Sharing Archives - MarathiTech - मराठीटेक

शेअरचॅटने उभारले ७२० कोटी : १४ भारतीय भाषांमध्ये कंटेंट उपलब्ध

Sooraj Bagal — Sun, 23 Sep 2018 23:46:00 +0000

भारतीय भाषांमध्ये व्हिडीओ, विनोद, Quotes असा कंटेंट उपलब्ध करून देणाऱ्या सोशल प्लॅटफॉर्म शेअरचॅट (ShareChat) या अॅपने नुकतेच ७२० कोटींचं ($100 Million) भांडवल उभं केलं असून Shunwei Capital ही आधीची कंपनी सोबत हाँगकाँगमधील Morningside Ventures and Jesmond Holdings या राऊंडमध्ये प्रामुख्याने गुंतवणूक केली आहे. यापूर्वी शायोमी, SAIF पार्टनर्स यांची गुंतवणूक आहे. या सर्व गुंतवणुकींमुळे शेअरचॅटचं मूल्यांकन (valuation) $460 million (₹ ३३३२ कोटी) वर पोहोचलं आहे!

सध्या ८० लाख लोक शेअरचॅट वापरत आहेत. हेच प्रमाण एप्रिल महिन्यात ५० लाख होतं! शेअरचॅट मिनी अॅप्स आणण्याची तयारी करत असून याद्वारे गेम्स देण्याचा सुद्धा त्यांचा प्रयत्न आहे!

शेअरचॅट संस्थापक

ही भारतात सुरुवात झालेली कंपनी अंकुश सचदेव, फरीद एहसान आणि भानू सिंग यांनी २०१५ मध्ये सुरु केली आहे. यांचे सध्या ५० कर्मचारी असून १४ भारतीय भाषांमध्ये कंटेंट उपलब्ध करून दिला जात आहे.

शेअरचॅट डाउनलोड लिंक : ShareChat On Google Play

search terms sharechat raises 100 million dollar funds powering indian language content marathi

The post शेअरचॅटने उभारले ७२० कोटी : १४ भारतीय भाषांमध्ये कंटेंट उपलब्ध appeared first on MarathiTech - मराठीटेक.

व्हॉट्स अॅपची दिवाळी, एसएमएस कंपन्यांचं दिवाळं

Sooraj Bagal — Thu, 14 Nov 2013 18:00:00 +0000

उत्सवांच्या काळात शुभेच्छांना कॅश करणा-यासाठी मोबाइल सर्व्हिस कंपन्यांची धडपड सुरू असयाची. यासाठीच सणाच्या दिवशी एसएमएस पाठवण्यासाठी मोबाइल कंपन्या प्रति एसएमएस एक रुपया ग्राहकाला मोजायला लावयचे आणि फायदा कमवायचे. मात्र यंदा ‘व्हॉट अॅप’मुळे ऐन सणासुदीच्या मोसमात मोबाइल कंपन्यांचं दिवाळं काढलंय.

मोबाइल इंटरनेटचा वापर जसजसा वाढत गेला तसतशी अॅपची संख्या वाढत गेली. मोबाइल युझर्सला महत्वाचे वाटणारे असे अॅप मोठ्या प्रमाणावर वापरले जाऊ लागले. पण या सगळ्यात बाजी मारली ती व्हॉट्स अॅपने. रोजचा संवाद साधण्यासाठी व्हॉट्स अॅपची सेवा युझर्सला अधिक आवडली आणि कमी काळात व्हॉट्स अॅप प्रत्येकाच्या मोबाइलमध्ये दिसू लागले. एसएमएसमध्ये शब्दांची मर्यादा असते, तशी शब्दमर्यादा मेसेजिंग अॅपमध्ये नाही. तसेच व्हॉट्स अॅपवर फोटो किंवा व्हिडिओ शेअर करण अधिक सोप आणि सहज असल्याने शुभेच्छा देण्यासाठी यंदा प्रथम पसंती मिळाली आहे ती व्हॉट्स अॅपला. मात्र यामुळे सणाच्या आनंदाला कॅश करू पाहणा-या मोबाइल सर्व्हिस कंपन्यांना मोठाच फटका बसला. एसएमएसच्या वाटेला आता फारसे कुणी जात नाही, सारे कार्यक्रम ठरतात आणि शुभेच्छाही शेअर होतात व्हॉट्स अॅपवर. त्यामुळे एसएमएसचं मार्केटच चांगलंच डाऊन झालं आहे आणि तेही जवळपास ८० टक्क्यांनी कमी झाल्याची माहिती आहे.

