सध्या सर्वात प्रसिद्ध यूट्यूबरपैकी एक म्हणजे MrBeast ज्याचं खरं नाव जिमी डोनाल्डसन असं आहे याने आज जवळपास गेली दहा वर्षं सर्वाधिक सबस्क्रायबर्स असलेल्या प्युडीपाय (PewDiePie) या यूट्यूबरला मागे टाकत पहिलं स्थान मिळवलं आहे! आत्ता हा लेख लिहीत असताना MrBeast चे तब्बल ११.२ कोटी सबस्क्रायबर्स पूर्ण झाले आहेत!

प्युडीपाय PewDiePie (फिलिक्स शेलबर्ज) हा स्वीडिश यूट्यूबरचे आत्ता ११.१ कोटी सबस्क्रायबर्स आहेत. गेली जवळपास १० वर्षं यूट्यूबचा अनभिषिक्त राजा असलेल्या प्युडीपायला (ऑगस्ट २०१३ पासून) सरतेशेवटी MrBeast ने मागं टाकलं आहे. विशेष म्हणजे काही वर्षांपूर्वी भारतीय म्युझिक कंपनी T Series १० कोटी सबस्क्रायबर्स पूर्ण करण्यासाठी स्पर्धा लागली होती ज्यामध्ये टी सिरिजचा विजय झाला होता. मात्र टी सिरीज ही एक कंपनी असल्यामुळे एक क्रिएटर/यूट्यूबर म्हणून अजूनही प्युडीपाय सर्वाधिक सबस्क्रायबर्सच्या यादीत सर्वात वर होता. गेली अनेक वर्षं गेमिंग, कॉमेडी व रिॲक्शन व्हिडिओ टाकून तो लोकप्रिय होत गेला. मात्र आता त्याच्या सबस्क्रायबर्सच्या संख्येच्या तुलनेत त्याच्या व्हिडिओना व्ह्यूज खूपच कमी म्हणजे काही लाखांमध्येच आहेत.

दुसऱ्या बाजूला मिस्टर बीस्ट (MrBeast) मात्र प्रचंड वेगाने त्याचे सबस्क्रायबर्स वाढवत गेला. याचे व्हिडिओ म्हणजे काही तरी अचाट प्रकार असतात. १० कोटीव्या सबस्क्रायबरला बेट घेऊन दे, कधी विमान किंवा Lamborghini ला सलग हात लावायला बसवून त्या पाच सहा व्यक्तींपैकी जो शेवटी हात त्याला ते विमान/कार घेऊन देणे, काही व्यक्तींना एका गोलात उभं करून जो शेवटी बाहेर पडेल त्याला ५ लाख डॉलर्स देणे, एका घरावर दहा लाख ख्रिसमस लाइट्स लावणे, विली वोंकाची चॉकलेट फॅक्टरी बनवणे, Squid Game प्रत्यक्षात खेळून त्याची बक्षिसे देणे असे काहीही विषय असलेले व्हिडिओ बनवतो.

वाचताना विचित्र वाटत असेल पण तुम्ही स्वतः हे व्हिडिओ त्याच्या चॅनलवर जाऊन पाहू शकता. https://www.youtube.com/user/MrBeast6000

या सर्व व्हिडिओना किमान ५ ते १० कोटी व्ह्यूज असतातच! यामुळेच पुढे याचे सबस्क्रायबर्स मोठ्या प्रमाणात वाढत गेले. २०१९ मध्ये याचे २ कोटी सबस्क्रायबर्स होते आणि आता तीन वर्षात ते थेट ११ कोटींवर पोहोचले आहेत. Netflix च्या मध्यंतरी चर्चेत असलेल्या Squid Games वर आधारित व्हिडिओला तर तब्बल ३० कोटी व्ह्यूज मिळाले आहेत! त्याचे व्हिडिओ करण्यासाठी सुरुवातीपासून त्याचे ४-५ मित्र सोबतीला असतात शिवाय मोठे व्हिडिओ शूट करण्यासाठीही तो आता मोठी टीम कामाला ठेवतोय! याच्या मुख्य चॅनलची सुरुवात २० फेब्रुवारी २०१२ मध्ये झाली होती.

आणि तो या सर्व व्हिडिओवर खरेच तेव्हढे लाखो रुपये खर्च करतो. अर्थात त्यानुसार त्याला व्ह्यूज मोठ्या प्रमाणात मिळतात आणि तेच पैसे तो पुढच्या व्हिडिओमध्ये गुंतवतो (असं त्याचं म्हणणं आहे)

विशेष म्हणजे याच MrBeast ने PewDiePie चे T Series च्या आधी १० कोटी सबस्क्रायबर्स पूर्ण व्हावेत म्हणून पैसे खर्चून जाहिराती करत ऑनलाइन मोहीम राबवली होती! बिलबोर्डस, एफएम, टीव्ही अशा सर्व ठिकाणी जात प्युडीपायच्या चॅनलला सबस्क्राइब करण्याचं आवाहन केलं होतं!

