होय गूगल या बरीच वर्षं सर्वात भेट दिली जात असेल्या वेबसाइट डोमेनला मागे टाकत यावर्षी टिकटॉक.कॉम सर्वात पुढे आलं आहे! शॉर्ट व्हिडिओ शेयरिंग प्लॅटफॉर्म असलेल्या टिकटॉकने सर्वात लोकप्रिय आणि जवळपास प्रत्येकाकडून वापरल्या जाणाऱ्या गूगलला मागे टाकलं आहे. क्लाऊडफ्लेयर (Cloudflare) या वेब सेक्युरिटी क्षेत्रात काम करणाऱ्या कंपनीने दिलेल्या माहितीनुसार ही नवी क्रमवारी प्रसिद्ध झाली आहे.

Top 10 Most Visited Websites (domains) of 2021

1. TikTok.com
2. Google.com
3. Facebook.com
4. Microsoft.com
5. Apple.com
6. Amazon.com
7. Netflix.com
8. YouTube.com
9. Twitter.com
10. WhatsApp.com

यावर्षी टिकटॉक, गूगलनंतर पुढे फेसबुक, मायक्रोसॉफ्ट, ॲपल, ॲमेझॉन, नेटफ्लिक्स, यूट्यूब, ट्विटर, व्हॉट्सॲप असा क्रम लागला आहे. गेल्यावर्षी ७ व्या क्रमांकावर असलेलं टिकटॉक आता थेट पहिल्या क्रमांकावर पोहोचलं आहे! तरुणाईमध्ये लोकप्रिय असलेलं Instagram.com मात्र यावर्षी पहिल्या दहामधून बाहेर गेलं आहे!

अल्पावधीतच टिकटॉकला मिळत असलेलं यश पाहून शॉर्ट व्हिडिओ फॉरमॅटसाठी स्पर्धेतून इंस्टाग्रामने Reels आणि यूट्यूबने Shorts आणून सुद्धा त्यांना टिकटॉकच्या लोकप्रियतेला धक्का पोहोचवता आलेला नाही. यावरून सध्या सोशल मीडियावर कोणत्या प्रकारचा कंटेंट जास्त पाहिला जात आहे याचीही एक कल्पना येऊ शकते. अशा लवकर संपणाऱ्या, पटापट पुढे सरकत जाणाऱ्या व्हिडिओज पाहण्याचं वेड आता प्रत्येक वयोगटात लागलेलं आहे.

विशेष म्हणजे टिकटॉक हे भारतात बॅन करण्यात आलेलं ॲप आहे. त्यामुळे यांच्या वेबसाइट ट्रॅफिकमध्ये भारतासारख्या मोठ्या देशाचा समावेश नसतानासुद्धा एव्हढया वरचं स्थान त्यांना मिळालं आहे!

२०२१ मध्ये सर्वात लोकप्रिय सोशल मीडिया डोमेन्समध्येही साहजिकच टिकटॉक आघाडीवर असून त्यानंतर फेसबुक, यूट्यूब, ट्विटर, इंस्टाग्राम, स्नॅपचॅट, रेडिट, पिनट्रेस्ट, लिंक्डइन आणि कोरा अशी क्रमवारी आहे.

Top 10 — Most popular social media domains 2021

1. TikTok.com
2. Facebook.com
3. YouTube.com
4. Twitter.com
5. Instagram.com
6. Snapchat.com
7. Reddit.com
8. Pinterest.com
9. LinkedIn.com
10. Quora.com

गेल्यावर्षी म्हणजे २०२० मध्ये सर्वात लोकप्रिय डोमेन्सची यादी पुढील प्रमाणे होती : 1. Google.com, 2. Facebook.com, 3. Microsoft.com, 4. Apple.com, 5. Netflix.com, 6. Amazon.com, 7. TikTok.com, 8. YouTube.com, 9. Instagram.com, 10. Twitter.com

माहितीसाठी : डोमेन म्हणजे प्रत्येक वेबसाइटला जोडण्यात आलेला एक विशिष्ट पत्ता असतो. उदा. गूगलच्या वेबसाइटचं google.com हे डोमेन नेम आहे.

The post गूगलला मागे टाकत टिकटॉक बनली सर्वात लोकप्रिय वेबसाइट! appeared first on MarathiTech - मराठीटेक.

आज महाराष्ट्राचे मुख्यमंत्री उद्धव ठाकरे यांनी महाराष्ट्र राज्यातील बेरोजगार तरुणांना विविध कौशल्यांच्या सहाय्याने रोजगार शोधता यावा आणि आणि कामगारांची कमतरता या समस्येवर मात करुन उद्योगांना आपले कार्य सुरळितपणे पार पाडता यावे या उद्देशाने तयार करण्यात आलेल्या ‘महाजॉब्स पोर्टल‘चं लोकार्पण केलं.

