मायक्रोसॉफ्टने काही दिवसांपूर्वी जाहीर केलेल्या माहितीनुसार त्यांना क्वांटम कॉम्प्युटिंगमध्ये महत्वाचा शोध लावण्यात यश मिळालं असून याद्वार त्यांनी Majorana 1 (मायोराना) नावाची जगातली सर्वात पहिली क्वांटम कॉम्प्युटिंग चिप तयार केली आहे! टोपोकंडक्टर नावाच्या क्रांतिकारी नवीन सामग्रीने बनलेले, मेजराना 1 हे व्यावहारिक क्वांटम संगणनाच्या दिशेने एक मोठे पाऊल आहे असं मायक्रोसॉफ्टने म्हटलं आहे.

जगातील पहिल्या टोपोकंडक्टरचं संशोधन करण्यात मायक्रोसॉफ्टची टीम यशस्वी झाली आहे. या क्रांतिकारी नवीन सामग्रीमुळे त्यांना टोपोलॉजिकल सुपरकंडक्टिव्हिटी तयार करणे शक्य झाले आहे. ही एक नवीन अवस्था जी यापूर्वी केवळ सिद्धांतातच अस्तित्वात होती. इथे अवस्था म्हणजे State of Matter घन, द्रव, वायू या प्रमुख अवस्था मानल्या जातात. यामध्ये नंतर प्लाझ्माचा समावेश झाला आणि आता इतर कृत्रिम म्हणजेच मानवनिर्मित अवस्थाचा शोध लागत आहे.

टोपोलॉजी (Topology) हा गणित आणि भौतिकशास्त्रातील एक शाखा आहे, जी आकार, संरचना आणि त्यांचे गुणधर्म बदलल्यावरही टिकून राहणाऱ्या वैशिष्ट्यांचा अभ्यास करते. टोपोकंडक्टरच्या संशोधनामध्ये इंडियम आर्सेनाइड (एक सेमिकंडक्टर) आणि ॲल्युमिनियम (एक सुपरकंडक्टर) एकत्र केले जातात. जेव्हा हे उपकरणे संपूर्ण शून्याच्या जवळ तापमानाला थंड केली जातात आणि चुंबकीय क्षेत्रांद्वारे ट्यून केली जातात, तेव्हा ती टोपोलॉजिकल सुपरकंडक्टिंग नॅनोवायर्स तयार करतात, ज्यांच्या टोकांवर मायोराना झिरो मोड्स (MZMs) असतात.

ज्याप्रमाणे सेमिकंडक्टरच्या शोधामुळे आजचे स्मार्टफोन, संगणक आणि इलेक्ट्रॉनिक्स शक्य झाले, त्याचप्रमाणे टोपोकंडक्टर आणि त्याद्वारे सक्षम होणारे नवीन प्रकारचे चिप्स हे दशलक्ष क्यूबिट्सपर्यंत स्केल होऊ शकणाऱ्या आणि अत्यंत गुंतागुंतीच्या औद्योगिक व सामाजिक समस्यांचे निराकरण करू शकणाऱ्या क्वांटम प्रणालींच्या विकासाचा मार्ग मोकळा करतात, असे मायक्रोसॉफ्टने सांगितले. मायक्रोसॉफ्टची रिसर्च टीम यावर १७ वर्षं काम करत आहे.

टोपोकंडक्टर किंवा टोपोलॉजिकल सुपरकंडक्टर, हा एक विशेष प्रकारचा पदार्थ आहे जो पूर्णपणे नवीन स्थिती निर्माण करू शकतो—तो घन, द्रव किंवा वायू नसून एक टोपोलॉजिकल अवस्था आहे. हे तंत्र अधिक स्थिर, वेगवान, लहान आणि डिजिटलरीत्या नियंत्रित करता येणारे क्यूबिट तयार करण्यासाठी वापरले जाते, ज्यासाठी सध्याच्या पर्यायांमधील तडजोडी आवश्यक नसतात. बुधवारी Nature मध्ये प्रकाशित झालेल्या नवीन संशोधनपत्रात स्पष्ट करण्यात आले आहे की मायक्रोसॉफ्टच्या संशोधकांनी टोपोलॉजिकल क्यूबिटचे अद्वितीय क्वांटम गुणधर्म कसे निर्माण केले आणि त्यांचे अचूक मोजमाप कसे केले—हे व्यावहारिक संगणनासाठी एक महत्त्वाचे पाऊल आहे.

