व्हॉट्सॲप या प्रसिद्ध मेसेजिंग सेवेमध्ये आता आपण स्वतःचे स्टीकर्स व्हॉट्सॲपमध्येच तयार करून शेयर करू शकणार आहोत. त्यांनी सध्यातरी हा पर्याय WhatsApp Web या व्हॉट्सॲपच्या डेस्कटॉप साईटवर दिलेला आहे. येत्या काही आठवड्यात हाच पर्याय त्यांच्या डेस्कटॉप ॲपमध्येही उपलब्ध होणार आहे. २४ नोव्हेंबरपासून हा पर्याय उपलब्ध होण्यास सुरुवात झाली आहे.

या पर्यायामुळे आपल्याला बाहेरच्या साइट्स किंवा ॲप्सची गरज उरणार नाही. या नव्या पर्यायाद्वारे स्टीकर्स तयार करणं अतिशय सोपं आहे.

1. WhatsApp Web तुमच्या लॅपटॉप/पीसीवर उघडा
2. कोणतंही एक चॅट उघडा
3. अटॅचच्या पेपरक्लिप आयकॉनवर क्लिक करा (📎)
4. आता इथे नवीन स्टीकरचा पर्याय दिसेल.
5. आता स्टीकरसाठी फोटो निवडा आणि पर्याय वापरुन एडिट करा
6. Outline टुल वापरुन बॅकग्राउंड काढून टाका. (✂️), टेक्स्ट टुलने काही टेक्स्ट लिहा, इमोजी जोडा.
7. एडिट झाल्यावर Send बटन वर क्लिक करा.

The post व्हॉट्सॲपवर आता स्टीकर्स तयार करण्याचाही पर्याय! appeared first on MarathiTech - मराठीटेक.

सध्या सुरू असलेल्या आयपीएल क्रिकेट स्पर्धेच्या निमित्ताने व लवकरच येत असलेल्या वर्ल्ड कपला समोर ठेऊन व्हॉट्सअॅपने क्रिकेट स्टिकर्स उपलब्ध करून दिले आहेत. व्हॉट्सअॅपवर ही स्टिकरची सुविधा काही महिन्यांपूर्वीच उपलब्ध झालेली आहे.

व्हॉट्सअॅप क्रिकेट स्टिकर्स कसे डाऊनलोड करायचे ?

1. कुठल्याही व्हॉट्सअॅप चॅटवर जा
2. डाव्या कोपर्‍यातील इमोजीवर टॅप करा
3. खाली तीन पर्याय दिसतील इमोजी, GIF, स्टिकर
4. स्टिकर पर्याय निवडून + चीनवर टॅप करा
5. आता समोर तुम्हाला Cricket Matchup नावाचा स्टिकर पॅक दिसेल त्याच्या समोरील डाऊनलोड चिन्हावर टॅप करा.
6. आता तुम्ही चॅटमध्ये नेहमीच्या स्टिकर्समध्ये क्रिकेट स्टिकर्स पाहू शकाल!
7. आणखी स्टिकर्स हवे असतील तर प्ले स्टोअरवर उपलब्ध आहेतच…

Search Terms : WhatsApp Cricket Stickers available to download

The post व्हॉट्सअॅपवर आता क्रिकेट स्टिकर्स! appeared first on MarathiTech - मराठीटेक.

बऱ्याच दिवसांपासून चर्चा सुरु असलेलं ही स्टिकर पाठवण्याची सुविधा आता व्हॉट्सअॅपवर उपलब्ध होत असून यामध्ये अनेक स्टिकर्सचा समावेश केलेला आहे! WeChat, Viber, फेसबुक मेसेंजर, हाईक अशा अॅप्समध्ये बऱ्याच वर्षांपासून उपलब्ध असलेले हे स्टिकर्स आता सर्वात लोकप्रिय अशा व्हॉट्सअॅपवर येत आहेत!

अनेक वापरकर्ते याबाबत सोशल मीडिया द्वारे मागणी करत मात्र दरवेळी नव्या इमोजीचा समावेश केला जायचा. आता हे स्टिकर्स चाचणी स्वरूपातील Beta आवृत्तीमध्ये उपलब्ध आहेत. ही स्टिकर्स डाउनलोड करण्यासाठी एक स्वतंत्र स्टोर व्हॉट्सअॅपमध्येच देण्यात आलेलं असून त्यामधून आपण आणखी स्टिकर्स घेऊ शकतो!
 स्टिकर्स ही सोय Beta व्हर्जन Version 2.18.329 वर असणाऱ्याना वापरता येते. इतरांना समोरच्या व्यक्तीने पाठवलेले स्टिकर्स पाहता येतील. काही दिवसात ही सुविधा सर्वांसाठी उपलब्ध होईल.
हाईकप्रमाणे खास भारतीय वापरकर्त्यांसाठी अशी स्टिकर्स सध्यातरी दिसत नाहीयेत पण भारतातील वापरकर्त्यांची संख्या पाहता त्या प्रकारचे स्टिकर्स लवकरच येऊ शकतात.

व्हॉट्सअॅपवर गेल्या काही महिन्यात बऱ्याच सुविधा उपलब्ध झाल्या असून व्हिडीओ कॉल, ग्रुप कॉल, फक्त अॅडमिनलाच संदेश टाकता येण्याची सोय, अधिक ग्रुप मेंबर्स, डॉक्युमेंट्स पाठवण्याची सोय, पाठवलेला संदेश डिलीट करण्याची सोय, दुसर्‍यांचे फॉरवर्ड केलेले समजणे, अमर्याद गूगल ड्राइव्ह बॅकअप अशा काही ठळक गोष्टी सांगता येतील. मात्र यासगळ्या सोबत सध्या व्हॉट्सअॅपची मालकी असलेल्या फेसबुककडून लवकरच व्हॉट्सअॅपमध्येही जाहिराती सुरु केल्या जाणार असल्याची चर्चा आहे. फेसबुक व इंस्टाग्रामला जोडण्याची सोय सुद्धा लवकरच उपलब्ध करून देण्यात येणार आहे. यामुळे अनेकांनी नाराजी व्यक्त केली असून गोपनीयतेला धक्का पोहचू शकतो अशी शंका व्यक्त केली आहे.

search terms : whatsapp stickers on android how to use whatsapp stickers store

The post व्हॉट्सअॅपवर आता पाठवा स्टिकर्स! : स्टिकर्ससाठी वेगळं स्टोअरसुद्धा उपलब्ध! appeared first on MarathiTech - मराठीटेक.