वनप्लसच्या Nord या स्वस्त फोन्सची मालिकेत काल नवा फोन सादर करण्यात आला असून OnePlus Nord CE 2 मध्ये Mediatek Dimensity 900 हा 5G प्रोसेसर देण्यात आला आहे.

या फोनमध्ये 64MP मुख्य कॅमेरा, 8MP Ultrawide आणि 2MP मॅक्रो लेन्स मिळेल. 16MP चा फ्रंट कॅमेरा आहे. डिस्प्ले 6.43″ FHD+ fluid AMOLED 90Hz असून Gorilla Glass 5 प्रोटेक्शन आहे. वनप्लसच्या इतर फोन्समध्ये असलेला अलर्ट स्लायडर मात्र यामध्ये नाही. प्रथमच वनप्लसने microSD कार्ड द्वारे स्टोरेज वाढवता येईल असा पर्याय दिला आहे. शिवाय 3.5mm ऑडिओ जॅक सुद्धा आहे!

सॉफ्टवेअर बाबत बोलायच तर सध्याचं नवीन Android 12 यामध्ये देण्यात आलेलं नाही त्याऐवजी जुनं Android 11 मिळेल मात्र अपडेट्स देण्यात येतील असंही सांगण्यात आलं आहे. या फोनची किंमत २३९९९ पासून सुरू होते. यामध्ये 8GB+128GB आणि 6GB+128GB असे दोन पर्याय आहेत. २२ फेब्रुवारीपासून हा फोन खरेदी साठी उपलब्ध होईल.

डिस्प्ले : 6.43″ FHD+ AMOLED Display 90Hz
प्रोसेसर : MediaTek Dimensity 900
रॅम : 6GB/8GB
स्टोरेज : 128GB UFS2.2
कॅमेरा : 64MP Triple Camera + 8MP Ultrawide + 2MP Macro
फ्रंट कॅमेरा : 16MP
बॅटरी : 4500mAh 65W Fast Charging
ऑपरेटिंग सिस्टिम : OxygenOS Android 11
इतर : NFC, Type C Port, in-display fingerprint sensor
नेटवर्क : 5G, 4G
रंग : Gray Mirror, Bahama Blue
किंमत :
6GB+128GB ₹२३,९९९
8GB+128GB ₹२४,९९९

या फोनसोबत वनप्लसने त्यांचे दोन नवे स्मार्ट टीव्हीसुद्धा सादर केले आहेत. OnePlus TV Y1S आणि Y1S Edge या मॉडेल्सची किंमत १६४९९ पासून सुरू होते. यामध्ये ३२ इंची आणि ४३ इंची असे पर्याय आहेत. हे टीव्ही २१ फेब्रुवारीपासून खरेदी करू शकता.

The post वनप्लसचा Nord CE 2 5G भारतात सादर : 64MP कॅमेरा, 65W फास्ट चार्जिंगसह! appeared first on MarathiTech - मराठीटेक.

रेडमीने आज त्यांच्या Redmi Note 11 & 11S स्मार्टफोन्ससोबत नवं Redmi Smart Band Pro Sports Watch आणि Redmi X43 हा स्मार्ट टीव्ही सादर केला आहे. नव्या स्पोर्ट्स वॉचमध्ये मोठा AMOLED Always On डिस्प्ले, SpO2 ट्रॅकिंग, वर्कआउट मोड्स, स्लिप ट्रॅकिंग, १४ दिवसांचा बॅटरी बॅकअप अशा सुविधा देण्यात आल्या आहेत. याची किंमत ३,४९९ इतकी असून हे १४ फेब्रुवारीपासून खरेदी करता येईल.

Redmi Smart Band Pro Sports Watch मधील खास सुविधा

• Big, AMOLED Color Display
• Always-On Display Support
• 100% NTSC Wide Colour Gamut
• Auto-Brightness detection
• Heart Monitoring
• Sleep and stress monitoring
• Women’s Menstrual cycle tracker
• Guided Breathing
• 110+ Pro Workout Modes

रेडमीचा नवा Smart TV X43 आता 4K HDR डिस्प्लेसह मिळणार असून यामध्ये Dolby Vision, Dolby Audio, 30W Speakers, Android TV OS, PatchWall 4 अशा सुविधा मिळणार आहेत. याची किंमत २८९९९ इतकी असून हा १६ फेब्रुवारीपासून खरेदीसाठी MiHome, Amazon आणि ऑफलाइन दुकानांमध्ये उपलब्ध होईल.

The post रेडमीचा नवा Smart Band Pro वॉच आणि Redmi Smart TV X43 सादर ! appeared first on MarathiTech - मराठीटेक.

वनप्लस या कंपनीने त्यांच्या स्वस्त फोन्सच्या नॉर्ड मालिकेत नवा Nord CE 5G फोन सादर केला आहे. सध्या उपलब्ध फोन्स पैकी वनप्लसचा हा सर्वात स्वस्त फोन असेल. यामध्ये Snapdragon प्रोसेसर, 5G सपोर्ट, ट्रिपल कॅमेरा मिळेल. यासोबत वनप्लसने त्यांची U1S TV Series अंतर्गत नवे टीव्हीसुद्धा सादर केले आहेत.

