प्रसिद्ध फुटबॉलपटू क्रिस्तियानो रोनाल्डोने काल स्वतःचं यूट्यूब चॅनल सुरू केलं असून पहिल्याच दिवशी या चॅनलने अनेक विक्रम केले आहेत. अवघ्या ९० मिनिटात दहा लाख सबस्क्रायबर्स पूर्ण झाले होते. आत्तापर्यंत सर्वाधिक वेगाने दहा लाख सबस्क्रायबर्स आणि एक कोटी सबस्क्रायबर्सचा टप्पा ओलंडण्याचा विक्रम रोनाल्डोच्या नावे झाला आहे.

यापूर्वीचा सर्वाधिक वेगाने एक कोटी सबस्क्रायबर्सचा टप्पा ओलंडण्याचा विक्रम Mr Beast च्या नावे होता आणि त्याला १३२ दिवस लागले होते. रोनाल्डोला ते करण्यासाठी फक्त १२ तास लागले! आता २४ तास पूर्ण व्हायच्या आत कदाचित २ कोटी म्हणजेच 20 Million सबस्क्रायबर्ससुद्धा पूर्ण होतील! (लेख प्रकाशित केल्या नंतर हा सुद्धा विक्रम झाला आहे!)

रोनाल्डोच्या यूट्यूब चॅनलची लिंक : https://www.youtube.com/@cristiano

रोनाल्डो इतर सोशल मीडिया प्लॅटफॉर्मवरही बराच प्रसिद्ध आहे!

• Instagram : ६३.६ कोटी (636 Million)
• Facebook : १७ कोटी (170 Million)
• X (Twitter) : ११.२ कोटी (112 Million)

यूट्यूबने लगेचच गोल्डन प्ले बटनसुद्धा पाठवलं असून त्याबद्दल रोनाल्डोने व्हिडिओसुद्धा प्रकाशित केला आहे.

The post फुटबॉलपटू रोनाल्डोचं यूट्यूब चॅनल : २४ तासात तब्बल २ कोटी सबस्क्रायबर्स! appeared first on MarathiTech - मराठीटेक.

आज MrBeast ने टी सिरीजला मागे टाकत जगातील सर्वाधिक सबस्क्रायबर्स असलेलं यूट्यूब चॅनल बनण्याचा बहुमान मिळवला आहे! याचे आता तब्बल २६.६७ कोटी हून अधिक सबस्क्रायबर्स झाले आहेत. MrBeast ज्याचं खरं नाव जिमी डोनाल्डसन असं आहे याने २०२२ मध्ये जवळपास सलग दहा वर्षं सर्वाधिक सबस्क्रायबर्स असलेल्या प्युडीपाय (PewDiePie) या यूट्यूबर क्रिएटरला मागे टाकत पहिलं स्थान मिळवलं होतं आणि आता क्रिएटर्स वा कंपनी अशा एकूण सर्वच प्रकारच्या चॅनल्समध्ये टी सिरीजला मागे टाकत पहिलं स्थान मिळवलं आहे!

MrBeast चं यूट्यूब चॅनल : https://www.youtube.com/MrBeast6000

मिस्टर बीस्ट (MrBeast) प्रचंड वेगाने त्याचे सबस्क्रायबर्स वाढवत आला असून याचे व्हिडिओ म्हणजे काही तरी अचाट प्रकार असतात. कधी विमान किंवा Lamborghini ला सलग अनेक तास हात लावायला बसवून त्या पाच सहा व्यक्तींपैकी जो शेवटी हात त्याला ते विमान/कार घेऊन देणे, काही व्यक्तींना एका गोलात उभं करून जो शेवटी बाहेर पडेल त्याला ५ लाख डॉलर्स देणे, एका घरावर दहा लाख ख्रिसमस लाइट्स लावणे, विली वोंकाची चॉकलेट फॅक्टरी बनवणे, Squid Game प्रत्यक्षात खेळून त्याची बक्षिसे देणे, $1 Vs $500000 विमानाचं तिकीट असे काहीही विषय असलेले व्हिडिओ बनवतो.

या सर्व व्हिडिओना किमान १० ते १५ कोटी व्ह्यूज असतातच! यामुळेच पुढे याचे सबस्क्रायबर्स मोठ्या प्रमाणात वाढत गेले. २०१९ मध्ये याचे २ कोटी सबस्क्रायबर्स होते आणि आता पाच वर्षात ते थेट २६ कोटींवर पोहोचले आहेत. Netflix च्या मध्यंतरी चर्चेत असलेल्या Squid Games वर आधारित व्हिडिओला तर तब्बल ६१ कोटी व्ह्यूज मिळाले आहेत! त्याचे व्हिडिओ करण्यासाठी सुरुवातीपासून त्याचे ४-५ मित्र सोबतीला असतात शिवाय मोठे व्हिडिओ शूट करण्यासाठीही तो आता मोठी टीम कामाला ठेवतोय! याच्या मुख्य चॅनलची सुरुवात २० फेब्रुवारी २०१२ मध्ये झाली होती.

