आज MrBeast ने टी सिरीजला मागे टाकत जगातील सर्वाधिक सबस्क्रायबर्स असलेलं यूट्यूब चॅनल बनण्याचा बहुमान मिळवला आहे! याचे आता तब्बल २६.६७ कोटी हून अधिक सबस्क्रायबर्स झाले आहेत. MrBeast ज्याचं खरं नाव जिमी डोनाल्डसन असं आहे याने २०२२ मध्ये जवळपास सलग दहा वर्षं सर्वाधिक सबस्क्रायबर्स असलेल्या प्युडीपाय (PewDiePie) या यूट्यूबर क्रिएटरला मागे टाकत पहिलं स्थान मिळवलं होतं आणि आता क्रिएटर्स वा कंपनी अशा एकूण सर्वच प्रकारच्या चॅनल्समध्ये टी सिरीजला मागे टाकत पहिलं स्थान मिळवलं आहे!

MrBeast चं यूट्यूब चॅनल : https://www.youtube.com/MrBeast6000

मिस्टर बीस्ट (MrBeast) प्रचंड वेगाने त्याचे सबस्क्रायबर्स वाढवत आला असून याचे व्हिडिओ म्हणजे काही तरी अचाट प्रकार असतात. कधी विमान किंवा Lamborghini ला सलग अनेक तास हात लावायला बसवून त्या पाच सहा व्यक्तींपैकी जो शेवटी हात त्याला ते विमान/कार घेऊन देणे, काही व्यक्तींना एका गोलात उभं करून जो शेवटी बाहेर पडेल त्याला ५ लाख डॉलर्स देणे, एका घरावर दहा लाख ख्रिसमस लाइट्स लावणे, विली वोंकाची चॉकलेट फॅक्टरी बनवणे, Squid Game प्रत्यक्षात खेळून त्याची बक्षिसे देणे, $1 Vs $500000 विमानाचं तिकीट असे काहीही विषय असलेले व्हिडिओ बनवतो.

या सर्व व्हिडिओना किमान १० ते १५ कोटी व्ह्यूज असतातच! यामुळेच पुढे याचे सबस्क्रायबर्स मोठ्या प्रमाणात वाढत गेले. २०१९ मध्ये याचे २ कोटी सबस्क्रायबर्स होते आणि आता पाच वर्षात ते थेट २६ कोटींवर पोहोचले आहेत. Netflix च्या मध्यंतरी चर्चेत असलेल्या Squid Games वर आधारित व्हिडिओला तर तब्बल ६१ कोटी व्ह्यूज मिळाले आहेत! त्याचे व्हिडिओ करण्यासाठी सुरुवातीपासून त्याचे ४-५ मित्र सोबतीला असतात शिवाय मोठे व्हिडिओ शूट करण्यासाठीही तो आता मोठी टीम कामाला ठेवतोय! याच्या मुख्य चॅनलची सुरुवात २० फेब्रुवारी २०१२ मध्ये झाली होती.

आणि तो या सर्व व्हिडिओवर खरेच तेव्हढे लाखो रुपये खर्च करतो. अर्थात त्यानुसार त्याला व्ह्यूज मोठ्या प्रमाणात मिळतात आणि तेच पैसे तो पुढच्या व्हिडिओमध्ये गुंतवतो (असं त्याचं म्हणणं आहे)

विशेष म्हणजे याच MrBeast ने PewDiePie चे T Series च्या आधी १० कोटी सबस्क्रायबर्स पूर्ण व्हावेत म्हणून पैसे खर्चून जाहिराती करत ऑनलाइन मोहीम राबवली होती! बिलबोर्डस, एफएम, टीव्ही अशा सर्व ठिकाणी जात प्युडीपायच्या चॅनलला सबस्क्राइब करण्याचं आवाहन केलं होतं!

