भारतीय अंतराळ स्टार्टअप अग्निकुल कॉसमॉसने गुरुवारी जगातील पहिले सिंगल पीस 3D प्रिंटेड रॉकेट इंजिनद्वारे असलेलं त्यांचं पहिलं सब-ऑर्बिटल चाचणी वाहनाचं यशस्वी उड्डाण पूर्ण केलं!

अग्निबाण SOrTeD (सब-ऑर्बिटल टेक्नॉलॉजी डेमॉन्स्ट्रेटर) गुरुवारी सकाळी ७.१५ वाजता अवकशात झेपावले. भारतातील खाजगी स्टार्टअपचे हे दुसरे प्रक्षेपण असले तरी, कंपनीने श्रीहरिकोटा येथे देशातील पहिल्या खासगी स्पेसपोर्टवर स्थापित केलेल्या खासगी लॉन्चपॅड वापरणारे हे पहिले प्रक्षेपण होते. याआधी अग्निबाणचं प्रक्षेपण किमान चार वेळा रद्द झालं होतं.

या मोहिमेची रचना हे रॉकेट ८ किलोमीटरची उंची गाठण्यासाठी करण्यात आली होती. या मोहिमेसाठी IIT Madras आणि भारत सरकारच्या IN-SPACe या सरकारी संस्थेच्या मदतीने त्यांनी हे यश मिळवलं आहे!

The post अग्निकुल कॉसमॉस या खासगी स्पेस कंपनीच्या अग्निबाण रॉकेटचं यशस्वी उड्डाण! appeared first on MarathiTech - मराठीटेक.

रविवारी श्रीहरीकोटा येथून भारताचं सर्वात मोठं रॉकेट Launch Vehicle Mark-III म्हणजेच LVM3 चं प्रक्षेपण यशस्वी झालं आहे. इस्रोच्या या रॉकेटने OneWeb कंपनीच्या ३६ सॅटेलाइटसह उड्डाण केलं आहे.

LVM-III रविवारी UK-आधारित नेटवर्क ऍक्सेस असोसिएटेड लिमिटेड (OneWeb) चे ३६ उपग्रह लो अर्थ ऑर्बिट (LEO) मध्ये प्रक्षेपित केले आहेत. वनवेब ग्रुप कंपनीने LEO मध्ये ७२ उपग्रह प्रक्षेपित करण्यासाठी ISRO ची व्यावसायिक शाखा NewSpace India Ltd सोबत करार केला आहे. ऑक्टोबर 2022 मध्ये ISRO ने OneWeb चे 36 उपग्रह प्रक्षेपित करून दोन्ही संस्थांमधील मोहिमांची सुरुवात केली. OneWeb हे अंतराळातून चालणारे जागतिक संप्रेषण नेटवर्क आहे, जे सरकार आणि व्यवसायांसाठी कनेक्टिव्हिटी उपलब्ध करून देतं.

इस्रोचे प्रमुख एस सोमनाथ यांनी सांगितलेल्या माहितीनुसार इस्रोच्या गगनयान या महत्वाकांक्षी मोहिमेतसुद्धा हेच LVM3 रॉकेट वापरलं जाणार आहे. त्यामुळे एकप्रकारे आज त्या मोहिमेसाठी या रॉकेटची चाचणी झाली आहे.

OneWeb मध्ये भारतातील एयरटेल कंपनीची मालकी असलेली भारती एंटरप्राइजची मोठी गुंतवणूक आहे.

The post भारताचं सर्वात मोठं रॉकेट LVM3 प्रक्षेपण : इस्रोची यशस्वी कामगिरी! appeared first on MarathiTech - मराठीटेक.

भारताच्या दुसऱ्या चंद्र मोहिमेची उलटगणती सुरू झाली असून यावेळी चंद्राभोवती फिरण्याऐवजी थेट चंद्रावर उतरण्यासाठी ही मोहीम हाती घेण्यात आली आहे. श्रीहरीकोटा येथून चंद्रयान १५ जुलै पहाटे २.५१ वाजता उड्डाण करणार असून चंद्राच्या दक्षिण ध्रुवावर रोव्हर उतरवण्याचं इस्रो शास्त्रज्ञांचं ध्येय आहे. सर्वकाही नियोजनानुसार पार पडल्यास अंदाजे ६ सप्टेंबर रोजी लँडर चंद्रावर उतरेल! मोहीम यशस्वी झाल्यास भारत चंद्रावर उतरणारा जगातला चौथा देश ठरणार आहे!

अपडेट : काही तांत्रिक कारणांमुळे इस्रोने ही मोहीम तात्पुरती रद्द केली असून उड्डाणाची नवी तारीख लवकरच जाहीर केली जाईल अशी माहिती देण्यात आली आहे.

