ॲपलने काल झालेल्या त्यांच्या WWDC 21 या डेव्हलपर कार्यक्रमात त्यांच्या सॉफ्टवेयर अपडेट्स बद्दल माहिती दिली. यामध्ये iPhones साठी iOS 15, iPad साठी iPadOS 15, Mac साठी MacOS Monterey आणि वॉचसाठी WatchOS 8 अशा नव्या व्हर्जन्सची घोषणा करण्यात आली. अनेक नव्या सुविधासह यावेळी प्रामुख्याने प्रायव्हसीवर जास्त भर दिलेला दिसून येत आहे.

हे अपडेट्स जुलै २०२१ पर्यंत आपल्या उपकरणांवर उपलब्ध होण्याची शक्यता आहे.

iOS 15

• FaceTime
• Focus and Notifications
• Live Text, Visual Look Up, and Spotlight
• Safari
• Messages, Shared With You
• App Privacy Report
• Waller
• Maps
• Weather and Notes
• Photos

iPadOS 15

• Widgets on the Home Screen
• App Library
• Multitasking Improvements
• Quick Note
• Translate App
• Swift Playgrounds 4

macOS Monterey

• Major App Updates
• Universal Control
• Shortcuts

The post ॲपल WWDC 2021: iOS 15, iPadOS 15, macOS Monterey अपडेट्स सादर appeared first on MarathiTech - मराठीटेक.

ॲपलने काही दिवसांपूर्वीच त्यांच्या iOS मध्ये नवं अपडेट दिलं असून iOS 14.5 मध्ये App Tracking Transparency (ATT) ही सोय जोडण्यात आली आहे. यामुळे आपल्या फोनमधील ॲप्सना परवानगीशिवाय आपल्या ऑनलाइन ॲक्टिविटी ट्रॅक करता येणार नाही. हे अपडेट केल्यावर तुम्हाला तुमच्या आयफोन व आयपॅडमध्ये नोटिफिकेशन येईल की तुम्हाला या ॲपला ट्रॅक करण्याची परवानगी द्यायची आहे की नाही.

आपल्या पैकी बऱ्याच जणांना माहीत नसेल की फेसबुक, इंस्टाग्राम सारखे ॲप्स आपण ते वापरत नसतानासुद्धा आपण कोणत्या वेबसाइट पाहतो, त्या वेबसाइटवर काय सर्च करतो याची माहिती आपल्याला न सांगता गोळा करत राहतात. ही माहिती तिसऱ्या कंपनीला विकून या माहितीच्या आधारे आपल्याला जाहिराती दाखवण्यात येतात. या माहितीत आपलं वय, लोकेशन, आरोग्याची माहिती, खर्च करण्याच्या सवयी, ब्राऊजिंग हिस्ट्री, खाण्यापिण्याच्या आवडीनिवडी, आवडतं संगीत/गाणी, नोकरी, इ. माहितीचा समावेश असतो. या डेटाचा वापर करून यूजर्सची एक आभासी प्रोफाइल तयार केली जाते जी नंतर जाहिरातदारांना विकण्यात येते व पुढे तुमच्या निर्णय क्षमतेवर नियंत्रण मिळवण्यासाठीही वापरण्यात येते. काही वेळा तर अशा माहितीचाच वापर करून निवडणुका किंवा घटनांचं समर्थन किंवा विरोध करणं यावर प्रभाव टाकण्यात आला आहे. यावरून आपल्याला समजावं की हे किती धोकादायक आहे.

ॲपलच्या या नव्या अपडेटमुळे आपल्याला या ॲप्सना ट्रॅक करण्याची परवानगी द्यायची की नाही हे ठरवण्याचा पर्याय उपलब्ध झाला आहे. जर तुम्ही Allow केलं तर वरील माहिती गोळा करणं सुरू राहील पण जर तुम्ही ट्रॅक करू नका असं सांगितलं तर या ॲप्सना ट्रॅक करण्याची परवानगी दिली जाणार नाही. यामुळे ब्रॅंडसना आपल्याला टार्गेटेड ॲड्स दाखवता येणार नाहीत.