Nord CE 5G मध्ये .43-inch Fluid AMOLED 90Hz डिस्प्ले, Snapdragon 750G प्रोसेसर, 4500mAh 30T Plus Warp Charge, 64MP Triple Camera मिळेल. वनप्लसने किंमतीच्या बाबतीत पुन्हा एकदा काहीशी निराशा केली आहे असं मत व्यक्त करण्यात येत आहे. सॉफ्टवेअर वगळता या फोनपेक्षा अधिक सुविधा या किंमतीत इतर ब्रॅंडसचे अनेक फोन्स देत आहेत. शिवाय यामध्ये 5G चा केवळ एकच बॅंड देण्यात आला आहे. ज्यामुळे 5G च्या सुविधा पूर्ण क्षमतेने वापरता येणार नाहीत. हा फोन १६ जून पासून मिळेल. याच्या प्रिऑर्डर उद्यापासून सुरू होत आहेत.

OnePlus U1S टीव्ही मालिकेत 4K UHD, HDR10+, 30W Dolby Audio, OxygenPlay 2.0, OxygenConnect 2.0, Android 10 अशा सुविधा देण्यात आल्या आहेत. यांची किंमत ₹39,999 (50″), ₹47,999 (55″), ₹62,999 (65″) अशी असणार आहे.

The post वनप्लसचा Nord CE 5G फोन सादर : सोबत U1S टीव्ही मालिकासुद्धा उपलब्ध! appeared first on MarathiTech - मराठीटेक.

ॲमेझॉनने आज त्यांच्या स्वतःच्या AmazonBasics या ब्रॅंड अंतर्गत दोन नवे स्मार्ट टीव्ही ५० भारतात सादर केले असून हे दोन्ही टीव्ही 4K रेजोल्यूशन असलेले आहेत. एक टीव्ही ५० इंची आणि दुसरा ५५ इंची 4K Ultra HD LED डिस्प्ले असलेला आहे. दोन्ही टीव्ही HDR10, HLG आणि Dolby Vision तंत्रज्ञानाला सपोर्ट करतात! यामध्ये 1.95GHz प्रोसेसर सोबत 9th-Gen Amlogic Imaging Engine देण्यात आलं आहे. यामध्ये Fire TV OS ही ऑपरेटिंग सिस्टम असून हे पहिलेच अधिकृत फायर टीव्ही म्हणता येतील. या टीव्हीमध्ये आपण विविध स्ट्रीमिंग सेवांसोबत बरेच apps सुद्धा डाउनलोड करून इंस्टॉल करू शकता.

Vu, शायोमी, कोडॅक, वनप्लस, रियलमी, मोटोरोला, नोकिया (फ्लिपकार्ट) यांनी टीव्ही क्षेत्रात प्रवेश करून चांगलाच शिरकाव केला आहे. यांच्या टीव्हीला चांगला प्रतिसाद सुद्धा लाभत आहे. आधीच बाजारात असलेल्या सॅमसंग, एलजी, सोनी, यांना मोठी स्पर्धा निर्माण झाली आहे. फ्लिपकार्टने नोकीयासोबत भागीदारी करत टीव्ही आणल्यावर ॲमेझॉनने लगेच स्वतःचे पर्याय उपलब्ध करून दिले आहेत. विशेष म्हणजे यांची किंमत शायोमीच्या टीव्हीपेक्षाही कमी आहे.

AmazonBasics ब्रॅंड मुळात सर्वच वस्तु कमी किंमतीत उपलब्ध करून देत आहे. लहान उपकरणांसोबत त्यांनी एसी, फ्रीज, वॉशिंग मशीन, ओव्हन अशाही वस्तु आणल्या आहेत! लवकरच या टीव्हीचे ३२ इंची एचडी, ४३ इंची फुल एचडी आणि ४३ इंची 4K पर्याय सुद्धा येणार असून ते आणखी स्वस्त असणार आहेत.

Buy AmazonBasics Fire TV Edition 4K Ultra HD Smart LED TV on Amazon लिंक : https://amzn.to/34XQJRy

Resolution: 4K Ultra HD (3840 x 2160) | Refresh Rate: 60 hertz | 178° wide viewing angle
Connectivity: 3 HDMI 2.0 ports to connect set top box, Blu Ray players, gaming console | 1 USB 3.0 and 1 USB 2.0 ports to connect hard drives and other USB devices | IR Port to control connected devices like Soundbars, Receivers and Set top boxes
Sound output: Inbuilt 20 Watts Powerful Speakers | Dolby Atmos
Smart TV Features: Fire TV OS | Built in Alexa and Alexa voice controls | DTH Set-Top Box Integration to switch between DTH TV Channels and OTT apps from home screen | Supported Apps: Prime Video | Netflix | Disney + Hotstar | YouTube | 5000+ apps from Fire OS Store | Display Mirroring | 1.95GHz Quad core processor
Display: A+ Grade LED panel | Dolby vision | HDR 10 + HLG | Amlogic 9th Generation Imaging Engine | Ultra bright screen | Advance picture processing | Anti-aliasing | Dynamic contrast | Dynamic backlight
Warranty Information: 1 Year Comprehensive Warranty; additional 1 year Warranty on panel
किंमत : 50″ ₹ 29,999 AB50U20PS
किंमत : 55″ ₹ 34,999 AB55U20PS

The post ॲमेझॉनचा ५० इंची 4K स्मार्ट टीव्ही फक्त २९,९९९ रुपयांत उपलब्ध! appeared first on MarathiTech - मराठीटेक.