मेसेजिंग अॅपमध्ये होणारी वाढ एसएमएसला लवकरच मोबाइलमधून बाहेरचा रस्ता दाखवण्याची शक्यता आहे.

The post व्हॉट्स अॅपची दिवाळी, एसएमएस कंपन्यांचं दिवाळं appeared first on MarathiTech - मराठीटेक.

गुगलचे फोटो ‘अधिक’ ‘ वर्ल्ड फोटोग्राफी डे ‘निमित्त गुगल+ फोटो ‘ सर्व्हिसमध्ये मोठा बदल

Sooraj Bagal — Fri, 30 Aug 2013 21:00:00 +0000

सोशल नेटवर्किंगच्या क्षेत्रावर आपल्या ठसा उमटवण्यात ‘गुगल+ ‘ फारसे यशस्वी ठरलेले नसले , तरी सोमवारी जगभरात साजरा करण्यात आलेल्या ‘ वर्ल्ड फोटोग्राफी डे ‘निमित्ताने ‘ गुगल+ ‘ ने त्यांच्या ‘ फोटो ‘ या सर्व्हिसमध्ये मोठा बदल केला आहे. यामुळे येत्या काळात ‘ गुगल+ ‘ हे फोटोशेअरिंगसाठीचे खूप मोठे व्यासपीठ ठरणार आहे. मोबइलमध्ये काढलेला फोटो थेट ‘ गुगल+ ‘ च्या अकाऊंटमध्ये सेव्ह करता येऊ शकतो. त्यासाठी मोबाइलची मेमरी खर्च करण्याची गरज राहत नाही.

‘ गुगल+ ‘ ने मुंबईत फोटोग्राफी दिनानिमित्त एका कार्यक्रमाचे आयोजन केले होते. यावेळी ज्येष्ठ फोटोग्राफर रघू राययांच्यासह अनेक फोटोग्राफर्सनी हजेरी लावली होती. इतकेच नव्हे , तर या फोटाग्राफर्सच्या काही फोटोंचे प्रदर्शनही यावेळी भरविण्यात आले होते.

‘ गुगल+ ‘ फोटोमध्ये देण्यात आलेले काही फीचर्स अत्यंत उपयुक्त ठरतील.

ऑटो बॅकअप – आपण एकदा आपल्या अँड्रॉइड फोन किंवा आयफोनवरून ‘ गुगल+ ‘ चे अकाऊंट सिंक केले की ,काढलेला फोटो थेट क्लाऊड टेक्नॉलॉजीद्वारे ‘ गुगल+ ‘ वर सेव्ह राहतो. यामुळे काही कारणांमुळे तुमच्यामोबाइलमधला डेटा उडाला तरी त्याचा बॅकअप या अकाऊंटवर मिळू शकतो.

ऑटो एक्स्टेन्शन – ऑटो एक्स्टेन्शनमुळे आपल्या फोटोंमध्ये छोट्या-छोट्या हालचाली दिल्या जातात. त्यामुळे आपल्या फोटोंमधील चेहऱ्यांवर काम होते आणि चेहरा चांगला दिसतो.

ऑटो हायलाइट – नवीन फोटो अपलोड केला , की तुम्हाला तुमच्या कलेक्शनमधील हायलाइट्स दाखवता येऊ शकतात. त्यामुळे तुमचे सर्वोत्तम फोटो शेअर करणे शक्य होते. डुप्लिकेट आणि हललेल्या फोटोंमधून हवा तो फोटोशोधण्यासाठी फार वेळ वाया घालवायची गरज उरणार नाही व आपले आवडते फोटो आवडत्या लोकांसोबत शेअर करणे शक्य होते.

ऑटो ऑसम – फोटोमागची कथा जर तुम्हाला शेअर करायची असेल तर तुम्ही ऑटो ऑसममुळे ती शेअर करू शकता. यात फोटोंमध्ये छोटेछोटे अॅनिमेशन वापरून फोटोमागची कथा रंगवून सांगता येऊ शकते.