जर तुम्हाला नवं अपडेट करूनही पॉप अप आला नसेल तर Settings > Privacy > Tracking मध्ये जावं लागेल आणि तिथे कोणते ॲप्स ट्रॅकिंगची परवानगी मागत आहेत ते दिसेल. अजूनही सर्व ॲप्सनी यासाठी अपडेट दिलेलं नाही.

या निर्णयामुळे फेसबुक मात्र भलतंच नाराज झालं आहे! त्यांच्या बिझनेसवर याचा मोठा परिणाम होणार आहे कारण शक्यतो लोक त्यांच्या ट्रॅकिंगला नकोच म्हणणार हे उघड आहे. त्यांच्या म्हणण्यानुसार यामुळे आम्हाला युजर्सना खास त्यांच्यासाठी तयार केलेल्या जाहिराती दाखवता येणार नाहीत. याचा परिणाम छोट्या उद्योगांवर होईल. शिवाय ॲप्स मोफत उपलब्ध करून देणं अवघड होईल. ज्यामुळे आम्हाला सभासदत्व देण्यास सुरुवात करावी लागेल आणि युजर्सना या सध्या मोफत असलेल्या सेवांसाठी पैसे द्यावे लागतील असं फेसबुककडून सांगण्यात येत आहे.

हे सांगताना त्यांनी साजूकपणाचा आव आणत आता चक्क ‘हे ॲप मोफत ठेवण्यासाठी आम्हाला ही परवानगी द्या’ असा पॉप अप दाखवण्यास सुरवात केली आहे. फेसबुकने ॲपलला या गोष्टीवरून बराच विरोध केला आहे. काही देशात तर त्यांनी थेट वृत्तपत्रांमध्येही पानभर जाहिराती दिल्या आहेत की ॲपलमुळे छोट्या उद्योगांचं कसं नुकसान होईल! खरतर फेसबुकने आज उभं केलेलं साम्राज्यच मुळात लोकांचा डेटा विकून उभारलेलं आहे. आताही त्यांच्या खात्यात बक्कळ पैसा शिल्लक आहे. त्यामुळे यूजर्सना त्यांची काळजी करण्याची काही एक गरज नाही.

ॲपलने यावर असं स्पष्टीकरण दिलं आहे की आमच्यासाठी आमच्या युजर्सची प्रायव्हसी महत्वाची आहे. म्हणूनच आम्ही हा बदल करत आहोत. शिवाय जर कुणाला ट्रॅकिंगची परवानगी द्यायची असेल तर तसा पर्यायसुद्धा आम्ही दिलेला आहेच. ॲपलच्या किंमती सारख्या गोष्टींबाबत बऱ्याच लोकांचे मतभेद असले तरी प्रायव्हसीबाबत तर सध्या ही एकच कंपनी ग्राहकांच्या बाजूने निर्णय घेत असल्याचं दिसत आहे.

आमचं म्हणणं तर असं आहे की ॲपलसोबत आता इतरही ऑपरेटिंग सिस्टम व फोन्स बनवणाऱ्या कंपन्यांनी ॲप्सना ट्रॅकिंग करू द्यायचं की नाही याचा पर्याय द्यायला हवा. अँड्रॉइडवर तर जाहिरातींचा अक्षरशः भडिमार होत असलेला पाहायला मिळत असून गूगलचं यावर अजिबात नियंत्रण दिसून येत नाही. काहीवेळा तर गूगल कडूनही अयोग्य/अश्लील म्हणता येतील अशा जाहिराती दाखवल्या जात आहेत. अँड्रॉइड तर गूगल स्वतः डेव्हलप करत आहे आणि त्यांचाही उद्योग जाहिरातींवरच अवलंबून आहे त्यामुळे ॲपलइतकं कडक पाऊल ते उचलण्याची शक्यता कमी असली तरी काही प्रमाणात जरी बदल झाला तरी तो सर्व अँड्रॉइड यूजर्ससाठी चांगला निर्णय असेल.

कालच सिग्नल ॲपने इंस्टाग्रामवर जाहिराती करून लोकांचा डेटा कशाप्रकारे वापरला जात आहे हे उघड केलं होतं त्यावर फेसबुकने त्यांचं ॲड अकाऊंटच डिलिट केलंय!

The post ॲपलचं iOS 14.5 प्रायव्हसी अपडेट : आता ॲपल Vs फेसबुक वाद ! appeared first on MarathiTech - मराठीटेक.

