इंस्टाग्राम या प्रसिद्ध फोटो शेरिंग अॅपमध्ये आता नेमटॅग्स घेण्यात आले असून याद्वारे आपण हे टॅग स्कॅन करून नवीन लोकांशी इंस्टाग्रामवर जोडले जाऊ शकतो!

नेमटॅग (Nametag) हे एक बदल करून स्वतः डिझाईन करता येईल असं कार्ड असून याद्वारे लोक आपली इंस्टाग्राम प्रोफाइलवर पोहचू शकतील! ही सोया एखादी व्यक्ती प्रत्यक्ष भेटली आणि त्यांना जर इंस्टाग्रामवर जोडलं जायचं असेल तर लगेच हा नेमटॅग स्कॅन करून जोडले जाऊ शकू… नेमटॅग्स आता अँड्रॉइड व iOS वरील सर्व यूजर्ससाठी उपलब्ध करून देण्यात आलेले आहेत.
प्रोफाइल > ऑप्शन्स (तीन आडव्या रेषा) > Nametag 

आपण या नेमटॅग्समध्ये रंग, इमोजी, किंवा स्टिकर्ससह असलेल्या सेल्फीसुद्धा जोडू शकतो!
ही नेमटॅग तयार केल्यावर आपण फेसबुक, व्हॉट्सअॅपसारख्या ठिकाणी शेअर करू शकतो. अगदीच हौस असेल तर तो टॅग प्रिंट सुद्धा करू शकता किंवा काही दिवसात हे टॅग्स शर्टावर सुद्धा छापून घ्यायला सुरु करतील! (हल्ली काही सांगता येत नाही लोकांचं 😉) 

मराठीटेकला इंस्टाग्रामवर फॉलो करा : instagram.com/marathitech  

काल झालेल्या कार्यक्रमात इंस्टाग्रामने त्यांची नवी व्हिडिओ सेवा जाहीर केली जी त्यांच्या सध्याच्या क्रिएटर मंडळींना १ तास लांबीचे मोठे उभे व्हिडिओ पोस्ट करण्याची सुविधा देईल! सॅन फ्रान्सिस्को येथे झालेल्या कार्यक्रमात सीईओ केव्हीन सिसट्रॉम यांनी याबद्दल माहिती दिली.

या नव्या सेवेमुळे यूट्यूबला आता नवा स्पर्धक निर्माण झाला आहे. ट्विच या गेम स्ट्रीम सेवेमुळे थोड्या प्रमाणात का होईना आव्हान निर्माण व्हायला सुरुवात झालीच होती कि आता या नव्या मोठ्या आधीच लोकप्रिय अॅपने त्यांच्या यूजरसाठी जास्त लांबीचे व्हिडीओ पोस्ट करण्याची सोया दिली आहे त्यामुळे आता या नव्या सेवेद्वारे आपला स्वतःचा प्रेक्षक निर्माण करण्यासाठी मोठ्या प्रमानावर कंटेन्ट पोस्ट केला जाण्याची शक्यता आहे.

आता इंस्टाग्रामवरील क्रिएटर ज्यांना आपण फॉलो करतो ते चॅनलप्रमाणे काम करतील त्यामुळे त्यांचे नवे व्हिडिओ वेगळ्या लिस्ट मध्ये पाहता येतील! यासाठी एक स्वतंत्र अॅप असेल जे उघडताच व्हिडिओ सुरू होतील. आपण स्वतःचे चॅनल सुरू करून व्हिडिओ अपलोड करू शकतो! ही सोय डेस्कटॉपवर सुद्धा उपलब्ध आहे!
अधिक माहितीसाठी अधिकृत लिंक : Welcome to IGTV

IGTV डाऊनलोड लिंक्स :

IGTV on Google PlayIGTV on App Store

यावेळी इंस्टाग्रामकडून असं सांगण्यात आलं आहे की त्यांचे तब्बल दरमहा १०० कोटी अॅक्टिव युजर झाले आहेत! म्हणजे इतके लोक त्यांच्या फोन्सवर इंस्टाग्रामचा दरमहा वापर करत आहेत! स्नॅपचॅटचे दैनंदिन युजर्स या चौमाहीमध्ये २.१३ टक्क्यांनी वाढले आहेत तर फेसबुकचे ३.१४ टक्क्यांनी. त्याचवेळी इंस्टाग्राम मात्र जवळपास ५ टक्क्यांनी वाढ नोंदवत आहे!

search terms IGTV info what is igtv how to use igtv igtv marathi

यंदाच्या लोकसभा निवडणुका वेगळ्या ठरणार आहेत. कारण या निवडणुकांमध्ये सर्वच राजकीय पक्ष सोशल मीडियाचा जोरदार वापर करताना दिसताहेत. निवडणुकीत ६५ टक्के मतदार तरुण आहेत आण‌ि या तरुणांना आकर्षित करण्यासाठी सर्वच राजकीय पक्ष सरसावले आहेत.

