Yahoo Archives - MarathiTech - मराठीटेक

याहू ग्रुप्स होणार बंद : इंटरनेटवर एकेकाळी प्रसिद्ध असणाऱ्या सेवेचा अस्त!

Sooraj Bagal — Tue, 22 Oct 2019 11:55:58 +0000

Yahoo Groups ही काही वर्षांपूर्वी बऱ्याच इंटरनेट युजर्सकडून वापरली जाणारी लोकप्रिय सेवा आता बंद करण्यात येणार असून १४ डिसेंबरपासून याहू ग्रुप्सवरील कंटेंट डिलीट करण्यास सुरवात होईल. २१ ऑक्टोबरपासून या साईटवर कंटेंट अपलोड करण्याची सोय बंद झाली आहे. याहू ग्रुप्स हजारो विषयांवर वेगवेगळे ग्रुप्स सुरू असायचे ज्यावर मोठी चर्चा घडायची. एकमेकांची मते, काही गोष्टी करण्यासाठी मदत घेतली/दिली जायची. आता फेसबुक, रेडिट सारख्या पर्यायांमुळे कालांतराने याहू ग्रुप्स सेवा याहूच्या इतर सेवांप्रमाणे कमी कमी होत आज बंद होण्याची स्थितीला आलेली आहे. इथे काही वर्षांपूर्वी बऱ्यापैकी अॅक्टिव असणारे ग्रुप्ससुद्धा बंद झालेले पाहायला मिळतात.

गूगल, फेसबुकच्या आधीचा काळ AOL, MSN, याहू यांच्या विविध सेवांनी गाजवला होता. यांची जागा कालांतराने इतर पर्यायानी घेतली. इंटरनेटच्या वेगवान जगात कोणीच कायम टिकू शकत नाही याची ही उदाहरणं. त्याकाळी जर कोणी असं म्हटलं असतं की याहूच्या या सेवा बंद होत जातील तर कोणी विश्वास ठेवला नसता. आता याहू कंपनीची मालकी व्हेरीझॉन (Verizon) या टेलीकॉम कंपनीकडे आहे. याहूच्या फ्लिकर (Flickr) या प्रसिद्ध फोटो शेअरिंग साईटचं स्मगमग (SmugMug) या फोटो होस्टिंग सर्व्हिसकडून अधिग्रहण झालं आहे. गेली कित्येक वर्षं याहूकडे असलेली फ्लिकर इंस्टाग्राम पूर्वी सर्वात प्रसिद्ध फोटो शेअरिंग साईट होती!

याहू ग्रुप्समधून सध्या खालील गोष्टी काढून टाकण्यात येणार आहेत :

Files
Polls
Links
Photos
Folders
Calendar
Database
Attachments
Conversations
Email Updates
Message Digest
Message History

आधीच्या ऑर्कूट, याहू मेसेंजर, Friendster, पासून ते अगदी अलीकडच्या Vine, गूगल प्लस पर्यंत बऱ्याच साइट्सना काळाच्या ओघात कमी प्रतिसादामुळे वेबसाइट्स बंद कराव्या लागल्या आहेत. या सर्वांचे ऐन भरात असताना लाखों वापरकर्ते होते. इंटरनेटच्या इतिहासात यांचा उल्लेख मात्र कायम होत राहील…

The post याहू ग्रुप्स होणार बंद : इंटरनेटवर एकेकाळी प्रसिद्ध असणाऱ्या सेवेचा अस्त! appeared first on MarathiTech - मराठीटेक.

Verizon-याहू, फ्लिपकार्ट-जबोंग, MiBook, Amazon Prime बद्दल

Sooraj Bagal — Thu, 28 Jul 2016 02:19:00 +0000

● Verizon या टेलीकॉम कंपनीने याहू या प्रसिद्ध सर्च इंजिन वेबसाइटला विकत घेतलंय. एकेकाळी इंटरनेटवर अधिराज्य गाजवणारी याहू कंपनी केवळ $4.8 बिलियनमध्ये विकली गेली! (WhatsApp ला फेसबुकने $19बिलियन घेतलं होतं) याहूच्या अधिकार्‍यानी गुगलला सुरवातीच्या काळात त्यांची कल्पना वापरण्यास नकार दिला. नंतर गूगल विकत घेण्याची ऑफर नाकारली. अलीकडे मायक्रोसॉफ्टने याहू विकत घेण्याची तयारी दाखवली तर तेव्हाही नकार दिला. आणि आज खूपच कमी किंमतीमध्ये ही विक्री करण्यात आली !

