विवो या चीनी कंपनीने गेल्या महिन्यात इतरत्र सादर झालेला Vivo V19 हा फोन आज भारतात उपलब्ध करून दिला असून त्यांच्या V17 या फोनची पुढची आवृत्ती म्हणता येईल. यामध्ये Qualcomm Snapdragon 712 प्रोसेसर, 6.44-inch E3 super-AMOLED डिस्प्ले, 4500mAh बॅटरी यासोबत 33W Flash Charge देण्यात आलं आहे. 0 ते 70% चार्जिंग 40 मिनिटात होईल असं विवोने सांगितलं आहे. इतर कंपन्या 5G फोन्स आणत असताना विवोने एव्हढया किंमतीत 4G फोन आणला आहे. 48MP+8MP+2MP+2MP असे कॅमेरे देण्यात आले आहेत. सेल्फीसाठी पुढे दोन कॅमेरे असून एक 32MP आणि दुसरा 8MP आहे! या फोनची किंमत २७९९० (8GB+128GB) आणि ३१९९० (8GB+256GB) अशी आहे.

Vivo V19

डिस्प्ले : 6.44″ Super AMOLED Display
प्रोसेसर : Qualcomm Snapdragon 712
GPU : Adreno 616
रॅम : 8GB
स्टोरेज : 128GB/256GB
कॅमेरा : 48MP Quad Camera + 8MP Ultrawide + 2MP Portrait lens + 2MP Macro Lens
फ्रंट कॅमेरा : 32MP+8MP
बॅटरी : 4500mAh 33W Flash Charge
ऑपरेटिंग सिस्टिम : Funtouch OS 10 (based on Android 10)
इतर : 802.11a/b/g/n/ac, Bluetooth 5, WiFi, In Display Fingerprint Scanner, 2 SIM Slot + 1 MicroSD Slot, Dolby Atmos
सेन्सर्स :Accelerometer, Ambient light sensor, Proximity Sensor, E-compass, gyroscope
रंग : Sleek Silver, Gleam Black
किंमत : हा फोन १५ मे पासून उपलब्ध होत आहे.
8GB+128GB ₹27990
8GB+256GB ₹31990

सध्या भारतात सोशल मीडियावर सुरू असलेल्या चीनी फोन्स आणि कंपन्याविरोधातील मोहीम पाहता या फोन्सची मागणी काही प्रमाणात कमी होऊ शकते. भारतीय स्मार्टफोन कंपन्या जवळपास नाहीशा झाल्या असल्या तरी सॅमसंग सारख्या चीनी नसलेल्या कंपनीला प्राधान्य द्यावं असं या मतप्रवाहात सांगण्यात येत आहे. दुसरीकडे काही दिवसांपूर्वीच फोन्सवरील नवीन GST लागू झाल्यामुळे आधीच फोन्सच्या किंमती वाढल्या आहेत… यामुळे एकतर किंमत वाढवा किंवा आहे त्या किंमतीत कमी सुविधा द्या असा पर्याय चीनी कंपन्याना निवडावा लागेल…विवोच्या या फोनमधील सुविधा लक्षात घेता यासाठी इतर बरेच चांगले पर्याय उपलब्ध असल्याचं दिसतं. उदा. Samsung Galaxy A71

The post Vivo V19 भारतात सादर : SD712 प्रोसेसर आणि 4500mAh बॅटरी appeared first on MarathiTech - मराठीटेक.