एका बाजूला यूट्यूब व्हिडिओवर प्रचंड पैसे खर्च करत असताना तो अधूनमधून सामाजिक कार्यासाठीही त्याच्या प्रसिद्धीचा वापर करतोय. २०१९ मध्येच त्याच्या यूट्यूब चॅनलचे २० मिलियन सबस्क्रायबर्स होत असताना ट्विटरवर प्रश्न विचारला की माझ्या २० मिलियन (२ कोटीव्या) सबस्क्रायबरला काय देऊ? तर त्यावर रेडिट या दुसऱ्या प्रसिद्ध वेबसाईटवर अनेकांनी त्याने २० मिलियन म्हणजे २ कोटी झाडे लावावीत असं सुचवलं. मग त्याने लगेच TeamTrees मोहीम सुरू केली आणि २ कोटी झाडे लावली सुद्धा…! यासाठी त्याने सोशल मीडिया मार्फत दान करण्याचं आवाहन केलं होतं त्याला इलॉन मस्क, Tobi Lutke (Shopify CEO), Marc Benioff (Salesforce CEO), Susan Wojcicki (YouTube CEO), Jack Dorsey (तेव्हाचे Twitter CEO) यांनीही मोठी मदत केली होती.

पुढे यासाठी त्यानं Beast Philanthropy नावाचं स्वतंत्र चॅनल सुरू केलं आणि समुद्र किनारा स्वच्छ करणे, आफ्रिकेत विहिरी बांधणे, बेघरांना घरे बांधून देणे, कपडे, जेवण उपलब्ध करून देणे अशीही कामे करण्यास सुरुवात केली. अशा कामांसाठी त्याच्या ऑनलाइन फॅन्सना आमंत्रित करून त्यांनाही सहभागी करून देतो. अर्थात त्याच्यावर नेहमीच पैसे उडवण्यावरून टीका होत असली तरी दुसऱ्या बाजूला त्याचे असेही प्रयत्न सुरू आहेत.

सर्वाधिक सबस्क्रायबर्स असलेले जगातले १० चॅनल्स पुढील प्रमाणे :

1. MrBeast
2. T Series
3. Cocomelon
4. SET India
5. Kids Diana Show
6. Vlad and Niki
7. Like Nastya
8. PewDiePie
9. Zee Music Company
10. WWE

The post MrBeast आता जगातील सर्वाधिक सबस्क्रायबर्स असलेलं यूट्यूब चॅनल! appeared first on MarathiTech - मराठीटेक.

सध्या सर्वात प्रसिद्ध यूट्यूबरपैकी एक म्हणजे MrBeast ज्याचं खरं नाव जिमी डोनाल्डसन असं आहे याने आज जवळपास गेली दहा वर्षं सर्वाधिक सबस्क्रायबर्स असलेल्या प्युडीपाय (PewDiePie) या यूट्यूबरला मागे टाकत पहिलं स्थान मिळवलं आहे! आत्ता हा लेख लिहीत असताना MrBeast चे तब्बल ११.२ कोटी सबस्क्रायबर्स पूर्ण झाले आहेत!

प्युडीपाय PewDiePie (फिलिक्स शेलबर्ज) हा स्वीडिश यूट्यूबरचे आत्ता ११.१ कोटी सबस्क्रायबर्स आहेत. गेली जवळपास १० वर्षं यूट्यूबचा अनभिषिक्त राजा असलेल्या प्युडीपायला (ऑगस्ट २०१३ पासून) सरतेशेवटी MrBeast ने मागं टाकलं आहे. विशेष म्हणजे काही वर्षांपूर्वी भारतीय म्युझिक कंपनी T Series १० कोटी सबस्क्रायबर्स पूर्ण करण्यासाठी स्पर्धा लागली होती ज्यामध्ये टी सिरिजचा विजय झाला होता. मात्र टी सिरीज ही एक कंपनी असल्यामुळे एक क्रिएटर/यूट्यूबर म्हणून अजूनही प्युडीपाय सर्वाधिक सबस्क्रायबर्सच्या यादीत सर्वात वर होता. गेली अनेक वर्षं गेमिंग, कॉमेडी व रिॲक्शन व्हिडिओ टाकून तो लोकप्रिय होत गेला. मात्र आता त्याच्या सबस्क्रायबर्सच्या संख्येच्या तुलनेत त्याच्या व्हिडिओना व्ह्यूज खूपच कमी म्हणजे काही लाखांमध्येच आहेत.