आता गूगल सर्व पातळीवर याहूच्या पुढे आहे (सर्च,मेल, मेसेजेस, न्यूज,इ.). इंटरनेटच्या सुरवातीच्या काळाविषयी याहूची महत्वाची भूमिका स्पष्ट करत सीईओ मेरीसा मेयर निरोपाचं पत्र कर्मचार्‍यांना दिलंय.

(वरिष्ठ पातळीवर चुकीच्या निर्णयांचा फटका बसण्याचं ज्वलंत उदाहरण म्हणजे याहू)

● गेल्या वर्षी फ्लिपकार्टने Clothing/फॅशन वेबसाइट Myntra विकत घेतली होती. आता मिंत्राने त्यांच्या प्रतिस्पर्धी Jabong ला विकत घेतलय !! हा व्यवहार $70मिलियनमध्ये पार पडला! स्नॅपडील, फ्यूचर ग्रुपसुद्धा या कंपनीला विकत घेण्यासाठी शर्यतीत होत्या अशी चर्चा आहे. Jabong च्या फॅशनमधील मोठ्या कॅटॅलॉगचा मिंत्राला फायदा होईल. गेल्या वर्षी अपेक्षेपेक्षा कमी परिणाम मिळाल्यामुळे जबोंगला त्यामानाने कमी किंमत मिळाली आहे.

● शायोमी या चीनी कंपनीने चीनमध्ये त्यांचा पहिला लॅपटॉप सादर केला आहे. ह्या लॅपटॉप दिसायला अॅपलच्या मॅकबुकसारखाच असून यामध्ये विंडोज १० ऑपरेटिंग सिस्टम आहे.

12.5-inch Mi Notebook Air मॉडेल Intel Core M3 प्रॉसेसर सोबत 4GB RAM and 128GB SSD स्टोरेज किंमत जवळपास रु ३६,२००

13.3-inch Mi Notebook Air मध्ये Intel Core i5-6200U प्रॉसेसर, Nvidia GeForce 940MX graphics solution, 8GB RAM आणि 256GB SSD स्टोरेज किंमत जवळपास रु ५०,२००

भारतात कधी उपलब्ध होणार याविषयी घोषणा नाही.

● अमॅझोन या शॉपिंग वेबसाइटने त्यांची Amazon Prime नावाची सेवा आता भारतातसुद्धा सुरू केली आहे. या सेवेमध्ये ग्राहक वार्षिक स्वरुपात काही रक्कम देऊन प्लॅन घेतो ज्यामध्ये ग्राहकाला वर्षभर कोणत्याही वस्तूवर मोफत होम डेलिवेरी मिळते ! ती सुद्धा अवघ्या एक/दोन दिवसातच ! Prime वापरणार्‍या यूजरसाठी खास ऑफर सुद्धा असतात. यासाठी सध्या ऑफरमुळे रु. ४९९ मोजावे लागतील नंतर ह्याची किंमत ९९९ प्रतिवर्ष अशी असेल. सध्या अमॅझोन दोन महिन्यासाठी ही सेवा ट्रायलअंतर्गत मोफतच उपलब्ध करून देत आहे. लवकरच Amazon Prime विडियो सेवा सुद्धा सुरू होईल अशी घोषणा करण्यात आली आहे.

अधिक माहितीसाठी लिंक : Introducing Amazon Prime

● ओपेरा मिनी ह्या मोबाइल ब्राऊजरमध्ये आता विडियो डाऊनलोड करण्याची सोय देण्यात आली आहे. यापूर्वी ह्या ब्राऊजरमध्ये Adblock (वेबसाइटवर दिसणार्‍या जाहिराती बंद्द करण्याची सोय) देण्यात आला आहे. ह्या ब्राऊजरचं वैशिष्ट्य म्हणजे हा इंटरनेट डाटा मध्ये खूप मोठी बचत करतो आणि स्लो नेटवर्कवरसुद्धा वेगात वेबसाइट लोड करतो !