विवोने आता त्यांच्या चीनमधील iQOO (आयकू) या सबब्रँडची भारतात स्वतंत्र ओळख करून दिली असून या याअंतर्गत त्यांनी आज त्यांचा पहिला स्मार्टफोन सादर केला आहे. हा भारतातला दुसरा 5G फोन असेल. ओप्पोने त्यांच्या रियलमी सबब्रँडमार्फत अफाट यश मिळवल्यानंतर विवोनेही त्यादृष्टीने प्रयत्न सुरु केले आहेत. सुरुवातीलाच जाहिरातीसाठी त्यांनी थेट विराट कोहलीलाच आणलं आहे. त्यावरून येत्या काळात ह्या ब्रँडद्वारे बाजारात भक्कम स्थान मिळवण्याची विवोची इच्छा दिसून येते. विवो व ओप्पो या दोन्ही कंपन्यांची मालकी BBK Group कडे आहे त्यामुळे या अंतर्गत स्पर्धेने त्यांना या ना त्या मार्गाने फायदाच होत राहणार आहे.

या आधीच्याही लेखात सांगितल्याप्रमाणे 5G फोन्स सादर करण्यासाठी स्पर्धा सुरू झाली असली तरी खरेदी करताना केवळ फोन 5G आहे म्हणून खरेदी करू नका कारण भारतात 5G ग्राहकाना उपलब्ध होण्यास अनेक महिन्यांचा (कदाचित वर्षांचा) कालावधी लागणार आहे. त्यामुळे सध्यातरी 5G फोनमध्ये असण्याचा काहीही उपयोग नाही.

iQOO 3 5G

डिस्प्ले : 6.44″ Super AMOLED Display
प्रोसेसर : Qualcomm Snapdragon 865
GPU : Adreno 650
रॅम : 12GB LPDDR5
स्टोरेज : 256GB UFS 3.1
कॅमेरा : 48MP Quad Camera + 13MP Telephoto + 13MP Ultrawide & Macro Lens + 2MP Depth
फ्रंट कॅमेरा : 16MP
बॅटरी : 4440mAh 55W SuperFlash Fast Charge कॅप्सुलसारख डिझाईन
ऑपरेटिंग सिस्टिम : iQOO UI based on Android 10
इतर : 802.11a/b/g/n/ac Bluetooth 5.0, In Display Fingerprint Scanner, NFC, Dolby Atmos, HDR10+
नेटवर्क : 5G, 4G
सेन्सर्स : Dual GPS, Light sensor, Proximity sensor, Magnetic induction sensor, Gyro-meter, Acceleration sensor
रंग : Volcano Orange, Silver, Black
किंमत : हा फोन फ्लिपकार्टवर ४ मार्च दुपारी १२ पासून उपलब्ध होत आहे.
8GB+128GB 4G ₹ ३६९९०
8GB+256GB 4G ₹ ३९९९०
12GB+256GB 5G ₹ ४४९९०

अपडेट (०४-०३-२०२०) या फोनची विक्री आज पासून सुरू होत आहे. http://fkrt.it/ZpvFR6uuuN

The post iQOO 3 5G सादर : विवोच्या सबब्रॅंडचा भारतात पहिला फोन! appeared first on MarathiTech - मराठीटेक.

ऑनलाइन स्मार्टफोन बाजारात आता विवोचं अस्तित्व तितकं जाणवत नसलं तरी त्यांनी ऑफलाइन मार्केटमध्ये बरच वर्चस्व मिळवलं आहे. U आणि Z सिरिज फोन्सला विशेष यश मिळालेलं दिसत आहे. आज सादर झालेला Vivo V17 सुद्धा नव्या iView डिस्प्ले सह मिळणार असून यामध्ये फ्रंट कॅमेरासाठी छोटा होलपंच दिलेला आहे. यामुळे फोनचा जवळपास पूर्ण भाग डिस्प्लेने व्यापलेला दिसतो!

