Tesla Archives - MarathiTech - मराठीटेक

टेस्ला सायबरट्रक सादर : इलेक्ट्रिक पिकअप ट्रक!

Sooraj Bagal — Fri, 22 Nov 2019 06:06:13 +0000

टेस्ला कंपनीचे सीईओ इलॉन मस्क यांनी आज झालेल्या कार्यक्रमात त्यांचा पहिला इलेक्ट्रिक पिकअप ट्रक जाहीर केला ज्याचं नाव Cybertruck असेल! हा ट्रक तीन मॉडेल्समध्ये उपलब्ध होत असून हे २५० मैल (~४०२ किमी), ३०० मैल (~४८२ किमी) आणि ५०० मैल (~८०४ किमी) रेंज असलेले आहेत. या ट्रकची किंमत $39900 म्हणजे जवळपास २८,६३,००० रुपये असेल! ह्या ट्रक निर्मिती २०२१ मध्ये सुरू होईल असा अंदाज कंपनीला आहे. ज्यांना प्रिऑर्डर करायचा आहे त्यांना tesla.com/cybertruck वर जाऊन करता येईल. (टेस्ला कंपनी अद्याप भारतात आलेली नाही)

टेस्ला कंपनी फक्त इलेक्ट्रिक वाहने बनवते. यापूर्वी त्यांच्या कार्स, Semi ट्रक, सोलार पॅनल्स, घरांसाठी पॉवरवॉल बाजारात उपलब्ध आहेत. आता इलेक्ट्रिक पिकअप ट्रक आणून कंपनी त्यांची उत्पादनांची संख्या वाढवत विस्ताराच्या प्रयत्नात असल्याचं दिसत आहे. याचवेळी त्यांनी Tesla ATV (ऑल टेरेन व्हेइकल) सुद्धा सादर केली आहे. भविष्याचा विचार करून सौर उर्जेसारख्या स्त्रोतांचा वापर वाढवत त्याद्वारे उपलब्ध वाहने वाढवणं गरजेचं आहे. अमेरिकेत सर्वाधिक विकल्या जाणाऱ्या वाहनांमध्ये पहिले तिन्ही पिकअप ट्रक आहेत म्हणून आम्ही आता इलेक्ट्रिक पर्याय उपलब्ध करून देत आहोत असं इलॉन मस्क यांनी सांगितलं.

या कार्यक्रमात या कारच्या काचांबद्दल बोलताना त्या काचेची शॅटरप्रूफ ताकद दाखवत असताना फेकलेल्या लोखंडी गोळ्याने मात्र खरंच काच फुटली! इलॉन मस्कनी चेष्टेत We’ll fix it in post म्हटलं.

Tesla Cybertruck Tri Motor AWD Specs

0-60 MPH : <2.9 SECONDS
RANGE : 500+ MILES
DRIVETRAIN : TRI MOTOR ALL-WHEEL DRIVE
STORAGE : 100 FT
VAULT LENGTH : 6.5 FT
TOWING CAPACITY : 14,000+ LBS
AUTOPILOT : STANDARD
ADAPTIVE AIR SUSPENSION : STANDARD
GROUND CLEARANCE : UP TO 16″
APPROACH ANGLE : 35 DEGREES
DEPARTURE ANGLE : 28 DEGREES

भविष्यात पेट्रोल, डिझेलसारख्या स्त्रोतांची होणारी स्थिती लक्षात घेऊन सर्वच वाहन निर्मात्या कंपन्यानी इलेक्ट्रिक म्हणजे विद्युत प्रवाहाद्वारे चार्ज होऊन चालणाऱ्या गाड्या बनवण्यास सुरुवात केली पाहिजे. आता टेस्लाला मिळणारं यश पाहून इतर मोठ्या कंपन्याही पुढे सरसावू लागल्या आहेत. फोर्ड, GM, यांनी काही दिवसांपूर्वीच त्यांच्या येणाऱ्या कार्सची झलक दाखवली आहे. हे नक्कीच आशादायक चित्र आहे.

The post टेस्ला सायबरट्रक सादर : इलेक्ट्रिक पिकअप ट्रक! appeared first on MarathiTech - मराठीटेक.

इलॉन मस्कच्या बोरिंग कंपनीचा बोगद्यामधून कार वाहतूक प्रकल्पाचा पहिला टप्पा पूर्ण!

Sooraj Bagal — Wed, 19 Dec 2018 03:07:00 +0000

आज झालेल्या एका कार्यक्रमात इलॉन मस्क यांच्या बोरिंग कंपनीने त्यांचा पहिला बॉगदा पूर्ण झाला असल्याचं जाहीर केलं आणि एक यशस्वी डेमोसुद्धा दाखवला. शहरातील ट्रॅफिकची समस्या दूर करण्याचा हा एक प्रयत्न असल्याचं सांगितलं गेलं असून याचा खर्च १० मिलियन डॉलर्स (१ कोटी रुपये) असणं यामधून प्रवासी कार्सची वाहतूक केली जाईल.