Mahajobs Portal Website Official Link : https://mahajobs.maharashtra.gov.in

महाजॉब्स हा महाराष्ट्र सरकारच्या उद्योग विभाग, कामगार विभाग आणि कौशल्य विकास-उद्योजकता विभाग यांचा, रोजगार शोधणार्‍यांना उद्योजकांशी जोडण्यासाठीचा संयुक्त उपक्रम आहे. महाजॉब्स उद्योजकांना कुशल कामगार देऊन त्यांचे काम सुरळीत पार पाडण्यास मदत करते अशी माहिती याबद्दल देण्यात आली आहे.

नोकरी शोधक नोंदणी | Jobseeker Registration : https://mahajobs.maharashtra.gov.in/Candidate/Registration
उद्योजक नोंदणी Employer Registration : https://mahajobs.maharashtra.gov.in/Employers/Registration

सध्या COVID19 च्या संकटामुळे अनेक उद्योगांना कामगारांची कमतरता जाणवत आहे. तसेच याच कोरोनामुळे अनेकांच्या नोकऱ्यासुद्धा गेलेल्या आहेत. यावर थेट राज्य सरकारतर्फे हे पाऊल उचलण्यात आलं असून यामुळे नोकरीच्या शोधात असणाऱ्या स्थानिकांना नोकरी शोधणं सोपं होणार आहे. उद्योगांना सुद्धा यामुळे कामगारांची शोधाधोध करावी लागणार नाही. रोजगाराच्या शोधात असलेल्या इच्छुकांनी केवळ आपली माहिती महाजॉब्स पोर्टलवर अपलोड करणे आवश्यक आहे. एकदा नोंदणी केल्यानंतर विविध कंपन्यांकडून इच्छुकांना नोकरीची संधी उपलब्ध करून दिली जाणार आहे.अर्थात हे पोर्टल फक्त उद्योजक आणि कामगार यांच्यामधील दुवा म्हणून काम करणार आहे.

महाजॉब्स वेबसाइटवरील माहितीनुसार या पोर्टलची उद्दिष्ट्ये :

• नोकरी शोधणारे कामगार आणि उद्योजक यांच्यामधील दुवा.
• निरनिराळ्या प्रकारच्या कौशल्यसंचात मनुष्यबळाची मागणी व पुरवठा यांच्यातील दरी कमी करणे.
• उद्योगांना अखंडपणे कार्य करण्यास सक्षम करणे.
• महाराष्ट्रातील उद्योगांना योग्य स्थानिक कामगार मिळण्यासाठी कुशल मनुष्यबळासाठी कायमस्वरूपी यंत्रणा निर्माण करणे.

या पोर्टलवर नोंदणी कशी करायची याची अधिक माहिती पोर्टलवरच वाचायला मिळेल. वर दिलेल्या लिंकवर जाऊन तुमची माहिती देऊन तुम्ही नोंदणी करू शकता. इथे दिलेल्या अधिकृत लिंक सोडून इतर कुठेही Mahajobs साठी नोंदणी करू नका.

Search Terms: Mahajobs portal launched by CM Uddhav Thackeray, How to apply for job in Mahajobs, How to register in Mahajobs

The post महाजॉब्स : मुख्यमंत्री ठाकरे यांच्या हस्ते पोर्टल सुरू : रोजगारासंबंधित ऑनलाइन सेवा appeared first on MarathiTech - मराठीटेक.

Yahoo Groups ही काही वर्षांपूर्वी बऱ्याच इंटरनेट युजर्सकडून वापरली जाणारी लोकप्रिय सेवा आता बंद करण्यात येणार असून १४ डिसेंबरपासून याहू ग्रुप्सवरील कंटेंट डिलीट करण्यास सुरवात होईल. २१ ऑक्टोबरपासून या साईटवर कंटेंट अपलोड करण्याची सोय बंद झाली आहे. याहू ग्रुप्स हजारो विषयांवर वेगवेगळे ग्रुप्स सुरू असायचे ज्यावर मोठी चर्चा घडायची. एकमेकांची मते, काही गोष्टी करण्यासाठी मदत घेतली/दिली जायची. आता फेसबुक, रेडिट सारख्या पर्यायांमुळे कालांतराने याहू ग्रुप्स सेवा याहूच्या इतर सेवांप्रमाणे कमी कमी होत आज बंद होण्याची स्थितीला आलेली आहे. इथे काही वर्षांपूर्वी बऱ्यापैकी अॅक्टिव असणारे ग्रुप्ससुद्धा बंद झालेले पाहायला मिळतात.

