येईल असा QR कोड बऱ्याच ठिकाणी लावला आहे. BHIM, Google Pay, Paytm, PhonePe, Amazon Pay UPI व बँकांचे स्वतःचे UPI अॅप्स असे अनेक अॅप्स एकाच UPI प्लॅटफॉर्मद्वारे पैसे देवाण घेवाण करण्यासाठी सहजसोपे पर्याय ठरत आहेत.

ऑगस्ट महिन्यात प्रथमच UPI पेमेंट्सनी ९० कोटी व्यवहार ज्यांची किंमत तब्बल १.५४ लाख कोटी असेल इतके व्यवहार पार पाडले आहेत! जुलै महिन्याच्या तुलनेत ही वाढ तब्बल ११.६% अधिक होती! किंमतीच्या दृष्टीने पाहता ५.५% टक्क्यांची वाढ नोंदवण्यात आली आहे. छोट्या शहरांमध्ये वाढलेला स्मार्टफोन्स व इंटरनेटचा वापर UPI च्या वाढीस कारणीभूत ठरत असल्याचं सांगण्यात येत आहे. त्यातच अशा अॅप्सद्वारे अनेकदा कॅशबॅकसुद्धा दिला जातो त्यामुळे तर याच्या लोकप्रियतेत आणखी भर पडली आहे! UPI मध्ये सध्या १४१ बँका सहभागी आहेत.

• यूपीआय (UPI) म्हणजे काय, ते कसे वापरायचे?
• यूपीआयची दुसरी आवृत्ती : UPI 2.0 सादर !

The post गूगल प्ले स्टोअरवर UPI पेमेंट उपलब्ध! : ऑगस्टमध्ये UPI व्यवहारांत ११.६% वाढ! appeared first on MarathiTech - मराठीटेक.

अनेकांच्या फोन्समध्ये इंस्टॉल्ड असलेले क्लिन मास्टर, CM फाईल मॅनेजर, किका किबोर्ड CM लाँचर, CM लॉकर असे अॅप्स डेव्हलप करणार्‍या चिता मोबाइल व किका टेक यांच्यावर गूगल प्ले स्टोअरने जाहिरातींचा गैरव्यवहार करून क्लिक्समध्ये वाढ करून वापरकर्त्याच्या परवानगीशिवाय कृती केल्याने कारवाई केली आहे.
या डेव्हलर्सचे अॅप्स गूगल प्ले स्टोअरवरून काढून टाकून त्यांचे Admob अॅड नेटवर्क थांबवण्यात आलं आहे!

अंतर्गत अभ्यासानंतर गूगलला या अॅप्सद्वारे नकळत अॅप्स इंस्टॉल केले जात असल्याच लक्षात आलं आहे. त्यावर कारवाई म्हणून ही अॅप्स प्ले स्टोअरवरून हटवण्यात आली आहेत.

अॅड क्लिक फ्रॉड हा प्रकार अँड्रॉइडमध्ये अनेक वर्षांपासून सुरु आहे. गूगल काही कारणाने यावर कारवाई करतच नाही. यांना जर सुरवातीलाच प्रतिबंध केला तर असे अॅप्स पसरण थांबवता येऊ शकत. असे अॅप्स इंस्टॉल केले की आपल्या फोन्स जाहिरातींनी आणि आपण न इंस्टॉल केलेल्या अॅप्सने भरून गेलेला दिसतो. क्लिन मास्टरसारख्या अॅप्स द्वारे आपला फोन काही क्षण वेगवान झाल्यासारखा वाटत असला तरी त्याची मोठी किंमत चुकवावी लागत असते हे बर्‍याच जणांना लक्षात येत नाही.

गूगल प्ले स्टोअर सुरक्षेच्या बाबतीत अॅपलच्या अॅप स्टोअरच्या बरच मागे आहे असं म्हणावं लागेल. अॅपल अॅप स्टोअरवरील येणार प्रत्येक अॅप स्वतः तपासून पाहतं! गूगल मात्र कोणीही टाकलेल कुठल्याही अॅपला प्ले स्टोअरवर थेट प्रवेश देतं जोवर ते अॅप नियमांच उल्लंघन करत आहे हे लक्षात येतं तोवर  ते अॅप लाखो लोकांच्या फोन्समध्ये वापरात असतं! 

खालील अॅप्सवर कारवाई करण्यात आल्याच गूगलकडून सांगण्यात आलं आहे: 

• Clean Master
• CM Launcher 3D
• Security Master
• Battery Doctor
• Cheetah Keyboard
• CM Locker

यातल्या CM File Manager व Kika Keyboard २५ कोटी डाउनलोडस पूर्ण झालेत आहेत. याचा अर्थ इतक्या मोठ्या प्रमाणावर ह्या डेव्हलपरनी वापरकर्त्याना फसवून खोट्या/फसव्या जाहिराती दाखवल्या आहेत! चिता मोबाइल (Cheetah Mobile CM) यांच्या तर एकत्रित डाउनलोडसची संख्या २०० कोटींवर आहे! यावरून अंदाज लावला जाऊ शकतो यांनी अशा खोट्या जाहिरातीतुन किती मोठा पैसा कमवला असेल आणि कित्येकांच्या फोन्सवर न सांगता अॅप्स इंस्टॉल केले असतील! सध्या हा लेख लिहताना CM चे काहीच अॅप्स हटवलेले दिसत आहेत तर क्लिनमास्टर अजूनही पाहायला मिळत आहे. त्यांच्यावर नजर ठेऊन असल्याचं सांगितलं आहे.

मराठीटेकचा सल्ला असा आहे की असे क्लिन मास्टर, अॅप किलर , अमुक तमुक फाईल मॅनेजर/ब्राउजर अॅप्स वापरू नका. त्यांचा खर्‍या कामापेक्षा जाहिराती दाखवण्यासाठीच जास्त वापर केला जात आहे हे लक्षात घ्या.


search terms : google play store removes clean master and other cheetah mobile apps

The post CM फाइल मॅनेजर, किका किबोर्डची प्ले स्टोअरवरुन हकालपट्टी : जाहिरातींद्वारे गैरव्यवहार! appeared first on MarathiTech - मराठीटेक.