फ्लिपकार्टचा बिग बिलियन डेज आणि ॲमेझॉनचा ग्रेट इंडियन फेस्टिव्हल हे वर्षातले सर्वात मोठे सेल आज मध्यरात्रीपासून सुरू होणार आहेत! फ्लिपकार्टच्या Plus आणि Black सदस्य आणि ॲमेझॉनचे Prime सदस्य असणाऱ्यांसाठी हा सेल Early Access द्वारे २२ सप्टेंबर रात्री १२ पासून सुरू होणार आहे. इतर सर्वांसाठी हे दोन्ही सेल २३ सप्टेंबरपासून सुरू होतील.

ॲमेझॉन ग्रेट इंडियन फेस्टिव्हल ऑफर्स लिंक : https://amzn.to/46PJQSs

यावेळी सेल दरम्यान फ्लिपकार्टवर Axis आणि ICICI बँक ग्राहकांना १०% अतिरिक्त सूट देत आहे! सोबत ॲमेझॉनवर SBI कार्ड धारकांना १०% अतिरिक्त सूट मिळणार आहे!

• OnePlus Nord CE5 ₹21,749 https://amzn.to/3Vu6kC4
• Samsung Galaxy A55 ₹23,999 https://amzn.to/4gDzwjZ
• iQOO Neo 10R (8/256) ₹23,999 https://amzn.to/42AYpGY
• OnePlus 13R ₹35,999 https://amzn.to/3KxaGpE
• OnePlus 13S ₹47,999 https://amzn.to/4gCr3xd
• OnePlus 13 ₹57,999 https://amzn.to/4pAsG2s
• Samsung Galaxy S24 Ultra ₹71,999 : https://amzn.to/4niY2JA

The post फ्लिपकार्ट व ॲमेझॉनचे सर्वात मोठे सेल २३ सप्टेंबरपासून! appeared first on MarathiTech - मराठीटेक.

शायोमी अजूनही भारतीय स्मार्टफोन बाजारात आपलं वर्चस्व कायम ठेऊन आहे. आयडीसीने जाहीर केलेल्या माहितीनुसार भारतातली स्मार्टफोनची विक्री दुसऱ्या चौमाहीत ३.६९ कोटींवर पोहोचली आहे. हा नवा विक्रम आहे. वार्षिक वाढीची गोष्ट करायची तर ती ९.९ टक्क्यांवर आहे! शायोमीच्या विक्री किंवा प्रत्यक्ष फोन शिपमेंटमध्ये ४.८ टक्क्यांची वाढ पहायला मिळाली तर सॅमसंगनेही १६.६ टक्क्यांची वाढ नोंदवली आहे. त्यांच्या मध्यम किंमतीच्या फोन्सनी चांगलीच स्पर्धा निर्माण केलेली दिसते. आता एकूण विक्रीमध्ये शायोमी, सॅमसंग, विवो, ओप्पोनंतर ओप्पोचा सबब्रॅंड असलेल्या रिअलमीने (Realme) पाचवा क्रमांक पटलावला आहे! त्यांच्या C2, 3, 3 Pro फोन्समुळे त्यांना हे यश मिळालं आहे.

स्मार्टफोन्सच्या विक्रीमध्ये वेगाने वाढ होत असताना फीचर फोन्सची मागणी आणखी कमी होत आहे. या चौमाहीत गेल्या वर्षीच्या मानाने २६.३ टक्क्यांची घट झाली आहे! 4G फीचर फोन्सनाही मागणी नसल्यामुळे ही घट पहायला मिळाली आहे.