दुसऱ्या बाजूला मिस्टर बीस्ट (MrBeast) मात्र प्रचंड वेगाने त्याचे सबस्क्रायबर्स वाढवत गेला. याचे व्हिडिओ म्हणजे काही तरी अचाट प्रकार असतात. १० कोटीव्या सबस्क्रायबरला बेट घेऊन दे, कधी विमान किंवा Lamborghini ला सलग हात लावायला बसवून त्या पाच सहा व्यक्तींपैकी जो शेवटी हात त्याला ते विमान/कार घेऊन देणे, काही व्यक्तींना एका गोलात उभं करून जो शेवटी बाहेर पडेल त्याला ५ लाख डॉलर्स देणे, एका घरावर दहा लाख ख्रिसमस लाइट्स लावणे, विली वोंकाची चॉकलेट फॅक्टरी बनवणे, Squid Game प्रत्यक्षात खेळून त्याची बक्षिसे देणे असे काहीही विषय असलेले व्हिडिओ बनवतो.

वाचताना विचित्र वाटत असेल पण तुम्ही स्वतः हे व्हिडिओ त्याच्या चॅनलवर जाऊन पाहू शकता. https://www.youtube.com/user/MrBeast6000

या सर्व व्हिडिओना किमान ५ ते १० कोटी व्ह्यूज असतातच! यामुळेच पुढे याचे सबस्क्रायबर्स मोठ्या प्रमाणात वाढत गेले. २०१९ मध्ये याचे २ कोटी सबस्क्रायबर्स होते आणि आता तीन वर्षात ते थेट ११ कोटींवर पोहोचले आहेत. Netflix च्या मध्यंतरी चर्चेत असलेल्या Squid Games वर आधारित व्हिडिओला तर तब्बल ३० कोटी व्ह्यूज मिळाले आहेत! त्याचे व्हिडिओ करण्यासाठी सुरुवातीपासून त्याचे ४-५ मित्र सोबतीला असतात शिवाय मोठे व्हिडिओ शूट करण्यासाठीही तो आता मोठी टीम कामाला ठेवतोय! याच्या मुख्य चॅनलची सुरुवात २० फेब्रुवारी २०१२ मध्ये झाली होती.

आणि तो या सर्व व्हिडिओवर खरेच तेव्हढे लाखो रुपये खर्च करतो. अर्थात त्यानुसार त्याला व्ह्यूज मोठ्या प्रमाणात मिळतात आणि तेच पैसे तो पुढच्या व्हिडिओमध्ये गुंतवतो (असं त्याचं म्हणणं आहे)

विशेष म्हणजे याच MrBeast ने PewDiePie चे T Series च्या आधी १० कोटी सबस्क्रायबर्स पूर्ण व्हावेत म्हणून पैसे खर्चून जाहिराती करत ऑनलाइन मोहीम राबवली होती! बिलबोर्डस, एफएम, टीव्ही अशा सर्व ठिकाणी जात प्युडीपायच्या चॅनलला सबस्क्राइब करण्याचं आवाहन केलं होतं!

Mr Beast ने आता MrBeast Burger म्हणून स्वतःच्या ब्रॅंड अंतर्गत ऑनलाइन बर्गर विकायला सुरवात केली आणि काही दिवसांपूर्वीच त्यांचं पहिलं रेस्टोरंट सुरू केलं ज्याच्या पहिल्याच दिवशी तब्बल १०००० लोकांनी हे बर्गर घेण्यासाठी रांग लावली होती!