क्वांटम कॉम्प्युटिंगच्या अनुप्रयोगांचे संभाव्य प्रभाव

क्वांटम संगणक क्वांटम यांत्रिकीचा वापर करून निसर्ग कसा वागतो हे अत्यंत अचूकतेने गणितीय स्वरूपात मांडू शकतात—उदाहरणार्थ, रासायनिक प्रक्रिया, आण्विक परस्परसंवाद आणि एन्झाइम ऊर्जा. एक दशलक्ष क्यूबिट्स असलेले संगणक केवळ रसायनशास्त्र, सामग्री विज्ञान आणि अन्य उद्योगांतील अशा समस्यांचे निराकरण करू शकतात, ज्या सध्याच्या पारंपरिक कॉम्प्युटर्ससाठी अचूकपणे सोडवणे अशक्य आहे.

1. स्वयंचलित दुरुस्ती करणारी सामग्री (Self-healing Materials): उदाहरणार्थ, हे कॉम्प्युटर धातू गंजतात किंवा क्रॅक का पडतात, याचा शोध घेऊ शकतात. यामुळे स्वतः दुरुस्त होणाऱ्या सामग्रींचा विकास होऊ शकतो, ज्या पूल, विमानांचे भाग, फुटलेली मोबाइल स्क्रीन किंवा ओरखडे पडलेले कारचे दरवाजे आपोआप दुरुस्त करू शकतील.
2. पर्यावरणपूरक उत्प्रेरक (Catalysts) आणि प्रदूषण नियंत्रण: जगभरात अनेक प्रकारच्या प्लास्टिक असल्‍यामुळे, त्यांना विघटित करणारा एकच सर्वसमावेशक उत्प्रेरक (catalyst) शोधणे सध्या शक्य नाही. ही समस्या मायक्रोप्लास्टिक स्वच्छ करणे आणि कार्बन प्रदूषण कमी करणे यासाठी मोठी अडचण ठरते. क्वांटम कॉम्प्युटिंग प्लास्टिक विघटित करण्यासाठी योग्य उत्प्रेरकांचे गुणधर्म अचूकपणे मोजू शकते, ज्यामुळे प्रदूषकांना उपयुक्त उप-उत्पादनांमध्ये रूपांतरित करता येईल किंवा विषारी घटकांना पर्यायी, सुरक्षित पर्याय विकसित करता येतील.
3. कृषी आणि आरोग्य क्षेत्रातील प्रगती: एन्झाइम्स (Enzymes), जे जैविक उत्प्रेरक म्हणून कार्य करतात, त्यांचा आरोग्यसेवा आणि कृषी क्षेत्रात अधिक प्रभावी वापर करता येईल, कारण त्यांच्या वर्तनाचे अचूक गणन केवळ क्वांटम कॉम्प्युटिंगच शक्य आहे. यामुळे जागतिक उपासमारीवर उपाय शोधता येईल—जसे की मातीची सुपीकता वाढवणे, उत्पादन वाढवणे किंवा कठीण हवामानात अन्नशेतीला चालना देणे.

भविष्यातील आमूलाग्र बदल: क्वांटम संगणन शास्त्रज्ञ, अभियंते, कंपन्या आणि संशोधकांना पहिल्याच प्रयत्नात योग्य डिझाइन करण्याची क्षमता देईल, जे आरोग्यसेवा ते उत्पादन विकासापर्यंत सर्व क्षेत्रांसाठी क्रांतिकारक ठरेल.

आपण सध्या जे कॉम्प्युटिंग जग पाहतो ते सर्व बायनरी कोडवर आधारित आहे ज्यामध्ये फक्त 0 आणि 1 चा वापर झालेला असतो. यांना बिट्स (bits) म्हटलं जातं. मात्र क्वांटम कॉम्प्युटिंग बिट्स ऐवजी Quantum bits/क्युबिट्सचा (qubit) समावेश आहे. यामध्ये क्वांटम मेकॅनिक्स (मराठीत पुंज यामिकी) मधील तत्वांचा वापर करून 0 आणि 1 यांचा एकाचवेळी एकत्र येऊन वापर केला जातो. यामुळेच सध्याच्या सुपरकम्प्युटर्सना सुद्धा शक्य नसलेल्या गोष्टी अवघ्या काही मिनिटात करण्याची किमया क्वांटम कॉम्प्युटर्स करू शकतात. याबद्दल आम्ही पूर्वीच्या एका लेखामध्ये अधिक माहिती दिली आहे.