गूगल, फेसबुकच्या आधीचा काळ AOL, MSN, याहू यांच्या विविध सेवांनी गाजवला होता. यांची जागा कालांतराने इतर पर्यायानी घेतली. इंटरनेटच्या वेगवान जगात कोणीच कायम टिकू शकत नाही याची ही उदाहरणं. त्याकाळी जर कोणी असं म्हटलं असतं की याहूच्या या सेवा बंद होत जातील तर कोणी विश्वास ठेवला नसता. आता याहू कंपनीची मालकी व्हेरीझॉन (Verizon) या टेलीकॉम कंपनीकडे आहे. याहूच्या फ्लिकर (Flickr) या प्रसिद्ध फोटो शेअरिंग साईटचं स्मगमग (SmugMug) या फोटो होस्टिंग सर्व्हिसकडून अधिग्रहण झालं आहे. गेली कित्येक वर्षं याहूकडे असलेली फ्लिकर इंस्टाग्राम पूर्वी सर्वात प्रसिद्ध फोटो शेअरिंग साईट होती!

याहू ग्रुप्समधून सध्या खालील गोष्टी काढून टाकण्यात येणार आहेत :

• Files
• Polls
• Links
• Photos
• Folders
• Calendar
• Database
• Attachments
• Conversations
• Email Updates
• Message Digest
• Message History

आधीच्या ऑर्कूट, याहू मेसेंजर, Friendster, पासून ते अगदी अलीकडच्या Vine, गूगल प्लस पर्यंत बऱ्याच साइट्सना काळाच्या ओघात कमी प्रतिसादामुळे वेबसाइट्स बंद कराव्या लागल्या आहेत. या सर्वांचे ऐन भरात असताना लाखों वापरकर्ते होते. इंटरनेटच्या इतिहासात यांचा उल्लेख मात्र कायम होत राहील…

The post याहू ग्रुप्स होणार बंद : इंटरनेटवर एकेकाळी प्रसिद्ध असणाऱ्या सेवेचा अस्त! appeared first on MarathiTech - मराठीटेक.

गूगलची अॅडसेन्स (Adsense) ही सेवा विविध वेबसाइट्सवर जाहिराती दाखवण्यासाठी वापरली जाते. या सेवेमुळे अनेक वेब डेव्हलपर्स, न्यूज वेबसाइट्स, पोर्टल्स यांना त्यांच्या वेबसाइटद्वारे जाहिरातींमार्फत पैसे मिळवणं शक्य होतं. गूगल ही सेवा आजवर अनेक भाषांमध्ये उपलब्ध होती मात्र मराठी भाषेत ही सेवा अजूनही मिळत नव्हती. भारतीय भाषांमध्ये हिंदी, बंगाली, तमिळ, तेलुगू या भाषांना आधीपासून सपोर्ट दिला जात असून आता ऑगस्ट महिन्यात गूगलने अॅडसेन्ससाठी मराठी भाषेचा सपोर्ट जोडल्याच दिसून येत आहे. मराठी वेब पब्लिशर्सना यामुळे नक्कीच फायदा होणार असून पर्यायाने मराठीत कंटेंट असणाऱ्या वेबसाइट्समध्ये येत्या काळात वाढ झालेली पहायला मिळेल.

AdSense now understands Marathi : Adsense now understands Marathi – Inside Adsense

गेल्या काही वर्षात भारतीय भाषांमध्ये इंटरनेट सर्च करणे, कंटेंट ब्राऊज करणे अनेक पटींनी वाढलं असून याच पार्श्वभूमीवर गूगलने भारतीय भाषांना प्राधान्य द्यायला सुरुवात केली आहे. स्थानिक भाषांमध्ये जर वेबसाइट्सचा डेटा, कंटेंट, माहिती उपलब्ध होत असेल तर तो अधिक लोकांपर्यंत पोहोचतो. KPMG या संस्थेने काही महिन्यांपूर्वी जाहीर केलेल्या माहितीनुसार भारतात इंटरनेटवर वापरल्या जाणाऱ्या भाषांमध्ये मराठी भाषेचा वापर सर्वाधिक केला जाईल अशी माहिती देण्यात आली होती. त्यानुसार गूगलनेसुद्धा मराठीकडे काही प्रमाणात अधिक लक्ष दिलेलं पहायला मिळत होतं. जसे की भारतात गूगल असिस्टंट उपलब्ध झाला तो हिंदीनंतर मराठीतच! आता एकदाचा Google Adsense सपोर्ट सुद्धा Marathi भाषेला मिळाला असल्याने मराठी भाषेत इंटरनेटवर लेख, ब्लॉग्स, वेबसाइट्स, पोर्टल्स नक्की वाढीस लागतील.

