Ryzen Archives - MarathiTech - मराठीटेक

Ryzen 9 3950X सादर : एएमडीने पुन्हा एकदा इंटेलला मागे टाकलं!

Sooraj Bagal — Sat, 30 Nov 2019 06:54:08 +0000

AMD आणि इंटेलची गेल्या काही वर्षात वाढलेली तीव्र स्पर्धा आता इतकी वेगळ्या पद्धतीने सुरू आहे की AMD इंटेलच्या बरीच पुढे निघून आली आहे म्हणावं लागेल अशी परिस्थिती आहे. इंटेलच्या तुलनेत जवळपास सर्वच बेंचमार्क्समध्ये AMD Ryzen मालिकेतील प्रोसेसर्स सरस ठरत असल्याचे दिसून येत आहे. गेमिंग एक असा विषय होता ज्यामध्ये AMD थोडीशी मागे पडत होती मात्र आता ती सुद्धा उणीव भरून काढत त्यांनी नवे प्रोसेसर्स खास गेमर्सना समोर ठेऊन सादर केले आहेत. काही दिवसांपूर्वीच त्यांनी हा नवा Ryzen 9 3950X प्रोसेसर आणला असून हा जगातला सर्वात शक्तिशाली 16 Core डेस्कटॉप प्रोसेसर आहे! या प्रोसेसरमध्ये ३२ थ्रेड्स आहेत. बेस क्लॉक स्पीड 3.5Ghz असून ओव्हरक्लॉक केल्यास 4.7GHz पर्यंत जाऊ शकेल!

सध्या सुरू असलेल्या ब्लॅक फ्रायडे सेलमुळे हा प्रोसेसर सादर झाल्या झाल्या इतक्या वेगाने विकला गेला की आता जवळपास सर्व ठिकाणी हा आउट ऑफ स्टॉक झाला आहे! गेमर्स, क्रिएटर्स मंडळींमध्ये या प्रोसेसरची प्रचंड मागणी दिसून येत आहे. सध्या या सेलदरम्यान Amazon वर सर्वाधिक विकल्या जाणाऱ्या प्रोसेसर्समध्ये पहिले दहा प्रोसेसर्स हे AMD चेच आहेत. इंटेलला प्रोसेसर विश्वात AMD Ryzen च्या यशामुळे धक्के बसण्यास सुरुवात झाली होतीच मात्र आता इंटेलला मागे टाकून एएमडी पुढे निघून चालली आहे. याचं बऱ्यापैकी श्रेय AMD च्या सध्याच्या प्रमुख असलेल्या डॉ. लिसा सू यांना द्यावं लागेल. त्यांच्या नेतृत्वात अनेक वर्षं अशक्य वाटणारी गोष्ट AMD करत आहे. प्रोसेसरची कमी किंमत आणि मिळणाऱ्या अधिक सुविधा लक्षात घेता सर्वांची एनआयडी AMD असल्यास वेगळं वाटू नये. शिवाय AM4 हा प्लॅटफॉर्म सपोर्ट आणख काही वर्षे देण्यात येणार असल्यामुळे मदरबोर्ड लगेच जुना झाला आणि नवा प्रोसेसर घेतला की मदरबोर्डही नवा घ्याच असा इंटेलसारखा हट्ट AMD करत नाही. मदरबोर्ड तोच ठेऊन आणखी काही वर्ष आपण केवळ प्रोसेसर बदलत राहून अपडेटेड राहू शकतो.

भारतात हे नवे 3960X, 3970X, 3950X, 3900X प्रोसेसर MDComputers, PrimeABGB, Vedant Computers या ऑनलाइन स्टोअर्समध्ये उपलब्ध आहे.

The post Ryzen 9 3950X सादर : एएमडीने पुन्हा एकदा इंटेलला मागे टाकलं! appeared first on MarathiTech - मराठीटेक.

AMD चा 16 Cores असलेला पहिला गेमिंग प्रोसेसर 3950X सादर!

