व्हॉट्सॲप, मेसेंजर यांच्यामुळे इमोजी आताच्या काळात संदेश पाठवतानाच्या अविभाज्य भाग बनल्या आहेत इतक्या की चक्क त्यांच्या साठी स्वतंत्र डे  सुद्धा साजरा केला जातोय…!  १७ जुलै हा इमोजी डे म्हणून २०१४ पासून साजरा करण्यास सुरुवात झाली आहे. इमोजीपीडियाच्या जेरेमी बर्ज यांनी प्रथम हा दिवस सुरु केला.

ही तारीख निवडण्याचं कारण ? ॲपलच्या कॅलेंडरसाठी असलेल्या इमोजीमध्ये १७ जुलै तारीख आहे म्हणून..!
आणि ॲपलने कॅलेंडर इमोजीमध्ये १७ जुलै निवडली आहे कारण iCal ॲपल मॅक कम्प्युटरवर १७ जुलै २००२ पासून उपलब्ध करून देण्यात आलं होतं!
आमच्या यापूर्वीच्या लेखामध्ये याबद्दल अधिक वाचू शकता : https://www.marathitech.in/2018/07/world-emoji-day.html

World Emoji Day च्या पार्श्वभूमीवर मायक्रोसॉफ्टने त्यांच्या नव्या विंडोज ११ मध्ये येणाऱ्या नव्या इमोजी डिझाईनची माहिती दिली आहे. नवी डिझाईन विंडोज ११ च्या डिझाईनला सुसंगत अशी तयार करण्यात आली आहे. मायक्रोसॉफ्टने १८०० हून अधिक इमोजींना आता फ्लूएन्ट डिझाईनमध्ये समाविष्ट करून 2D ऐवजी 3D लूक दिला आहे. ह्या इमोजी विंडोज ११ सोबत मायक्रोसॉफ्ट ३६५ मध्येही पाहायला मिळतील.

आपल्या पैकी काही जणांनी जर बऱ्याच वर्षांपूर्वी विंडोज वापरलं असेल तर त्यामध्ये असलेली Clippy नावाची सोय आठवत असेल. त्या क्लिपीला मायक्रोसॉफ्टने ट्विटरवरील प्रतिसादानंतर पेपरक्लिप इमोजीची जागा देण्याचं ठरवलं आहे!

या निमित्ताने गूगलनेही ९९२ इमोजींना नवं रूप दिलं आहे. गूगलच्या या नव्या रूपातील इमोजी अँड्रॉइड १२ मध्ये उपलब्ध होणार आहेत. सोबत गूगलच्या इतर सेवा जसे की जीमेल, यूट्यूब लाईव्ह चॅट, क्रोम ओएसमध्येही येत्या काही दिवसात या नव्या इमोजी दिसू लागतील.

The post जागतिक इमोजी दिन : मायक्रोसॉफ्ट व गूगलच्या नव्या इमोजी! appeared first on MarathiTech - मराठीटेक.

व्हॉट्सअॅप, मेसेंजर यांच्यामुळे इमोजी आताच्या काळात संदेश पाठवतानाच्या अविभाज्य भाग बनल्या आहेत इतक्या की चक्क त्यांच्या साठी स्वतंत्र डे सुद्धा साजरा केला जातोय…!  १७ जुलै हा इमोजी डे म्हणून २०१४ पासून साजरा करण्यास सुरुवात झाली आहे. इमोजीपीडियाच्या जेरेमी बर्ज यांनी प्रथम हा दिवस सुरु केला ही तारीख निवडण्याचं कारण ?ॲपलच्या कॅलेंडरसाठी असलेल्या इमोजीमध्ये १७ जुलै तारीख आहे म्हणून..! आणि ॲपलने कॅलेंडर इमोजीमध्ये १७ जुलै निवडली आहे कारण iCal ॲपल मॅक कम्प्युटरवर १७ जुलै २००२ पासून उपलब्ध करून देण्यात आलं होतं!