सध्याचं तंत्रज्ञान इतक्या वेगाने पुढे सरकत आहे. आधीच AI मुळे याची चिन्हे दिसत असताना आता इतकी मोठी क्षमता असणारी कॉम्प्युटिंग येणाऱ्या काळात आपणा सर्वांच्या आयुष्यात आमूलाग्र बदल आणू शकेल! खालील व्हिडिओ नेमकी कल्पना येण्यासाठी उपयोगी आहे.

संदर्भ Microsoft unveils Majorana 1, the world’s first quantum processor powered by topological qubits

The post मायक्रोसॉफ्टची Majorana 1 क्वांटम कॉम्प्युटिंग चिप जाहीर! appeared first on MarathiTech - मराठीटेक.

ॲपलने काही दिवसांपूर्वी (१७ जानेवारी) त्यांचे सर्वात पॉवरफुल लॅपटॉप्स सादर केले असून नवे मॅकबुक प्रो 3D ग्राफिक्स, व्हिडिओ एडिटिंग, मशीन लर्निंग अशा गोष्टींसाठी तर इतर लॅपटॉप्सच्या तुलनेत अनेक पटीने चांगला काम करतील. या मॅकबुकमध्ये आजवरची सर्वाधिक बॅटरी लाईफ आणि सर्वोत्तम डिस्प्ले मिळेल! यामध्ये याच दिवशी सादर झालेले M2 Pro आणि M2 Max हे दोन नवे प्रोसेसर पर्याय देण्यात आले आहेत.

यासोबत नवा स्वस्त कॉम्प्युटर मॅक मिनी (जो आपण कोणत्याही मॉनिटरला जोडून वापरू शकतो) आणला आहे आणि याची किंमतसुद्धा कमी म्हणजे ५९९०० पासून सुरू होते! यामध्ये M2 आणि M2 Pro या प्रोसेसर्सचा पर्याय मिळेल.

नव्या मॅक मिनीमध्ये 32GB पर्यंत रॅम, 8TB पर्यंत स्टोरेजचा पर्याय आहे. M2 Pro असलेल्या मॅक मिनीमध्ये २ Type C पोर्ट जास्त देण्यात आले आहेत. शिवाय 10GB Ethernet चा पर्याय आहे. याला तुम्ही तीन मॉनिटर एकावेळी जोडू शकता! यामध्ये चक्क 8K व्हिडिओसुद्धा प्ले करता येईल! ॲपलचा कॉम्प्युटर खरेदी करण्यासाठी हा खरोखर एक चांगला पर्याय आहे कारण विंडोज लॅपटॉप्सच्या तुलनेत किंमतीच्या मानाने हा नक्कीच खूप पॉवरफुल आहे.

8-Core CPU, 10-Core GPU, 8GB Memory, 256GB Storage किंमत ५९९००
8-Core CPU, 10-Core GPU, 8GB Memory, 512GB Storage किंमत ७९९००
10-Core CPU, 16-Core GPU, 16GB Memory, 512GB Storage किंमत १२९९००

आधीच्या नवा आणि त्यांचा सर्वोत्तम Liquid Retina XDR डिस्प्ले, M2 Pro आणि M2 Max चा पर्याय, 120Hz ProMotion चे १४ इंची किंवा १६ इंची स्क्रीन, SD Card स्लॉट, MagSafe 3 चार्जर, हेडफोन जॅक, तीन Thunderbolt 4 पोर्ट्स अशा सुविधा देण्यात आल्या आहेत, २२ तासांची सर्वाधिक बॅटरी लाईफ, 96GB पर्यंत रॅम आणि 8TB पर्यंत स्टोरेजचा पर्याय.

M2 Pro & 14″ Display : 10-Core CPU, 16-Core GPU, 16GB Memory, 512GB SSD Storage किंमत १,९९,९००
M2 Max & 14″ Display : 12-Core CPU, 30-Core GPU, 32GB Memory, 1TB SSD Storage किंमत ३,०९,९००
M2 Pro & 16″ Display : 12-Core CPU, 19-Core GPU, 16GB Memory, 512GB SSD Storage किंमत २,४९,९००
M2 Max & 16″ Display : 12-Core CPU, 38-Core GPU, 32GB Memory, 1TB SSD Storage किंमत ३,४९,९००

The post ॲपलचे नवे मॅकबुक प्रो, मॅक मिनी उपलब्ध! आता M2 Pro & Max सह! appeared first on MarathiTech - मराठीटेक.

