व्हॉट्सॲप या प्रसिद्ध मेसेजिंग सेवेमध्ये आता आपण स्वतःचे स्टीकर्स व्हॉट्सॲपमध्येच तयार करून शेयर करू शकणार आहोत. त्यांनी सध्यातरी हा पर्याय WhatsApp Web या व्हॉट्सॲपच्या डेस्कटॉप साईटवर दिलेला आहे. येत्या काही आठवड्यात हाच पर्याय त्यांच्या डेस्कटॉप ॲपमध्येही उपलब्ध होणार आहे. २४ नोव्हेंबरपासून हा पर्याय उपलब्ध होण्यास सुरुवात झाली आहे.

या पर्यायामुळे आपल्याला बाहेरच्या साइट्स किंवा ॲप्सची गरज उरणार नाही. या नव्या पर्यायाद्वारे स्टीकर्स तयार करणं अतिशय सोपं आहे.

1. WhatsApp Web तुमच्या लॅपटॉप/पीसीवर उघडा
2. कोणतंही एक चॅट उघडा
3. अटॅचच्या पेपरक्लिप आयकॉनवर क्लिक करा (📎)
4. आता इथे नवीन स्टीकरचा पर्याय दिसेल.
5. आता स्टीकरसाठी फोटो निवडा आणि पर्याय वापरुन एडिट करा
6. Outline टुल वापरुन बॅकग्राउंड काढून टाका. (✂️), टेक्स्ट टुलने काही टेक्स्ट लिहा, इमोजी जोडा.
7. एडिट झाल्यावर Send बटन वर क्लिक करा.

The post व्हॉट्सॲपवर आता स्टीकर्स तयार करण्याचाही पर्याय! appeared first on MarathiTech - मराठीटेक.

या व्हिडिओमध्ये आपण पाहणार आहोत आपल्या जुन्या लॅपटॉपमध्ये हार्ड डिस्कच्या जागी SSD (Solid State Drive) लावून त्याला फास्ट कसं बनवायचं… व्हिडिओबद्दल आपल्या प्रतिक्रिया नक्की कळवा. तुमचे काही प्रश्न असतील, सूचना असतील खाली कमेंट करा.

SSD चा वापर का करावा आणि त्याचे फायदे : SSD वापरण्याचे प्रमुख कारण म्हणजे त्यामुळे मिळणारा वेग. SSD ही HDD पेक्षा कितीतरी पटीने वेगाने काम करते त्यामुळेच त्याचा उपयोग लवकर पीसी/लॅपटॉप बूट (चालू) करणे यासाठी होतो. जिथे HDD वर एखादा मिनीट जातो त्याच ठिकाणी SSD अगदी काही सेकंदात हे काम पार पडते. एवढेच नव्हे तर आपण इंस्टॉल केलेले अॅप्लिकेशन / गेम्स लवकर चालू होण्यास व परफॉर्मेंस सुधारण्यास SSD चा उपयोग होतो. SSD मध्ये फॉटोशॉप, ऑफिस, मोठे अॅप्स/गेम्स हे HDD च्या तुलनेत खूपच लवकर चालू तर होतातच शिवाय वापर करताना ही वेग वाढण्यास मदत होते.

SSD जोडल्यामुळे आपला जुना लॅपटॉपचा वेग वाढून तो खूप चांगल्या प्रकारे काम करू शकतो. आपण नव्या SSD मध्ये ऑपरेटिंग सिस्टम इंस्टॉल करून हार्ड डिस्क आपला इतर डेटा साठवण्यासाठी वापरणार आहोत.. हे करत असताना हार्ड डिस्कवरील डेटा डिलिट होणार नाही. तो आहे तसाच राहील. हार्ड डिस्कच्या जागी SSD लावून ती जुनी हार्डडिस्क DVD ड्राइवच्या जागी लावणार आहे त्यासाठी Caddy लागेल.

The post SSD द्वारे जुन्या लॅपटॉपला बनवा सुपरफास्ट! appeared first on MarathiTech - मराठीटेक.

सुटे भाग घेऊन घरीच स्वतः कम्प्युटर पीसी कसा तयार करायचा याबद्दल मराठीतला हा आमचा दुसरा व्हिडिओ.

हा पीसी AMD प्रोसेसर आधारित असणार आहे. हा पीसी ग्राफिक्स डिझाईनसाठी वापरला जाणार आहे. त्यानुसार पार्ट्सची निवड केली आहे.

या PC Build साठी वापरलेले भाग खालीलप्रमाणे : –
Processor : AMD Ryzen 5 3600X : https://amzn.to/3tsWQHk​
Motherboard : MSI B550M PRO VDH WiFi (AMD AM4) : https://amzn.to/30TubPn​
Graphics Card (GPU) : Gigabyte 1660 Super 6GB https://amzn.to/3qXzrfg​
RAM : Adata XPG Spectrix D60G 8GBx2 3200MHz RGB https://amzn.to/30O4r6L​
Cabinet : DeepCool Macube 110 : https://amzn.to/3vA7vlm​
Monitor : Benq PD2700Q : https://amzn.to/3qRQmzT​
PSU : CoolerMaster MWE550 : https://amzn.to/2NqXbef​
Keyboard and Mouse : Logitech
OS : Windows 10 Pro
SSD : WD 250GB HDD: Seagate Barracuda 1TB

The post नवा व्हिडिओ : पीसी कसा तयार करायचा? appeared first on MarathiTech - मराठीटेक.

