अॅपलचा वार्षिक डेव्हलपर कार्यक्रम WWDC 2019 कालपासून सुरू झाला असून अॅपल कंपनी या कार्यक्रमात त्यांच्या ऑपरेटिंग सिस्टिम व सॉफ्टवेअर संबंधित अपडेट्स बद्दल माहिती जाहीर करते. यंदा त्यांनी आयफोनसाठीच्या iOS ओएसची नवी आवृत्ती iOS 13, आयपॅडसाठी आता iOS ऐवजी iPadOS नावाने ओएस, मॅक प्रो या शक्तिशाली कम्प्युटरची घोषणा, कम्प्युटर व लॅपटॉपची ओएस मॅकओएसची नवी आवृत्ती कॅटॅलिना यांच्यासोबत इतरही बरेच अपडेट्स जाहीर करण्यात आले आहेत!

iOS 13 : आयओएस या अॅपल आयफोन्ससाठी असलेल्या ऑपरेटिंग सिस्टिमची नवी आवृत्ती जाहीर करण्यात आली असून या आवृत्तीपासून अॅपलच्या फोन्सवर डार्क मोड उपलब्ध करून देण्यात येत आहे! यामुळे सेटिंग्स, अॅप्स सगळीकडे नेहमीच्या पांढर्‍या पर्यायासोबत डोळ्यांचा त्रास कमी करणारा व बॅटरी वाचवणारा डार्क मोड दिलेला आहे.
मेसेजेससाठी नव्या स्वाईप टेक्स्टची सोय, शेअर करताना नेहीमच्या वापरातील कॉन्टॅक्टची यादी वर दिसेल. म्युझिक अॅपमध्ये लिरिक मोड देण्यात येत असून यामुळे सुरू असलेल्या गाण्याचे शब्द फोनवर दिसतील! मेमोजीसाठीही अपडेट्स देण्यात येणार असून यामध्ये आता मेकअपसाठी विविध पर्याय पाहण्यास मिळतील!
मॅप्समध्येही बर्‍याच नव्या सोयी जोडल्या जात असून सर्च केलेल्या जागेचा स्ट्रीट व्हयूद्वारे ३६० अंशात काढलेला फोटो पाहता येईल!
फोटोज अॅपमध्ये नवा सॉर्ट मोड देण्यात येतोय जो आपल्याला आपले सर्व फोटो तारीख, महिना, वर्ष यानुसार वर्गीकरण करण्यास मदत करेल!
हे नवं अपडेट जुलै महिन्यापासून यूजर्सना उपलब्ध होईल.

सुरक्षिततेसाठी अॅपल साईन इन सारखे पर्याय : अॅपलने गेली काही वर्षं गोपनीयता व सुरक्षितता यांच्याकडे खास लक्ष देत त्यानुसार अॅप्सना देण्यात येणार्‍या परवानगीसाठी खास पर्याय दिले आहेत. आता अॅप्स कितीवेळा तुमच्या लोकेशनची माहिती घेऊ शकेल याचं नियंत्रण देण्यात आलं आहे.
शिवाय अॅपल स्वतःची Sign In सेवा उपलब्ध करून देत असून यामुळे यूजर्सना स्वतःची वैयक्तिक माहिती न देता अॅप्समध्ये साइन इन करता येईल! यासाठी आपला ईमेल लपवण्याचाही पर्याय असून त्यामध्ये अॅपल आपल्यासाठी विविध अक्षरे व अंक यांचं मिश्रण करून वेगळा ईमेल आयडी देईल जो आपल्या मुख्य ईमेलला फॉरवर्ड केलेला असेल!

सिरीचा आवाज आता अधिक नैसर्गिक : अॅपलच्या सिरी या व्हॉईस असिस्टंटमधील आवाज आता न्यूरल इंजिनचा वापर करून अधिक नैसर्गिक असणार आहे. टेक्स्ट टू स्पीच प्रकार आता खर्‍या व्यक्तीने बोललं आहे इतक स्पष्ट वाटेल असा दावा अॅपलने केला आहे!

आयपॅडसाठी आता iPad OS सादर : अॅपलने अलीकडे त्यांच्या आयपॅडवर खास लक्ष देत त्याच्यासाठी स्वतंत्र ओएस तयार केली आहे. ही iOS प्रमाणेच असली तरी यामध्ये खास मोठ्या स्क्रीनचा लाभ घेतील असे ड्रॅग ड्रॉप सारखे बरेच पर्याय जोडण्यात आले आहेत! शिवाय आता आयपॅडला यूएसबी पेनड्राइव्ह, कॅमेरासुद्धा जोडता येणार आहे!