उड्डाणाची प्रक्रिया

श्रीहरीकोटा येथील श्री. सतीश धवन स्पेस सेंटर येथून हे यान प्रक्षेपित केलं जाईल. यासाठी वापरलं जाणारं लाँचर रॉकेट GSLV Mk III किंवा बाहुबली या नावाने ओळखलं जाणार आहे. याद्वारे ऑरबिटर, लँडर, रोव्हर यांना एकत्र प्रक्षेपित केलं जाईल. चांद्रयान २ द्वारे १.४ टन वजनाचा विक्रम नावाचा लँडर जोडलेला आहे. ज्याच्यामध्ये २७ किलो वजनाचा प्रज्ञान रोव्हर आहे. लँडर चंद्रावर उतरेल आणि मग त्यातून रोव्हर बाहेर पडेल. रोव्हर ही एक छोटीशी गाडी असते जी चंद्रावर प्रत्यक्षात प्रवास करेल. यावर सोलार पॅनल्स बसवलेले असतात जे याच्यासाठी विद्युत ऊर्जा पुरवठा करतील. इतर विस्तृत माहिती youtu.be/eJcr_j8T99k?t=66 येथे पाहता येईल.

चांद्रयान २ मोहिमेचा उद्देश

चांद्रयान २ दक्षिण ध्रुवावर जगातलं पहिलंच लॅंडींग असणार आहे. या भागावर उतरता येऊ शकतं हे पाहणं इस्रोचा या मोहिमेद्वारे प्रमुख उद्देश असेल. दूसरा उद्देश चंद्रावर कमी तपासल्या गेलेल्या जागी नेहमी पाणी सापडू शकेल या दृष्टीने तपासणी करणे हा असेल. खनिज व रासायनिक गोष्टी यांची उपलब्धता, चंद्राचं वातावरण यांचाही अभ्यास यावेळी केला जाईल. या मोहिमेचा खर्च ६०३ कोटी असून (रॉकेट वगळता) नासापेक्षा २० पट कमी खर्चात भारत ही मोहीम पार पाडणार आहे!

या मोहिमेची लाईव्ह स्ट्रिम १५ जुलैच्या पहाटे २.५१ म्हणजे उड्डाणाच्या आधी अर्धा तास उपलब्ध होईल. यासाठी तुम्ही इस्रोच्या खालील लिंक्सवर जाऊन लाईव्ह स्ट्रिमद्वारे चांद्रयानाची झेप (१५ जुलै पहाटे २.३० वाजल्यापासून) लाईव्ह पाहू शकाल!

• twitter.com/isro (Chandrayaan 2 Live Updates)
• facebook.com/isro (Chandrayaan 2 Live Stream)
• youtube.com/user/DoordarshanNational
• www.isro.gov.in/
• डीडी दूरदर्शन टीव्ही वाहिनीवर सुद्धा लाईव्ह प्रक्षेपण (१५ जुलै पहाटे २.३० वाजल्यापासून)

The post चंद्रयान २ मोहीम : भारताचा रोव्हर काही तासात चंद्राकडे झेपावणार! appeared first on MarathiTech - मराठीटेक.

स्पेसएक्सया अमेरिकन खाजगी संस्थेने त्यांच्या फाल्कन हेवी या जगातल्या सर्वात मोठ्या यानाचं पुन्हा एकदा यशस्वी उड्डाण करून याचे तिन्ही रॉकेट बूस्टर्स पुन्हा वापर करण्यासाठी यशस्वीरीत्या पृथ्वीवर लँड करून दाखवले आहेत. तिन्ही रॉकेट बूस्टर्स पृथ्वीवर परत आणण्याची ही स्पेसएक्सचीही पहिलीच वेळ आहे. या तीन पैकी दोन बूस्टर्स जमिनीवर तर एक समुद्रात ड्रोनशिप नावच्या बोटवजा लॅंडींग पॅडवर लँड झालेले आहेत!

फेब्रुवारी २०१८ मध्ये फाल्कन हेवी यानाचं पहिलं उड्डाण झालं होतं हे उड्डाण यशस्वी ठरलं तरी तीनपैकी दोनच बूस्टर्स यशस्वीरीत्या लँड झाले होते मात्र तिसरा बूस्टर समुद्रात कोसळला होता. यावेळी मात्र स्पेसएक्सने तिन्ही बूस्टर्स लँड केले असून हे आता पुढच्या अंतराळ मोहिमांमध्ये वापरता येतील! हे बूस्टर्स मूळ रॉकेट अवकाशात सोडून पृथ्वीकडे परत निघतात आणि यांचा पुन्हा वापर करणं शक्य होतं.

या आज पार पाडलेल्या मोहिमेच नाव अरबसॅट 6A (Arabsat 6A) असं आहे. नासाच्या केनेडी स्पेस सेंटर, फ्लोरिडा येथे ही मोहीम पार पडली. याचा लाईव्हस्ट्रिम व्हिडिओ आपण खाली पाहू शकता.

The post स्पेसएक्सच्या सर्वात मोठ्या रॉकेटच पुन्हा यशस्वी उड्डाण! appeared first on MarathiTech - मराठीटेक.