अनेक दिवस चाचणी सुरू असलेली व्हॉट्सॲपची पेमेंट सुविधा भारतात आता सुरू झाली आहे. फेसबुककडे मालकी असलेल्या व्हॉट्सॲपला बराच काळ UPI कडून भारतात यासाठी परवानगी मिळत नव्हती. मात्र आता SBI, ICICI, AXIS व HDFC बँकसोबत भागीदारी करत त्यांनी ही सोय आणली आहे.

व्हॉट्सॲप भारतात लोकप्रिय मेसेजिंग सेवा असून त्यांच्या डिजिटल पेमेंट सेवेमुळे अनेकांना नवा पर्याय उपलब्ध होत आहे. गूगल पे, फोनपे, पेटीएम सारख्या ॲप्सना आणखी एक पर्याय आला आहे. सध्यातरी त्यांच्या प्रमाणे ऑफर्स, कुपन्स व्हॉट्सॲपवर दिसत नाहीत. मात्र मेसेज करत करत पैसे पाठवण्याची सोय अनेकांना आवडू शकेल. त्यासाठी स्वतंत्र ॲपमध्ये जाण्याची गरज नाही.

State Bank of India, ICICI Bank, HDFC Bank and Axis Bank यांच्या सोबत भागीदारीत एक सुरक्षित आणि सोपा डिजिटल पेमेंट पर्याय भारतात आणत असल्याचा आम्हाला आनंद होत आहे.या निमित्ताने अनेकांना डिजिटल अर्थव्यवस्थेमध्ये आणण्याची संधी आम्हाला मिळाली आहे असं व्हॉट्सॲप इंडियाचे प्रमुख अभिजीत बोस यांनी सांगितलं.

1. प्रथम ज्याला पैसे पाठवायचे आहेत त्याच्या चॅटवर जा.
2. आता आपण नेहमी फोटो पाठवत असताना जे अटॅच बटन (📎) टच करतो त्यावर स्पर्श करा.
3. आता तुम्हाला कॅमेरा, गॅलरी, ऑडिओ, डॉक्युमेंट, लोकेशन, कॉनटॅक्ट सोबत नवा Payment पर्याय आलेला दिसेल. (जर दिसत नसेल तर व्हॉट्सॲप प्ले स्टोअरवरून अपडेट करून घ्या)
4. त्यावर क्लिक करून ACCEPT AND CONTINUE वर स्पर्श करा.
5. आता तुमची बँक निवडा.
6. आता तुमचं बँक अकाऊंट आणि क्रमांक तपासण्यासाठी Verification SMS येईल. ही प्रक्रिया आपोआप पूर्ण होईल.
7. हे तुम्हाला तुम्ही पैसे पाठवत असणाऱ्या व्यक्तीला एकदाच करावं लागेल. हा सेटप तुम्ही दोघांनी केला असेल तरच ही सोय वापरता येईल.
8. जर समोरच्या व्यक्तीने सेटप केला नसेल तर Notify पर्याय दिसेल त्याद्वारे त्यांना सेटप करण्यास सांगू शकता.
9. आता तुम्ही Send Payment पर्याय वापरुन फोनपे गूगल पे प्रमाणेच रक्कम टाकून UPI पिन टाइप करून पैसे पाठवू शकता .
10. याद्वारे केलेले व्यवहार मेसेजेसमध्ये व एका यादीद्वारेही पाहू शकाल.

Search Terms : How to use whatsapp payments, how to send money from whatsapp what is whatsapp payments

The post व्हॉट्सॲप पेमेंट्स आता उपलब्ध : UPI मार्फत व्हॉट्सॲपवरूनच पाठवा पैसे! appeared first on MarathiTech - मराठीटेक.

अलीकडे वाढलेल्या स्मार्टफोन वापरासोबत काही अडचणीसुद्धा जोडून येतात. यापैकी सर्वात वाईट म्हणता येईल असा अनुभव म्हणजे फोन हरवणे आणि तो स्मार्ट असूनही त्याला शोधता न येणे! आपल्या आयुष्यात आपण आता बऱ्याच गोष्टींसाठी स्मार्टफोनवर अवलंबून असतो आणि अशावेळी जर फोन हरवला तर ती घटना नक्कीच अनेक दृष्टीने त्रासदायक असते. महत्वाचे कॉल्स, मेसेज मिळणं थांबतं, डेटा हरवतो, समजा तो हरवलेला फोन कुणाच्या हाती लागला तर तो डेटा त्यांना मिळण्याची शक्यता असते अशा बऱ्याच गोष्टी घडू शकतात ज्यामुळे काही दिवस का होईना हरवलेल्या फोनचे परिणाम जाणवत राहतात. आपल्या मित्रमंडळी किंवा नातेवाईकांपैकी कुणाचा तरी फोन नक्कीच हरवला असेल किंवा चोरीला गेला असेलच.

