Viral Archives - MarathiTech - मराठीटेक

हिट है यह! टाइमपास इफेक्ट !!!!!

Sooraj Bagal — Thu, 13 Feb 2014 00:23:00 +0000

वैभव मांगले Timepass मूवीमध्ये

खचाखच भरलेल्या ट्रेनमध्ये कुणीतरी विचारतं, ‘ठाणे कुठल्या बाजूला येईल हो?’. त्याला उत्तर दिल्यावर गर्दीत एखादा म्हणतो, ‘जाने दो, नया है वह’ आणि हशा पिकतो. ‘टीपी’तल्या या डायलॉगने सध्या जि‌थे-तिथे धुमाकूळ घातलाय. एफबीवर त्याची पेजेस बनली असून त्याला हजारोंनी लाइक्स आहेत.

कधीतरी वर्गात पहिल्यांदाच दिसणाऱ्या मुलाला ‘तू मला पहिल्यांदाच माझ्या वर्गात दिसतोयस’ असं शिक्षक विचारतात. मग मागच्या बाकावरची सर्व मुलं कोरसमध्ये सुरू होतात…’जाने दो मॅम, नया है वह’. एखादा माणूस असंबद्ध बडबड करीत असेल तर, ‘मैं क्या बोल रहा हूं, तू क्या बोल रहा है?’ असा डायलॉग मारत त्याची बोलती बंद केली जाते. ट्रॅफिक हवालदाराने पकडल्यानंतर ‘जाने दो ना सर, नया है वह’ असा डायलॉग मारला जातो. अशा एक ना दोन, अनेक प्रसंगी सध्या ‘टीपी’मधले हे डायलॉग्ज कानांवर पडतायत.

एखादा सिनेमा आला की त्याचे डायलॉग्ज आणि गाणी तरुणाईच्या डोक्यात घर करुन जातात. नुकत्याच प्रदर्शित झालेल्या ‘टाइमपास’मधल्या ‘नया है वह’ या डायलॉगने तर तरुणाईला अक्षरश: वेड लावलं आहे. फेसबुक, व्हॉट्सअॅप, कॉलेज कट्टा, ट्रेनपासून ते अगदी क्लासरुम आणि घरातही या डायलॉगचा ‘परफेक्ट’ वापर करून अनेकांचा मस्त टाइमपास होतोय.

सोशल नेटवर्किंगवरही हिट

‘नया है वह’ या नावाने सध्या फेसबुकवर एक डझनहून अधिक फॅन पेजेस आहेत. या पेजेसच्या लाइक्सची संख्या हजारोंमध्ये असून, रोज घडणाऱ्या वेगवेगळ्या घटनांवर आधारित ‘नया है वह’ पोस्ट केलं जातं. ही सर्व पेजेस हिट होण्यामागचं मुख्य कारण म्हणजे वैभव मांगले यांनी साकारलेली लेले ही व्यक्तिरेखा. अनेक मराठी माणसं हिंदी बोलताना अनेकदा, ‘वह’, ‘वहां’, ‘कैसे’ यासारख्या शब्दांवर उगाचच जोर देतात. ते ऐकताना मजेशीर वाटतं. हिच गंमत वैभव यांनी पडद्यावर मस्त उतरवल्यामुळेच आज हा डायलॉग इतका लोकप्रिय झाल्याचं पेज अॅडमिन्स सांगतात.

हिंदी विद्यार्थीही फॅन

कॉलेजच्या कट्ट्यांपासून ते अगदी लेक्चर्स प्रॅक्टिकल्सपर्यंत सगळीकडेच ‘नया है वह’ हिट ठरत आहे. असा एकही दिवस सध्या कॉलेजमध्ये जात नाही जेव्हा आम्ही ‘नया है वह’ हा डायलॉग ऐकत नाही असे म्हणणारे अनेक विद्यार्थी आहेत. ‘अनेक हिंदी मुलंही मुद्दाम ‘नया है वह’वर जोर देत वर्गात मस्करी करत असतात. अनेकांनी मराठी मुलांमध्ये हा डायलॉग का हिट आहे हे जाणण्यासाठी टीपीमधला तो सीन आम्ही युट्यूबवर पाहिला असं ती मुलं सांगतात,’ असं संस्कृतच्या शिक्षिका वैदेही जोशी यांनी सांगितलं.

फेसबुकवरील काही हिट पेजेस

नया है वह क्या नया है वह ४८ हजार लाइक्स

क्या नया है वह ३३ हजार लाइक्स

नया है वह ८ हजार लाइक्स

मेसेजेस…स्टेटस…गाणी

व्हॉट्सअॅपवरही ‘हम गरीब हुअे तो क्या हुआ’चा संपूर्ण डायलॉग वेगवेगळ्या प्रकारे फिरताना दिसत आहे. तसेच ‘टीपी’मधल्या गाण्याची, शब्द बदलून तयार केलेली नवीन गाणीही व्हॉट्सअॅपवर हिट आहेत. एखाद्याने टायपिंगमध्ये काही चूक केली किंवा एखाद्या विषयावर चर्चा होत असताना कुणी नव्याने जॉइन झालेला मेंबर काहीतरी बोलला तर ‘नया है वह’ असं म्हणत त्याची फिरकी घेतली जाते. अनेकजण ‘नया है वह’च्या कस्टमाईज्ड मेसेजेसचे फोटोही ग्रूपवर पोस्ट करतात.