ॲपलने काल डेव्हलपरसाठी असलेल्या WWDC 2020 कार्यक्रमात त्यांच्या विविध उपकरणांसाठी नवे सॉफ्टवेअर अपडेट्स जाहीर केले आहेत. यंदा प्रथमच कोरोनामुळे हा कार्यक्रम ऑनलाइन घेण्यात आला आहे! आयफोन्ससाठी iOS 14, मॅकसाठी MacOS Big Sur, आयपॅडसाठी iPadOS 14 आणि यांच्यामधील जोडल्या जाणाऱ्या सुविधा यांची माहिती व्हिडिओद्वारे देण्यात आली आहे. सोबत ॲपलने असंही जाहीर केलं आहे की आता त्यांच्या मॅक उपकरणांसाठी ते इंटेल ऐवजी स्वतः तयार केलेले ॲपल सिलिकॉन प्रोसेसर चिप्स वापरणार आहेत!

iOS 14 : ॲपलच्या आयफोन्ससाठी असलेली ऑपरेटिंग सिस्टम iOS मध्ये आता अनेक नव्या सोयी जोडल्या जाणार आहेत. होमस्क्रीनवर विविध विजेट्स जोडता येणार आहेत. अँड्रॉइडवर अनेक वर्षांपासून असणारी ही सोय आता आयफोनवरही वापरता येईल. खरतर याची अनेक वर्षांपासून मागणी केली जात होती. Picture-in-picture द्वारे इतर ॲपसुरू असतानाही आपण व्हिडिओ पाहणं सुरू ठेऊ शकतो. ही सुद्धा सोय बऱ्याच अँड्रॉइड फोन्सवर उपलब्ध आहे!
मेमोजीमध्येही आता नव्या मेमोजी आणि नवे पर्याय मिळतील!

ॲपल मॅप्समध्येही नवे अपडेट्स येणार असून सायकलिंग आणि इलेक्ट्रिक कार्ससाठी चार्जिंग ठिकाणे यांची माहिती नव्या प्रकारे उपलब्ध करून देण्यात येत आहे.

सोबत आता ॲपल डिजिटल कार की आणत असून यामुळे तुम्हाला कारची चावी जवळ बाळगण्याची गरज उरणार नाही. तुमच्या आयफोनद्वारेच तुम्ही सुरक्षितरीत्या कार लॉक अनलॉक करू शकाल! NFC आधारित BMW कारपासून याची सुरुवात होणार आहे. यासह आपली कारची डिजिटल चावी इतरांसोबत शेयरसुद्धा करता येईल आणि त्यासाठी परवानगी देताना त्यावर मर्यादासुद्धा ठेवता येईल!

iPadOS 14 : आयपॅडसाठीच्या या ओएसमध्येही काही नव्या गोष्टी जोडल्या जाणार असून iOS प्रमाणेच इथेही होमस्क्रीनवर विजेट्स जोडता येतील! ॲप नॅविगेशन सोपं होण्यासाठी नवा साइडबार देण्यात आला आहे. सर्चमध्येही नवे पर्याय आले आहेत. Scribble नावाच्या सुविधेद्वारे आयपॅडवर कुठेही ॲपल पेन्सिलने टेक्स्ट लिहू शकाल हाताने लिहलेला टेक्स्ट आपोआप टाइप केला जाईल.

AirPods : एयरपॉड्स आता तुमच्याकडीउपकरणात ऑडिओ सुरू झाला असेल त्याला आपोआप स्विच करून त्यामधून आपोआप आवाज ऐकवेल! Spatial audio सुद्धा देण्यात येणार असून यामुळे ऑडिओ अनुभव अधिक चांगला होईल आणि प्रत्यक्ष त्या जागी असल्याचा अनुभव येईल.

WatchOS 7 : ॲपल वॉचसाठीच्या या ओएसमध्ये आता स्लीप ट्रॅकिंग जोडलं जाणार आहे ज्यामुळे तुम्ही कधी झोपी गेला, किती वेळ झोपला याची नोंद होत राहील! सोबत आपण हात धुण्याचीसुद्धा नोंद होणार असून अपेक्षित वेळ हात धुतला नसेल तर घडयाळ आणखी वेळ हात धुण्यास सुचवेल! सध्याच्या काळात हँडवॉश करणं महत्वाचं असल्यानं नक्कीच उपकयउक्त ठरणार आहे!