आणि तो या सर्व व्हिडिओवर खरेच तेव्हढे लाखो रुपये खर्च करतो. अर्थात त्यानुसार त्याला व्ह्यूज मोठ्या प्रमाणात मिळतात आणि तेच पैसे तो पुढच्या व्हिडिओमध्ये गुंतवतो (असं त्याचं म्हणणं आहे)

विशेष म्हणजे याच MrBeast ने PewDiePie चे T Series च्या आधी १० कोटी सबस्क्रायबर्स पूर्ण व्हावेत म्हणून पैसे खर्चून जाहिराती करत ऑनलाइन मोहीम राबवली होती! बिलबोर्डस, एफएम, टीव्ही अशा सर्व ठिकाणी जात प्युडीपायच्या चॅनलला सबस्क्राइब करण्याचं आवाहन केलं होतं!

एका बाजूला यूट्यूब व्हिडिओवर प्रचंड पैसे खर्च करत असताना तो अधूनमधून सामाजिक कार्यासाठीही त्याच्या प्रसिद्धीचा वापर करतोय. २०१९ मध्येच त्याच्या यूट्यूब चॅनलचे २० मिलियन सबस्क्रायबर्स होत असताना ट्विटरवर प्रश्न विचारला की माझ्या २० मिलियन (२ कोटीव्या) सबस्क्रायबरला काय देऊ? तर त्यावर रेडिट या दुसऱ्या प्रसिद्ध वेबसाईटवर अनेकांनी त्याने २० मिलियन म्हणजे २ कोटी झाडे लावावीत असं सुचवलं. मग त्याने लगेच TeamTrees मोहीम सुरू केली आणि २ कोटी झाडे लावली सुद्धा…! यासाठी त्याने सोशल मीडिया मार्फत दान करण्याचं आवाहन केलं होतं त्याला इलॉन मस्क, Tobi Lutke (Shopify CEO), Marc Benioff (Salesforce CEO), Susan Wojcicki (YouTube CEO), Jack Dorsey (तेव्हाचे Twitter CEO) यांनीही मोठी मदत केली होती.

पुढे यासाठी त्यानं Beast Philanthropy नावाचं स्वतंत्र चॅनल सुरू केलं आणि समुद्र किनारा स्वच्छ करणे, आफ्रिकेत विहिरी बांधणे, बेघरांना घरे बांधून देणे, कपडे, जेवण उपलब्ध करून देणे अशीही कामे करण्यास सुरुवात केली. अशा कामांसाठी त्याच्या ऑनलाइन फॅन्सना आमंत्रित करून त्यांनाही सहभागी करून देतो. अर्थात त्याच्यावर नेहमीच पैसे उडवण्यावरून टीका होत असली तरी दुसऱ्या बाजूला त्याचे असेही प्रयत्न सुरू आहेत.

सर्वाधिक सबस्क्रायबर्स असलेले जगातले १० चॅनल्स पुढील प्रमाणे :

1. MrBeast
2. T Series
3. Cocomelon
4. SET India
5. Kids Diana Show
6. Vlad and Niki
7. Like Nastya
8. PewDiePie
9. Zee Music Company
10. WWE

The post MrBeast आता जगातील सर्वाधिक सबस्क्रायबर्स असलेलं यूट्यूब चॅनल! appeared first on MarathiTech - मराठीटेक.

कम्युनिटी नोट्स नावाच्या सुविधेद्वारे एक्सवरील पोस्ट्स/ट्विट्सची सत्यता पडताळून त्यासाठी संदर्भ दिला जातो यामुळे एखादी पोस्ट खोटी किंवा चुकीची माहिती पसरवत असेल तर त्याच्या खाली Community Notes चा बॅनर दिसतो आणि तिथे ती पोस्ट का चुकीची आहे हे सांगत त्यासाठी संदर्भ दिला जातो जेणेकरून त्या व्हायरल ट्विटमधून खोट्या माहितीचा प्रसार कमी होईल.

आता आजपासून ही सोय भारतातसुद्धा उपलब्ध झाली असून यासाठी ते सध्या इच्छुक युजर्सना Contributor म्हणून Sign Up करण्यास लिंक उपलब्ध केली आहे. हे योगदानकर्ते एक्सवरील पोस्टस पाहताना एखादी चुकीची माहिती असलेली पोस्ट दिसली की त्यावरील चुकीच्या माहितीला उत्तर देत Fact Checking करून खऱ्या माहितीचा संदर्भासहित उल्लेख करत Community Notes डिस्प्ले करू शकतात. मात्र हे केवळ एकच युजर करेल आणि ती Community Notes लगेच दिसेल असं नाही. त्यासाठी इतर Contributors नी त्यावर सत्यता तपासून रेटिंग द्यावं लागतं जेणेकरून अनेकांकडून सत्यता पडताळली जाईल. यामुळे कम्युनिटी नोट्सचा गैरवापरसुद्धा आपोआप टाळला जातो.