एका बाजूला यूट्यूब व्हिडिओवर वारेमाप पैसे खर्च करत असताना तो अधूनमधून सामाजिक कार्यासाठीही त्याच्या प्रसिद्धीचा वापर करतोय. २०१९ मध्येच त्याच्या यूट्यूब चॅनलचे २० मिलियन सबस्क्रायबर्स होत असताना ट्विटरवर प्रश्न विचारला की माझ्या २० मिलियन (२ कोटीव्या) सबस्क्रायबरला काय देऊ? तर त्यावर रेडिट या दुसऱ्या प्रसिद्ध वेबसाईटवर अनेकांनी त्याने २० मिलियन म्हणजे २ कोटी झाडे लावावीत असं सुचवलं. मग त्याने लगेच TeamTrees मोहीम सुरू केली आणि २ कोटी झाडे लावली सुद्धा…! यासाठी त्याने सोशल मीडिया मार्फत दान करण्याचं आवाहन केलं होतं त्याला इलॉन मस्क, Tobi Lutke (Shopify CEO), Marc Benioff (Salesforce CEO), Susan Wojcicki (YouTube CEO), Jack Dorsey (तेव्हाचे Twitter CEO) यांनीही मोठी मदत केली होती.

पुढे यासाठी त्यानं Beast Philanthropy नावाचं स्वतंत्र चॅनल सुरू केलं आणि समुद्र किनारा स्वच्छ करणे, आफ्रिकेत विहिरी बांधणे, बेघरांना घरे बांधून देणे, कपडे, जेवण उपलब्ध करून देणे अशीही कामे करण्यास सुरुवात केली. अशा कामांसाठी त्याच्या ऑनलाइन फॅन्सना आमंत्रित करून त्यांनाही सहभागी करून देतो. अर्थात त्याच्यावर नेहमीच पैसे उडवण्यावरून टीका होत असली तरी दुसऱ्या बाजूला त्याचे असेही प्रयत्न सुरू आहेत.

The post MrBeast आता सर्वाधिक सबस्क्रायबर्स असलेला यूट्यूबर : PewDiePie ला मागे टाकलं! appeared first on MarathiTech - मराठीटेक.

जगातल्या सर्वात प्रसिद्ध वेबसाइट यूट्यूबवर खास व्हिडिओ तयार करून अपलोड करणाऱ्याना यूट्यूब क्रिएटर्स किंवा यूट्यूबर म्हटलं जातं यापैकी एक म्हणजे MrBeast ज्याचं खरं नाव जिमी डोनाल्डसन असं आहे याने त्याच्या यूट्यूब चॅनलचे २० मिलियन सबस्क्रायबर्स होत असताना ट्विटरवर प्रश्न विचारला की माझ्या २० मिलियन (२ कोटीव्या) सबस्क्रायबरला काय देऊ? तर त्यावर रेडिट या दुसऱ्या प्रसिद्ध वेबसाईटवर अनेकांनी त्याने २० मिलियन म्हणजे २ कोटी झाडे लावावीत असं सुचवलं. Mark Rober, SmarterEveryDay, Kurzgesagt, AsapSCIENCE अशा इतर यूट्यूबर्सनीही ही कल्पना उचलून धरत आम्ही सहकार्य करू असं जाहीर केलं आणि मग मे महिन्यात सुरुवात झालेली ही गोष्ट आता ऑक्टोबरमध्ये पूर्णत्वास जात असून या मोहिमेद्वारे 1 डॉलर दान केल्यावर त्याचं 1 झाड लावलं जाणार आहे. यासाठी त्यांनी Arbor Day Foundation सोबत भागीदारी केली असून हे फाऊंडेशन त्यांना जगातल्या विविध ठिकाणी ही झाडे लावण्यात मदत करणार आहे.

