ॲपलने काल झालेल्या कार्यक्रमात नवे आयपॅड सादर केले असून नव्या आयपॅड प्रोमध्ये OLED डिस्प्ले दिला असून यासाठी प्रथमच M4 चिपसुद्धा वापरली आहे.

नव्या आयपॅड प्रो मध्ये आता अधिक पॉवरफुल प्रोसेसर, वजन आणखी कमी आणि जाडीसुद्धा बरीच कमी झाली आहे. १३ इंची आयपॅड प्रो तर फक्त 5.1mm जाडीचा आहे! हे आजवरचं सर्वात कमी जाडीचं ॲपल प्रॉडक्ट असल्याचं सांगितलं आहे! यामध्ये Ultra Retina XDR OLED डिस्प्ले असून याची peak HDR brightness 1,600 nitsआहे!

iPad (10th-generation) ची किंमत आता ₹34,999

iPad Air च्या भारतातल्या किंमती : 11-inch WiFi: ₹59,900 Celluar: ₹74,900 आणि 13-inch WiFi: ₹79,900 Celluar: ₹94,900 पासून सुरू

iPad Pro च्या भारतातल्या किंमती : 11-inch WiFi: ₹99,900 Celluar: ₹1,19,900 आणि 13-inch WiFi: ₹1,29,900 Celluar: ₹1,49,900 पासून सुरू

Apple Pencil Pro : ₹11,900

The post ॲपलचे नवे आयपॅड सादर : iPad Pro, iPad Air, M4 Chip, Pencil Pro! appeared first on MarathiTech - मराठीटेक.

अनेक दिवस चर्चा सुरू असलेला सॅमसंगच्या फ्लॅगशिप S23 सिरीजमधील फॅन एडिशन फोन Galaxy S23 FE काल भारतात सादर झाला आहे. यापूर्वीच्या S21FE नंतर थेट S23FE बाजारात येणार आहे. नव्या प्रोसेसरसह नवी किंमतसुद्धा आली आहे. या फोनसोबत Tab S9 FE हा टॅब्लेट आणि Buds FE हे इयरफोन्ससुद्धा सादर झाले आहेत.

या फोनमध्ये Exynos 2200 प्रोसेसर, 6.4″ Dynamic AMOLED 2X डिस्प्ले, 50MP+12MP+8MP असा मुख्य कॅमेरा आणि 10MP चा फ्रंट कॅमेरा, 8GB रॅम, 256GB स्टोरेज, 4500mAh बॅटरी, फक्त 25W चं फास्ट चार्जिंग, IP68, WiFi6E अशा सोयी मिळणार आहेत.

या फोनची किंमत ५९९९९ ठेवण्यात आली असून सध्याच्या फोन्सच्या तुलनेत खूपच जास्त आहे. शिवाय बाकीच्या देशांत Snapdragon 8 Gen 1 प्रोसेसर असताना भारतात मात्र Exynos प्रोसेसर देण्यात आला आहे. यावर मिळणारी HDFC ग्राहकांना मिळणारी १०००० सूट धरली तरीही हा फोन महागच वाटेल. लवकरच फ्लिपकार्टचा बिग बिलियन डेज आणि Amazon चा ग्रेट इंडियन फेस्टिव्हल सेल सुरू होत आहे त्यामध्ये यापेक्षा चांगले फोन्स कमी किंमतीत मिळतील!

डिस्प्ले : 6.74″ FHD+ Dyanamic AMOLED 2X display 120Hz refresh rate, HDR10+
प्रोसेसर : Exynos 2200
रॅम : 8GB
कॅमेरा : 50MP+12MP+8MP
फ्रंट कॅमेरा : 10MP
बॅटरी : 4500mAh 25 watt wired
ऑपरेटिंग सिस्टम : Android 13 OneUI 5.1
इतर : In-display fingerprint scanner, 5G, Bluetooth 5.3, NFC, WiFi6E, IP68 water resistance
किंमत :
8GB+128GB ₹59999
8GB+256GB ₹64999

Tab S9 FE मध्ये 10.9″ LCD डिस्प्ले, Exynos 1380 प्रोसेसर, 8GB रॅम, 256GB स्टोरेज (1TB पर्यंत वाढवता येईल), 8MP कॅमेरा, 12MP Ultrawide फ्रंट कॅमेरा, 8000mAh बॅटरी, AKG with Dolby Atmos, 5G, Wi-Fi 6, Bluetooth 5.3 अशा सोयी मिळतील. याची किंमत ३६९९९ पासून सुरू होते यामध्ये आणखी एक मॉडेल मिळत असून Tab S9 FE+ ची किंमत ४६९९९ इतकी आहे.