Sooraj Bagal — Tue, 11 Jun 2019 05:56:14 +0000

एएमडी कंपनीने आज E3 2019 या गेमिंग कार्यक्रमात खास गेमिंगसाठी नवे प्रोसेसर व ग्राफिक्स कार्ड जाहीर केले असून यामधील Ryzen 9 3950X हा जगातला पहिला 16 Cores असलेला गेमिंग सीपीयू असल्याच सांगितलं आहे! हा प्रोसेसर सप्टेंबरमध्ये उपलब्ध होत असून याची किंमत $749 इतकी असेल. इंटेलच्या 8 Cores असलेल्या प्रोसेसर्सना पुन्हा एकदा मागे टाकत आता जोमाने स्पर्धेत उतरल्याच सिद्ध केलं आहे!

इंटेलच्या प्रोसेसर्सना स्वस्त आणि चांगली कामगिरी करणारे पर्याय देण्यात AMD ने रायझन प्रोसेसर्स मालिकेद्वारे चांगलंच यश मिळवलं आहे. नव्या 3950X मध्ये 16-core, 32-thread, 3.5GHz base clock, 4.7GHz boost clock, 72MB of cache, 105W TDP, Zen2 Architecture या सोयींचा समावेश आहे! काही प्रमाणात त्यांच्या थ्रेडरिपर प्रोसेसरसोबत स्पर्धा करू शकेल म्हटलं तरी हरकत नाही!

एएमडीच्या नव्या जीपीयूची घोषणा करताना एएमडी प्रमुख लिसा सु

या प्रोसेसर्ससोबत एएमडीने दोन नवे GPU म्हणजे ग्राफिक्स कार्डससुद्धा सादर केले आहेत. Radeon RX 5700 या मालिकेतील RX 5700 XT व RX5700 हे दोन नवे जीपीयू गेमिंगसाठी उत्तम पर्याय ठरतील. यामध्ये नव्या Navi Architecture च समावेश असेल.
RX5700 XT मध्ये 1605MHz Base Clock, 1755MHz Game Clock, 1905 Boost Clock, 2560 Stream Processors, 8GB GDDR6 Memory, 40 Compute Units पाहायला मिळतील! याची किंमत $499 असणार आहे.
RX5700 मध्ये 1465MHz Base Clock, 1625MHz Game Clock, 1725MHz Boost Clock, 2304 Stream Processors, 8GB GDDR6 Memory, 36 Compute Units पाहायला मिळतील! याची किंमत $379 असणार आहे.

The post AMD चा 16 Cores असलेला पहिला गेमिंग प्रोसेसर 3950X सादर! appeared first on MarathiTech - मराठीटेक.

AMD 2990WX तब्बल 32 Cores असलेला जगातला सर्वात शक्तिशाली प्रोसेसर!

Sooraj Bagal — Tue, 07 Aug 2018 08:36:00 +0000

एएमडी (AMD) ने आज त्यांच्या सर्वोत्कृष्ट प्रोसेसर थ्रेडरिपरची नवी आवृत्ती Threadripper 2 सादर केली असून यामध्ये तब्बल ३२ कोअर्स (32 Cores 64 Threads) आहेत. यामुळे हा जगातला सर्वात शक्तिशाली डेस्कटॉप प्रोसेसर बनला आहे. ३२ कोअर्स असलेला प्रोसेसर बनवण्यात एएमडीने चक्क इंटेलला मागे टाकलं आहे!

AMD ने आज जाहीर केलेला हा प्रोसेसर आता जगभरात प्रि ऑर्डरसाठी उपलब्ध झाला असून हा 2nd Gen AMD Ryzen Threadripper या नावाने ओळखला जाईल. Cinebench R15 या multi-threaded CPU test साठीच्या बेंचमार्क चाचणीमध्ये जागतिक विक्रम केला आहे! आपण नेहमी वापरतो त्या कॉम्प्युटर्समध्ये शक्यतो दोन किंवा चार कोअर्स असतात या नव्या प्रोसेसरमध्ये ३२ कोअर्स आहेत!