कम्युनिटी नोट्स बद्दल अधिकृत माहिती : https://communitynotes.x.com/guide/en/about/introduction

लवकरच सुरू होणाऱ्या लोकसभा निवडणुकांच्या पार्श्वभूमीवर कम्युनिटी नोट्स नक्कीच खूप उपयोगी पडतील कारण बऱ्याच राजकीय पक्षांकडून आणि नेत्यांकडून त्यांच्या समोरील उमेदवार/नेत्यांबद्दल खोटी माहिती प्रसारित होते आणि ती फिरत फिरत WhatsApp, YouTube, फेसबुक अशा इतर माध्यमांवरसुद्धा पोहोचते.

याची सुरुवात २०२१ मध्ये Birdwatch नावाने झाली होती. इलॉन मस्कने २०२३ मध्ये याचं बदलून Community Notes असं केलं. या नोट्स आणि संदर्भ पूर्णपणे एक्सवरील युजर्सच देतात. एखाद्या संदर्भाला जितकं जास्त रेटिंग इतर Contributors कडून मिळेल त्याचीच Community Notes त्या ठराविक पोस्ट खाली दिसेल. यामुळे ते ट्विट करणाऱ्या राजकीय नेते किंवा सेलेब्रिटी किंवा सामान्य युजरकडून व्हायरल झालेलं चुकीचं यावर Community Notes कडून Context जोडलेला दिसेल.

एक्सवरील ही सोय इतर सोशल मीडिया प्लॅटफॉर्मवर सुद्धा जोडली गेली पाहिजे. Community Notes हे एक उत्तम Fact Check टूल म्हणता येईल. कम्युनिटी नोट्समध्ये आता आता ६९ देशांमधील योगदानकर्ते सहभागी झाले आहेत!

The post X (ट्विटर) वरील Community Notes आता भारतात उपलब्ध! appeared first on MarathiTech - मराठीटेक.

ऑक्टोबर महिन्यात एलॉन मस्कने ट्विटर विकत घेतल्यापासून अनेक बदल झाले आहेत. काही महिन्यांपूर्वीच एका ट्विटमध्ये ट्विटरचं सर्व सोयी देणाऱ्या एकाच ॲपमध्ये (The Everything App) रूपांतर करणार असल्याचं सांगितलं होतं. आता आजपासून नव्या लोगोमुळे यावर शिक्कामोर्तब झालं आहे. X Corp. कंपनीने त्यांच्या ट्विटरचा लोगो निळ्या चिमणी ऐवजी आता 𝕏 (X) असा बदलला आहे. नवा लोगो वेबसाइटवर दिसू लागला आहे.

इलॉन मस्ककडे गेली अनेक वर्षं X.com या डोमेनची मालकी आहे. काही दिवसांपासून हे डोमेन ट्विटरकडे रिडायरेक्ट करण्यात आलं आहे.

ट्विटरची मालकी असलेल्या X Corp च्या सध्याच्या CEO Linda Yaccarino यांनीही याबद्दल ट्विटद्वारे माहिती दिली आहे.

The post ट्विटरचा आजपासून निळ्या चिमणीऐवजी नवा 𝕏 लोगो! appeared first on MarathiTech - मराठीटेक.

ट्विटरची Twitter Blue नावाची सेवा भारतात उपलब्ध होण्यास सुरुवात झाली असून या सेवेच्या सर्व सभासदांना ट्विटरवर ब्ल्यु टिक मिळेल. याचे प्लॅन्स भारतात ६५० पासून सुरू होत आहेत.

या सेवेचे सभासद झाल्यावर तुम्हाला खालील सोयी ट्विटरवर मिळतील.

• प्रोफाइलच्या नावापुढे ब्ल्यु टिक
• रीप्लाईज, मेन्शन्स आणि सर्चमध्ये प्राधान्य मिळेल.
• जास्त लांबीचे व्हिडिओ टाकता येतील
• इतरांच्या तुलनेत अर्ध्याच जाहिराती दिसतील.
• चाचणी सुरू असलेल्या फीचर्स इतरांच्या आधी वापरता येतील उदा. पुढील दोन फीचर्स.
• ट्विटस एडिट करता येतील
• 1080p रेजोल्यूशनचे व्हिडिओ अपलोड करता येतील.

अँड्रॉईड व iOS वर गूगल आणि ॲपलला ॲप स्टोरसाठी द्याव्या लागणाऱ्या फीमुळे किंमत जास्त असल्याचं सध्याचे ट्विटर प्रमुख इलॉन मस्क यांनी यापूर्वीच सांगितलं आहे!

The post ट्विटर ब्ल्यु भारतात उपलब्ध होण्यास सुरुवात! appeared first on MarathiTech - मराठीटेक.