Galaxy Buds FE मध्ये Active Noise Cancellation (ANC), AI-powered Deep Neutral Network (DNN), up to 30 hours playback time, Bluetooth 5.2, AAC SBC audio codecs असे फीचर्स आहेत. याची किंमत ९९९९ असून सेलमध्ये हा ७९९९ पर्यंत मिळू शकेल.

The post सॅमसंगचा Galaxy S23 FE सादर : सोबत Tab S9 FE व Buds FE appeared first on MarathiTech - मराठीटेक.

ॲपलने काल झालेल्या कार्यक्रमात त्यांचे दोन नवे आयपॅड व आयपॅड प्रोची नवी आवृत्ती जाहीर केली आहे. नव्या आयपॅड प्रो 2022 मध्ये मॅकबुकमध्ये असलेला M2 प्रोसेसर देण्यात आला असून हा प्रोसेसर M1 च्या तुलनेत १५ टक्के अधिक वेगाने काम करतो!

नेहमीच्या बेसिक आयपॅड मॉडेलमध्ये आता A14 Bionic प्रोसेसर देण्यात आला आहे. यामध्ये 10.9 इंची डिस्प्ले, 500nits ब्राइटनेस, 12MP Landscape Front कॅमेरा जो सेंटर स्टेज सपोर्ट करेल, WiFi6, Type C Port, 5G चा पर्याय आणि उजव्या बाजूला पॉवर बटनमध्येच फिंगरप्रिंट स्कॅनर (TouchID) दिला आहे. या आयपॅडला पहिल्या जनरेशनच्या ॲपल पेन्सिलचा सपोर्ट दिला आहे. त्या ॲपल पेन्सिलला चार्ज करण्यासाठी तुम्हाला वेगळा adapter लागेल कारण ही जुनी पेन्सिल Type C वापरत नाही.

या आयपॅडची किंमत भारतात ₹४४,९०० (64GB Wifi), ₹५९,९०० (64GB WiFi+5G), ₹५९,९०० (256GB WiFi), ₹७४,९०० (256GB WiFi+5G) अशी असेल.

आयपॅड प्रोच्या नव्या आवृत्तीमध्ये M2 प्रोसेसर, 11″/12.9″ डिस्प्ले, 12.9″ मध्ये XDR डिस्प्ले, 12MP Main + 10MP Ultrawide लेन्स आणि 12MP TrueDepth फ्रंट लेन्स आहे. यावेळी या कॅमेराने चक्क ProRes फॉरमॅटमध्ये 4K व्हिडिओ रेकॉर्डिंग करता येणार आहे. यासोबत WiFi6E, 5G, Bluetooth 5.3, USB Type C Thunderbolt Support सुद्धा आहेच.

नव्या आयपॅड प्रो मध्ये ॲपल पेन्सिलला Hover Experiance देण्यात आला आहे ज्यामुळे ही पेन्सिल स्क्रीनपासून 12mm वर असेल तरीही ती स्क्रीनवर टेकवल्यावर कशी दिसेल याचा अंदाज आधीच घेणं शक्य होईल.

या आयपॅड प्रोची किंमत ११ इंची WiFi मॉडेलमध्ये पुढीलप्रमाणे : ८१९०० (128GB), ९१९०० (256GB), १,१९,९०० (512GB), १५१९०० (1TB), १९१९०० (2TB)
या आयपॅड प्रोची किंमत १२.९ इंची WiFi मॉडेलमध्ये पुढीलप्रमाणे : १,१२,९०० (128GB), १,२९,९०० (256GB), १,४२,९०० (512GB), १८२,९०० (1TB), २,२९,९०० (2TB)

तसं पाहायला गेलं तर यावेळच्या आयपॅड प्रोमध्ये विशेष असं काही नवीन नाही. M2 प्रोसेसर हा अधिक पॉवरफुल असला तरी आयपॅडच्या मर्यादित ओएसमुळे त्याचा काहीच उपयोग होणार नाही.

ॲपलची नवी iPadOS 16.1 २४ ऑक्टोबरपासून सर्व आयपॅडवर उपलब्ध होणार आहे. यावेळी Stage Manager, Live Text, Visual LookUp, Message Editing, External Display Support अशा सोयी असतील.

The post ॲपलचा नवा आयपॅड व iPad Pro सादर : प्रो मॉडेल आता M2 प्रोसेसरसह! appeared first on MarathiTech - मराठीटेक.

