काही दिवसांपूर्वीच उपलब्ध झालेल्या Lensa ॲप सोशल मीडियावर धुमाकूळ घातला आहे. यामध्ये कृत्रिम बुद्धिमत्ता म्हणजेच AI चा वापर करून आपण आपलोड केलेल्या फोटोंचा संदर्भ घेत आपली डिजिटल चित्रे तयार करून मिळतात. यामधील Magic Avatars नावाची सोय वापरुन ही चित्रं बनवली जातात. सध्या बरेच सेलेब्रिटी, सोशल मीडिया यूजर्स त्यांचे असे AI ने तयार केलेले फोटो मोठ्या प्रमाणात शेयर करत आहेत. दिलेल्या

हे Lensa AI ॲप काही वर्षांपूर्वी प्रसिद्ध झालेल्या Prisma ॲप तयार करणाऱ्या डेव्हलपर्सनीच बनवलेलं आहे. Prisma Labs असं या कंपनीचं नाव आहे. Magic Avatars ही सोय म्हणजे आपण नेहमी पाहतो तसे फिल्टर्स किंवा फोटो इफेक्टस नाहीत. मॅजिक अवतार म्हणजे आपण दिलेल्या फोटोंचा अभ्यास करून त्यावरून AI ने स्वतः तयार केलेल्या इमेजेस आहेत! यासाठी Stable Diffusion न्यूरल नेटवर्कचा वापर केलेला आहे. वेगवेगळ्या पार्श्वभूमीचे अवतार तयार करून मिळतात. यामधील काही अवतार तर अक्षरशः जादुई वाटतील इतक्या चांगल्या प्रकारे दिसत आहेत.

Lensa द्वारे तयार केलेले अवतार https://www.instagram.com/explore/tags/lensaapp इंस्टाग्रामवर पाहू शकता.
बऱ्याच जणांनी #AIAvatars #AI #Avatars #aigenerated #aiportraits अशा हॅशटॅग्सचाही वापर केला आहे.

Lensa AI ॲप कसं वापरायचं ?

1. प्रथम Lensa ॲप डाउनलोड करून घ्या
2. उघडल्यावर Magic Avatar चा पर्याय निवडा
3. ही सोय वापरण्यासाठी पैसे द्यावे लागतील. (खाली अधिक माहिती दिलेली आहे)
4. आता तुमचे फोनमधील १०-२० पोर्ट्रेट फोटो सिलेक्ट करून अपलोड करा.
5. Import केल्यावर आपल्याला किती AI Images तयार करून हव्या आहेत त्यानुसार पैसे देण्याचा पर्याय दिसेल.
6. यानंतर जवळपास २० मिनिटे थांबा आणि तुम्हाला या ॲपने तयार केलेली भन्नाट चित्रं पाहायला मिळतील.

Lensa ॲपमधील फिल्टर्स, बॅकग्राऊंड काढून टाकणे, आर्ट स्टाइल इफेक्टस अशा सोयी काही प्रमाणात मोफत उपलब्ध आहेत मात्र आपण आज जे व्हायरल झालेल्या इमेजेस पाहत आहोत त्यासाठी Magic Avatar नावाची सोय वापरली जाते. Magic Avatar तयार करण्यासाठी AI साठी खूप जास्त प्रमाणात Computation चा वापर होतो त्यामुळे ही सोय वापरण्यासाठी ही कंपनी सध्या यूजर्सकडून पैसे घेत आहे. यासाठी उपलब्ध प्लॅन्स खालील प्रमाणे आहेत.

• ५० Avatars साठी ₹३८०
• १०० Avatars साठी ₹५९०
• २०० Avatars साठी ₹७९०

हे ॲप आणि त्यामधील इतर सोयी वापरण्यासाठी वेगळं सबस्क्रिप्शनसुद्धा असून त्यासाठी वर्षाला २४९९ रु द्यावे लागतात (७ दिवसांची मोफत ट्रायल उपलब्ध आहे)

अशा ॲप्समुळे डिजिटल आर्टिस्टचं काम भविष्यात AI द्वारे केलं जाईल अशीही भीती अनेकांनी व्यक्त करण्यास सुरुवात केली आहे. सध्या यामध्ये काही त्रुटी असल्या तरी भविष्यात हे आणखी वेगाने सुधारित स्वरूपात येईल तसं आर्टिस्टनी व्यक्त केलेली भीती थोड्या प्रमाणात का होईना खरी ठरू शकते. यासोबत गेल्या काही दिवसांत अनेकांनी असंही सांगितल आहे की Lensa मधील AI खऱ्या आर्टिस्टच्या चित्रांचा उपयोग त्यांना श्रेय न देता त्यांच्या परवानगीशिवाय स्वतःच्या फायद्यासाठी करत आहे. काही जणांनी त्यांच्या AI Avatar मध्ये आर्टिस्टचं नाव दिसलं आहे तर काहींनी आर्टिस्टचं पुसट सही दिसत असल्याचंही सांगितलं आहे.