Mr Beast ने आता MrBeast Burger म्हणून स्वतःच्या ब्रॅंड अंतर्गत ऑनलाइन बर्गर विकायला सुरवात केली आणि काही दिवसांपूर्वीच त्यांचं पहिलं रेस्टोरंट सुरू केलं ज्याच्या पहिल्याच दिवशी तब्बल १०००० लोकांनी हे बर्गर घेण्यासाठी रांग लावली होती!

एका बाजूला यूट्यूब व्हिडिओवर वारेमाप पैसे खर्च करत असताना तो अधूनमधून सामाजिक कार्यासाठीही त्याच्या प्रसिद्धीचा वापर करतोय. २०१९ मध्येच त्याच्या यूट्यूब चॅनलचे २० मिलियन सबस्क्रायबर्स होत असताना ट्विटरवर प्रश्न विचारला की माझ्या २० मिलियन (२ कोटीव्या) सबस्क्रायबरला काय देऊ? तर त्यावर रेडिट या दुसऱ्या प्रसिद्ध वेबसाईटवर अनेकांनी त्याने २० मिलियन म्हणजे २ कोटी झाडे लावावीत असं सुचवलं. मग त्याने लगेच TeamTrees मोहीम सुरू केली आणि २ कोटी झाडे लावली सुद्धा…! यासाठी त्याने सोशल मीडिया मार्फत दान करण्याचं आवाहन केलं होतं त्याला इलॉन मस्क, Tobi Lutke (Shopify CEO), Marc Benioff (Salesforce CEO), Susan Wojcicki (YouTube CEO), Jack Dorsey (तेव्हाचे Twitter CEO) यांनीही मोठी मदत केली होती.

पुढे यासाठी त्यानं Beast Philanthropy नावाचं स्वतंत्र चॅनल सुरू केलं आणि समुद्र किनारा स्वच्छ करणे, आफ्रिकेत विहिरी बांधणे, बेघरांना घरे बांधून देणे, कपडे, जेवण उपलब्ध करून देणे अशीही कामे करण्यास सुरुवात केली. अशा कामांसाठी त्याच्या ऑनलाइन फॅन्सना आमंत्रित करून त्यांनाही सहभागी करून देतो. अर्थात त्याच्यावर नेहमीच पैसे उडवण्यावरून टीका होत असली तरी दुसऱ्या बाजूला त्याचे असेही प्रयत्न सुरू आहेत.

The post MrBeast आता सर्वाधिक सबस्क्रायबर्स असलेला यूट्यूबर : PewDiePie ला मागे टाकलं! appeared first on MarathiTech - मराठीटेक.

बेबी शार्क (Baby Shark) नावाचा दक्षिण कोरियन कंपनी PinkFong ने नावाचा व्हिडिओ नोव्हेंबर २०२० मध्ये यूट्यूबवर सर्वाधिक व्ह्यूज असलेला व्हिडिओ बनला होता. त्यानंतर त्या व्हिडिओने आणखी एक विक्रम आपल्या नावे केला असून यामध्ये त्यांनी 10 Billion Views म्हणजेच १,००० कोटी व्ह्यूज पूर्ण केले आहेत आणि असे करणारा यूट्यूबवरचा हा पहिलाच व्हिडिओ ठरला आहे!

या व्हिडिओला आत्तापर्यंत तब्बल 10,02,83,28,343 हून अधिक व्ह्यूज मिळाले आहेत! Despacito या Luis Fonsi च्या लोकप्रिय गाण्याला मागे टाकत त्यांनी आता प्रथम स्थान मिळवलं होतं!

या सर्व व्ह्यूजच्या संख्येत आश्चर्य वाटेल अशी गोष्ट म्हणजे लहान मुलांसाठी तयार करण्यात आलेली गाणी सर्वाधिक वेळा पाहिली गेली आहेत. भारतातल्या सर्वात लोकप्रिय व्हिडिओजमध्येही हेच चित्र दिसून येतं. काही ठराविक चॅनेल्स सोडले तर लहान मुलांच्या चॅनेल्सना सबस्क्रायबर्ससुद्धा मोठ्या संख्येने आहेत. सध्या सर्वाधिक पाहिले गेलेल्या व्हिडिओच्या यादीत दहापैकी ६ गाणी लहान मुलांच्या व्हिडिओचीच आहेत!