राष्ट्रीय स्तरावर भाजप, काँग्रेस आणि आम आदमी पार्टी यांच्यातल्या या सोशल मीडिया स्पर्धेत अर्थातच आघाडीवर आहेत भाजपचे पंतप्रधानपदाचे उमेदवार नरेंद्र मोदी. ‘अब की बार मोदी सरकार’ हा नारा देणारी भाजपची अधिकृत वेबसाइट नमोनमःच्या जपाने भरलेली आहे. मोदींची वचने, पोस्टर्स, बातम्या, रोजच्या मोदींच्या सभांचे व्हिडीओ यांची वेबसाइटवर रेलचेल आहे. भाजपच्या फेसबुक पेजला २६ लाख लाइक्स मिळाले आहेत. बेंगळुरूमध्ये राजेश जैन यांच्या नेतृत्वाखालील एक हजार जणांची टीम ही वेबसाइट सांभाळते.

काँग्रेसच्या वेबसाइटवर अर्थातच राहुल गांधी यांचे फोटो, प्रचारसभा, रोडशोज यांचे व्हिडीओ आणि यूपीए सरकारच्या विविध योजनांचा गोषवारा आहे. ‘मैं नही, हम’ हा राहुल गांधी यांचा संदेश मतदारांपर्यंत पोहोचवण्याचे या वेबसाइटचे उद्दिष्ट आहे. पक्षाच्या फेसबुक पेजला आतापर्यंत आतापर्यंत २१ लाख लाइक्स मिळाले आहेत.

‘आप’च्या वेबसाइटवर रोज ४०-५० पोस्ट्स या साइटवर पडतात. सभासद नोंदणीपासून ते लोकसभा उमेदवारीच्या फॉर्म्सपर्यंत सर्व माहिती तसेच केजरीवाल यांची प्रश्नावली, सभा आणि पत्रकार परिषदांचे व्हिडिओ येथे आहेत. ‘आप’च्या फेसबुक पेजला १६ लाख लाइक्स मिळाले आहेत.

वेबसाइटच्या स्पर्धेत महाराष्ट्रात राष्ट्रवादी काँग्रेस पक्ष आघाडीवर आहे. मराठी, हिंदी आणि इंग्रजी अशा तीन भाषांतल्या या वेबसाइटवर शरद पवार यांचा ब्लॉग, मंत्र्यांची कामे, सरकारी योजना, अजित पवारांचा जनता दरबार, बातम्या, नेत्यांचे दौरे आणि भाषणांचे व्हिडीओ असा मजकूर आहे. राष्ट्रवादीच्या फेसबुक पेजला २ लाख १८ हजार लाइक्स मिळाले आहेत. गारपीटग्रस्त भागात शरद पवार यांच्या पायी दौऱ्याला वेबसाइटवर चांगला प्रतिसाद मिळाल्याचे वेबसाइटचे संचालक नितीन वैद्य यांनी सांगितले. स्टार प्लस चॅनलचे माजी बिझनेस हेड नितीन वैद्य आणि मोबीटॉक्स इनोव्हेशनचे संस्थापक अभिजीत सक्सेना यांच्या ‘ड्रायव्हिंग माइंड्स’तर्फे ही वेबसाइट चालवली जाते.

शिवसेनेच्या वेबसाइटवर शिवसेनाप्रमुख बाळासाहेब ठाकरे, उद्धव ठाकरे आणि आदित्य ठाकरे यांचे फोटो झळकत आहेत. ‘भगवा झंझावात’ असे वर्णन असलेल्या या वेबसाइटवर शिवसेनेचे प्रचारगीत, सभा, पत्रके, शिवबंधन शपथ इत्यादी मजकूर आहे. बाळासाहेबांची जुनी भाषणे, व्यंगचित्रेही आहेत. मुंबई महापालिकेत शिवसेनेने केलेल्या कामांचा गोषवारा, पक्षाचे उमेदवार, प्रचारसभांचे वेळापत्रक इत्यादी मजकूर आहे. शिवसेनेच्या फेसबुक पेजला आतापर्यंत ६५ हजार लाइक्स मिळाले आहेत. युवासेनेची टीम या वेबसाइटचे काम पाहते. भाजपची महाराष्ट्राची वेबसाइट त्यामानाने थंड आहे. गोपीनाथ मुंडे, देवेंद्र फडणवीस, नितीन गडकरी, किरीट सोमय्या आदी नेत्यांच्या सभा, बातम्या आणि फोटो असा मजकूर या वेबसाइटवर आहे. मायक्रोसॉफ्टमधून निवृत्त झालेले भाजप कार्यकर्ते आर. पी. सिंह यांच्या नेतृत्वाखालील दहा जणांची टीम यासाठी काम करते. त्यांच्या फेसबुक पेजला २७ हजार ६८७ लाइक्स मिळाले आहेत.