एका भन्नाट कल्पनेतून सुरू झालेली ही #TeamTrees मोहीम आता व्यापक रूप घेत असून आता अनेक मोठी नावे यासोबत जोडली जात आहेत. कालच टेस्ला आणि स्पेसएक्स कंपनीचे प्रमुख इलॉन मस्क यांनी टीमट्रीजसाठी तब्बल ७ कोटींची (1 Million Dollars) मदत जाहीर केली असून याद्वारे दहा लाख झाडे लावली जातील! ट्विटरचे सीईओ जॅक डॉर्सी यांनीही जवळपास १ कोटी रुपये जाहीर केले असून याद्वारे १५०००० झाडे लावली जातील! यूट्यूबने सुद्धा स्वतः मदत जाहीर केली आहे! स्वतः MrBeast नेसुद्धा एक लाख डॉलर्स दिले असून याची 1 लाख झाडे लावली जातील!

MrBeast हा खरतर काही विचित्र कल्पना घेऊन अचाट व्हिडिओ करण्यासाठी प्रसिद्ध आहे. उदा. एखाद्या दुकानात जाऊन सगळ्याच वस्तु खरेदी करणे, गेम स्ट्रीमर्सना एकावेळी एक लाख डॉलर्स डोनेट करणे, वेटरला 20000 डॉलर्स टीप देणे असे व्हिडिओ टाकून लाखों views मिळवून त्याद्वारे आलेलं उत्पन्न पुन्हा असेच व्हिडिओ बनवण्यात वापरणं यासाठी हा मिस्टर बीस्ट ओळखला जातो. मात्र यावेळी काही सामाजिक कार्यासाठी त्याच्या प्रसिद्धीचा वापर केला जात असून यामुळे संबंध यूट्यूब आणि इतर सोशल मीडिया एकत्र येत असून हा लेख लिहीत असताना 2,00,00,000 पैकी 7,810,507 झाडे लावण्यासाठी मदत जमा झाली आहे!

https://www.teamtrees.org/

अशा कोट्यवधी झाडे लावण्याच्या बऱ्याच मोहिमा निघतात मात्र प्रत्यक्षात लावलेली झाडे खरंच जगवली जातात का प्रश्न नेहमी विचारला जातो. हाच प्रश्न TeamTrees ला सुद्धा विचारला जाईल मात्र तूर्तास मदत गोळा करणे आणि त्याचा वापर करून झाडे लावण्यावर त्यांचा भर असणार आहे. याबाबत पुढे काय होईल ते येणाऱ्या काळात आपणा सर्वांना दिसेलच…

The post यूट्यूबरची २ कोटी झाडे लावण्याची #TeamTrees मोहीम! : MrBeast appeared first on MarathiTech - मराठीटेक.

६ सप्टेंबरला यूट्यूबच्या अधिकृत ट्विटर अकाऊंटवरुन याबाबत घोषणा करण्यात आली असून यापुढे 100 Million म्हणजे १० कोटी सबस्क्रायबर्स पूर्ण करणाऱ्या यूट्यूब चॅनल्सना रेड डायमंड प्ले बटन देण्यात येईल! रेड डायमंड क्रिएटर अवॉर्डचं नाव अतिशय दुर्मिळ अशा लाल रंगाच्या हिऱ्यावरून देण्यात आलं आहे. अर्थात हे बटन मात्र काचेपासून बनवलेलं असेल जी लाल रंगाची असेल आणि संपूर्ण बटन हे एकसंध काचेचे बनवलेलं असेल.

