गेली अनेक वर्षं डिझाइन, कंटेंट क्रिएशन आणि डिजिटल मार्केटिंग क्षेत्रात ज्या प्लॅटफॉर्मने मोठा प्रभाव टाकला, त्या Freepik ने आता आपले नाव बदलून Magnific असे केले आहे. हा केवळ ब्रँडिंगमध्ये करण्यात आलेला बदल नसून एका स्टॉक फोटोज् वेबसाइटपासून संपूर्ण AI आधारित क्रिएटिव्ह इकोसिस्टममध्ये झालेलं परिवर्तन आहे.

नवी वेबसाइट : https://www.magnific.com

भारतामध्ये Freepik हा अनेक डिझाइनर्स, फ्रीलान्सर्स, स्टार्टअप्स आणि सोशल मीडिया मॅनेजर्ससाठी आवडीचा प्लॅटफॉर्म बनला आहे. इथे उपलब्ध असलेल्या व्हेक्टर ग्राफिक्स, इलस्ट्रेटर आणि फोटोशॉप फाइल्स, इमेजेस, स्टॉक फोटोज् त्यांतर आयकॉन्स, टेंप्लेट्स, म्युझिक, व्हिडिओज् असा कंटेंट मोफत आणि सोबत सबस्क्रिप्शन मध्येही उपलब्ध आहे.

• लाखो भारतीय युजर्स Freepik वरून free vectors, PSD files, icons आणि stock images डाउनलोड करतात.
• Social media managers आणि marketers साठी ready-made templates
• Canva, Photoshop आणि social media creatives साठी Freepik assets मोठ्या प्रमाणावर वापरले जातात.
• कार्यक्रमांच्या पत्रिका, स्टोरीज्, सोशल मीडिया पोस्ट्स ह्या सर्व प्रकारच्या कामांसाठी यावर कंटेंट उपलब्ध आहे.
• छोटे व्यवसाय, YouTubers आणि Instagram creators साठी हे एक चांगलं माध्यम आहे.

विशेष म्हणजे, Freepik ने “freemium model” वापरून भारतीय मार्केटमध्ये मोठी पकड मिळवली होती. कालांतराने AI टूल्सचा समावेश वाढवत नेला आणि आता स्टॉक कंटेंटसोबत AI टूल्सचं सबस्क्रिप्शन घ्यावंच लागतं. स्टॉक इमेजेस प्लॅटफॉर्मवरून आता पूर्ण AI creative suite उपलब्ध करून देण्यात आला आहे.

नवं नाव खरं तर आधी एका magnific.ai कंपनीचं होतं. ती कंपनी फ्रीपिकने विकत घेऊन आता स्वतःच्या कंपनीचं नावच magnific ठेवलं आहे! त्यांच्या Creative Suite मध्ये AI image generation, AI video creation, Advanced editing tools, Enterprise-level creative solutions मिळतात.

AI मुळे आता creativity अधिक सोप्या रूपात प्रत्येकाला उपलब्ध झाली आहे. भविष्यात डिझायनर्स फक्त ग्राफिक असेट्स वापरणार नाहीत, तर AI टूल्सचा वापर करून स्वतः कंटेंट तयार करतील.

The post Freepik कंपनीचं नवं नाव आता Magnific : स्टॉक फोटोज् व AI टूल्ससाठी प्रसिद्ध appeared first on MarathiTech - मराठीटेक.

जगभरातील सर्वात मोठ्या कंपन्यापैकी एक असलेली प्रमुख ॲपल कंपनीने त्यांचा नवीन CEO (मुख्य कार्यकारी अधिकारी) जाहीर केला असून सध्याचे सीईओ टिम कुक यांच्या नंतर ही जबाबदारी आता जॉन टर्नस (John Ternus) यांच्याकडे सोपवण्यात आली आहे. ॲपलकडून हा निर्णय अधिकृतपणे जाहीर करण्यात आला आहे.