32-core, 64-thread असलेला 2nd Gen AMD Ryzen Threadripper 2990WX प्रोफेशनल कंटेंट क्रिएटर्ससाठी, डेव्हलपर्स साठी उपयोगी पडेल ज्यांना सर्वात उत्तम अशी कामगिरी करणारा प्रोसेसर हवा आहे! यामध्ये चार मॉडेल्स सादर करण्यात आली असून २०१८ मध्येच उपलब्ध होत आहेत. हे सर्व प्रोसेसर 12nm “Zen+” core architecture वर आधारित असून सध्याच्या X399 चिपसेट असलेल्या मदरबोर्डसवर चालेल. यातल्या 2990WX ची भारतीय किंमत ₹१,४९,००० …! AMD Ryzen Threadripper 2990WX Video

AMD Ryzen Threadripper 2990WX Features :

32 Cores / 64 Threads
3.0 GHz Base and 4.2 GHz Max Boost Clocks
Socket sTR4
DDR4 Support
12nm Pinnacle Ridge
Unlock for Overclocking

गेल्या महिन्यात झालेल्या कार्यक्रमात हा प्रोसेसर ओव्हरक्लॉक करून लिक्विड नायट्रोजनचा वापर करत थेट 5.1GHz पर्यंत नेला होता आणि हा सुद्धा एक विक्रमच होता! इंटेलच्या i9 7980XE प्रोसेसरला बऱ्याच मोठ्या फरकाने याने मागे टाकलं होतं! गेली कित्येक वर्ष मक्तेदारी असलेली इंटेल आता मात्र काही प्रमाणात मागे पडत असल्याचं चित्र निर्माण होऊ लागलं आहे. एएमडीने त्यांच्या सीईओ लिसा सु यांच्या नेतृत्वात रायझन प्रोसेसरमालिकेने मोठं यश मिळवलं आहे. काही दिवसांपूर्वी मराठीटेकनेसुद्धा रायझन प्रोसेसर आधारित कॉम्पुटर कसा तयार करायचा याबद्दल व्हिडीओ युट्युब चॅनलवर प्रसिद्ध केला आहे.

search terms : 2nd Generation AMD Ryzen Threadripper Processor 2990WX

The post AMD 2990WX तब्बल 32 Cores असलेला जगातला सर्वात शक्तिशाली प्रोसेसर! appeared first on MarathiTech - मराठीटेक.

एएमडी रायझन 2nd Gen प्रोसेसर सादर : Ryzen 5 2600, Ryzen 7 2700X

Sooraj Bagal — Fri, 13 Apr 2018 06:00:00 +0000

AMD कंपनीने त्यांच्या प्रसिद्ध रायझन (Ryzen) प्रोसेसर मालिकेत आता नव्या प्रोसेसरची जोड देत यांच्या किंमती आणि उपलब्धता सुद्धा जाहीर केली आहे. आता सर्वत्र Pre Order साठी उपलब्ध झाले असून प्रत्यक्षात १९ एप्रिलपासून मिळतील.

AMD Ryzen 2000 series, base clock speed आणि त्यांच्या भारतीय किंमती :
Ryzen 5 2600 6 Core 12 Threads 3.4GHz : ₹12,990
Ryzen 5 2600X 6 Core 12 Threads 3.6GHz : ₹15,990
Ryzen 7 2700 8 Core 16 Threads 3.2GHz : ₹20,490
Ryzen 7 2700X 8 Core 16 Threads 3.7GHz : ₹24,490

इंटेलच्या प्रोसेसरना स्वस्त आणि मस्त अशा प्रकारचे पर्याय AMD उपलब्ध करून देते. प्रोसेसिंग पॉवरच्या बाबतीतसुद्धा हे नवे प्रोसेसर किंमतीच्या मानाने इंटेलच्या प्रोसेसरसोबत चांगलीच स्पर्धा करत आहेत!
हे नवे प्रोसेसर X470 AM4 chipset वर काम करतील. ज्यासाठी लवकरच नवे मदरबोर्डस उपलब्ध होतील. सर्व 2nd Gen प्रॉसेसर AMD Wraith Cooler सोबत येतील आणि यामध्ये AMD ची StoreMI storage acceleration technology उपलब्ध असेल जी SSD आणि हार्ड डिस्क यांची क्षमता जोडून एक सोपी वेगवान ड्राइव्ह बनवते!