एकेकाळी प्रथम स्थानी असलेलं Gangnam Style आता चक्क अकराव्या स्थानी गेलं आहे!

1. Baby Shark Dance : Pinkfong Kids’ Songs & Stories
2. Despacito : Luis Fonsi featuring Daddy Yankee
3. Johny Johny Yes Papa : LooLoo Kids
4. Shape of You : Ed Sheeran
5. See You Again : Wiz Khalifa featuring Charlie Puth
6. Bath Song : Cocomelon – Nursery Rhymes
7. Learning Colors – Colorful Eggs on a Farm : Miroshka TV
8. Masha and the Bear : Recipe for Disaster : Get Movies
9. Uptown Funk : Mark Ronson featuring Bruno Mars
10. Phonics Song with Two Words : ChuChu TV
11. Gangnam Style : Psy

The post बेबी शार्क यूट्यूब व्हिडिओचे तब्बल १,००० कोटी व्ह्यूज पूर्ण! appeared first on MarathiTech - मराठीटेक.

होय गूगल या बरीच वर्षं सर्वात भेट दिली जात असेल्या वेबसाइट डोमेनला मागे टाकत यावर्षी टिकटॉक.कॉम सर्वात पुढे आलं आहे! शॉर्ट व्हिडिओ शेयरिंग प्लॅटफॉर्म असलेल्या टिकटॉकने सर्वात लोकप्रिय आणि जवळपास प्रत्येकाकडून वापरल्या जाणाऱ्या गूगलला मागे टाकलं आहे. क्लाऊडफ्लेयर (Cloudflare) या वेब सेक्युरिटी क्षेत्रात काम करणाऱ्या कंपनीने दिलेल्या माहितीनुसार ही नवी क्रमवारी प्रसिद्ध झाली आहे.

Top 10 Most Visited Websites (domains) of 2021

1. TikTok.com
2. Google.com
3. Facebook.com
4. Microsoft.com
5. Apple.com
6. Amazon.com
7. Netflix.com
8. YouTube.com
9. Twitter.com
10. WhatsApp.com

यावर्षी टिकटॉक, गूगलनंतर पुढे फेसबुक, मायक्रोसॉफ्ट, ॲपल, ॲमेझॉन, नेटफ्लिक्स, यूट्यूब, ट्विटर, व्हॉट्सॲप असा क्रम लागला आहे. गेल्यावर्षी ७ व्या क्रमांकावर असलेलं टिकटॉक आता थेट पहिल्या क्रमांकावर पोहोचलं आहे! तरुणाईमध्ये लोकप्रिय असलेलं Instagram.com मात्र यावर्षी पहिल्या दहामधून बाहेर गेलं आहे!

अल्पावधीतच टिकटॉकला मिळत असलेलं यश पाहून शॉर्ट व्हिडिओ फॉरमॅटसाठी स्पर्धेतून इंस्टाग्रामने Reels आणि यूट्यूबने Shorts आणून सुद्धा त्यांना टिकटॉकच्या लोकप्रियतेला धक्का पोहोचवता आलेला नाही. यावरून सध्या सोशल मीडियावर कोणत्या प्रकारचा कंटेंट जास्त पाहिला जात आहे याचीही एक कल्पना येऊ शकते. अशा लवकर संपणाऱ्या, पटापट पुढे सरकत जाणाऱ्या व्हिडिओज पाहण्याचं वेड आता प्रत्येक वयोगटात लागलेलं आहे.

विशेष म्हणजे टिकटॉक हे भारतात बॅन करण्यात आलेलं ॲप आहे. त्यामुळे यांच्या वेबसाइट ट्रॅफिकमध्ये भारतासारख्या मोठ्या देशाचा समावेश नसतानासुद्धा एव्हढया वरचं स्थान त्यांना मिळालं आहे!

२०२१ मध्ये सर्वात लोकप्रिय सोशल मीडिया डोमेन्समध्येही साहजिकच टिकटॉक आघाडीवर असून त्यानंतर फेसबुक, यूट्यूब, ट्विटर, इंस्टाग्राम, स्नॅपचॅट, रेडिट, पिनट्रेस्ट, लिंक्डइन आणि कोरा अशी क्रमवारी आहे.