रियलमी या सर्वात वाढ नोंदवणाऱ्या स्मार्टफोन कंपनीने आता IoT म्हणजे इंटरनेट ऑफ थिंग्ज उपकरणे सादर करण्याच्या दिशेने पाऊल टाकत आज काही उत्पादने सादर केली आहे. यामध्ये स्मार्ट टीव्ही, स्मार्ट वॉच, इयरबड्स आणि पॉवरबँकचा समावेश आहे. realme SmartTV, realme Watch, realme Buds Air Neo आणि realme Powerbank 2 येत्या काही दिवसात खरेदीसाठी उपलब्ध होत आहेत. सध्या भारतात सुरू असलेला चीनी वस्तूंना विरोध लक्षात घेता रियलमीने आता त्यांचं उत्पादन भारतात सुरू करणार असल्याचं यावेळी जाहीर केलं.

realme SmartTV : हा अँड्रॉइड ऑपरेटिंग सिस्टम असलेला स्मार्ट टीव्ही असून यामध्ये जवळपास सर्व स्मार्ट सुविधा देण्यात आल्या आहेत. यामध्ये HDMI, USB, AV, Digital Audio, ANT, LAN हे पोर्ट्स आणि WiFi, Bluetooth 5.0 जोडण्यात आलं आहे. यासोबत येणाऱ्या रिमोटवर नेटफ्लिक्स, प्राइम, यूट्यूब, गूगल असिस्टंटसाठी बटन्स देण्यात आली आहेत. MediaTek Quad Core प्रोसेसर, डॉल्बी ऑडिओ आहे.
याची किंमत १२९९९ (३२ इंची) आणि २१९९९ (४३ इंची) अशी असेल. हा टीव्ही realme.com, फ्लिपकार्टवर २ जून दुपारी १२ पासून उपलब्ध होणार आहे. त्यानंतर लवकरच ऑफलाइन दुकानांमध्येही उपलब्ध होईल.

realme Watch : रियलमीने आता त्यांचं स्मार्टवॉचसुद्धा आणलं असून यामध्ये कमी किंमतीत अनेक सुविधा देऊन चांगला पर्याय दिला आहे. यामध्ये 1.4″ टचस्क्रीन डिस्प्ले असून रियल टाइम हार्ट रेट मॉनिटर, ब्लड ऑक्सिजन लेव्हल मॉनिटर, १४ स्पोर्ट मोड्स, स्मार्ट नोटिफिकेशन्स, म्युझिक आणि कॅमेरा कंट्रोल्स सुदधे देण्यात आले आहेत! याची किंमत ३९९९ असून हे स्मार्ट घडयाळ realme.com, फ्लिपकार्टवर ५ जून दुपारी १२ पासून उपलब्ध होणार आहे. त्यानंतर लवकरच ऑफलाइन दुकानांमध्येही उपलब्ध होईल.

realme Buds Air Neo : वायरलेस इयरबड्स साठी आणखी एक पर्याय आणला असून यामध्ये इन्स्टंट ऑटो रिकनेक्ट, टच कंट्रोल, १७ तासांचा प्ले बॅक अशा सुविधा आहेत. याची किंमत २९९९ असून हे इयरबड्स realme.com, फ्लिपकार्टवर उपलब्ध होणार आहे. त्यानंतर लवकरच ऑफलाइन दुकानांमध्येही उपलब्ध होईल. याचा पहिला सेल आज दुपारी ३ वाजता होणार आहे.

realme PowerBank 2 : ही 10000mAh क्षमता असलेली पॉवरबँक आता 18W Two Way Quick Charge k Charge सह मिळणार आहे. यामध्ये एक यूएसबी पोर्ट Type A तर दुसरा Type C आहे. एकावेळी दोन्ही पोर्टद्वारे फास्ट चार्जिंग होईल! याची किंमत ९९९ असून हे इयरबड्स realme.com, फ्लिपकार्टवर उपलब्ध होणार आहे. त्यानंतर लवकरच ऑफलाइन दुकानांमध्येही उपलब्ध होईल. याचा पहिला सेल आज दुपारी ३ वाजता होणार आहे.

Search Terms : realme Smart TV, Smart Watch, Powerbank 2, Buds Air Neo launched in India. Check price, sale dates in india

The post रियलमीचा आता स्मार्ट टीव्ही, स्मार्ट वॉच सादर! appeared first on MarathiTech - मराठीटेक.