इलॉन मस्कने ट्विटर विकत घेतल्यापासून सुरू असलेल्या गोंधळ पाहता त्यापासून त्रस्त युजर्सना तशाच प्रकारचं ॲप उपलब्ध करून देण्यासाठी मार्क झकरबर्गच्या मेटाने Threads (थ्रेड्स) नावाचं टेक्स्ट आधारित ॲप आजपासून उपलब्ध करून दिलं आहे. Threads म्हणजे रियलटाइम अपडेट्स आणि सार्वजनिक संभाषणांसाठी नवीन, स्वतंत्र जागा असल्याचं इंस्टाग्रामतर्फे सांगण्यात आलं आहे.

अवघ्या चार तासात ५० लाखांहून अधिक युजर्सनी हे नवं ॲप वापरण्यास सुरुवात केली! जसं इंस्टाग्राम फोटोज आणि आता रील्सवर आधारित माध्यम बनलं आहे तसं हे नवं थ्रेड्स ट्विटरसारखं टेक्स्ट आधारित असणार आहे.

Download Threads App : https://www.threads.net

हे ॲप वरील लिंकवर जाऊन डाउनलोड करू शकता. Sign Up करण्यासाठी तुमचं इंस्टाग्राम अकाऊंट वापरता येईल. तुमचं जुनं Username इकडेसुद्धा येईल.

• Threads हे एक टेक्स्ट आधारित पोस्ट्स करण्याचं माध्यम आहे.
• तुमच्या इंस्टाग्राम अकाऊंटनेच लॉगिन करता येईल.
• 500 कॅरक्टर्स असलेल्या पोस्ट्स करू शकता. लिंक्स, फोटोज आणि 5 मिनिटांपर्यंतचे व्हिडिओ टाकू शकता.
• Interoperable Social Networks मध्ये सहभागी होणार!

यानिमित्ताने मेटा (फेसबुक) संस्थापक मार्क झकरबर्गने तब्बल ११ वर्षानी प्रथमच खालील ट्विट केलं आहे. यामध्ये प्रसिद्ध स्पायडरमॅन मीम पोस्ट केली आहे.

आता या ॲपला किती प्रतिसाद मिळतो आणि ट्विटरसमोर याचं आव्हान किती प्रमाणात उभं राहील हे नंतर कळेल पण सध्याचं वातावरण पाहता थ्रेड्स फार लोकप्रिय होईल असं वाटत नाही. फेसबुक, इंस्टाग्राम, व्हॉट्सॲप अशी सर्व माध्यमं एकाच कंपनीकडे असताना आणखी एका ॲपद्वारे त्यांच्याच कडे पोस्ट करत राहण्याला आणि डेटा शेयर करण्यात किती युजर्स उत्सुक असतील हा प्रश्न आहे.

The post मेटाचं नवं Threads ॲप उपलब्ध : ट्विटरशी थेट स्पर्धा! appeared first on MarathiTech - मराठीटेक.

सध्या सोशल मीडिया माध्यमांमध्ये सर्वात लोकप्रिय ठरत असलेल्या इंस्टाग्रामने आता आणखी एक स्वतंत्र अॅप आणलं असून हे खास आपल्या जवळच्या मित्रांमध्ये संवाद साधण्यासाठी असेल. याचं नाव थ्रेड्स (Threads) असं असून हे अँड्रॉइड व iOS दोन्हीवर उपलब्ध झालं आहे.

हे अॅप प्रामुख्याने कॅमेरा आणि जवळचे मित्र यांना समोर ठेऊन तयार करण्यात आलेलं असून या अॅपमधील डेटा म्हणजे फोटो व्हिडिओ केवळ आपल्या मित्रांनाच दिसू शकतील. अॅप उघडल्या उघडल्या कॅमेरा सुरू झालेला असेल जेणेकरून तुम्हाला फोटो/व्हिडिओ लगेच शेयर करता यावा! Close Friends साठी खास स्वतंत्र इनबॉक्स व नोटिफिकेशन्स असतील. जर तुम्ही इंस्टाग्रामवर Close Friends ची यादी बनवली नसेल तर नव्या अॅपमध्ये ते सुद्धा करू शकाल.

याद्वारे आपल्या मित्रांचे स्टेट्ससुद्धा स्वतंत्र पाहू शकाल. ऑटो स्टेट्स या सुविधेद्वारे आपल्याला काही स्टेट्स सुचवले जातील त्यामधून आपण निवडू शकता किंवा स्वतःच्या मर्जीनुसार तयार करूनही लावू शकाल. हे स्टेट्स कुणाला दिसणार व कोणाला नाही हे नियंत्रित करता येईल.

इंस्टाग्राम डायरेक्टचा वापर सुद्धा आपण नेहमीप्रमाणे चालू ठेऊ शकाल. थ्रेड्समधील मेसेज तिकडेसुद्धा त्या त्या मित्राच्या अकाऊंटमधील डायरेक्ट मेसेजेसमध्ये पाहता येतीलच.

Threads App Download Links : Threads on Google Play, Threads on iOS

The post Threads : इंस्टाग्रामचं खास जवळच्या मित्रांसाठी नवं अॅप appeared first on MarathiTech - मराठीटेक.