Vivo V17 मध्ये 6.44 इंची FullHD+ Super AMOLED डिस्प्ले देण्यात आला आहे. यावेळी फ्रंट कॅमेरासाठी त्यांनी नवं डिझाईन वापरलं आहे. या AMOLED डिस्प्ले फोनमध्ये डिस्प्ले खालीच फिंगरप्रिंट स्कॅनर असेल. क्वालकॉमचा Snapdragon 675 प्रोसेसर देण्यात आला असून 8GB रॅम आणि 128GB स्टोरेज दिलेलं आहे. ऑपरेटिंग सिस्टम मात्र जुनी का देण्यात आली आहे हे समजलं नाही. Android 9 Pie आधारित FunTouchOS 9.2 चा या फोनमध्ये समावेश आहे. काही दिवसात विवो त्यांची नवी ओएस सादर करत असून त्यानंतर अपडेट द्वारे Android 10 या फोनमध्ये वापरता येईल. कॅमेरासाठी यामध्ये चार विविध कॅमेरा जोडण्यात आले असून मुख्य कॅमेरा 48M, ultra-wide-angle 8MP (f/2.2), डेप्थ सेन्सर 2MP (f/2.4) आणि 2MP मॅक्रो लेन्स देण्यात आली आहे. Super Night Mode द्वारे रात्रीसुद्धा उत्तम फोटो काढता येतील असं विवोने सांगितलं आहे. या फोनमध्ये 4,500mAh ची बॅटरी असून 18W फास्ट चार्जिंग दिलेलं आहे.

डिस्प्ले : 6.44 ” FHD+ Super AMOLED
प्रोसेसर : Qualcomm Snapdragon 675
GPU : Adreno 640
रॅम : 8GB/12GB
स्टोरेज : 128GB/256GB UFS 3.0 ROM
कॅमेरा : 48MP Main + 8MP Ultra Wide Angle + 2MP Depth + 2MP Macro
फ्रंट कॅमेरा : 32MP f/2.45
बॅटरी : 4500mah 18W Fast Charge
ऑपरेटिंग सिस्टिम : ColorOS 6.1 customized by realme
इतर : Bluetooth 5.0, Type-C,
सेन्सर्स : In-Display Scanner, Accelerometer, Ambient light sensor, Ambient light sensor, Gyroscope
रंग : Midnight Ocean, Glacier Ice
किंमत : हा फोन १७ डिसेंबर पासून फ्लिपकार्ट, विवो स्टोअर्समध्ये मिळेल. याची किंमत २२९९० अशी असेल.
8GB+128GB ₹२२९९०

The post Vivo V17 भारतात सादर : होलपंच डिस्प्ले, 48MP कॅमेरा! appeared first on MarathiTech - मराठीटेक.

गेल्या काही महिन्यात फास्ट चार्जिंगच्या बाबतीत बरेच वेगवान पर्याय उपलब्ध होत असून क्वालकॉमचं Quick Charge, वनप्लसचं Warp Charge, ओप्पोचं VOOC Charge, हुवावेचं Super Charge, इ. तंत्रज्ञानामध्ये सर्वात वेगवान चार्जिंग देण्यासाठी स्पर्धा सुरु आहे. काही महिन्यांपूर्वीच शायोमीने 100W फास्ट चार्जींग तंत्रज्ञान दाखवलं होतं जे १७ मिनिटात फोन पूर्ण चार्ज करू शकेल असं सांगण्यात आलं होतं. मात्र आता विवोने त्यापुढे जाऊन तब्बल 120W ने चार्ज करणारं सुपर फ्लॅश चार्ज तंत्रज्ञान सादर केलं आहे!

हे नवं तंत्रज्ञान 4000mAh बॅटरी केवळ १३ मिनिटात पूर्ण चार्ज करू शकेल असा दावा विवोने केला असून याबद्दल डेमो देणारा व्हिडीओ चिनी वेबसाइट वेबो (Weibo)वर अपलोड करण्यात आला आहे. या व्हिडीओमध्ये एका फोनला १६ सेकंद चार्ज करताना दाखवण्यात आलं असून या वेळेत तो फोन १० ते १४% टक्के चार्ज झाल्याचं पाहायला मिळतं. पूर्ण चार्ज झालेला फोन मात्र या व्हिडीओमध्ये दाखवण्यात आलेला नाही.