शायोमीने बऱ्याच महिन्यांनी भारतात त्यांचा नवा टॅब्लेट आणला असून हा Xiaomi Pad 5 चीनमध्ये गेल्यावर्षीच सादर झाला होता. याचं डिझाईन बऱ्यापैकी ॲपलच्या आयपॅडसारखंच आहे. अगदी युजर इंटरफेससुद्धा जसाच्या तसाच! यामध्ये ११ इंची 2.5K LCD डिस्प्ले देण्यात आला आहे. Snapdragon 860 हा प्रोसेसर यामध्ये पाहायला मिळेल.

डिस्प्लेचा रिफ्रेश रेट 120Hz असून P3 color gamut, Dolby Vision, TrueColor आणि HDR10 चा सपोर्ट देण्यात आला आहे. 8MP चा फ्रंट कॅमेरा आणि 13MP चा बॅक/रियर कॅमेरा आहे. Snapdragon 860 प्रोसेसर, 6GB पर्यंत LPDDR4x रॅम, 256GB चं UFS 3.1 स्टोरेज, 8720mAh ची बॅटरी आणि सोबत 33W फास्ट चार्जिंग सपोर्ट आहे.

इतर गोष्टींमध्ये WiFi 5, Bluetooth 5.0 आणि Type-C USB पोर्ट दिलेलं आहे. यामधील Quad Speakers ना डॉल्बी atmos चा सपोर्ट आहे. Android 12 आधारित MIUI13 चा समावेश केलेला आहे.

त्यांनी या टॅब्लेटसोबत Xiaomi Smart Pen आणि Smart Keyboard जाहीर केला आहे.

या टॅब्लेटची किंमत २६९९९ (6GB+128GB) आणि २८९९९ (6GB+256GB) अशी असणार आहे. मात्र नवीन लॉंचनिमित्त ऑफर अंतर्गत अनुक्रमे २४९९९ आणि २६९९९ या किंमतीत खरेदी करता येतील. शिवाय HDFC बँक क्रेडिट कार्ड वापरल्यास २००० चा डिस्काउंट मिळेल. हा टॅब्लेट ३ मेपासून सर्वत्र खरेदीसाठी उपलब्ध होईल.

The post Xiaomi Pad 5 टॅब्लेट भारतात सादर : 2.5K डिस्प्लेसह आयपॅडसारखं डिझाईन! appeared first on MarathiTech - मराठीटेक.

ॲपलने त्यांच्या स्वस्त फोन्सच्या iPhone SE मालिकेत नवा स्मार्टफोन आणला असून यामध्ये iPhone 13 मध्ये असलेली A15 Bionic चिप देण्यात आली आहे. शिवाय यामध्ये सुधारित कॅमेरा, सुधारित हार्डवेअर देण्यात आलं आहे. यामधील ग्लाससुद्धा आयफोन 13 मध्ये असलेलाच आहे!

या फोनमध्ये 4.7″ Retina HD डिस्प्ले, A15 Bionic प्रोसेसर, IP67 वॉटर रेझिस्टन्स, 12MP कॅमेरा, 4K 60fps Video Recording, 5G, Wi-Fi 5, Bluetooth 5, NFC आणि Lightning port देण्यात आलेलं आहे. फिंगरप्रिंटसाठी TouchID चाच जुना पर्याय आहे. Qi wireless charging चा सुद्धा सपोर्ट आहे.

या फोनची भारतातली किंमत ४३,९०० (64GB) अशी असणार आहे. यामध्ये 128GB आणि 256GB चासुद्धा पर्याय उपलब्ध आहे.

याची किंमत फीचर्सच्या तुलनेत नक्कीच खूप जास्त आहे. शिवाय आधीच्या SE मॉडेलपेक्षा थोडी वाढली सुद्धा आहे. मात्र ॲपल युजर्सना छोट्या स्क्रीनचा फास्ट फोन हवा असल्यास त्यांच्यासाठी हा योग्य पर्याय ठरणार आहे. शिवाय पहिल्यांदा ॲपलचा फोन घेण्यासाठी स्वस्त पर्याय म्हणता येईल.

याच कार्यक्रमात iPhone 13 आणि iPhone 13 Pro साठी नवा हिरवा रंग उपलब्ध करून देण्यात आला आहे. शिवाय iPad Air 5th Gen आणि Mac Studio चीही घोषणा करण्यात आली आहे.

iPad Air 2022 मध्ये आता M1 चिप देण्यात आली असून नवा 12MP Center Stage असलेला कॅमेरा देण्यात आला आहे. याची किंमत भारतात ५४,९०० रुपये इतकी असणार आहे.

The post ॲपलचा नवा स्वस्त आयफोन SE 5G 2022 सादर : सोबत नवा iPad Air जाहीर! appeared first on MarathiTech - मराठीटेक.