शेयरचॅट या सोशल मीडिया ॲप कंपनीने Times Internet ची मालकी असलेल्या MX Takatak या शॉर्ट व्हिडिओ प्लॅटफॉर्मला विकत घेतलं असून हा व्यवहार 600 मिलियन डॉलर्स म्हणजे जवळपास ४४९६ कोटी रुपयात पार पडणार असल्याचं सांगण्यात येत आहे. याविषयी अधिकृत माहिती जाहीर करण्यात आलेली नाही.

यामुळे शेयरचॅटच्या Moj या शॉर्ट व्हिडिओ प्लॅटफॉर्मला आणखी बळ मिळणार असून सध्या मोजचे १६ कोटी दरमहा ॲक्टिव यूजर्स आहेत तर टकाटकचे १५ कोटी. आता दोन्हीचे मिळून ३१ कोटीहून अधिक दरमहा यूजर्स शेयरचॅटकडे असतील. त्यांचे प्रतिस्पर्धी जोश (Josh) चे ११.५ कोटी दरमहा ॲक्टिव यूजर्स आहेत. जोशची मालकी डेलीहंटकडे आहे.

इंस्टाग्रामवरील Reels लोकप्रिय असल्या तरी शॉर्ट व्हिडिओच्या क्षेत्रात टियर २ आणि टियर ३ शहरांमध्ये मोज, टकाटक आणि जोशचा वापर मोठ्या प्रमाणात होत आहे. यांच्या यूजर्समध्ये गेल्या दोन वर्षात मोठी वाढ दिसून आली आहे. यासाठी टिकटॉक भारतात बॅन होणं मोठं कारण म्हणता येईल.

MX टकाटकची सुद्धा सुरुवात टिकटॉक बॅननंतर लगेच झाली होती. यांनी त्यांचा लोगोसुद्धा टिकटॉकसारखाच ठेवला होता शिवाय ॲपचं डिझाईनसुद्धा तसंच आहे! त्यानंतरही सध्या उपलब्ध असणाऱ्या बऱ्याच ॲप्सचं नाव टिकटॉकशी साधर्म्य साधणारं आहे.

गेल्यावर्षीच शेयरचॅट कंपनी 14905 कोटींहून अधिक व्हॅल्यूएशन मिळवून यूनिकॉर्न स्टार्टअप्समध्ये पोहोचली होती.

शेयरचॅट कंपनीची सुरुवात अंकुश सचदेव, फरीद अहसान आणि भानू सिंग या आयआयटीच्या तीन विद्यार्थ्यानी मिळून केली होती. भारतीय भाषांमधील कंटेंटसाठी भारतातल्या ॲप्समध्ये शेयरचॅट अजूनही सर्वात मोठा प्लॅटफॉर्म म्हणता येईल.

The post शेयरचॅट कंपनी MX Takatak विकत घेणार : ~४,४९६ कोटींना व्यवहार appeared first on MarathiTech - मराठीटेक.

भारतीय कंटेंट शेयरिंग प्लॅटफॉर्म शेयरचॅटने नव्याने उभ्या केलेल्या भांडवलामधून ३७४१ कोटी जोडले आहेत आणि यामुळे कंपनीचं व्हॅल्यूएशन (मूल्यांकन) तब्बल १४९०५ कोटी रुपये म्हणजे 2 बिलियन डॉलर्सहून अधिक झालं आहे. नव्याने गुंतवणूक केलेल्या गुंतवणूकदारांमध्ये Snap, Twitter, Tiger Global यांचा समावेश आहे.

नव्या फंडिंगमुळे ही कंपनी आता Unicorn Club मध्ये सहभागी झाली आहे. हा क्लब म्हणजे अशा स्टार्टअप कंपन्या ज्यांचं व्हॅल्यूएशन 1 बिलियन डॉलर्स पेक्षा जास्त झालं आहे. गेल्या काही दिवसात बऱ्याच कंपन्या या क्लबमध्ये आल्या आहेत.

हा फंडिंग राऊंड अमेरिकन venture capital कंपनी Lightspeed venture Partners आणि Tiger यांच्या सहभागाने पार पडला असं शेयरचॅटने सांगितलं आहे. या लाइटस्पीड व्हेंचर कंपनीचे संस्थापक रवी म्हात्रे आहेत. भारतीय स्टार्टअपममध्ये बाहेरच्या गुंतवणूकदारांची इच्छा वाढत असल्याचं या निमित्ताने पुन्हा एकदा दिसून आलं आहे. या कंपन्या स्वतः भारतात त्यांची सेवा देण्यापेक्षा आधीच उपलब्ध सेवांमध्ये गुंतवणुक करत आहेत.

या नव्याने मिळालेल्या कॅपिटलद्वारे आम्ही अधिक ताकदीने आमच्या सेवेचे वापरकर्ते वाढवण्यासाठी प्रयत्न करू असं शेयरचॅटचे प्रमुख अंकुश सचदेव यांनी सांगितलं आहे. शेयरचॅटचे सध्या १६ कोटी यूजर्स आहेत.

Moj नावाच्या App चीही सुरुवात यांनीच केली असून टिकटॉकला एक चांगला भारतीय पर्याय या द्वारे दिला आहे. त्याचेही आता १२ कोटी यूजर्स आहेत!