मल्टी चॅनल रिटेलिंग सुरू करूनसुद्धा ऑनलाइन माध्यमांमुळेच स्मार्टफोन विक्रीत वाढ झालेली दिसत आहे. ऑनलाइन माध्यमे नवीन फोन्स, आकर्षक ऑफर्स आणि स्वस्त पर्याय जसे की ईएमआय/कॅशबॅक उपलब्ध करून देत असल्यामुळे लोकांचा त्याकडे कल जास्त दिसून येतो! यंदा ऑनलाइन विक्रीमध्ये १२.४ टक्क्यांची वाढ झाली आहे! अशी माहिती उपासना जोशी असोशिएट रिसर्च मॅनेजर (आयडीसी इंडिया) यांनी दिली आहे. Itel, Infinix, Tecno, Oraimo आणि Spice या ब्रॅंडसची मालकी असणाऱ्या Transsion कंपनीला रिअलमीने गेले काही महीने मागे टाकून या चौमाहीत आपली जागा टॉप ५ मध्ये निश्चित केली आहे. आता उद्या त्यांचा Realme 5 व Realme 5 Pro सादर होणार आहेत!

The post रिअलमीची भारतीय स्मार्टफोन बाजारात पाचव्या स्थानी झेप : विक्रीमध्ये ६००% वाढ! appeared first on MarathiTech - मराठीटेक.

चीनी स्मार्टफोन कंपनी हुवावे (Huawei)ने भारतीय कंपनी मायक्रोमॅक्ससोबत भागीदारी केली असून याद्वारे ते त्यांची ऑफलाइन विक्री वाढवण्यावर लक्ष देणार आहेत. आम्ही मायक्रोमॅक्ससोबत भागीदारीमध्ये हुवावेचे फोन्स त्यांच्या ऑफलाइन मल्टीब्रॅंड आउटलेटमध्ये उपलब्ध करून देत आहोत असं हुवावेचे उपप्रमुख ऋषि गुप्ता यांनी सांगितलं आहे. हुवावेचा हॉनर हा ब्रॅंड या भागीदारीमध्ये समाविष्ट नसेल.

मायक्रोमॅक्सच्या ब्रॅंड दुकानांमध्ये मायक्रोमॅक्सचे फोन्ससुद्धा उपलब्ध असतीलच. मात्र हुवावे आता आधीच उपलब्ध असलेल्या त्यांच्या या नेटवर्कचा वापर करणार आहे अशी माहिती दीप्ती मेहरा (मार्केटिंग प्रमुख, मायक्रोमॅक्स) यांनी दिली आहे. या भागीदारीमध्ये को ब्रॅंडिंग केलं जाणार नसून मायक्रोमॅक्स स्वतःचे फोन्स सादर करून उपलब्ध करून देत राहणार आहेच.

हुवावे ही स्मार्टफोन विक्रीत जगातली दुसऱ्या क्रमांकाची कंपनी आहे. यांनी २०१८ मध्ये भारतात अधिकृत प्रवेश केला होता. दरम्यान ते हॉनर या सबब्रॅंड अंतर्गत वेगळ्या मालिकेतील फोन्स भारतात विकत आहेत. सुरुवातीला क्रोमासोबत भागीदारी करून ऑफलाइन विक्री सुरू करण्यात आली नंतर पूर्विका मोबाइल्स व आता मायक्रोमॅक्स.

हुवावेने २०१८ मध्ये तब्बल २० कोटी फोन्स विकले होते. या वर्षी मे अखेरपर्यंतच दहा कोटी फोन्सची विक्री त्यांनी केली आहे. यापुढे मात्र काही दिवसांपूर्वी अमेरिकेतील नियमांमुळे गूगल व इतर कंपन्यानी हुवावेसोबत सर्व देवाणघेवाण थांबवली असून त्यामुळे हुवावेला यापुढे अँड्रॉइडचा वापर न करता त्यांचे फोन्स विकावे लागतील ज्याचा त्यांच्या विक्रीवर नक्कीच मोठा परिणाम होईल. यामधून मार्ग काढण्याचे प्रयत्न सध्या सुरू आहेत.