MacOS Catalina 10.15 : मॅकओएस कॅटॅलिना ही अॅपलच्या डेस्कटॉप ऑपरेटिंग सिस्टिमची नवी आवृत्ती असणार आहे. यामध्ये जुन्या आयट्यून्स (iTunes) ला निरोप देऊन नव्याने तीन स्वतंत्र अॅप्स जे अॅपल म्युझिक, पॉडकास्ट व टीव्ही या नावाने ओळखले जातील. मॅक आता आयपॅडला मॉनिटर प्रमाणे वापरण्यास सपोर्ट देईल! यामुळे मॅकबुकला टचस्क्रिन पर्याय उपलब्ध होईल! याला अॅपलने साईडकार (Sidecar) असं नाव दिलं आहे!

SwiftUI : अॅपलच्या स्विफ्ट या कोडिंग भाषेमधून डेव्हलपिंग करण्यासाठी नवे पर्याय उपलब्ध. डेव्हलपर्स बराच वेळ वाचवत अधिक चांगलं कोडिंग करता येईल असे बदल!

मॅक प्रो : हा शक्तिशाली कम्प्युटर सादर करून अॅपलने क्रिएटर्सना नक्कीच खुश केलं आहे. यामध्ये चक्क 1.5TB रॅम, बसवता येऊ शकते! 28 Cores असलेला इंटेल प्रोसेसर, 8 PCIe Slots, 2 Radeon Vega II GPU, 1400 Watt पॉवर सप्लाय देण्यात आला आहे! याच्या सुरुवातीच्या मॉडेलचीच किंमत $5999 आहे! Mac Pro बद्दल अधिक माहितीसाठी लेख
यासोबत Pro Display XDR हा डिस्प्लेसुद्धा सादर, या ३२ इंची 6K मॉनिटर डिस्प्लेची किंमत $5000 असेल

टीव्ही ओएस व वॉचओएससाठी नवे अपडेट्स देण्यात आले आहेत. टीव्हीओएसला मल्टीयूजर सपोर्ट मिळेल. वॉचओएससाठी स्वतंत्र अॅप स्टोअर जाहीर!

The post अॅपल WWDC 2019 : iOS 13, मॅक प्रो, macOS कॅटॅलिना जाहीर! appeared first on MarathiTech - मराठीटेक.

अॅपलच्या WWDC म्हणजे Worldwide Developers Conference कार्यक्रमात सॉफ्टवेअर बाबतीत बर्‍याच नव्या घोषणा करण्यात आल्या होत्या. iOS 12 अपडेबद्दल सुद्धा त्याच वेळी माहिती देण्यात आली होती! आजच्या या लेखामध्ये जाणून घेऊया कोणत्या नव्या गोष्टींचा समावेश या अपडेटद्वारे करण्यात आला आहे… 

iOS 12 : आयओएस ही ऑपरेटिंग सिस्टम आयफोन आणि आयपॅड टॅब्लेटसाठी काम करते. या नव्या अपडेट मध्ये iOS अधिक वेगवान केल्याचा दावा अॅपल केला आहे. हे नवं अपडेट पुढील फोन्स व टॅब्लेटसाठी उपलब्ध होत आहे : iPhone X, iPhone 8 & 8 Plus, iPhone 7 & 7 Plus, iPhone 6S & 6S Plus, iPhone SE, iPhone 6 & 6 Plus, iPhone 5S, iPad Pro (9.7-inch, 10.5-inch & 12.9-inch), iPad (2018), iPad (fifth-gen), iPad Air & iPad Air 2, iPad mini 2, 3 & 4, iPod Touch (sixth-gen)  

iOS 12 अपडेट आता डाउनलोड करण्यासाठी सर्वाना उपलब्ध असून वरील यादीत तुमचा फोन/टॅब्लेट असेल तर तुम्ही Settings app > General > Software Update मध्ये जाऊन अपडेट सुरु करू शकता.  

iOS 12 मधील बदल : 