Lensa AI Lensa: Photo/Pictures Editor डाउनलोड लिंक्स

Download Lensa on Google Play : https://play.google.com/store/apps/details?id=com.lensa.app
Download Lensa on Apple App Store : https://apps.apple.com/us/app/lensa-photo-picture-editor/id1436732536

The post तुमच्या फोटोंद्वारे बनवा भन्नाट डिजिटल चित्रं : Lensa AI ची कमाल! appeared first on MarathiTech - मराठीटेक.

Prisma अॅप मध्ये इफेक्ट दिलेले फोटोज

Prisma हे अवघ्या एका महिन्यात अॅपलच्या iOS मध्ये अॅपच्या यादीत टॉपवर जाऊन पोहोचल आणि जगात सर्वत्र या नव्या फोटो इफेक्ट अॅपची चर्चा सुरू झाली. कित्येक देशात 10 लाखांहून अधिक लोक दररोज हे अॅप वापरत आहेत ! याच खरं वैशिष्ट्य म्हणजे यामधील कलेने समृद्ध – Artistic “फिल्टर्स”  या फिल्टर्समुळेच या अॅपमध्ये एडिट केलेले फोटो अगदी हुबेहूब प्रसिद्ध चित्रकारांनी बनवलेल्या चित्रांसारखे दिसतात !

 डाऊनलोड लिंक : Prisma on Google Play

गेला महिनाभर हे अॅप केवळ iOS वरच उपलब्ध होते मात्र आता अँड्रॉइडसाठी प्ले स्टोअर वरसुद्धा दाखल झाले आहे. यामध्ये Munk, पाब्लो पिकासो, Van Gogh, Levitan या महान चित्रकारांच्या चित्रांचा इफेक्ट अगदी सहज देता येतो. प्रिझ्माच्या वेबसाइटच्या दाव्यानुसार, हे अॅप न्युरल नेटवर्क आणि कृत्रिम बुद्धिमत्तेचा वापर करून विलक्षण जोडणी तयार करतं ! यामध्ये Impression, Curtain, Running in Storm, Mondrian, Tears, Composition असे विविध फिल्टर्स आहेत. 

ज्यावेळी प्रिझ्मा अॅप तुमच्या फोटोला कलाकृतीमध्ये बदलतं तेव्हा थोडा वेळ घेतं कारण ते फोटोला स्वतः बर्‍यापैकी समजून किती प्रमाणात फिल्टर लावायचा हे ठरवतं. आपण स्वतः फिल्टर किती प्रमाणात लावला गेलाय तीव्रता कमी जास्त करू शकतो! मशीन लर्निंग नावाच्या आणि Artificial Intelligence (कृत्रिम बुद्धिमत्ता) यांच्या जोरावर तंत्रज्ञान आणखी वेगाने पुढे सरकत आहे हे नक्की !  
हे अॅप 11 मिलियन वेळा डाऊनलोड केलं गेलय आणि अंदाजे 400 मिलियन फोटोजना यामुळे इफेक्ट देण्यात आले आहेत ! यामधून तयार केलेली कलाकृती आपण लगेच फेसबुक इंस्टाग्राम, व्हॉटसअॅपवर लगेच शेअर करू शकतो. खाली काही प्रसिद्ध माध्यमांचे रिव्यूज : 

1. Verge :  “Prisma will make you fall in love with photo filters all over again”
2. TechCrunch : “Artists beware! AI is coming for your paintbrush too…”
3. Mashable : “Turning photos into artistic works of inspiration just got a lot easier”

काही बॉलीवुड, मराठी सेलेब्रिटीनी सुद्धा या अॅपचा वापर करत फोटोज शेअर केले आहेत.                
आलिया भट, जॉन अब्राहम, शाहीद कपूर, अनुष्का शर्मा, सिद्धार्थ चांदेकर, क्रांती व तेजस्विनी, प्रसाद ओक  

The post प्रिझ्मा (Prisma) : खर्‍याखुर्‍या चित्राचा इफेक्ट देणारा फोटो एडिटर appeared first on MarathiTech - मराठीटेक.