२०१४ च्या दरम्यान भारतात सर्वात आघाडीला पोहचून बाजारातील २०% हिस्सा मिळवणारी मायक्रोमॅक्स आता अवघ्या २% वर येऊन पोहोचली आहे. नोटबंदीनंतर त्यांनी बाजारातून माघार घेतली ते तेथून त्यांना परतणं शक्य झालं नाही. चीनी फोन कंपन्यासमोर जवळपास कोणत्याच भारतीय कंपनीचा टिकाव लागलेला नाही. आता मायक्रोमॅक्स प्रमुख राहुल शर्मा यांनी वेगळे पर्याय शोधत इलेक्ट्रिक दुचाकी बनवण्याचा निर्णय घेतला असून Revolt Intellicorp या नव्या कंपनीद्वारे या गाड्यांची निर्मिती केली जाणार आहे. दरम्यान त्यांनी भारतातली पहिली AI आधारित बाइक RV400 सादर केली आहे. आता लवकरच भारतात इलेक्ट्रिक गाड्यांची संख्या वाढीस लागणार असून त्यावर लक्ष ठेऊन हा निर्णय घेतलेला दिसत आहे.

The post मायक्रोमॅक्स भारतात आता हुवावेचेही फोन्स विकणार! appeared first on MarathiTech - मराठीटेक.

हुवावे (Huawei) या चीनी कंपनीने २०१९ च्या सुरूवातीस अॅपलला स्मार्टफोन विक्रीमध्ये मागे टाकत आता दुसरं स्थान पटकावलं आहे. सॅमसंग अजूनही पहिल्या स्थानी कायम आहे! ज्या वेगाने हुवावेची विक्री सुरू आहे त्यानुसार त्यांनी सॅमसंगलाही मागे टाकल्यास आश्चर्य वाटायला नको!

नेटवर्किंगमध्ये प्रामुख्याने वावर असलेल्या या कंपनीने गेल्या काही वर्षात स्मार्टफोन्समध्ये जम बनवण्यास सुरवात केली आणि आता थेट अॅपलला मागे टाकत दुसर्‍या क्रमांकाची कंपनी बनली आहे! हुवावेने गेल्या वर्षीच्या तुलनेत ५० टक्के वाढ नोंदवली आहे असं IDC मार्फत सांगण्यात आलंय! इतर कंपन्यांचे विक्रीचे आकडे घसरत असताना हुवावेने मात्र चक्क वाढ दर्शवली आहे!

हुवावेचे स्मार्टफोन निर्मिती जगामध्ये आघाडी मिळवण्याच कायमच ध्येय राहिलं आहे. अमेरिकेमध्ये मात्र त्यांना सध्या अडचणी असून अमेरिका चीन यांच्या व्यावसायिक युद्धामुळे त्यांना तिथे पूर्ण ताकदीनिशी प्रवेश करता येत नाहीये. शिवाय हुवावेवर नेहमीच चीनी सर्व्हर्सद्वारे हेरगिरी करत असल्याचा आरोप होतो. ग्राहकांच्या फोन्सची महत्वाची माहिती चीनकडे पुरवली जात असल्याच वारंवार म्हटलं जातं. (जे खरतर आता सर्वच चीनी कंपन्यांबाबत होत आहे.) अमेरिकेन बाजारात प्रवेश मिळाल्यास मात्र हुवावे पहिल्या क्रमांकावर सहज पोहचू शकेल…!

हुवावेने स्मार्टफोन कॅमेरा, प्रोसेसरमध्ये आणलेलं नवं तंत्रज्ञान त्यांना चांगलं यश मिळवून देत आहे. अलीकडेच त्यांनी सादर केलेला Huawei P30 Pro सध्या प्रचंड चर्चेत आहे. याच्या कॅमेराने तब्बल 50X हायब्रिड झुम करता येतं! उत्तम डिस्प्ले व उत्कृष्ट कॅमेरामुळे हा फोन ग्राहकांच्या पसंतीस उतरत असल्याचं चित्र आहे! असं तांत्रिक नावीन्य प्रदर्शित करत असल्यामुळेचं इतरांना मागे टाकणं यांना शक्य झालं आहे

The post हुवावे आता स्मार्टफोन्स विक्रीत अॅपलला मागे टाकत दुसर्‍या स्थानी! appeared first on MarathiTech - मराठीटेक.