वेबसाइट/ब्लॉगमार्फत उत्पन्न मिळाल्यामुळे इतर भाषांमधील कंटेंट फारच मोठ्या प्रमाणात वाढला असून आता भारतात भारतीय भाषांमधील कंटेंटने इंग्लिशला सुद्धा मोठ्या फरकाने मागे टाकलं आहे. यापुढे मराठी भाषेतील वेबसाइट्ससुद्धा मोठ्या प्रमाणावर येणार असल्याने मराठी इंटरनेट यूजर्सना मातृभाषेत माहिती सहज उपलब्ध होणार आहे.

अॅडसेन्सबद्दल माहितीसाठी गूगलचं मराठी हेल्प सेंटर : https://support.google.com/adsense?hl=mr

अॅडसेन्स तुमच्या वेबसाइटला कसे जोडाल?

1. प्रथम या लिंकवर जाऊन तुमची वेबसाइट/ब्लॉग गूगल अॅडसेन्सच्या अटींची पूर्तता करते का ते तपासून घ्या. https://support.google.com/adsense/answer/48182
2. त्यानंतर https://www.google.com/adsense/start या लिंकवर जाऊन Sign Up करून अॅडसेन्स अकाऊंट तयार करा.
3. अकाऊंट तयार करून वेबसाइटबद्दल माहिती दिल्यावर गूगल तुमची वेबसाइट तपासेल. ज्या प्रक्रियेला काही दिवस लागू शकतात.
4. तुमची वेबसाइट जर गूगलने तपासली असेल तर तुम्हाला तसा इमेल येईल आणि त्यामध्ये तुमची वेबसाइट अप्रूव्ह करण्यात आली आहे की नाही हे सांगितलं जाईल.
5. जर अप्रूव्ह झाली नसेल तर त्यांनी सुचवलेले बदल करून पुन्हा अप्लाय करता येईल
6. जर अप्रूव्ह झाली असेल तर तुम्ही पुढील स्टेप्सप्रमाणे कोड तुमच्या वेबसाइटवर जोडून जाहिराती सुरू करू शकता.
7. ऑटो अॅड्स : https://support.google.com/adsense/answer/7480616 या लिंकवर पूर्ण मदत मिळेल.
8. जाहिराती सुरू झाल्यावर तुम्ही तुम्हाला जाहिरातींद्वारे मिळणारं उत्पन्न तुम्ही अॅडसेन्स वेबसाइट/अॅपवर पाहू शकाल.
9. तुमचं उत्पन्न महिनाअखेरीस $100 किंवा अधिकवर पोहोचत असेल तर तुम्हाला ते थेट बँकेत पाठवलं जाईल.

अॅडसेन्सचा अधिकृत सपोर्ट असलेल्या भाषा : https://support.google.com/adsense/answer/9727

या लिंकवरील माहितीनुसार अॅडसेन्सला मराठी भाषेचा सपोर्ट मिळाला आहे असं अधिकृत मानता येईल.

Search Terms Google Adsense for marathi websites, blogs, YouTube channels how to use google adsense in marathi

The post गूगल अॅडसेन्स आता मराठीतसुद्धा उपलब्ध! : मराठी वेब पब्लिशर्सना उत्पन्नाचा मार्ग! appeared first on MarathiTech - मराठीटेक.

अनेकविध प्रश्नांच्या उत्तरांसाठी जगभरात खास करून भारतात मोठ्या प्रमाणात प्रसिद्ध असलेली वेबसाइट म्हणजे कोरा (Quora). ज्याला जो प्रश्न पडला असेल तो विचारायचा त्याचं उत्तर कोरावर उपस्थित मंडळीपैकी संबंधित ज्ञान असलेली व्यक्ती उत्तर देते! ह्या माध्यमातून अनेक विषयांना स्पर्श करणारं मोठं ज्ञान कोरा/क्वोरावर आता उपलब्ध झालेलं आहे.

आता ही वेबसाइट आणखी अनेक भाषात उपलब्ध झाली असून मराठीसाठीही स्वतंत्र यूआरएलद्वारे आपण मराठी प्रश्नोत्तरे पाहू शकाल! खाली दिलेल्या यूआरएलवर जाऊन प्रश्न विचारू शकता किंवा जे अनुत्तरित प्रश्न आहेत त्यांची उत्तरे देऊ शकाल. आधीच दिलेल्या उत्तरावर प्रतिवाद करणं किंवा आणखी माहिती देणं हे सुद्धा करता येईल! अनेकांनी मराठीत प्रश्नोत्तरे देण्यास सुरुवातही केली आहे.

Quora Marathi अधिकृत लिंक : https://mr.quora.com/

मराठीसोबत आता तामिळ, बंगाली व हिंदी या भारतीय भाषांचा समावेश करण्यात आला आहे. यामुळे कोरा एकूण १७ भाषांमध्ये वापरता येईल!

The post लोकप्रिय वेबसाइट कोरा (Quora) आता मराठीत! appeared first on MarathiTech - मराठीटेक.