हे बटन मिळवणारे जगातले पहिले दोन चॅनल्स म्हणजे भारतीय म्युझिक कंपनी टी सीरीज आणि प्युडीपाय – PewDiePie (फिलिक्स शेलबर्ज) हा स्वीडिश यूट्यूबर! यांच्यामध्ये बरेच दिवस १० कोटी सबस्क्रायबर्सचा टप्पा गाठण्यासाठी स्पर्धा सुरू होती. यासाठी बऱ्याच ऑनलाइन मोहिमा घेऊन वादविवाद सुद्धा झाले. शेवटी टी सीरीजनेच सर्वात आधी १० कोटींचा टप्पा गाठला आणि थोड्या दिवसांपूर्वीच प्युडीपायनेही हा टप्पा ओलांडला आहे. अनेकांनी प्युडीपायला या निमित्ताने सपोर्ट जाहीर केला होता कारण तो एक स्वतंत्र क्रिएटर आहे तर टी सीरीज ही एक मोठी कंपनी आहे.

जरी दोन्ही चॅनल्सच्या चाहत्यांमध्ये मोठे वाद झाले असले तरी यामधून दोन्ही चॅनल्सनाच मोठा फायदा मिळाला आहे. त्यांचे व्ह्यूज वाढले आणि सबस्क्रायबर्ससुद्धा!

यूट्यूब प्ले बटन यूट्यूबर्सना दिलं जातं. यूट्यूबर्स म्हणजे असे लोक जे यूट्यूब या प्रसिद्ध व्हिडीओ शेरिंग साईटवर व्हिडीओ शेअर करतात आणि ज्यांनी कुठल्याही कंपनी/ब्रँडचे प्रतिनिधी म्हणून व्हिडीओ न टाकता स्वतःच्या किंवा एका ग्रुपच्या नावावर अपलोड केलेले असतात.

यूट्यूबकडून देण्यात येणारं प्ले बटन सबस्क्रायबर्सचा (ज्यांनी त्या चॅनलचे व्हिडीओच सभासदत्व स्वीकारलं आहे असे लोक) ठराविक टप्पा पार पडल्यावर देण्यात येतं. सिल्व्हर, गोल्ड आणि डायमंड असं तीन वेगवेगळ्या टप्प्यांवर हे बटन पाठवलं जातं. हे बटन केवळ व्हायरल किंवा टॉप १० सारखे व्हिडीओ टाकणाऱ्या चॅनल्सना दिलं जात नाही. यूट्यूब हे अवॉर्ड्स पाठवण्यापूर्वी स्वतः चॅनल्स तपासून नियम पाळले असल्याची खात्री करतं.

YouTube Creators Awards : Play Buttons

• 1,00,000 : Silver Play Button : १ लाखाचा टप्पा पार करणाऱ्यांना  
• 10,00,000 : Gold Play Button : दहा लाखांचा टप्पा पार करणाऱ्यांना 
• 1,00,00,000 : Diamond Play Button : १ कोटीचा टप्पा पार करणाऱ्यांना  
• 10,00,00,000 : Red Diamond Button : दहा कोटींचा टप्पा पार करणाऱ्यांना

सर्वाधिक सबस्क्रायबर्स असलेले यूट्यूब चॅनल्स!

1. T Series
2. PewDiePie
3. 5 Minute Crafts
4. Cocomelon – Nursery Rhymes
5. SET India
6. Canal KondZilla
7. WWE
8. Justin Bieber
9. Dude Perfect
10. Zee Music Company

The post यूट्यूब रेड डायमंड प्ले बटन : टी सीरीज आणि प्युडीपाय यांचे १० कोटी + सबस्क्रायबर्स! appeared first on MarathiTech - मराठीटेक.

दरवर्षी चर्चेत असलेल्या युट्युबर्सना घेऊन वर्षाअखेरीस एक खास व्हिडिओ युट्युब स्वतः बनवतं…! मात्र यावेळच्या व्हिडीओला त्यांच्या अपेक्षेप्रमाणे प्रतिसाद लाभलेला नसून उलट आता त्यांच्याच प्लॅटफॉर्मवर त्यांचाच व्हिडीओ सर्वाधिक डिसलाईक असलेला व्हिडीओ बनला आहे!