• सिरी शॉर्टकट्स : यामुळे आता सिरी या अॅपलच्या व्हॉइस असिस्टंटमध्ये काही गोष्टींसाठी आपण स्वतः शॉर्टकट तयार करून नंतर सिरीला त्याबद्दल विचारू शकतो!
• सिरी सजेशन्स : यामुळे सिरी आपण स्पॉटलाईट सर्च सुविधेचा वापर केला असल्यास पुढे काही गोष्टी सिरी स्वतःहुन सुचवेल आपण नुकत्याच केलेल्या क्रियेचा अभ्यास करून हे सजेशन दिलं जाईल. 
• अॅनिमोजी व मेमोजी : Animoji व Memoji : Animoji मध्ये आणखी काही नव्या Animoji उपलब्ध करून देण्यात आल्या असून मेमोजी जे सॅमसंगच्या AR इमोजी प्रमाणे काम करत ज्यात आपण आपल्या स्वतःच्या चेहऱ्याप्रमाणे Animoji तयार करून वापरू शकतो! सोबत iMessage च्या कॅमेराला सुद्धा इफेक्टस देण्यात आले आहेत.    
• अॅपचा डेटा वापर : पूर्वी केवळ बॅटरी बद्दल असलेलय माहितीसोबत आता प्रत्येक अॅपने वापरलेला डेटा सुद्धा पाहता येईल Settings > Cellular
• सुधारित स्क्रिनशॉट्स : आयफोन टेनवर बऱ्याच जणांनी चुकून स्क्रिनशॉट काढले जात असल्याची तक्रार केली होती आता यासाठी बदल करण्यात आले आहेत.   
• सुधारित QR कोड स्कॅनर : आता QR कोड स्कॅनर कंट्रोल सेंटरमध्ये उपलब्ध
• आयफोन टेनमधील जेस्चर्स आता आयपॅडवर उपलब्ध 
• बॅटरी मॅनॅजमेन्ट माहिती : बॅटरी फोन नवा असताना कशी होती आणि आता कशी आहे याबद्दल माहिती!
• पोट्रेट मोडमध्ये सुधारणा 
• सुधारित पासवर्ड मॅनॅजमेन्ट
• फेसआयडीमध्ये सुधारणा 
• Measure अॅप : यामुळे वस्तूंची लांबी मोजणे सोपं झालं आहे. फोनच्या कॅमेराद्वारे सहज करता येईल अशी सोय AR द्वारे साधण्यात आली आहे.               

FaceTime या व्हिडीओ चॅट सुविधेमध्ये एकाचवेळी  तब्बल ३२ जणांशी व्हिडीओ चॅट करता येईल! ही सोय मात्र पुढे ढकलण्यात आली आहे त्यामुळं या अपडेटमध्ये ही उपलब्ध होणार नाही.  

search terms : iOS 12 update now available for download 

The post iOS 12 अपडेट आता उपलब्ध : आयफोन्समध्ये नव्या सोयी! appeared first on MarathiTech - मराठीटेक.

दरवर्षीप्रमाणे अॅपलचा इवेंट काल (WWDC 2015) पार पडला. अॅपलने काही जुन्या प्रॉडक्टमधील सुधारणा आणि काही नव्या गोष्टी जाहीर केल्या. त्याविषयी एक आढावा …. 

OS X ऑपरेटिंग सिस्टमचं पुढचं व्हर्जन : अॅपलने OS X 10.11/Capitan सादर केली. हे व्हर्जन yosmite वर काही सुधारणा करून सादर केलं गेलय. 

• Spotlight Improvements : आता जर तुम्ही Photos from July असं सर्च केलं तर जुलैमहिन्यात काढलेले फोटोज दाखवले जातील! यासोबत आणखी बरेच शब्द ओळखण्याचे काम नवीन ओएस करेल. 
• App Improvements : Apps मध्ये देखील बर्‍याच अंशी सुधारणा केली असून सफारी मध्ये त्यानुसार काही बदल करण्यात आले आहेत. 
• विंडो मॅनेजमेंट : आता स्क्रीन हव्या तश्या ड्रॅग करून पाहता येण्याची सोय मात्र ही सोय केवळ iPad Air 2 लाच मिळेल.   
• परफॉर्मेंस : Apps उघडण्याची वेळ, Apps निवडण्याची वेळ, PDF उघडण्याचा वेळ आता जवळपास निमम्याने कमी कमी केला गेलाय. 

OS X अपडेट सर्वांना मोफत मिळेल.  

  

iOS 9 : सिरी वॉइस assistant आता अधिक स्मार्ट,  फोन नंबर ओळखण्याची सोय, सर्च स्क्रीनला नवं डिजाइन, Maps मध्ये आता ट्रॅफिक बद्दल देखील माहिती मिळणार, PIP विडियो प्लेबॅक, … 

App Store ने गाठलाय 100 बिलियन डाऊनलोडचा टप्पा !

Swift प्रोग्राममिंग भाषा आता ओपन सोर्स करण्यात येईल. 

अॅपल वॉच साठी नवं व्हर्जन watchOS2 , अधिक वॉचफेसेस, नाइट मोड, नेटीव Apps 

   

अॅपल म्यूजिक : Spotify व Rdio ला टक्कर देण्यासाठी अॅपलने स्वतची सर्विस सुरू केली आहे. दरमाह 9.99$ या दराने संगीताच्या चाहत्यांना त्यांच्या अॅपल डिवाइसवर संगीत ऐकता येईल.   अॅपल म्यूजिक 30 जून पासून 100 देशांत उपलब्ध होईल. 

  

The post अॅपल कीनोट : WWDC 2015 appeared first on MarathiTech - मराठीटेक.