अँड्रॉइड व iOS वर प्रसिद्ध असलेला गूगलचा Gboard अँड्रॉइडवर मराठी भाषेला कित्येक महिन्यांपासून सपोर्ट करतोय मात्र आयफोनवर हा कीबोर्ड मराठीत उपलब्ध नव्हता. आता नव्या अपडेटद्वारे आयफोन्स, आयपॅड्सवर सुद्धा मराठीत टाईप करणं सहजसोपं झालं आहे. या अपडेटमध्ये बंगाली, गुजराती, तमिळ, तेलुगू भाषांना सुद्धा सपोर्ट जोडण्यात आला आहे. सोबतच आता या अपडेटमध्ये अनेक सोयी स्मार्ट सुविधा जसे कि आपण पुढे कोणती इमोजी, GIFs किंवा स्टिकर पाठवणार आहे याबद्दल AI चा (कृत्रिम बुद्धिमत्ता) वापर करत अंदाज करून स्वतः समोर आणून देईल ज्यामुळे आपण लगेच ती इमोजी निवडून पाठवू शकू!
Gboard च्या Version 1.37.0 मध्ये हे सर्व बदल पाहायला मिळतील.

यामध्ये ट्रान्सलिटरेशनची सोय आहे त्यामुळे आपण हव्या असलेल्या शब्दाचं इंग्रजी स्पेलिंग लिहिलं की मराठीत टाईप झालेलं दिसेल… उदा. ‘solapur’ असं टाईप केलं की ‘सोलापूर’ असं टाईप होईल…
   
आयफोनवर मराठी टायपिंगसाठी :  

1. iPhone किंवा iPad वर Gboard इंस्टॉल करा.  
2. आता ज्या ठिकाणी टाईप करायचं आहे ते अॅप उघडा उदा. Gmail, Messaging   
3. कीबोर्डच्या तळाशी पृथ्वीचं आयकॉन (🌐) असेल त्यावर टॅप करून दाबून धरा.  
4. आता Settings आणि मग Languages
5. Add language वर टॅप करा.  
6. इथे मराठी निवडा आणि आता तुमचा आयफोन मराठीत टाईप करण्यासाठी तयार…!

कीबोर्ड लेआऊट बदलण्यासाठी : 

1. Settings उघडा 
2. General पर्याय निवडा
3. आता Keyboard मग Keyboards.
4. आणि आता तुम्हाला हवा असलेला लेआऊट निवडा

Gboard ची वैशिष्ट्ये :

१. कुठल्याही अॅपमध्ये टाईप करता करताच इंटरनेटवर हव्या त्या गोष्टीचा सर्च करता येतो
२. समजा व्हॉटसअॅप चॅटवर व्हिडीओ शेअर करायचा आहे, तर व्हॉटसअॅपमध्येच किबोर्डवर सर्च करून ती लिंक लगेच पोस्ट करता येते. आहे न कमाल !
३. इमोजी शोधता येतात. टाईप केलेल्या मजकुरावरून ईमोजी आपोआप सुचवल्या जातात!
४. GIF  ऍनिमेशन्स किबोर्डमध्येच सर्च करून जोडण्याची सोय!
५. टाईप करता करता भाषांतर करण्याची सोय!
६. रंगसंगती/थिम्स उपलब्ध, आयफोन व अँड्रॉइड दोन्हीसाठी उपलब्ध!
७. आता मराठीमध्येसुद्धा उपलब्ध (१२० हुन अधिक भाषा एकाच कीबोर्डमध्ये!)
८. ट्रान्सलिटेशन सपोर्ट म्हणजे “Google” असं स्पेलिंग टाईप केल्यास “गूगल” असे टाईप होईल!
९. हा कीबोर्ड जसजसे टाईप कराल तसतसं शिकत जातो आणि अधिक सहज शब्द सुचवतो जेणेकरून टायपिंग अधिक सोपं आणि लवकर होतं!
१०. iOS 12.1 मधील नव्या इमोजींना सपोर्ट!

Download Links :

Gboard For iOS

Gboard For Android

search terms marathi typing on iphone iOS iPad easy way Google Gboard Keyboard app for iOS in Marathi

The post आयफोनवरील Gboard आता मराठीत : सोबत अनेक नव्या सोयी! appeared first on MarathiTech - मराठीटेक.