यासंबंधी डेमोचा व्हिडीओ : The Boring Company Tunnel

यासाठी जमिनीत एक प्रचंड मोठा बोगदा खणण्यात आला असून त्यानंतर मोठा पाईपसदृश डिझाईन तयार करण्यात आलं आहे. रस्त्यावर असलेली कार लिफ्ट/रॅम्पसारख्या उपकरणाने खाली आणत या बोगद्यात प्रवेश करेल त्यानंतर याच्या चाकांना गियर्स जोडले जातील जे या कारला पुढील प्रवास 150 MPH (२४१ किमी प्रतितास) वेगाने सुद्धा करता येतील असं मस्क यांनी सांगितलं आहे! चाचणी दरम्यान CNN साठी असलेली टेस्ला मॉडेल एक्स 35 MPH वेगानेच पुढे नेण्यात आली. त्यानंतर इच्छित स्थळी पोहोचताच पुन्हा रॅम्पचा वापर करत ती कार रस्त्यावर आणली जाईल! थोडक्यात कार्सचा जमिनीखालचा प्रवास रेल्वे प्रमाणे काम करेल.

Tesla in @boringcompany tunnel with retractable wheel gear that turns a car into a rail-guided train & back again pic.twitter.com/3a6i0NoSmi
— Elon Musk (@elonmusk) December 19, 2018

याची एक कल्पना येण्यासाठी खालील व्हिडीओ नक्की पहा

The post इलॉन मस्कच्या बोरिंग कंपनीचा बोगद्यामधून कार वाहतूक प्रकल्पाचा पहिला टप्पा पूर्ण! appeared first on MarathiTech - मराठीटेक.

टेस्ला मोटर्सचा इलेक्ट्रिक सेमी ट्रक सादर! सोबत रोडस्टर २.० सादर!

Sooraj Bagal — Fri, 17 Nov 2017 00:10:00 +0000

टेस्ला मोटर्स या फक्त इलेक्ट्रिक कार्स बनवणार्‍या कंपनीने आज त्यांचा पहिला सेमी ट्रक सादर केला असून नव्या प्रकारचं वाहतूक साधन उपलब्ध करून दिलं आहे. इलॉन मस्क हे टेस्लाचे प्रमुख असून त्यांनी याविषयी घोषणा केली. सर्वात वेगवान इलेक्ट्रिक गाडी मॉडेल एस नंतर आता हा वेगवान तोही इलेक्ट्रिक असा ट्रक सादर करून ट्रक ड्राइव्हरना सुरक्षित, सहज चालवता येईल असा पर्याय मिळाला आहे. या ट्रक मध्ये ऑटो पायलट सुविधा सुद्धा असून ज्याद्वारे ट्रक ठिकाण सेट केल्यावर GPS व सेन्सरचा वापर करून स्वतः चालेल!

हा सेमी ट्रक एका चार्जवर तब्ब्ल ८०० किमी जाऊ शकतो. ० ते ६० mph (ताशी मैल) पकडायला केवळ ५ सेकंद लागतात. हाच वेग ३६००० किलो वजनासोबत २० सेकंदात पकडू शकेल! चालकांसाठी टच कंट्रोल्स, दोन मॉनिटर, एकच मध्यवर्ती आरामदायी सीट, बुगाटी चीरॉन या सुपरकारपेक्षा जास्त एरोडायनॅमिक!
३० मिनिटांच्या चार्जद्वारे ६३० किमी जाता येईल असे मेगाचार्जर सुरु करणार.

टेस्ला सेमी ट्रकचे अंतर्भाग ड्राइव्हर सीट

याची बुकिंग सुरू झाली असून 5000$ देऊन बुकिंग करता येईल! २०१९ मध्ये उत्पादन सुरू होईल.

Tesla Roadster 2.0

Roadster 2.0 याचवेळी अनपेक्षितपणे टेस्लाने त्यांची पूर्वीची प्रसिद्ध कार मॉडेल रोडस्टरचं नवं व्हर्जन सादर केलं! रोडस्टर २.० ही जगातली आजपर्यंतची सर्वात वेगवान प्रॉडक्शन कार आहे! नवी रोडस्टर ताशी ० ते १०० किमी वेग पकडायला केवळ १.९ सेकंद घेते! तर ० ते १६० किमी (100 mph) वेग पडकायला केवळ ४.२ सेकंद वेळ घेते. आजपर्यत कोणत्याही प्रोडक्शन कारला इतका वेग गाठता आलेला नाहीये! या कारचा टॉप स्पीड २५०+ mph! यामध्ये चार जण बसू शकतील, कन्वर्टिबल असल्यामुळे छत उघडता येईल! हि कार संपूर्ण इलेक्ट्रिक आहे. 200KWH बॅटरी पॅक, १००० किमी रेंज चालू शकेल! नवी रोडस्टर २०२० मध्ये उपलब्ध होईल. किंमत ~₹१,२९,७१,००० (जवळपास)

search terms tesla semi truck roadster 2.0 car electric fastest quickest production car ever

The post टेस्ला मोटर्सचा इलेक्ट्रिक सेमी ट्रक सादर! सोबत रोडस्टर २.० सादर! appeared first on MarathiTech - मराठीटेक.