The post हिट है यह! टाइमपास इफेक्ट !!!!! appeared first on MarathiTech - मराठीटेक.

रजनीनंतर आता आलोकनाथ “बाबूजी”

Sooraj Bagal — Mon, 06 Jan 2014 08:32:00 +0000

रजनीकांत जोक्स, रवींद्र जाडेजा जोक्स, होऊ दे खर्चनंतर आता सोशल नेटवर्किंगचा नवीन शोध आहे ‘आलोकनाथ’ जोक्स. हिंदीतले प्रसिद्ध कलाकार आलोकनाथ यांच्या सिनेमातल्या व्यक्तिरेखांवर चिमटे काढणारे हे वनलायनर्स नेटकऱ्यांमध्ये खूप लोकप्रिय झाले आहेत.

‘आलोकनाथ यांच्या नावावर सर्वात जास्त कन्यादान करण्याचा विश्वविक्रम आहे’, ‘आलोकनाथ यांच्याकडे एकच गाडी आहे संस’कार’, ‘आलोकनाथ जर चित्रपटात गुंड असते तर त्यांनी सिगारेटऐवजी धूप पेटवला असता’, ‘आलोकनाथ सिगारेट पित नाहीत ते अगरबत्ती पितात’, ‘आलोकनाथ यांना एखादी अनाथ मुलगी दिसली की ते लगेच तिचे कन्यादान करुन टाकतात’ या आणि अशा अनेक वनलायनर्सनी सध्या फेसबुक आणि ट्विटरवर धुमाकूळ घातला आहे. रजनीकांतच्या जोक्सनी धुमाकूळ घातल्यानंतर आता सोशल नेटवर्किंगवर आलोकनाथचे जोक्स प्रसिद्ध झाले आहेत.

आलोकनाथ हे सध्या तरुणाईमध्ये त्यांच्या ‘संस्कारक्षम’ वडिलांच्या भूमिकांसाठी लोकप्रिय झाले आहेत. कायमच संस्कार, कन्यादान, मुलीचा दु:खी, पण सज्जन बाप या शब्दांशी संबंधित व्यक्तीरेखा साकारणारे कलाकार म्हणजे आलोकनाथ. ९०च्या दशकातल्या चित्रपटांत मुलीचा दु:खीकष्टी बाप म्हणजे आलोकनाथ हे समीकरण पक्कं झालं आहे. त्यामुळे कायमच एकसारखी भूमिका साकारणाऱ्या आलोकनाथ यांच्यावर, एका वाक्यात चिमटा काढणाऱ्या जोक्सचा ट्रेण्ड गेल्या रविवारपासून सोशल नेटवर्किंगवर सुरू आहे. आलोकनाथ किती सज्जन आहेत हे सांगताना अतिशयोक्तीपूर्ण वनलायनर्स नेटकऱ्यांच्या तिरकस कलाकारीचा उत्तम नमुना आहेत

कसा सुरु झाला ट्रेंड?

रविवारी ट्विटरवर कोणीतरी आलोकनाथ यांच्याबद्दल एक फनी वनलायनर पोस्ट केली. काही मिनिटांमध्ये हे वनलायनर अनेकांनी रिट्विट करुन इतरांना याबद्दल कळवले. पाहता-पाहता रात्री अनेकांनी #AlokNath टॅग वापरुन क्रिएटिव्ह वनलायनर्स पोस्ट करण्यास सुरूवात केली. सकाळी अनेक ट्विटरवासीय लॉगइन झाले असता. आलोकनाथ हे नाव अचानक ट्रेंडमध्ये दुसऱ्या क्रमांकावर पाहून उडालेच. मात्र ट्रेंडमध्ये आलोकनाथ का या प्रश्नाचं उत्तर शोधण्यासाठी अनेकांनी ट्विट केल्याने आलोकनाथ काही काळासाठी टॉप ट्रेंड होता. अनेकजण आपली क्रिएटिव्हीटी वापरुन भाव खाऊन गेले.

ट्विटरुन फेसबुकवर

ट्विटरवरील हा ट्रेंड दोन दिवसापासून फेसबुकवरही दिसू लागला आहे. प्रत्येक कॉमेडी पेज आलोकनाथ वनलायनर्स पोस्ट करुन हजारो लाइक्स मिळवत आहेत. याच संधीचा फायदा घेत काहींनी आलोकनाथ माईम्स, आलोकनाथ जोक्स नावाने फेसबुक पेजेस सुरू केली असून काही तासांतच त्यांना हजारोंच्या संख्येने लाइक्स मिळाली आहेत. सध्या आलोकनाथ वनलायनर्स आणि मजेशीर फोटो तयार करण्याची स्पर्धाच फेसबुक पेज अॅडमिन्समध्ये सुरू असून युजर्सना आलोकनाथ बापूजी खूपच आवडले आहेत.