MacOS Big Sur : MacOS च्या या आवृत्तीमध्ये अनेक डिझाईन बदल पाहायला मिळणार असून आयपॅडप्रमाणे आयकॉन्स, सेटिंग्स दिसतील जेणेकरून विविध उपकरणे वापरताना सहजता जाणवावी!

Apple Silicon : ॲपलने गेली अनेक वर्षे इंटेलचेच प्रोसेसर वापरले असून आता ते त्यांच्या लॅपटॉप/डेस्कटॉप कम्प्युटर्ससाठीही आयफोनमध्ये वापरल्या जाणाऱ्या स्वतः तयार केलेल्या चिप्स/प्रोसेसरच्या आवृत्त्या वापरणार आहे. ॲपलचे हे स्वतःचे प्रोसेसर ॲपल सिलिकॉन या नावाने ओळखले जातील. यामुळे फायनल कट प्रो सारखे सॉफ्टवेअर सुद्धा नेटिव्ह ॲप्सप्रमाणे थेट वापरता येतील! यामुळे कामगिरीसुद्धा सुधारित असेल.

The post iOS 14, macOS Big Sur, iPadOS 14, ॲपलचे प्रोसेसर : ॲपल WWDC 2020 appeared first on MarathiTech - मराठीटेक.

क्वालकॉम (Qualcomm) कंपनीने त्यांचा २०२० च्या फ्लॅगशिप फोन्ससाठी फ्लॅगशिप प्रोसेसर Snapdragon 865 जाहीर केला असून अनेक बाबतीत (उदा. कामगिरी, गेमिंग, फोटोग्राफी, AI प्रोसेसिंग, इ) हा प्रोसेसर सध्याच्या प्रोसेसर्सच्या मानाने उत्कृष्ट ठरणार आहे. यासोबत Snapdragon 765 सुद्धा जाहीर केला असून हा पुढील वर्षी मध्यम किंमतीच्या फोन्समध्ये पाहायला मिळेल. विशेष म्हणजे यामध्ये Integrated 5G चिप असेल. यामध्ये 865 मध्ये असलेल्या X50 मोडेमपेक्षा कमी क्षमता असलेला X52 मोडेम जोडलेला आहे!

Snapdragon 865 मध्ये अनेक गोष्टी नव्या आणि सुधारित असणार आहेत. हा CPU आणि GPU या दोन्हीबाबत २५ टक्के अधिक उत्तम कामगिरी करणारा मोबाइल प्रोसेसर आहे. फोटोग्राफीसाठी या प्रोसेसरला बऱ्याच गोष्टींना आधीपासून सपोर्ट देण्यात येत असून हा प्रोसेसर चक्क 200 मेगापिक्सेलचे फोटो, 8K व्हिडिओ शूट करण्यास सपोर्ट देत आहे! शिवाय 960fps स्लो मो व्हिडिओ 720p HD रेजोल्यूशनमध्ये काढता येईल. Dolby Vision HDR सपोर्ट सुद्धा प्रथमच देण्यात आला आहे.
गेमिंगसाठी हा प्रोसेसर थेट 144Hz डिस्प्ले असलेले फोन सपोर्ट करेल. यामुळे गेमिंगवेळी रिफ्रेश रेट नेहमीच उत्तम पाहायला मिळेल. कृत्रिम बुद्धिमत्ता म्हणजेच AI बाबतीतसुद्धा दुपटीने चांगली कामगिरी करण्याची क्षमता यामध्ये आहे!

शिवाय प्रथमच फोनच्या GPU चे ड्रायवर्स प्ले स्टोअरमध्ये उपलब्ध करून देण्यात येणार असून यामुळे कम्प्युटर्सप्रमाणे मोबाइलच्या ग्राफिक्स ड्रायवर्सनासुद्धा अपडेट करून अधिक चांगला परफॉर्मन्स मिळवता येईल!