शेयरचॅट डाउनलोड लिंक : https://play.google.com/store/apps/details?id=in.mohalla.sharechat

The post शेयरचॅट कंपनीचं व्हॅल्यूएशन आता 14905 कोटींहून अधिक! appeared first on MarathiTech - मराठीटेक.

शेअरचॅट हे सोशल मीडिया अॅप ज्यावर स्टेट्स, गाणी, विनोद, व्हायरल व्हिडिओ इ. गोष्टी १४ भाषांमध्ये शेअर केल्या जातात. त्यांनी त्यांच्या २०१८ मधील कामगिरीविषयी एक रिपोर्ट सादर केला असून त्यामधील माहितीनुसार २० लाख मराठी भाषिक शेअरचॅटचा वापर करतात. प्रथमच इंटरनेटचा वापर करू लागलेल्या यूजर्सचा यामध्ये मोठा सहभाग असल्याच नमूद करण्यात आलं आहे.

रिपोर्टमधील माहिती असे दर्शवते की शेअरचॅटवर मराठी यूजर्सनी तब्बल १.७ कोटी पोस्ट्स शेअर केल्या आहेत ज्यामध्ये विविध फोटो, व्हिडिओ आणि GIF अॅनिमेशन्सचा समावेश होता. कंटेंट पोस्ट करण्यामध्ये ६७ टक्के पुरुष होते तर एकूण वेळ खर्ची घालण्यातही पुरुष यूजर्स पुढे होते असं दिसत आहे. गुड मॉर्निंग संदेश, व्हॉट्सअॅप स्टेट्स अशासाठी बरेच जण या अॅपचा वापर करताना आपण पाहू शकतो…

२०१८ मध्ये शेअरचॅटवर सर्वात चर्चेत राहिलेले विषय खालील प्रमाणे :

1. मराठा आरक्षण
2. शेतकरी संप
3. देवी दर्शन
4. गणपती दर्शन
5. पंढरपूर वारी

वरील ट्रेंड्सवरून दिसून येईल की इंस्टाग्राम, ट्विटर अशा ठिकाणी पाहण्यात येणार्‍या ट्रेंड्सपेक्षा हे किती प्रमाणात वेगळे आहेत. स्थानिक भाषेत कंटेंट मांडण्याची आणि त्याला योग्य प्रसिद्धी देण्याची सोय केली की स्थानिक भाषेतला कंटेंट आणखी लोकप्रिय होण्यास मदत होते हे यावरून मांडता येईल. यामध्ये एकूण इमेजेस व टेक्स्ट आधारित कंटेंट तयार करण्यावर अधिक भर असल्याच दिसून येतय. मात्र शेअरचॅटवर शेअर करण्यात येणारा कंटेंट किती प्रमाणात ओरिजिनल आहे किंवा त्याचा दर्जा काय आहे याविषयी फारसा विचार करण्यात आलेला दिसत नाहीय. बर्‍याच वेळा इतरांचे फोटो, विचार कॉपी करून ते पसरवलेले दिसून येतात. अर्थात हे आता सर्वच सोशल मीडिया प्लॅटफॉर्म्सवर पहायला मिळत आहे…!

ShareChat Download Link : ShareChat on Google Play

The post शेअरचॅट २०१८ रिपोर्ट : मराठीत तब्बल १.७ कोटी पोस्ट्स! appeared first on MarathiTech - मराठीटेक.

भारतीय भाषांमध्ये व्हिडीओ, विनोद, Quotes असा कंटेंट उपलब्ध करून देणाऱ्या सोशल प्लॅटफॉर्म शेअरचॅट (ShareChat) या अॅपने नुकतेच ७२० कोटींचं ($100 Million) भांडवल उभं केलं असून Shunwei Capital ही आधीची कंपनी सोबत हाँगकाँगमधील Morningside Ventures and Jesmond Holdings या राऊंडमध्ये प्रामुख्याने गुंतवणूक केली आहे. यापूर्वी शायोमी, SAIF पार्टनर्स यांची गुंतवणूक आहे. या सर्व गुंतवणुकींमुळे शेअरचॅटचं मूल्यांकन (valuation) $460 million (₹ ३३३२ कोटी) वर पोहोचलं आहे!

सध्या ८० लाख लोक शेअरचॅट वापरत आहेत. हेच प्रमाण एप्रिल महिन्यात ५० लाख होतं! शेअरचॅट मिनी अॅप्स आणण्याची तयारी करत असून याद्वारे गेम्स देण्याचा सुद्धा त्यांचा प्रयत्न आहे!

शेअरचॅट संस्थापक

ही भारतात सुरुवात झालेली कंपनी अंकुश सचदेव, फरीद एहसान आणि भानू सिंग यांनी २०१५ मध्ये सुरु केली आहे. यांचे सध्या ५० कर्मचारी असून १४ भारतीय भाषांमध्ये कंटेंट उपलब्ध करून दिला जात आहे.

शेअरचॅट डाउनलोड लिंक : ShareChat On Google Play

search terms sharechat raises 100 million dollar funds powering indian language content marathi  

The post शेअरचॅटने उभारले ७२० कोटी : १४ भारतीय भाषांमध्ये कंटेंट उपलब्ध appeared first on MarathiTech - मराठीटेक.