search terms amd ryzen processor CPU second gen 2000 series marathi

The post एएमडी रायझन 2nd Gen प्रोसेसर सादर : Ryzen 5 2600, Ryzen 7 2700X appeared first on MarathiTech - मराठीटेक.

एएमडी Ryzen 3 2200G व Ryzen 5 2400G APU प्रॉसेसर उपलब्ध!

Sooraj Bagal — Mon, 12 Feb 2018 09:14:00 +0000

एएमडीचे Ryzen 3 2200G आणि Ryzen 5 2400G प्रॉसेसर आता integrated graphics सह उपलब्ध!
ह्या प्रॉसेसरमध्ये आता Radeon Vega ग्राफिक्सचा अंतर्भाव करण्यात आला आहे! ग्राफिक्स कार्ड शिवाय उत्तम कामगिरी करू शकतील असे प्रॉसेसर असल्याचा एएमडीचा दावा!

काही महिन्यांपूर्वी सादर झालेल्या AMD च्या रायझन मालिकेतील प्रोसेसरना चांगला प्रतिसाद मिळाला. इंटेल प्रोसेसरमधील अडचणीमुळे तर आणखी ग्राहक AMD कडे वळले. इंटेल प्रॉसेसरपेक्षा कमी किंमत आणि अधिक Cores मुळे प्रथमच बरेच ग्राहक AMD कडे आकर्षित झाले. आता AMD ने त्यांच्या Ryzen 3 व Ryzen 5 या प्रॉसेसरमध्ये त्यांच्याच प्रसिद्ध ग्राफिक्स Radeon Vega चा समावेश करण्यात आला आहे. त्यामुळे अंतर्गत ग्राफिक्स या फायदा ग्राहकांना मिळेल आणि त्यामुळे बाहेरून ग्राफिक्स कार्ड बसवण्याची गरज कमी होईल.

सध्याच्या बिटकॉइन किंवा इतर क्रिप्टोकरन्सीच्या मायनिंगसाठी GPU (ग्राफिक्स कार्ड) ची मागणी प्रचंड वाढलेली आहे. या मायनिंगसाठी वापर करणाऱ्याकडून स्टॉक संपत असून हे लोक उपलब्ध कार्ड्सची एकदम खरेदी करत आहेत. यामुळे बाजारात ग्राफिक्स कार्डचा तुटवडा निर्माण होऊन किंमती गगनाला भिडल्या आहेत.
गेल्या वर्षीच्या तुलनेत त्याच ग्राफिक्स कार्डसची (Nvidia GTX1080, 1080Ti, 1070, 1050, Radeon Vega RX, इ) किंमती तिप्पट चौपट वाढलेल्या पाहायला मिळत आहेत! यामुळे पीसी गेमिंग बाजारात नाराजी पसरल्याच चित्र आहे. Nvidia ने याबाबत प्रयत्न करत असल्याचं सांगितलं आहे मात्र त्याचा काही परिणाम होईल असं चित्र सध्यातरी दिसत नाहीय. आता या नव्या रायझन APU मुळे ग्राहकांना काही प्रमाणात दिलासा मिळेल.

AMD कडून अधिकृत किंमती
Ryzen 3 2200G : $99 : 4 Cores, 4 Threads : 3.5GHz
Ryzen 5 2400G : $169 : 4 Cores, 8 Threads : 3.6GHz

search terms AMD Ryzen 5 2400G 3 2200G APU Desktop with Radeon Vega Graphics Processor

The post एएमडी Ryzen 3 2200G व Ryzen 5 2400G APU प्रॉसेसर उपलब्ध! appeared first on MarathiTech - मराठीटेक.