‘ गुगल+ ‘ ने फोटो या सुविधेतून अनेक गोष्टी हौशी फोटोग्राफर्सच्या आवाक्यात आणल्या आहेत. यामुळे छोट्या फोटोग्राफर्सनाही आपले फोटो अधिक आकर्षकपणे मांडता येऊ शकतील , असे गुगल इंडियाचे मार्केटिंग विभागाचे संचालक संदीप मेनन यांनी स्पष्ट केले. फोटोग्राफर्सच्या बदलत्या गरजा लक्षात घेऊन गुगलने उपयोगी फोटो एडिटिंग साधने देण्यावर लक्ष केंद्रित केले असून त्या द्वारे ते महत्त्वाच्या ठरणाऱ्या विशेष घटनांना लोकांपर्यंत पोहोचवण्यासाठी फोटोग्राफर्सना सहकार्य करू शकणार आहेत , असेही ते म्हणाले.

The post गुगलचे फोटो ‘अधिक’ ‘ वर्ल्ड फोटोग्राफी डे ‘निमित्त गुगल+ फोटो ‘ सर्व्हिसमध्ये मोठा बदल appeared first on MarathiTech - मराठीटेक.

आता विकिपिडियावरही व्हिडिओ अपलोड करा

Sooraj Bagal — Fri, 23 Nov 2012 21:46:00 +0000

जगभरातील ‘ नेटक – यां ‘ साठी माहितीचा सर्वात मोठासाठा असणा – या विकिपिडियाने एक नवीन प्रकल्प हातीघेतला आहे . हा प्रकल्प पूर्ण झाल्यानंतर विकिपिडियाच्यानोंदणीकृत सदस्यांना त्यांच्या पोर्टल सर्विसच्या सपोर्टनुसारविकिपिडियाच्या पानांमध्ये व्हिडिओ अपलोड करता येतील .

विकिमीडीया फाऊंडेशनने दिलेल्या माहितीनुसार हे नवीनव्हिडिओ प्लेयर विकिपिडिया आणि विकिपिडियाशी संबंधीतइतर साइटच्या पानांवरच दिसतील . तसेच या व्हिडिओमुळेलोकांना अनेक भाषांमध्ये माहिती पुरवता येईल , अशीआशाही फाऊंडेशनने व्यक्त केली .

सामान्य ज्ञान , संदर्भ तसेच सर्वच क्षेत्रात महत्वपूर्ण ठरणारीमाहिती आतापर्यंत विकिपिडियावर फक्त लिखित स्वरुपात उपलब्ध होती . मात्र विकिपिडियाच्या प्रयोगामुळेजगभरातील माहिती व्हिडिओ स्वरुपात मिळेल . व्हिडिओ अपलोडींगचा हा प्रकल्प मुक्त माहितीपुरवठ्याअंतर्गतउपलब्ध असणारा व्हिडिओ कलतुरा आणि गुगल सर्च इंजिनच्या मदतीने २००८ सालीच सुरु केला होता . मात्रअनेक तांत्रिक अडचणींमुळे या हा प्रकल्प अनेक वेळा रखडला . आता विकिपिडिया , गुगल आणि कलतुरा यांच्याएकत्रित प्रयत्नांनी एचटीएमएल – ५ ही नवीन संगणकीय भाषा तयार करण्यात आली आहे . तिचा या प्रकल्पातवापर करण्यात येणार आहे .

सध्या विकिपिडियाच्या इंग्रजी भाषेतील पानांना रोज २५ कोटी लोक भेट देतात . तसेच सध्या विकिपिडियाच्यानावे १५ हजार व्हिडीओ इंटरनेटवर उपलब्ध आहेत . हे सर्व व्हिडीओ २००७ पर्यंत वापरत असलेल्या ओग थेओराव्हिडीओ प्लेअरद्वारे अपलोड करण्यात आले आहे किंवा ते एचटीएमएल – ५च्या चाचणीसाठी नवीन व्हिडीओप्लेअरमार्फत अपलोड करण्यात आले आहेत .

The post आता विकिपिडियावरही व्हिडिओ अपलोड करा appeared first on MarathiTech - मराठीटेक.