जॉन टर्नस हे ॲपलमध्ये दीर्घकाळ काम करत आहेत (जवळपास २५ वर्षं) आणि सध्या ते हार्डवेअर विभागाचे प्रमुख आहेत. iPhone, Mac, iPad यांसारख्या कंपनीच्या महत्त्वाच्या उत्पादने डिझाईन करण्यात त्यांचा थेट सहभाग राहिला आहे. ॲपलच्या उत्पादनांची गुणवत्ता, त्यांची रचना आणि कामगिरी यामागे टर्नस यांचा मोठा वाटा मानला जातो. त्यामुळेच कंपनीच्या आत त्यांना विश्वासू आणि महत्त्वाचे नेतृत्व मानले जाते.

ॲपलने काही वर्षांपूर्वी स्वतःचे ॲपल सिलिकॉन चिप तयार करून मॅकमध्ये वापरण्याचा मोठा निर्णय घेतला. या बदलामुळे मॅकबुक्सची गती वाढली आणि बॅटरीही जास्त काळ टिकू लागली. या संपूर्ण प्रक्रियेत जॉन टर्नस यांची भूमिका खूप महत्त्वाची होती. यामुळे कंपनीने इतरांवर अवलंबून राहण्याऐवजी स्वतःची ताकद वाढवली.

सीईओपदाची जबाबदारी स्वीकारताना टर्नस यांच्यासमोर अनेक मोठी आव्हानं असतील. ॲपल ही केवळ उत्पादन बनवणारी कंपनी नाही, तर ती विविध सेवा आणि काही प्रमाणात त्यांच्या उत्पादनांसाठी सॉफ्टवेअर तयार करणारी कंपनी आहे. या सर्व गोष्टींचा समतोल राखत पुढे जाणं आणि नवीन तंत्रज्ञान, विशेषतः कृत्रिम बुद्धिमत्ता (AI) मध्येही कंपनीने आघाडी टिकवणं आवश्यक आहे.

टिम कुक यांच्या काळात ॲपलने आर्थिकदृष्ट्या मोठी झेप घेतली. त्यांचं मार्केट कॅपिटल तब्बल ४ ट्रिलीयन डॉलर्सच्या वर गेलं होतं. आता टर्नस यांच्या नेतृत्वाखाली कंपनी पुन्हा उत्पादनांमध्ये नवे बदल आणि सुधारणा आणण्यावर अधिक भर देईल, अशी अपेक्षा आहे.

ॲपलने केलेल्या अधिकृत घोषणेनुसार, हा बदल अचानक घेतलेला निर्णय नाही, तर अनेक वर्षांच्या नियोजनानंतर घेतलेला आहे. कंपनीच्या संचालक मंडळाने एकमताने हा निर्णय मंजूर केला आहे. टिम कुक हे १ सप्टेंबर २०२६ पर्यंत सीईओ पदावर राहणार आहेत. यानंतर Tim Cook हे ॲपलचे Executive Chairman म्हणून काम पाहणार आहेत. या नव्या भूमिकेत ते कंपनीला धोरणात्मक मार्गदर्शन देतील. म्हणजेच, ते पूर्णपणे कंपनीपासून दूर जाणार नाहीत तर कार्यकारी अध्यक्ष म्हणून महत्त्वाची भूमिका निभावतील.

जॉन टर्नस यांनीही या नव्या जबाबदारीबद्दल भावना व्यक्त करताना सांगितलं की, ॲपलमध्ये जवळपास संपूर्ण कारकीर्द घालवताना त्यांना स्टीव्ह जॉब्स आणि टिम कुक यांच्यासोबत काम करण्याची संधी मिळाली, जी त्यांच्या दृष्टीने खूप महत्त्वाची आहे. त्यांनी पुढे कंपनीची दिशा कायम ठेवत नवनवीन उत्पादने आणि अनुभव तयार करण्यावर भर देण्याची तयारी दर्शवली आहे.

एकूणच, जॉन टर्नस यांची सीईओ म्हणून नियुक्ती ही ॲपलसाठी महत्त्वाचा टप्पा मानली जात आहे. कंपनीची ओळख जपत नवे बदल घडवून आणण्याची जबाबदारी आता त्यांच्या खांद्यावर आहे. पुढील काही वर्षांत ॲपल कोणत्या दिशेने जातं, हे पाहणं उत्सुकतेचं ठरणार आहे.