डाऊनलोड लिंक : Opera Mini on Play Store

The post Verizon-याहू, फ्लिपकार्ट-जबोंग, MiBook, Amazon Prime बद्दल appeared first on MarathiTech - मराठीटेक.

याहू आणखी नव्या रूपात

Sooraj Bagal — Wed, 16 Oct 2013 21:00:00 +0000

गेल्या काही काळात याहूने अनेक नवनवे प्रयोग केले आहेत. त्यात आणखी पुढचे पाऊल टाकत १६ व्या वाढदिवशी याहूने नवा लूक , अधिक स्टोरेज स्पेस , थीम्स आदी नव्या सुविधा सादर केल्या आहेत. डेस्कटॉप व्हर्जनमध्ये दिसणारे सर्व बदल लवकरच अँड्रॉइड ,आयफोन आणि विंडोज ८ व्हर्जनमध्येही दिसणार आहे. या सर्व सुविधांमुळे नवा लूक काही अंशी जीमेल सारखा झाल्याचा आरोपही काही तंत्रज्ञ करत आहेत.

इनबॉक्सला थीम

याहूच्या नव्या लूकमध्ये इनबॉक्सला रंग किंवा चित्रांची थीम देण्यात आली आहे. यासाठी फ्लिकरमधून चित्र निवडण्याचाही पर्याय उपलब्ध आहे. एकदा निवडलेली थीम मोबाइल आणि इतर व्हर्जनवरही कायम राहणार आहे. याबरोबरच इनबॉक्समध्ये काही बदल करण्यात आले आहेत. इनबॉक्सच्या डाव्या बाजूला साइडबार देण्यात आला आहे. हा साइडबार कोलॅप्स आणि एक्स्पांड होऊ शकते. एक्स्पांड झाल्यावर इनबॉक्स , सेंट , ड्राफ्ट, ट्रॅश यासारखे विभाग दिसू शकतील , तर कोलॅप्स केल्यावर केवळ त्यांचे लोगो दिसतील. नव्या लूकमध्ये इमेल ओपन न करताही ट्रॅशमध्ये टाकण्याचा पर्याय देण्यात आला आहे. याचबरोबर या फोल्डरमधील मेल डाव्या बाजूच्या पट्टीत दिसणार असून त्यावर क्लिक केल्यावर लगेच बाजूला पूर्ण मेल दिसतो. यात मेलमध्ये आलेल्या वर्ड , पीडीएफ , एक्सेल फाइल ओपन कराव्या न लागता त्या ठिकाणीच दिसणार आहेत. याबरोबरच नवीन इमेल टाइप करताना सीसी आणि बीसीसी लगेच दिसणार नाहीत. गरज असल्यास सीसीवर क्लिक केल्यावर सीसी त्यानंतर बीसीसीवर क्लिक बीसीसी दिसू शकेल. यामध्ये बीसीसी वापरताना सीसी हाइड करण्याचाही पर्याय उपलब्ध आहे. या सर्व माध्यमातून युजरचा एकेक क्लिक आणि पर्यायाने वेळ वाचविण्याचा प्रयत्न कंपनीने केला आहे. मेलला रिप्लाय करण्यासाठीही आता जीमेलप्रमाणे लगेच त्याखालीच सोय देण्यात आली आहे. त्यात पूर्वीच्या मेलमधील संदेश न दिसण्याचा पर्याय उपलब्ध आहे.

१ टीबी स्टोरेज

सर्वात महत्त्वाचे म्हणजे याहूने सर्वसामान्य युजरसाठीची स्टोरेज स्पेसही १ टीबीपर्यंत वाढविली आहे. याहूच्या युजरचा सरासरी वापर पाहता ५०० केबी ते १ एमबीची अॅटॅचमेंट वापरणारे आता ६ हजार वर्षांपर्यंतचे मेल साठवून ठेवू शकतील , असा कंपनीचा दावा आहे. पूर्वी ही सुविधा मेल प्लस अंतर्गत मिळत होती. आता सर्वांना ती मोफत मिळणार आहे. यामध्ये डिस्पोजेबल इमेल , पीओपी इमेल आणि मेल फॉरवर्डिंगसारखे पर्याय मिळणार आहेत. मेल प्लसचे युजर आता वर्षाला १९.९९ डॉलर मोजून जाहिरातमुक्त याहूचा आस्वाद घेऊ शकतील. नव्या युजरना मात्र त्यासाठी ४९.९९ डॉलर मोजावे लागणार आहेत.

incoming search terms :
yahoo changes its appearance and theme design overall

The post याहू आणखी नव्या रूपात appeared first on MarathiTech - मराठीटेक.