विवोचं आत्तापर्यंतच सर्वात फास्ट चार्जिंग तंत्रज्ञान 44W वापरायचं आणि हे iQOO गेमिंग फोनमध्ये पाहायला मिळालं होतं. यानंतर त्यांनी आता थेट 120W वर झेप घेतली आहे! सध्या बाजारात उपलब्ध असलेल्या फोन्सबद्दल बोलायचं झालं तर त्यामध्ये Oppo Find X Lamborghini Edition हा सर्वात वेगाने चार्ज होणारा फोन असून हा 3400mAh ची बॅटरी SuperVOOC चार्जरद्वारे ३५ मिनिटात पूर्ण चार्ज करतो!

विवोचं सुपरफ्लॅश चार्ज 120W चार्जिंग असलेला फोन पुढील आठवड्यात भरणाऱ्या MWC शांघायमध्ये त्यांच्या पहिल्या 5G फोनसोबत पाहायला मिळेल अशी शक्यता आहे.

The post विवोचं १३ मिनिटात फोन पूर्ण चार्ज करणारं सुपरफ्लॅश चार्ज तंत्रज्ञान! appeared first on MarathiTech - मराठीटेक.

अलीकडे स्मार्टफोन क्षेत्रात नावीन्य दिसणं कमी झालं आहे असं म्हणता म्हणता डिस्प्ले नॉच घालवून अधिक मोठा डिस्प्ले देण्यासाठी कंपन्या बऱ्याच नव्या डिझाइन्सचा प्रयोग करत आहेत यात आता विवोचा दोन्ही बाजूला डिस्प्ले असलेला Vivo NEX Dual Editon फोन…! हा फोन काही महिन्यांपूर्वी सादर झालेल्या विवो नेक्सचीच नवी आवृत्ती म्हणता येईल. नॉच हटवायला कुणी त्याला थेंबाच रूप दिलं, काहींनी स्लायडर दिला, काहींनी मध्येच छिद्र पाडल्यासारख डिझाईन केलं काहींनी वॉलपेपर काळा रंगाचा देऊन लपवायचा प्रयत्न केला (अॅपल😶) आता विवोने मागे पूर्ण डिस्प्ले देऊन टाकला आहे!

या मागे दिलेल्या डिस्प्लेमुळे मुख्य कॅमेराद्वारेच सेल्फी काढता येतील! आता हे नवं डिझाईन किती ग्राहकांना आवडतं हे नंतर समजेलच…!

Vivo NEX Dual Display Specs  :
डिस्प्ले : 6.39-inch (2340×1080 pixels) Full HD+ Super AMOLED 19:5:9
मागील डिस्प्ले : 5.49-inch (1920×1080 pixels) Full HD Super AMOLED display
प्रोसेसर : Qualcomm Snapdragon 845
GPU : Adreno 630
रॅम : 10GB LPDDR4X
स्टोरेज : 128GB
कॅमेरा : 12MP Dual PD rear camera with dual-tone LED flash, Sony IMX363 4-axis OIS, f/1.79
+ 2MP night vision camera with f/1.8
फ्रंट कॅमेरा : –
बॅटरी : 3500mAh with 22.5W fast charging
ऑपरेटिंग सिस्टिम : Funtouch OS 4.5 based on Android 9.0 (Pie)
इतर : 802.11 a/b/g/n/ac 2x2MIMO dual band Wifi, Bluetooth 5.0, NFC, USB 2.0 Type-C
सेन्सर्स : In-display fingerprint, Hall, Accelerometer, Gyroscope, Proximity, Ambient Light, Electronic Compass
किंमत : $724 (~५२०८०) (भारतीय किंमत नंतर सांगण्यात येईल)

The post विवोचा दोन्ही बाजूला डिस्प्ले असलेला फोन : नॉचची कटकटच नाही! appeared first on MarathiTech - मराठीटेक.