Top 10 — Most popular social media domains 2021

1. TikTok.com
2. Facebook.com
3. YouTube.com
4. Twitter.com
5. Instagram.com
6. Snapchat.com
7. Reddit.com
8. Pinterest.com
9. LinkedIn.com
10. Quora.com

गेल्यावर्षी म्हणजे २०२० मध्ये सर्वात लोकप्रिय डोमेन्सची यादी पुढील प्रमाणे होती : 1. Google.com, 2. Facebook.com, 3. Microsoft.com, 4. Apple.com, 5. Netflix.com, 6. Amazon.com, 7. TikTok.com, 8. YouTube.com, 9. Instagram.com, 10. Twitter.com

माहितीसाठी : डोमेन म्हणजे प्रत्येक वेबसाइटला जोडण्यात आलेला एक विशिष्ट पत्ता असतो. उदा. गूगलच्या वेबसाइटचं google.com हे डोमेन नेम आहे.

The post गूगलला मागे टाकत टिकटॉक बनली सर्वात लोकप्रिय वेबसाइट! appeared first on MarathiTech - मराठीटेक.

यूट्यूब इंडियाने काही दिवसांपूर्वी या वर्षी सर्वात लोकप्रिय ठरलेले व्हिडिओ, गाणी, क्रिएटर्स यांची यादी जाहीर केली आहे. अजय नागर (कॅरीमिनाटी) हा सर्वाधिक सबस्क्रायबर्स मिळवून टॉप यूट्यूब क्रिएटर बनला आहे. त्याचा YouTube vs Tik Tok: The End डिलिट झाल्यानंतर आलेला व्हिडिओ Stop Making Assumptions २०२० मधील टॉप ट्रेंडिंग व्हिडिओ आहे. रॅपर बादशाहचं गाणं गेंदा फुल २०२० चा टॉप म्युझिक व्हिडिओ आहे. या याद्यांवर नजर टाकून तुम्हाला एक गोष्ट लक्षात येईल ती म्हणजे गेमिंग चॅनल्सची वाढलेली लोकप्रियता.

आश्चर्याची गोष्ट म्हणजे सर्व प्रकारच्या सोशल मीडियाचा प्रेक्षक महाराष्ट्रातून सर्वाधिक असला तरीही यामधील कोणत्याही यादीत एकाही मराठी व्हिडिओला स्थान मिळवता आलेलं नाही. अर्थात यासाठी बऱ्याच गोष्टी कारणीभूत असल्या तरी मराठी प्रेक्षक मराठी कंटेंटला प्राधान्य देत नाहीत हे प्रमुख कारण आहे. त्यानंतर मराठी व्हिडिओचं असणारं कमी प्रमाण, अपलोड करण्यात सातत्य नसणं ही इतर कारणं आहेतच. अलीकडे काही चॅनल्सना लाखांमध्ये व्ह्यूज मिळत आहेत त्यामुळे चित्र काहीसं बदलत आहे म्हणण्यास हरकत नाही मात्र हे आणखी वेगाने आणि मोठ्या प्रमाणात व्हायला हवं.

भारतात सर्वाधिक चर्चेत असलेले/ट्रेंड झालेले व्हिडिओ २०२० : YouTube Top Trending Videos in India

1. CarryMinati – Stop Making Assumptions | YouTube vs Tik Tok: The End
2. Jkk Entertainment – Chotu Dada Tractor Wala | “छोटू दादा ट्रेक्टर वाला ” Khandesh Hindi Comedy | Chotu Comedy Video
3. Make Joke Of – Make Joke of || MJO || – The Lockdown
4. TRT Ertugrul by PTV – Ertugrul Ghazi Urdu | Episode 1 | Season 1
5. Bristi Home Kitchen – Chocolate Cake Only 3 Ingredients In Lock-down Without Egg, Oven, Maida | चॉकलेट केक बनाए 3 चीजो से|
6. ETV Dhee – Pandu Performance | Dhee Champions | 5th August 2020 | ETV Telugu
7. Round2hell – The Time Freeze | Round2Hell | R2H
8. Ashish Chanchlani Vines – Office Exam Aur Vaccine | Ashish Chanchlani
9. BB Ki Vines – BB Ki Vines- | Angry Masterji- Part 15 |
10. Taarak Mehta Ka Ooltah Chashmah – Tapu Proposes To Sonu On Valentines Day! | Latest Episode 2933

भारतातील टॉप यूट्यूब क्रिएटर्स २०२० : YouTube Top Creators in India

1. CarryMinati
2. Total Gaming
3. Techno Gamerz
4. Jkk Entertainment
5. ashish chanchlani vines
6. Round2hell
7. Technical Guruji
8. CookingShooking Hindi
9. Desi Gamers
10. The MriDul

२०२० गाजवलं असे यूट्यूब क्रिएटर्स : YouTube Breakout Creators in India

1. CarryMinati
2. Total Gaming
3. Techno Gamerz
4. Desi Gamers
5. The MriDul
6. Lokesh Gamer
7. Mythpat
8. Khan GS Research Centre
9. AiSh
10. Helping Gamer