स्मार्टफोन पीसी दोन्हीवर उपलब्ध अॅप्लिकेशन्स

Sooraj Bagal — Sun, 18 Nov 2012 17:00:00 +0000

हल्ली २४ तास जगाशी संपर्कात रहायचं असेल तर ते अजिबात कठीण नाही. घरी नसताना तुमच्या स्मार्ट फोनने तुम्हाला सगळ्यांशी कनेक्टेड राहता येतं. आणि घरी असाल तर पीसीवरही अनेक अॅप्लिकेशन्स उपलब्ध आहेतच. स्मार्ट फोन आणि पीसीवर उपलब्ध असलेल्या काही अॅप्लिकेशन्सची माहिती.
ऑपेरा वेब ब्राऊजर आणि गूगल क्रोम

याआधी फक्त पीसीवरच उपलब्ध असलेले हे ब्राऊजर्स आता स्मार्टफोन्समध्येही उपलब्ध आहेत. पीसीवर गूगल क्रोममुळे काही अॅप्लिकेशन्स मोबाइल आणि पीसी अशा दोन्हीवर वापरता येतात.

मेसेंजर मोबाइल आणि पीसीसाठी

स्काइप मेसेंजरने तुम्ही कोणत्याही स्काइप आयडीशी व्हिडिओ कॉलिंग करू शकता. आधी हे अॅप्लिकेशन पीसीपुरतं मर्यादित असलं तरी आता ते जवळपास सगळ्याच स्मार्टफोन्समध्ये उपलब्ध आहे.

याहू मेसेंजर

याहू मेसेंजरदेखील पीसीची मर्यादा ओलांडून आता स्मार्टफोन्समध्येही उपलब्ध आहे.

एमएसएन मेसेंजर

याहू आणि स्काइप यांच्याबरोबरच एमएसएनचा मेसेंजरही स्मार्टफोन्समध्ये उपलब्ध आहे.

अॅप्स , अँड्रॉइड मोबाइलवर आणि गूगल क्रोममध्येही

एनी डू

आपल्याला सगळीच महत्वाची कामं अथवा वाढदिवस आणि लग्न यांच्या तारखा लिहून ठेवायची सवय आहे. पण हल्लीच्या डिजिटल युगात लिहून ठेवलेल्या गोष्टी मिळत नाहीत आणि मग आयत्या वेळी पंचाईत होते. यावर उपाय म्हणून एक एनी डू नावाचं अॅप्लिकेशन आहे जे मोबाइल आणि पीसी दोन्हीमध्ये उपलब्ध आहे

इन्स्टाग्राम फॉर क्रोम

इन्स्टाग्राम या फोटो अॅप्लिकेशनची ओळख करून द्यायची आता गरज नाही. कारण आता जवळपास प्रत्येक स्मार्टफोनमध्ये हे अॅप्लिकेशन आहे. पण आता हेच अॅप्लिकेशन तुमच्या पीसीवर गूगल क्रोममध्ये असेल तर त्यामध्येही उपलब्ध आहे. ज्यामध्ये तुम्ही तुमचं अकाऊंट तयार करून अथवा असलेल्या अकाऊंटने लॉगिन करून हे वापरू शकता.

फेसबुक मेसेंजर

फेसबुक मेसेंजर अर्थात फेसबुकवर लॉगिन असलेल्यांशी गप्पा मारायचा हा एक पर्याय. आता हाच मेसेंजर गूगल क्रोममध्येही उपलब्ध आहे. यामुळे जर फक्त गप्पा मारायच्या असतील तर फेसबुक लॉगिन करायची गरज नाही. फक्त मेसेंजरवर लॉगिन केलं की झालं.

इएसपीएन क्रिकइन्फो

क्रिकेट मॅच चालू आहे आणि तुम्ही बाहेर आहात किंवा टीव्हीवर मॅच बघता येत नसेल तर अतिशय उपयुक्त असं हे अॅप्लिकेशन आहे. ज्यामुळे तुम्हाला नेहमी अपडेटेड माहिती मिळत राहते.