तर आता हे हरवलेले फोन शोधण्यासाठी सध्या उपलब्ध असलेल्या मार्गांपेक्षा वेगळा पर्याय सरकारतर्फे उपलब्ध करून देण्यात येत आहे. सेंट्रल इक्विपमेंट आयडेंटिटी रजिस्टर (CEIR) या सरकारी संस्थेतर्फे हा पर्याय उपलब्ध करून देण्यात येत असून याद्वारे आपण आपला हरवलेला स्मार्टफोन शोधू शकतो…!

CEIR सध्याच्या गूगलच्या फाइंड माय डिव्हाईससारख्या पर्यायांपेक्षा उत्तम का आहे ?

CEIR बद्दल काही महिन्यांपूर्वीच घोषणा करण्यात आली आहे. हा प्रकल्प हळूहळू विविध शहरात उपलब्ध करून दिला जात आहे. आता ही सेवा मुंबई (आता महाराष्ट्र राज्य) व दिल्ली या शहरात उपलब्ध झाली आहे. या शहरातील फोन यूजर्स त्यांचे हरवलेले किंवा चोरीला गेलेल फोन्स शोधू शकतील. इतके दिवस उपलब्ध असलेल्या पर्यायात गूगलचा सर्व अँड्रॉइड फोन्समध्ये पाहायला मिळणारा Find My Device हा पर्याय सर्वात उत्तम होता. मात्र या पर्यायाला काम करण्यासाठी हरवलेल्या फोनचं इंटरनेट सुरू राहणं गरजेचं होतं त्याशिवाय काहीही करता येत नव्हतं. मात्र CEIR च्या या नव्या पर्यायामुळे इंटरनेट किंवा कसल्याही लॉगिन शिवाय केवळ IMEI नंबरद्वारे फोन्स शोधता येतील. IMEI क्रमांक हा जगातल्या प्रत्येक स्मार्टफोनला स्वतंत्र असा कोड असतो. जर फोन ड्युयल सिम असेल तर दोन आयएमईआय क्रमांक पाहायला मिळतील. तर केवळ या क्रमांकाच्या आधारे फोन शोधता येईल अशी यंत्रणा CEIR मध्ये तयार करण्यात आलेली आहे.

CEIR च्या मदतीने असा शोधा तुमचा हरवलेला फोन

1. जर तुमचा फोन हरवला असेल तर प्रथम त्याची एक तक्रार जवळच्या पोलिस स्थानकात नोंदवा.
2. तुमच्या टेलिफोन ऑपरेटरकडून नवं सिम घ्या
3. त्यानंतर CEIR ची वेबसाइट (https://ceir.gov.in/Home/index.jsp) वर जा
4. इथे तुम्हाला तुमच्या फोनचा IMEI ब्लॉक करता येईल. जेणेकरून तुमचा फोन दुसऱ्या कुणाच्या हाती लागला तर त्यांना तो वापरता येणार नाही.
5. ब्लॉक करण्यासाठी तुम्हाला हरवलेल्या फोनची माहिती विचारली जाईल. यामध्ये फोन क्रमांक, कंपनी, हरवलेलं ठिकाण, तारीख, नाव, पत्ता, ओळखपत्र, purchase invoice, पोलिस तक्रारीची प्रत, इ.
6. त्यानंतर आलेला OTP टाका आणि फॉर्म सबमीट करा.
7. त्यानंतर तुम्हाला एक Request ID मिळेल जो तुम्हाला फोन ट्रॅक करण्याची प्रक्रिया कुठपर्यंत आली आहे हे पाहण्यास मदत करेल!

फोन सापडल्यावर तो वापरण्यासाठी ब्लॉक केलेला IMEI अनब्लॉक करावा लागेल. यासाठी पुन्हा एकदा CEIR च्या वेबसाइटवर जा आणि Unblock Found Mobile पर्याय निवडा. इथे तुम्हाला Request ID आणि मोबाइल क्रमांक टाकायचा आहे. इथेच तुम्हाला IMEI चा स्टेट्ससुद्धा समजेल!

Know Your Mobile (KYM) हा पर्याय सुद्धा उपलब्ध असून यामुळे तुम्ही नव्याने खरेदी केलेला फोन किंवा सेकंड हँड फोन यांच्या IMEI ची सत्यता तपासता येईल. जर तो IMEI चोरीच्या फोनचा असेल तर तुम्हाला ती खरेदी रद्द करता येईल.

Search Terms : Find your lost phone location track live block lost or stolen phone IMEI CEIR Central Equipment Identity Register

The post हरवलेला फोन शोधायचाय? : CEIR ची IMEI आधारित नवी सेवा! appeared first on MarathiTech - मराठीटेक.