आज आलेल्या माहितीनुसार अॅपलच्या आयफोन्स विक्री अपेक्षेपेक्षा कमी झालेली असून मागणीसुद्धा खालावली असल्याच चित्र दिसत आहे. यामागे प्रामुख्याने चीनमधील ग्राहकांनी आयफोन्सकडे फिरवलेली पाठ म्हणता येईल. काही वर्षापूर्वी असलेली चीनी मार्केटमध्ये मागणी आता होताना दिसत नसून नव्या आयफोनला यामुळे फटका बसला आहे पर्यायाने अॅपलचं गेल्या चार महिन्यातलं उत्पन्न खालावलं आहे. आज या प्रकारामुळे अॅपलचं बरच नुकसान झालं असून जगभरात शेअर बाजारामध्ये याचे परिणाम पाहायला मिळत आहेत!

ही बातमी बाहेर पडताच अॅपल शेअर तब्बल दहा टक्क्यांनी कोसळले असून २०१३ नंतर प्रथच एव्हढ्या मोठ्या प्रमाणात शेअर्सच्या किंमतीत घसरण झाली आहे! कंपनीच्या मार्केट वॅल्यू $74.6 billion डॉलर्सने कमी झाली आहे! काही महिन्यांपूर्वीच अॅपलने 1 ट्रिलियन डॉलर्सच्या मार्केट वॅल्यूला स्पर्श करणारी पहिली कंपनी बनण्याचा बहुमान मिळवला होता.

अॅपलच्या आयफोन विक्रीच्या घसरणीमागे चीनमधल्या कमी प्रतिसादाचा मोठा हात मानता येईल. अमेरिका आणि चीन यांच्यामध्ये सुरू असलेल ट्रेड वॉर त्यात अमेरिकेत चिनी कंपन्यांना विक्रीस घातले जात असलेले निर्बंध अशा गोष्टींचाही थोडाफार परिणाम जाणवतो आहे. त्यात आयफोन्सच्या किंमती भरमसाठ वाढलेल्या आहेत. अमेरिकेतच त्यांचे फोन्स $1000 च्या पुढे मिळतात. त्यामुळे उर्वरित देशात ते पोहोचेपर्यंत फारच महाग झालेले असतात. तरीही केवळ अॅपलचा फोन आपल्याकडे हवा या उद्देशाने अनेकजण अधिकचे पैसे मोजून आयफोन्स घेण्यास तयार असतात. पण किंमत अतिच वाढलेली दिसत असल्यामुळे नव्या आयफोनऐवजी जुनाच नवी बॅटरी टाकून वापरण्यात काही ग्राहकांचा ओढा पाहायला मिळतोय. पर्यायाने नवा आयफोन घेण्याच प्रमाण कमी होताना दिसत आहे.

एकंदरीत अशा घसरत चाललेल्या एकूण विक्रीमुळे अशीही चर्चा सुरू झाली आहे की आता स्मार्टफोन्स इंडस्ट्री अशा वळणावर आहे की येथून जवळपास प्रत्येकाकडे फोन्स आहेत आणि फारसं नवं तंत्रज्ञान येत नसल्यामुळे अपग्रेड करून नवा फोन घेण्याच प्रमाणही खालावलं आहे आणि यामुळे आता स्मार्टफोन विश्वात सर्वच कंपन्यांना अशा अडचणी येऊ शकतात! २०१० पासून प्रचंड वेगात असलेलं हे मार्केट आता काहीसं हळू वेगात धावताना दिसत आहे. अर्थात एकदम खाली येण्याची लगेचच शक्यता नसली तरी कंपन्यांना याबद्दलचा धोका समजेल एव्हढ्या पातळीवर तर नक्कीच ही इंडस्ट्री उभी आहे.

The post अॅपल आयफोन्सची विक्री घटतेय…! appeared first on MarathiTech - मराठीटेक.