ट्विटडेक

एकाच वेळी फेसबुक आणि ट्विटर अकाऊंट वापरण्यासाठी आणि अपडेट मिळवण्यासाठी हे एक चांगलं अॅप्लिकेशन आहे. तसंच फेसबुक आणि ट्विटरवरची माहिती शेअरही करता येते. दोन्हीमध्ये अकाऊंट असणाऱ्यांसाठी हे एक उपयुक्त अॅप्लिकेशन आहे आणि हे गूगल क्रोममध्ये उपलब्ध आहे.

आयएमओ मेसेंजर

जरी याहू , स्काइप आणि एमएसएन यांचे मेसेंजर स्मार्टफोननमध्ये उपलब्ध असलं तरी प्रत्येक मेसेंजर वेगळा डाऊनलोड करावा लागतो. हीच कमी पूर्ण करणारा आयएमओ मेसेंजर आहे. ज्यामध्ये तुम्ही एकाच वेळी तुमच्या सगळ्या चॅट अकाऊंटसवर लॉगिन करू शकता आणि तुमच्या जवळच्या लोकांशी संपर्कात राहू शकता.

Evernote हे नोट्स अप्प्लीकॅतीप्न सुद्धा प्रत्येक Device वर वापरता येते

अनुपम भाटवडेकर

The post स्मार्टफोन पीसी दोन्हीवर उपलब्ध अॅप्लिकेशन्स appeared first on MarathiTech - मराठीटेक.

जीमेलवरून मेसेज पाठवा फुकटात

Sooraj Bagal — Fri, 12 Oct 2012 06:49:00 +0000

जगातील सर्वांत मोठे सर्च इंजिन असलेल्या गुगलने देशभरातील युझर्ससाठी मोफत एसएमएस सेवा सुरू केली आहे . गेल्या मार्चपासूनच सुरू झालेली निवडक ग्राहकांपुरती ही सेवा गुगलने आता सर्वांसाठी खुली केली आहे . यासेवेद्वारे जीमेल चॅटच्या माध्यमातून मोबाइल फोनवर एसएमएस पाठवता येईल . या एसएमएसला फोनवरून रिप्लाय करता येईल. स्पॅम रोखण्यासाठी गुगलने प्रत्येक ग्राहकाला ५० एसएमएसचे क्रेडिट दिले आहे . वॉट्स अप ,निंबूझ यासारख्या मेसेज सेवांनी मोबाइलवर यापूर्वीच अधिराज्य निर्माण केल्याने गुगलचे हे पाऊल काहीसे उशीराच पडल्याचे मानले जाते .

सध्या मोफत एसएमएस सुविधा देणाऱ्या अनेक वेबसाइट आहेत . आता जीमेलनेही भारतात ही सोय उपलब्ध केली आहे . यापूर्वी आफ्रिका , उत्तर अमेरिका आणि आशियातील ५१ देशांमध्ये ही सुविधा सुरू होती . सर्वप्रथम२०११मध्ये आफ्रिकेतून या सुविधेची सुरुवात जीमेलने केली . भारतात प्रवेश करायला मात्र त्यांनी उशीर केला ,असंच म्हणावं लागेल . कारण याहूमेल आणि इंडियाटाइम्स यांसारख्या वेबसाइट्सवर एसएमएस सुविधाया आधीच उपलब्ध करून देण्यात आली होती .

जीमेलची ही एसएमएस सुविधा मोफत उपलब्ध आहे . याआधारे जीमेलधारक मोबाइलवर जीमेल चॅटमार्फत एसएमएस पाठवू शकतात . या एसएमएसला आलेला रिप्लायही चॅटमध्ये दिसू शकेल आणि हे संभाषण चॅट हिस्टरीमध्ये सेव्ह केले जाईल . १० ऑक्टोबरपासून भारतीय ग्राहकांना ही सुविधा उपलब्ध झाली असून गुगल अॅप्सवरही ती उपलब्ध आहे .