याच कार्यक्रमात क्वालकॉमने लॅपटॉप्ससाठीही नवे प्रोसेसर आणले असून Snapdragon 8c व 7c हे दोन प्रोसेसर पुढील वर्षीच्या लॅपटॉप्समध्ये पाहायला मिळतील. हे प्रोसेसर एकापेक्षा अधिक दिवस चालणारी बॅटरी लाईफ देत असून इंटेल किंवा AMD प्रोसेसर इतकी कामगिरी करू शकत नसले तरी अनेक दिवस चालणारी बॅटरी आणि 4G इंटरनेटमुळे हे लॅपटॉप लोकप्रिय होऊ शकतात. कमी वजन ज्यामुळे आकारही बारीक, फास्ट कामगिरी, AI सपोर्ट, फॅनची गरज नाही त्यामुळे आवाजही कमी, इन्स्टंट ऑन सोयीमुळे उघडताच चालू होईल अशा भन्नाट सुविधा मिळतील. यावर आधारित लॅपटॉप २०२० मध्ये येण्यास सुरुवात होईल.

The post क्वालकॉम स्नॅपड्रॅगन 865, 765 प्रोसेसर सादर : आता फोन्समध्ये 5G तंत्रज्ञान! appeared first on MarathiTech - मराठीटेक.

AMD आणि इंटेलची गेल्या काही वर्षात वाढलेली तीव्र स्पर्धा आता इतकी वेगळ्या पद्धतीने सुरू आहे की AMD इंटेलच्या बरीच पुढे निघून आली आहे म्हणावं लागेल अशी परिस्थिती आहे. इंटेलच्या तुलनेत जवळपास सर्वच बेंचमार्क्समध्ये AMD Ryzen मालिकेतील प्रोसेसर्स सरस ठरत असल्याचे दिसून येत आहे. गेमिंग एक असा विषय होता ज्यामध्ये AMD थोडीशी मागे पडत होती मात्र आता ती सुद्धा उणीव भरून काढत त्यांनी नवे प्रोसेसर्स खास गेमर्सना समोर ठेऊन सादर केले आहेत. काही दिवसांपूर्वीच त्यांनी हा नवा Ryzen 9 3950X प्रोसेसर आणला असून हा जगातला सर्वात शक्तिशाली 16 Core डेस्कटॉप प्रोसेसर आहे! या प्रोसेसरमध्ये ३२ थ्रेड्स आहेत. बेस क्लॉक स्पीड 3.5Ghz असून ओव्हरक्लॉक केल्यास 4.7GHz पर्यंत जाऊ शकेल!

सध्या सुरू असलेल्या ब्लॅक फ्रायडे सेलमुळे हा प्रोसेसर सादर झाल्या झाल्या इतक्या वेगाने विकला गेला की आता जवळपास सर्व ठिकाणी हा आउट ऑफ स्टॉक झाला आहे! गेमर्स, क्रिएटर्स मंडळींमध्ये या प्रोसेसरची प्रचंड मागणी दिसून येत आहे. सध्या या सेलदरम्यान Amazon वर सर्वाधिक विकल्या जाणाऱ्या प्रोसेसर्समध्ये पहिले दहा प्रोसेसर्स हे AMD चेच आहेत. इंटेलला प्रोसेसर विश्वात AMD Ryzen च्या यशामुळे धक्के बसण्यास सुरुवात झाली होतीच मात्र आता इंटेलला मागे टाकून एएमडी पुढे निघून चालली आहे. याचं बऱ्यापैकी श्रेय AMD च्या सध्याच्या प्रमुख असलेल्या डॉ. लिसा सू यांना द्यावं लागेल. त्यांच्या नेतृत्वात अनेक वर्षं अशक्य वाटणारी गोष्ट AMD करत आहे. प्रोसेसरची कमी किंमत आणि मिळणाऱ्या अधिक सुविधा लक्षात घेता सर्वांची एनआयडी AMD असल्यास वेगळं वाटू नये. शिवाय AM4 हा प्लॅटफॉर्म सपोर्ट आणख काही वर्षे देण्यात येणार असल्यामुळे मदरबोर्ड लगेच जुना झाला आणि नवा प्रोसेसर घेतला की मदरबोर्डही नवा घ्याच असा इंटेलसारखा हट्ट AMD करत नाही. मदरबोर्ड तोच ठेऊन आणखी काही वर्ष आपण केवळ प्रोसेसर बदलत राहून अपडेटेड राहू शकतो.

भारतात हे नवे 3960X, 3970X, 3950X, 3900X प्रोसेसर MDComputers, PrimeABGB, Vedant Computers या ऑनलाइन स्टोअर्समध्ये उपलब्ध आहे.

The post Ryzen 9 3950X सादर : एएमडीने पुन्हा एकदा इंटेलला मागे टाकलं! appeared first on MarathiTech - मराठीटेक.