अॅपलच्या WWDC म्हणजे Worldwide Developers Conference कार्यक्रमात सॉफ्टवेअर बाबतीत बर्‍याच नव्या घोषणा करण्यात आल्या होत्या. iOS 12 अपडेबद्दल सुद्धा त्याच वेळी माहिती देण्यात आली होती! आजच्या या लेखामध्ये जाणून घेऊया कोणत्या नव्या गोष्टींचा समावेश या अपडेटद्वारे करण्यात आला आहे… 

iOS 12 : आयओएस ही ऑपरेटिंग सिस्टम आयफोन आणि आयपॅड टॅब्लेटसाठी काम करते. या नव्या अपडेट मध्ये iOS अधिक वेगवान केल्याचा दावा अॅपल केला आहे. हे नवं अपडेट पुढील फोन्स व टॅब्लेटसाठी उपलब्ध होत आहे : iPhone X, iPhone 8 & 8 Plus, iPhone 7 & 7 Plus, iPhone 6S & 6S Plus, iPhone SE, iPhone 6 & 6 Plus, iPhone 5S, iPad Pro (9.7-inch, 10.5-inch & 12.9-inch), iPad (2018), iPad (fifth-gen), iPad Air & iPad Air 2, iPad mini 2, 3 & 4, iPod Touch (sixth-gen)  

iOS 12 अपडेट आता डाउनलोड करण्यासाठी सर्वाना उपलब्ध असून वरील यादीत तुमचा फोन/टॅब्लेट असेल तर तुम्ही Settings app > General > Software Update मध्ये जाऊन अपडेट सुरु करू शकता.  

iOS 12 मधील बदल : 

• सिरी शॉर्टकट्स : यामुळे आता सिरी या अॅपलच्या व्हॉइस असिस्टंटमध्ये काही गोष्टींसाठी आपण स्वतः शॉर्टकट तयार करून नंतर सिरीला त्याबद्दल विचारू शकतो!
• सिरी सजेशन्स : यामुळे सिरी आपण स्पॉटलाईट सर्च सुविधेचा वापर केला असल्यास पुढे काही गोष्टी सिरी स्वतःहुन सुचवेल आपण नुकत्याच केलेल्या क्रियेचा अभ्यास करून हे सजेशन दिलं जाईल. 
• अॅनिमोजी व मेमोजी : Animoji व Memoji : Animoji मध्ये आणखी काही नव्या Animoji उपलब्ध करून देण्यात आल्या असून मेमोजी जे सॅमसंगच्या AR इमोजी प्रमाणे काम करत ज्यात आपण आपल्या स्वतःच्या चेहऱ्याप्रमाणे Animoji तयार करून वापरू शकतो! सोबत iMessage च्या कॅमेराला सुद्धा इफेक्टस देण्यात आले आहेत.    
• अॅपचा डेटा वापर : पूर्वी केवळ बॅटरी बद्दल असलेलय माहितीसोबत आता प्रत्येक अॅपने वापरलेला डेटा सुद्धा पाहता येईल Settings > Cellular
• सुधारित स्क्रिनशॉट्स : आयफोन टेनवर बऱ्याच जणांनी चुकून स्क्रिनशॉट काढले जात असल्याची तक्रार केली होती आता यासाठी बदल करण्यात आले आहेत.   
• सुधारित QR कोड स्कॅनर : आता QR कोड स्कॅनर कंट्रोल सेंटरमध्ये उपलब्ध
• आयफोन टेनमधील जेस्चर्स आता आयपॅडवर उपलब्ध 
• बॅटरी मॅनॅजमेन्ट माहिती : बॅटरी फोन नवा असताना कशी होती आणि आता कशी आहे याबद्दल माहिती!
• पोट्रेट मोडमध्ये सुधारणा 
• सुधारित पासवर्ड मॅनॅजमेन्ट
• फेसआयडीमध्ये सुधारणा 
• Measure अॅप : यामुळे वस्तूंची लांबी मोजणे सोपं झालं आहे. फोनच्या कॅमेराद्वारे सहज करता येईल अशी सोय AR द्वारे साधण्यात आली आहे.               