ॲपलचे स्थापनेपासून आजवरचे सीईओ :

1. Michael Scott (1977–1981)
2. Mike Markkula (1981–1983)
3. John Sculley (1983–1993)
4. Michael Spindler (1993–1996)
5. Gil Amelio (1996–1997)
6. Steve Jobs (1997–2011)
7. Tim Cook (2011–2026)
8. John Ternus (2026-)

The post ॲपलचे नवे सीईओ जॉन टर्नस : टिम कुक यांच्यानंतर घेणार जबाबदारी! appeared first on MarathiTech - मराठीटेक.

ॲपलने आज नवा लॅपटॉप सादर केला असून ही मॅकबुक निओ त्यांचा उपलब्ध असलेला सर्वात स्वस्त लॅपटॉप असेल. यामध्ये आयफोन १६ मधील प्रोसेसर देण्यात आला असून याची किंमत भारतात ₹६९,९०० पासून सुरू होईल.

या मॅकबुक निओमध्ये अल्युमिनीयम बॉडी, 13-inch 60Hz 10-bit IPS डिस्प्ले, 8GB रॅम, 256GB/512GB स्टोरेज, मॅजिक किबोर्ड, मल्टीटच ट्रॅकपॅड, 1080p कॅमेरा, दोन USB-C पोर्ट (पैकी एक USB 3 आणि दुसरा USB 2), हेडफोन जॅक, spatial audio व Dolby Atmos सपोर्ट असलेले स्पीकर्स अशा सोयी मिळतील.

यामधील 8GB च्या रॅमचा एकमेव पर्याय असून ही वाढवता येणार नाही. शिवाय TouchID चा पर्याय फक्त 512GB स्टोरेज असलेल्या मॉडेलमध्येच मिळेल. यामधील चार्जिंगसुद्धा जुनं 20W चं स्लो चार्जर आहे. इतर मॅकबुक प्रमाणे यामधील USB मध्ये Thunderbolt ports किंवा MagSafe चा सपोर्ट नाही. 36.5Wh बॅटरी १६ तासांची बॅटरी लाईफ मिळेल असं सांगितलं आहे. यामध्ये Wi-Fi 6E & Bluetooth 6 असेल आणि याचं वजन 1.23 kg आहे. Silver, Blush, Citrus आणि Indigo या चार रंगाचा पर्याय आहे.

नवीन मॅकबुक मुख्यतः विद्यार्थ्याना समोर ठेऊन बनवण्यात आला आहे ज्याना स्वस्त मॅकचा (तुलनेने स्वस्त) पर्याय हवा आहे. स्वस्त विंडोज लॅपटॉप किंवा गूगलच्या क्रोमबुकला हा आता नवा पर्याय असेल. भारतात याची किंमत ६९,९०० (256GB) आणि ७९,९०० (512GB) अशी असेल.

ॲपलने कालच नवीन MacBook Air M5 व MacBook Pro M5/M5 Pro/M5 Max सुद्धा जाहीर केले आहेत. गेल्यावर्षीच्या तुलनेत यावेळी किंमत वाढली असून MacBook Air M5 ची किंमत ₹1,19,900 पासून तर MacBook Pro M5 ची किंमत ₹1,89,900 पासून सुरू होईल.

MacBook Air M5 : M5 प्रोसेसर, 10-core CPU, 8-core GPU, 16-core Neural Engine, 16GB RAM, Wi-Fi 7 and Bluetooth 6, 512GB Base storage, 13.6″/15.3″ डिस्प्ले, 30W चार्जिंग, उपलब्ध रंग : Sky Blue, Midnight, Starlight व Silver

MacBook Pro M5 : M5/M5 Pro/M5 Max प्रोसेसर, 24GB RAM, Wi-Fi 7 and Bluetooth 7, 512GB Base storage, 14″/16″ miniLED डिस्प्ले, 140W चार्जिंग, उपलब्ध रंग : Space Black व Silver

यासोबतच Studio Display (27″ 5K 60Hz LCD) ज्याची किंमत १८९९०० आणि Studio Display XDR (27″ 5K Retina XDR mini-LED) ज्याची किंमत ३९९९०० इतकी आहे! iPhone 17e हा नवा आयफोन सुद्धा जाहीर झाला असून याची किंमत ₹64,900 इतकी आहे.

हे सर्व मॉडेल्स ११ मार्च पासून खरेदीसाठी उपलब्ध होतील.