भारतातील सर्वात लोकप्रिय संगीत व्हिडिओ २०२० : YouTube Top Music Videos in India

1. Badshah – Genda Phool | JacquelineFernandez | Payal Dev | Official Music Video 2020
2. Moto (Official Video)| Ajay Hooda | Diler Kharkiya | Anjali Raghav | Latest Haryanvi Song 2020
3. Ala Vaikunthapurramuloo – ButtaBomma Full Video Song (4K) | Allu Arjun | Thaman S | Armaan Malik
4. Sumit Goswami – Feelings | KHATRI | Deepesh Goyal | Haryanvi Song 2020
5. Illegal Weapon 2.0 – Street Dancer 3D | Varun D, Shraddha K | Tanishk B,Jasmine Sandlas,Garry Sandhu
6. GOA BEACH – Tony Kakkar & Neha Kakkar | Aditya Narayan | Kat | Anshul Garg
7. Emiway Bantai – EMIWAY – FIRSE MACHAYENGE (OFFICIAL MUSIC VIDEO)
8. Ala Vaikunthapurramuloo – Ramuloo Ramulaa Full Video Song || Allu Arjun || Trivikram | Thaman S
9. Muqabla | Street Dancer 3D |A.R. Rahman, Prabhudeva, Varun D, Shraddha K, Tanishk B
10. B Praak: Dil Tod Ke Official Song | Rochak Kohli, Manoj M |Abhishek S, Kaashish V | Bhushan Kumar

The post यूट्यूबने जाहीर केले २०२० चे सर्वात लोकप्रिय व्हिडिओ व क्रिएटर्स! appeared first on MarathiTech - मराठीटेक.

बेबी शार्क (Baby Shark) नावाचा दक्षिण कोरियन कंपनी PinkFong ने नावाचा व्हिडिओ आता यूट्यूबवर सर्वाधिक व्ह्यूज असलेला व्हिडिओ बनला आहे. या व्हिडिओला आत्तापर्यंत तब्बल 7,26,32,61,909 हून अधिक व्ह्यूज मिळाले आहेत! Despacito या Luis Fonsi च्या लोकप्रिय गाण्याला मागे टाकत त्यांनी आता प्रथम स्थान मिळवलं आहे!

२०१६ मध्ये अपलोड झालेलं हे गाणं काही दिवसांपूर्वी प्रथम स्थानी पोहोचलं आहे. विशेष म्हणजे हे गाणं Despacito च्या एक वर्ष आधी आलेलं आहे.

या सर्व व्ह्यूजच्या संख्येत आश्चर्य वाटेल अशी गोष्ट म्हणजे लहान मुलांसाठी तयार करण्यात आलेली गाणी सर्वाधिक वेळा पाहिली गेली आहेत. भारतातल्या सर्वात लोकप्रिय व्हिडिओजमध्येही हेच चित्र दिसून येतं. काही ठराविक चॅनेल्स सोडले तर लहान मुलांच्या चॅनेल्सना सबस्क्रायबर्ससुद्धा मोठ्या संख्येने आहेत.

www.youtube.com/kids
www.youtubekids.com

यूट्यूबने लहान मुलांसाठी स्वतंत्र विभाग करून दिला आहे जेणेकरून त्यांनी पाहू नये असे व्हिडिओ त्यांना दिसणार नाहीत. शिवाय आता व्हिडिओ अपलोड करतानासुद्धा तशा प्रकारे मार्क करावा लागतो की हा व्हिडिओ लहान मुलांसाठी योग्य आहे की नाही. अशा बऱ्याच व्हिडिओचा कमेंट बॉक्स बंद केलेला असतो.

यूट्यूबवर सर्वाधिक व्ह्यूज असलेले व्हिडिओ

1. Baby Shark Dance : Pinkfong Kids’ Songs & Stories
2. Despacito : Luis Fonsi featuring Daddy Yankee
3. Shape of You : Ed Sheeran
4. See You Again : Wiz Khalifa featuring Charlie Puth
5. Masha and the Bear : Recipe for Disaster : Get Movies
6. Johny Johny Yes Papa : LooLoo Kids
7. Uptown Funk : Mark Ronson featuring Bruno Mars
8. Gangnam Style : Psy
9. Learning Colors – Colorful Eggs on a Farm : Miroshka TV
10. Sorry : Justin Bieber

The post बेबी शार्क आता यूट्यूबवर सर्वाधिक वेळा पाहिला गेलेला व्हिडिओ! appeared first on MarathiTech - मराठीटेक.