भारतीय सोशल मीडिया विश्वामध्ये अनेक भाषांमध्ये वेगवेगळ्या इमोजी वापरल्या जातात. ट्विटरवर भारतीय डोळ्यात पाणी येईपर्यंत हसण्याची इमोजी 😂सर्वाधिक वापरतात आणि त्यानंतर ह्या 😍,🙏…!

तुम्हाला ठाऊक आहे का इमोजीची सुरुवात १९९८ च्या आसपास जपानी फोन्समध्ये करण्यात आली होती!

१९९५ च्या आसपास पेजर्स वापरले जायचे त्यावेळी जपानच्या NTT डोकोमोने एक इमोजी वापरली आणि ती प्रचंड लोकप्रिय झाली. काही काळ 🙂 स्मायलीसुद्धा प्रसिद्ध झाल्या होत्या. हळूहळू इमोजीच आज सर्वत्र पाहायला मिळते. फेसबुकवर ❤️ गेल्यावर्षीपेक्षा यावर्षी दुपटीने वापरली गेली आहे! एकूण २८०० हुन अधिक इमोजीपैकी जवळपास सर्वच म्हणजे २३०० रोजच्या रोज वापरल्या जात आहेत! ७० कोटी इमोजी फेसबुक च्या पोस्ट्समध्ये दैनंदिन वापरल्या जात आहेत! नववर्षाच्या स्वागताला सर्वाधिक इमोजीचा वापर होतो. भारतात फेसबुकवर केकची 🎂 ही इमोजी सर्वाधिक वापरली जाते.

यावर्षीच्या इमोजी डे निमित्ताने अॅपलने आणखी नव्या इमोजी जाहीर केल्या आहेत. लेखामध्ये सुरूवातीला असलेल्या इमेजमध्ये दिसणार्‍या डाव्या उजव्या बाजूच्या इमोजीचा नव्याने समावेश केला जात आहे..!

search terms world emoji day marathi

The post आज आहे जागतिक इमोजी दिवस! : वर्ल्ड इमोजी डे निमित्त थोडी माहिती appeared first on MarathiTech - मराठीटेक.

चॅटिंग करताना व्यक्ती प्रत्यक्ष समोर नसल्यामुळे बोलण्यातला नेमका सूर काय आहे , हे समोरच्यापर्यंत नेमकेपणानं पोहोचवण्यासाठी तरुणांकडून विविध कॅरेक्टर्स वापरली जातात. या हिट असलेल्या ‘ स्माइली ‘ संवादाविषयी…

तुम्हाला प्रचंड आनंद झालाय ? नव्या नोकरीचं किंवा लग्न ठरल्याचं जबरदस्त सेलिब्रेशन करण्याची इच्छा आहे ?मित्राच्या अत्यंत फालतू विनोदावर तुम्हाला
उलटी येतेय ? मग वाट कसली बघताय ? जे वाटतंय , ते करून मोकळे व्हा. फक्त स्माइलीतून!

अलीकडे बहुतांशी सगळ्याच सोशल नेटवर्किंग साइट्सवर आणि मोबाइल फोनच्या विविध अॅप्लिकेशन्सवर विविध प्रकारचे भाव व्यक्त करणाऱ्या स्माइली सहज उपलब्ध झालेल्या आहेत. तरुणांकडून त्यांचा वापरही तुफान होत असतो. या स्माइलीत प्रकारही पुष्कळ आहेत. ‘ प्रिकली पिअर ‘ म्हणजे काटेरी पेर किंवा निवडुंगासारखी दिसणारी ही झाडं एकमेकांना मिठ्या मारून बसलेली असतात. कुंडीतल्या कुंडीत वाकुल्या दाखवतात. तोंड वेंगाडून खिल्लीही उडवतात. ‘ मँगो ‘ नावाची मांजर ढसाढसा रडते , तर ‘ पुशीन ‘ नावाची मनी ‘ मी आत्ता अंघोळ करते आहे ‘ हे सांगण्यासाठी थेट बाथटबमध्ये जाऊन बसते.