रिवाइंड २०१८ या व्हिडिओला तब्बल १ कोटी यूजर्सनी डिसलाईक (नापसंती) दर्शवली आहे! 

आजवर सर्वाधिक नापसंती असलेला व्हिडीओ जस्टिन बिबर या गायकाचा ‘बेबी’ नावाच्या गाण्याचा २०१० मध्ये आलेला व्हिडीओ होता. आता आठ वर्षांनी या नको असलेल्या विक्रमाला मागे टाकत युट्युब रिवाइंड २०१८ ने आघाडी घेतली आहे आणि ते सुद्धा अवघ्या आठ दिवसातच…! गेल्या काही वर्षांपासून हे डिसलाईकचं प्रमाण वाढत होतंच मात्र यावेळी बरेच यूजर्स फारच नाराज असल्याचं दिसून येत आहे!

युट्युब रिवाइंड २०१८ व्हिडीओ

युट्युबच्या क्रिएटर्सकडे लक्ष देण्याऐवजी जाहिरातदारांना खूष करण्याच्या प्रयत्नावर यूजर्स नाराज झाले असून या वर्षात युट्युबवर घडलेल्या बऱ्याच मोठ्या गोष्टींना आणि मोठ्या युट्युबर्सना समाविष्ट न केल्यामुळे थेट डिसलाईक करून निषेध नोंदवण्यास सुरुवात केली आहे. सर्वाधिक सबस्कायबर्स असलेला प्युडिपाय (PewDiePie), शॉन डॉसन, लोगन पॉलच वादग्रस्त प्रकरण, लोगन आणि केएसआय यांच्यातील युद्धाचा (जी सर्वात मोठी पेड सिरीज होती) अनुल्लेख, निंजा नावाच्या गेम स्ट्रीमरचा समावेश (जो खरेतर युट्युबऐवजी ट्विच या दुसऱ्या गेम स्ट्रीम साईट वर प्रसिद्ध आहे), फोर्टनाईटचा अतिरेकी उल्लेख, विल स्मिथ व इतर टीव्ही सेलिब्रिटीजचा अर्थाअर्थी काहीही संबंध नसताना केलेला समावेश यामुळे युट्युब त्यांच्या क्रिएटर्स (व्हिडीओ तयार करणारे) व प्रेक्षक यांच्याकडे लक्ष देण्याऐवजी जाहिरातदारांच्या धमक्यांना बळी पडत त्यांच्या मनाप्रमाणे प्लॅटफॉर्म चालत असल्याचं सांगितलं आहे. अनेक युट्युबर्सनीसुद्धा यावर नाराजी व्यक्त करणारे व्हिडीओ टाकत आहे.

युट्युबवर सर्वाधिक ‘डिसलाईक्स’ असलेले व्हिडिओ!

1. YouTube Rewind 2018: Everyone Controls Rewind
2. Baby : Justin Bieber featuring Ludacris
3. It’s Everyday Bro : Jake Paul featuring Team 10
4. Call of Duty: Infinite Warfare Reveal Trailer
5. Can this video get 1 million dislikes? : PewDiePie
6. Despacito : Luis Fonsi featuring Daddy Yankee
7. Friday : Rebecca Black
8. How It Is (Wap Bap …) : BibisBeautyPalace
9. Cortando o Botão do YouTube : Aruan Felix
10. Masha and the Bear : Recipe for Disaster

मार्कस ब्राऊनली (MKBHD) ने तर स्वतः त्या व्हिडीओमध्ये असूनही यावेळी युट्युबकडून कोणत्या चुका झाल्या यावर प्रकाश टाकला आहे!

The post आता युट्युबचाच ‘रिवाइंड २०१८’ आहे सर्वाधिक ‘डिसलाईक्स’ असलेला व्हिडिओ! appeared first on MarathiTech - मराठीटेक.