FaceTime या व्हिडीओ चॅट सुविधेमध्ये एकाचवेळी  तब्बल ३२ जणांशी व्हिडीओ चॅट करता येईल! ही सोय मात्र पुढे ढकलण्यात आली आहे त्यामुळं या अपडेटमध्ये ही उपलब्ध होणार नाही.  

search terms : iOS 12 update now available for download 

The post iOS 12 अपडेट आता उपलब्ध : आयफोन्समध्ये नव्या सोयी! appeared first on MarathiTech - मराठीटेक.

अॅपलच्या WWDC म्हणजे Worldwide Developers Conference कार्यक्रमात सॉफ्टवेअर बाबतीत बर्‍याच नव्या घोषणा करण्यात आल्या आहेत. त्यापैकी खास म्हणजे iOS, macOS, watchOS यांच्यासाठी नवे पर्याय. आजच्या या लेखामध्ये जाणून घेऊया कोणत्या नव्या गोष्टी पाहता येतील.

iOS 12 : आयओएस ही ऑपरेटिंग सिस्टम आयफोन आणि आयपॅड टॅब्लेटसाठी काम करते. या नव्या अपडेट मध्ये iOS अधिक वेगवान केल्याचा दावा अॅपल केला आहे.     कॅमेरा स्वाईपद्वारे ७०% अधिक वेगात उघडेल. ५०% अधिक वेगात किबॉर्ड उघडेल आणि अॅप्स निम्म्या वेळात उघडतील!
FaceTime या व्हिडीओ चॅट सुविधेमध्ये एकाचवेळी  तब्बल ३२ जणांशी व्हिडीओ चॅट करता येईल!

Memoji

स्वतःची Animoji तयार करता येईल! : अॅनिमोजी नंतर आता स्वतःचा चेहरा ऍनिमेटेड स्वरूपात करता येणार आहे . याला अॅपलने मिमोजी (memoji) असं म्हटलं आहे! यासाठी अनेक पर्याय उपलब्ध करून देण्यात आले आहेत! या मिमोजी चॅट दरम्यान सुद्धा वापरात येतील! Koala, tiger, ghost, T. rex यांच्या नव्या अॅनिमोजी देण्यात आल्या आहेत. आता सेन्सर डोळे, चेहरा यांच्याबरोबर जीभेची हालचाल सुद्धा दर्शवतील!

ARKit2 : ऑग्मेंटेड रियालिटी AR साठी नव्या सुविधा आता एकाच वेळी या आभासी जगात दोघांना समाविष्ट करता येणार आणि त्यांना त्या जगात एकमेकांशी संपर्क साधता येईल!
Group Notifications : iOS वर बऱ्याच जणांची मागणी असलेली ही सोया एकदाची उपलब्ध करून देण्यात आली आहे.
फोटो शेअर : आता फोटो मध्ये असलेल्या व्यक्ती आपोआप ओळखून त्यांना फोटो पाठवण्याची सोय देण्यात आली आहे.
सिरी : सिरीला अनेक आज्ञा एकाच वेळी सेट करून त्यांना पुन्हा वापरताना एकाच कीवर्डद्वारे वापरता येईल!

macOS Mojave (मॅकओएस मोहावे) :  डार्क मोड ज्याद्वारे डोळ्यांचा त्रास कमी व्हावा म्हणून सर्व मेन्यू काळ्या/गडद रंगात दिसतील, वेळेनुसार डिस्प्ले रंग बदलेल,  सोबत इतर अनेक लहान बदल. आता बाहेरून GPU/ग्राफिक्स जोडल्यास त्यासाठी ओएसमध्ये उत्तम सपोर्ट मिळेल त्यामुळे गेमिंग आणि एडिटिंग साठी उत्तम कामगिरी मिळेल!

watchOS आणि अॅपल TV साठी सुद्धा बरेच लहान मोठे नवे पर्याय देण्यात आले आहेत! आता दरवेळी हे सिरी म्हणण्याऐवजी केवळ हात उचलला तरी आपोआप कमांड्स ऐकेल! अॅपल टीव्हीवर आता 4K HDR  व्हिडीओ डॉल्बी ऍटमॉस साऊंड सह पाहता येतील!

The post अॅपल WWDC २०१८ : iOS 12, macOS Mojave अपडेट जाहीर! appeared first on MarathiTech - मराठीटेक.