नापोली आणि मीप

तुम्हाला मैत्रीणीला प्रपोज करायचं असेल , तरी गुलाबाचं फूल किंवा चक्क बदामाच्या आकाराचं हृदय हातात घेतलेली ‘ नापोली ‘ तुमच्या सेवेस हजर असते. ‘ मीप ‘ चिडतो किंवा खळाळून हसत सुटतो आणि ‘ बीस्ट ‘ हा कुत्रा पाठीवर सॅक घेऊन सहलीला निघतो किंवा घडाळ्याकडे पाहात कंटाळा आल्याचे हावभाव दर्शवतो.

कॅरेक्टर्सशी जवळीक अधिक

पूर्वी मोबाइलवर किंवा सोशल नेटवर्किंग साइटवर ‘ इमोशन्स ‘ हा एकच विभाग असायचा. आता त्यात विविध नावांनी ओळखल्या जाणाऱ्या विशिष्ट व्यक्तिरेखाही जोडल्या गेल्या आहेत. याच ‘ स्माइली ‘ तरुणांना प्रचंड आवडतात. यासंदर्भात फर्ग्युसन कॉलेजच्या विज्ञानशाखेचा विद्यार्थी अश्विन वरुडकर म्हणाला , ‘ आपण चॅट करतो म्हणजे लिहून बोलतो. त्यातल्या काही भावना या शब्दांतून नीट व्यक्त होतातंच असं नाही ; कारण चॅटिंग करताना ती व्यक्ती समोर नसते. अशा वेळी एखाद्या वाक्यातून गैरसमज होऊ नये , म्हणून स्माइलीचा वापर केला जातो. ‘

बोलण्यातला सूर कळावा , म्हणून…

ग्रुपमधल्या एका मैत्रीणीला आम्ही सगळेच जण ग्रुप चॅटिंगदरम्यान तिच्या जाडीवरून चिडवत होतो. आता मुली केवढ्या ‘ फिगर कॉन्शस ‘ असतात हे काही वेगळं सांगायला नको ; पण तिला त्या चिडवण्यातली मस्करी समजावी आणि तिनं ते खेळीमेळीनंच घ्यावं. त्यावरून कुणावर रागावू नये , यासाठी आम्ही सगळ्यांनीच वेगवेगळी ‘ कॅरॅक्टर्स’ तिला पाठवली. कुणी जीभ बाहेर काढलेली ‘ पुशीन ‘ पाठवली , तर कुणी डोळा मारणारा ‘ मीप ‘. त्यामुळे ती चिडण्याऐवजी उलट हसायलाच लागल्याचं मानसी जोशीनं सांगितलं.

परिपूर्ण आणि वेगवान

कोणताही संवाद हा त्यातला नेमका अर्थ समोरच्यापर्यंत पोहोचला , तरच खऱ्या अर्थानं सकस आणि परिपूर्ण होतो. सोशल नेटवर्किंग साइट असो किंवा मोबाइल… चॅटिंग करताना व्यक्ती प्रत्यक्ष समोर नसते. त्यामुळे बोलण्याचा नेमका सूर पोहोचवण्यासाठी ‘ स्माइली ‘ केव्हाही अधिक सोयीच्या वाटतात. सुरुवातीच्या फक्त गोल आकाराच्या ‘ इमोशन्स ‘ सगळेच अर्थ समोरच्यापर्यंत पोहोचवू शकायच्या नाहीत. त्या ग्रुपचॅट दरम्यान परिपूर्ण नव्हत्या. त्यामुळे विविध ‘ कॅरेक्टर्स ‘ घेऊन आलेल्या ‘ स्माइली ‘ तरुणांना अधिक आपल्याशा वाटल्या , तर त्यात नवल नाही. या ‘ स्माइलीज ‘ नी आपलं बोलणं अत्यंत कमी वेळाचं , सोपं आणि वेगाचं करून टाकलं. म्हणूनच’LOL’ ( लाफ आऊट लाऊड) , ‘OMG’ ( ओह माय गॉड) किंवा ‘HAGD’ ( हॅव ए गुड डे) हे शॉर्टफॉर्मही आता हद्दपार होऊन तरुणांना ‘ स्माइली ‘ अधिक आपल्याशा आणि जवळच्या वाटू लागल्या आहेत.

The post ‘स्माइली’ संवाद Top 10 smileys for facebook appeared first on MarathiTech - मराठीटेक.