रजनीपेक्षा वेगळे

रजनीकांत, रविंद्र जडेजा जोक्स हे एकाच साचातले जोक्स होते. मात्र आलोकनाथ जोक्सचा ट्रेंड हा त्याहून हटके आहे. या जोक्समध्ये आलोकनाथ यांचं व्यक्तिमत्व सांगणारे संस्कार, दुखी बेटी का बाप, बिदाई, कन्यादान, बापूजी यासारख्या शब्दांबरोबर खेळत अफलातून पोस्ट तयार केल्या जात आहेत.

आलोकनाथ यांच्यावरील काही फेसबुक पेजेस

आलोकनाथ माइम्स १२,६०० लाइक्स

आलोकनाथ जोक्स १३,६०० लाइक्स

आलोकनाथ जोक्स पीजे ३,५०० लाइक्स

The post रजनीनंतर आता आलोकनाथ “बाबूजी” appeared first on MarathiTech - मराठीटेक.

यूट्यूबचा नवा हिरो

Sooraj Bagal — Sun, 23 Dec 2012 23:32:00 +0000

सामाजिक संदेश देणारा कुठलाही व्हिडीओ यूट्यूबवर लोकप्रिय होऊ शकतो ? होय… ‘ गंगनम ‘, ‘ कोलावेरी ‘ या टाइमपास व्हिडीओजनंतर ‘ टॉक इट आऊट ‘ हा असाच एक व्हिडिओ यूट्यूबवर सध्या हिट झालाय. एका आठवड्यात त्याला तब्बल १५ लाख व्ह्यूज मिळाले आहेत.

‘ कोलावेरी डी ‘, ‘ गंगनम स्टाईल ‘ हे फक्त टाइमपास म्हणून झालेले व्हिडीओज यूट्यूबवर तुफान लोकप्रिय ठरले. यू ट्यूबवर सध्या ‘ टॉक इट आऊट ‘ हा व्हिडीओ तुफान लोकप्रिय होतोय. या व्हिडीओने अवघ्या एका आठवड्यात १५ लाख ८ हजार १८२ व्ह्यूज मिळवले आहेत. इतकंच नव्हे तर अवघ्या २४ तासांत एक हजारपेक्षा जास्त लोकांनी हा व्हिडीओ फेसबुकवर शेअर केला आहे.

या व्हिडीओचा विषय वेगळा आहे. भारतातली लोकशाही आणि समाज मनातली त्यावरची चर्चा गाण्याच्या स्वरुपात मांडण्याचा यशस्वी प्रयत्न अभय सिंग या तरुणाने केला आहे. प्रत्यक्षात ही ‘ इंडियन डिबेट युनियन ‘ ची जाहिरात आहे. यामधून भारतात डिबेटला किती महत्त्व आहे हे दाखवण्यात आलं आहे. जगभरात विविध ठिकाणी स्थायिक झालेल्या काही भारतीय व्यावसायिकांनी एकत्र येऊन इंडियन डिबेट युनियनची स्थापना केली आहे. यामध्ये विविध विषयांवर चर्चा केली जाते. या युनियनच्या प्रमोशनसाठी एक जाहिरात तयार करायची होती. या जाहिरातीमधून मनोरंजनाबरोबरच कही अर्थपूर्ण आयश मला द्यायचा होता , असं अभयने ‘ मुंबई टाइम्स ‘ शी बोलताना स्पष्ट केलं.

Video Link : >>>>>>> Click Here <<<<<<<<<

व्हिडीओ लोकांपर्यंत पोहोचावा यासाठी आम्ही यू ट्यूबचा वापर करायचं ठरवलं. या व्हिडीओला इतक्या हिट्स मिळतील अशी अपेक्षा नव्हती. मात्र , त्याहीपेक्षा मला या गोष्टीचा जास्त आनंद आहे की यावर ऑक्सफर्ड युनियन, टूनिशिया यूथ लीडर अशा विविध ठिकाणांहून प्रतिक्रिया आल्या आहेत , असंही अभय सांगतो. या व्हिडीओचं चित्रीकरण आणि गाण्याचे बोल यांचं विशेष कौतुक करण्यात येतंय. यामुळेच हा व्हिडीओ जगभरातल्या लोकप्रिय यू ट्यूब व्हिडीओजच्या यादीत जाऊन बसला आहे. यातून , केवळ नाचायला लावणारे व्हिडीओजच नव्हे तर काही सामाजिक संदेश देणारे व्हिडीओजही लोकांना आवडतात हे समोर आलं आहे.

The post यूट्यूबचा नवा हिरो appeared first on MarathiTech - मराठीटेक.