सध्या एअरसेल , आयडीया , लूप , एमटीएस , रिलायन्स , टाटा डोकोमो , व्होडाफोन यांसारख्या ऑपरेटरच्या मोबाइलवर हे मोफत एसएमएस पाठवता येतात . मात्र देशातील सर्वात मोठी मोबाइल कंपनी असलेल्या एअरटेल आणि बीएसएनएल आणि एमटीएनएल या सरकारी कंपन्यांच्या ग्राहकांना या सुविधेचा लाभ घेता येणार नाही .यापूर्वी मार्च महिन्यात केवळ काही मोजक्या ऑपरेटरसह ही सुविधा गुगलने सुरू केली होती .

कसा करायचा एसएमएस ?

या सुविधेचा लाभ घेण्यासाठी तुमच्या जीमेल काँटॅक्टमधील व्यक्तीच्या नावावर क्लिक केल्यावर ‘ ऑप्शन्स ‘ असा पर्याय येईल . त्यात ‘ सेंड एसएमएस ‘ पर्यायावर क्लिक केल्यास मोबाइल नंबर नमूद करण्याचा पर्याय येईल .त्याठिकाणी संबंधित व्यक्तीचा मोबाइल नंबर अॅड केल्यास तुम्हाला त्या व्यक्तीच्या मोबाइलवर तुमच्या चॅटवरून थेट एसएमएस पाठ ‍ वता येईल . सुरुवातीला या सेवेमध्ये ५० मोफत एसएमएसचे ‘ क्रेडिट ‘ मिळणार असून प्रत्येक पाठविलेल्या एसएमएसबरोबर ते कमी होणार आहे . त्याचवेळी त्याला मिळालेल्या प्रत्येक रिप्लायनुसार पाच क्रेडिट वाढणार आहेत . मात्र ही मर्यादाही ५०ची असणार आहे . क्रेडिट शून्य झाले तर २४ तासानंतर तुमच्या खात्यात क्रेडिट जमा होईल . जीमेलवरून ही सुविधा मोफत असली , तरी तिला रिप्लाय करण्यासाठी केलेल्या एसएमएसला ऑपरेटरनुसार शुल्क लागू शकते .
कोणत्याही जीमेल चॅटवरून एसएमएस नको असल्यास + ९१८०८२८०१०६० या क्रमांकावर STOP असाएमएसएम पाठवावा लागेल तर पुन्हा सुरू करण्यासाठी त्याच क्रमांकावर START असा एसएमएस पाठवावालागेल .

जीमेलवर टाइप करा मराठीत

जीमेलने आता मराठीसह इतर भारतीय आणि परदेशी भाषांमध्ये थेट टायपिंग करण्याची सुविधा उपलब्ध करूनदिली आहे . यापूर्वी गुगल ट्रान्सलिटरॉनच्या सहाय्याने ही सुविधा उपलब्ध होती . तुमच्या मेलमध्ये ही सुविधाअॅक्टिवेट करण्यासाठी सेटिंग्जमध्ये जाऊन जनरल ऑप्शन्समधून लँग्वेज या पर्यायातून show all language options वर क्लिक करा . त्यात येणाऱ्या उपपर्यांयांमधून enable input tools वर क्लिक केल्यास तुम्हाला मराठी ,हिंदी , उर्दू , कन्नड , तेलगू , संस्कृत , अरेबिक , जर्मन यासारख्या जवळपास सर्व भारतीय आणि परकीय भाषांचापर्याय दिसेल . त्यातून तुम्हाला हव्या असलेल्या भाषा निवडा आणि सेटिंग्जमधील बदल सेव्ह करा . तुमच्याजीमेल होमपेजच्या हेडर बार तुम्हाला मराठीसाठी ‘ म ‘ हिंदीसाठी ‘ अ ‘ असे भाषानिहाय पर्याय दिसतील .तुम्हाला ज्या भाषेत टाइप करायचे असेल त्यावर क्लिक करा आणि ट्रान्सलिटरॉनच्या पद्धतीमध्ये ( उदा . ‘ मला ‘साठी mala ) टाइप करा की झाला तुमचा मराठीतील इमेल तयार . यासाठी तुम्हाला कुठल्याही प्रकारच्या फॉन्टची, विशेष सॉफ्टवेअरची गरज नाही .

The post जीमेलवरून मेसेज पाठवा फुकटात appeared first on MarathiTech - मराठीटेक.