‘हीच क्रांती आहे’ या घोषवाक्याने सजलेल्या ‘आप’च्या महाराष्ट्राच्या वेबसाइटवरही केजरीवाल यांच्या ताज्या मुंबई-महाराष्ट्र दौऱ्याचे व्हिडीओ, प्रचारसभा, रोडशो यांच्या बातम्या आहेत. त्यांच्या फेसबुक पेजला ५८ हजार ४०२ लाइक्स आहेत.

महाराष्ट्र प्रदेश काँग्रेस कमिटीची वेबसाइटही राष्ट्रीय वेबसाइटच्या तुलनेत दुर्लक्षितच दिसते. मुख्यमंत्री पृथ्वीराज चव्हाण, प्रदेशाध्यक्ष माणिकराव ठाकरे यांच्यासह महाराष्ट्राच्या नेत्यांच्या बातम्यांची कात्रणे, उमेदवारांची यादी, सरकारी योजना असा मजकूर यावर आहे. तर त्यांच्या फेसबुक पेजला ४ हजार ७०१ लाइक्स मिळाले आहेत.

राज ठाकरे यांच्या नेतृत्वाखालील मनसेची वेबसाइट नव्यानेच सुरू झाली आहे. ठाकरे यांचे वर्धापन दिनाचे भाषण, जाहीर सभा, पत्रकार परिषदा, उमेदवारांची यादी, गारपीटग्रस्त भागाच्या दौऱ्याचा व्हिडिओ यावर उपलब्ध आहेत. मनसेचे सरचिटणीस अनिल शिदोरे यांच्या नेतृत्वाखालील टीम या वेबसाइटचे व्यवस्थापन बघते. या वेबसाइटवर राज्याची जिल्हावार माहिती, नामवंत व्यक्तींचे फोटो, टोलसारख्या प्रश्नी पक्षाची धोरणे इत्यादी माहिती वेबसाइटवर आहे. पक्षाचे मुखपत्र म्हणून ही वेबसाइट काम करणार असून लवकरच एक संयुक्त ‘अॅप’ आणणार आहे. आतापर्यंत ३५ हजार डाऊनलोड्स झाल्याचे शिदोरे म्हणाले.

लाइक्स, चॅट, शेअर आणि ट्विट्समध्ये गुंतलेली तरुणाई प्रत्यक्ष किती मतदान करते, हे येणारी निवडणूक ठरवेल.
Writer for M.T. – वैजयंती कुलकर्णी-आपटे

आपल्या प्रियजनांशी मृत्यूनंतरही संवाद साधता येईल अशा वेबसाईटची निर्मिती करण्यात आली आहे. Eterni.Me असं या वेबसाईडचं नाव आहे. मृत व्यक्तींचं आभासी अस्तित्व म्हणजेच व्हर्च्युअल अवतार ही नवी वेबसाईट तयार करते. मॅसाच्यूसेटस इन्स्टिटयुट ऑफ टेक्नोलॉजीच्या आंत्रप्रेन्यूरशीप डेव्हलपमेंट प्रोग्रामचा एक भाग म्हणून इंजिनिअर्स, डिझायनर्सनी Eterni.Me या वेबसाईटची निर्मिती केली आहे.  

मृत्यूनंतर व्यक्तीचं आभासी अस्तित्व अर्थात व्हर्च्यूअल अवताराची डिजिटली पुर्नरचना करता येते असा या टीमचा दावा आहे. यासाठी त्या व्यक्तीच्या चॅट लॉग, सोशन नेटवर्कची माहिती, फोटो आणि इमेल उपलब्ध करुन दिल्यास त्या माहितीच्या आधारे त्या व्यक्तीची स्मृती, स्वभाव याची जडणघडण करता येते.

Eterni.Me ही वेबसाईट तुम्ही तुमच्या आयुष्यात निर्माण केलेल्या सर्व गोष्टींचे संकलन करते आणि आर्टिफिशयल इंटिलिजिन्स अल्गोरिथमचा वापर करुन या प्रचंड माहितीवर प्रक्रिया करते. या प्रक्रियेच्या माध्यमातून तुमच्या वर्च्युअल अवताराची निर्मिती करण्यात येते. ज्यात तुमचं व्यक्तीमत्व घडवण्यात येते आणि तुमच्या मृत्यूनंतर तुमचे कुटुंब आणि मित्रपरिवार यांना तुमच्याशी संवाद साधता येतो.

ही वेबसाईट सुरु झाल्यापासून अवघ्या 24 तासात 36,000 पेज व्ह्यू आणि 1300 जणांनी इमेल रजिस्ट्रेशन केलं आहे. आता मरणानंतरही तुमचं अस्तित्व वर्च्युअल स्वरुपात अमर राहणार असल्यानं सर्वांच्या मनात या वेगळ्या प्रकाराची कुतुहल निर्माण झालं आहे.