The post ॲपलचा सर्वात स्वस्त लॅपटॉप MacBook Neo सादर! appeared first on MarathiTech - मराठीटेक.

सॅमसंगने काल रात्री झालेल्या कार्यक्रमात त्यांच्या फ्लॅगशिप Galaxy S सिरीजमधील Galaxy S26, Galaxy S26+ आणि S26 Ultra हे स्मार्टफोन्स सादर केले आहेत. यावेळी प्रथमच प्रायव्हसी डिस्प्लेची नवी सोय दिली असून यामुळे आपल्या फोनची स्क्रीन फक्त आपल्यालाच दिसेल. दरवर्षीप्रमाणे यंदाही कंपनीने कॅमेरा, परफॉर्मन्स आणि AI फीचर्समध्ये काही महत्त्वाचे बदल केले आहेत.

Snapdragon 8 Elite Gen 5 प्रोसेसर आणि Android 16 आधारित One UI 8.5 ओएस असणार आहे. Now Nudge, Now Brief, Circle to Search with Google, Creative Studio, Enhanced Nightography Video अशा सुधारित सोयी जोडण्यात आल्या आहेत.

Samsung Galaxy S26 : 6.3-inch FHD+*, Dynamic AMOLED 2X Display    120Hz adaptive refresh rate, 12MP Ultra-Wide + 50MP Wide + 10MP Telephoto Camera, 12MP Front Camera, 12 + 512GB/12 + 256GB, battery 4300 mAh 25W Charging, Android 16 One UI 8.5

Samsung Galaxy S26+ : 6.7-inch QHD+*, Dynamic AMOLED 2X Display , 120Hz adaptive refresh rate, 12MP Ultra-Wide + 50MP Wide + 10MP Telephoto Camera, 12MP Front Camera, 12 + 512GB/12 + 256GB, battery 4900 mAh 45W Charging, Android 16 One UI 8.5

Samsung Galaxy S26 Ultra : 6.9-inch QHD+*, Dynamic AMOLED 2X Display    120Hz adaptive refresh rate, 12MP Ultra-Wide + 50MP Wide + 10MP Telephoto Camera, 12MP Front Camera, 16GB + 1TB / 12GB+512GB / 12GB+256GB, battery 5000 mAh 60W Charging, Android 16 One UI 8.5

या फोन्सची भारतीय किंमत खालीलप्रमाणे :.

• Samsung Galaxy S26 : ₹87,999 पासून
• Samsung Galaxy S26+ : ₹1,19,999 पासून
• Samsung Galaxy S26 Ultra : ₹1,39,999 पासून

या फोन्ससोबत Galaxy Buds4 आणि Buds4 Pro सुद्धा सादर झाले आहेत. Buds4 ची किंमत १६९९९ आणि Buds4 Pro ची २२९९९ असणार आहे

नव्या फोन्समध्ये आधीच्या मॉडेलच्या तुलनेत फारसा काही बदल दिसून येत नाही आणि त्यात किंमतसुद्धा वाढवण्यात आली आहे. बॅटरी लाईफसुद्धा आणखी वाढवायला हवी होती. आता इथून पुढे फोन्सच्या किंमती वाढणार हे उघड असलं तरी हा बदल सॅमसंगच्या ग्राहकांना कितपत आवडेल याची शंका आहे.

The post सॅमसंगचे Galaxy S26, S26+ आणि S26 Ultra सादर! appeared first on MarathiTech - मराठीटेक.

काही दिवसांपूर्वी अँथ्रोपिक (Anthropic) या AI क्षेत्रातील आघाडीच्या कंपनीने त्यांच्या Claude AI सेवेमधील Cowork Agent साठी ११ नवीन प्लगइन्स आणले ज्याद्वारे जगभरातील कायदाविषयक, सेल्स (विक्रीविषयक), मार्केटिंग आणि डेटा अॅनॅलिसिस कामे ऑटोमेट म्हणजेच या AI Agent द्वारे स्वयंचलित करता येऊ शकतात.

• लीगल (Legal) आणि करारांची पडताळणी: वकिलांच्या किंवा लीगल टीमच्या मदतीशिवाय कायदेशीर कागदपत्रे वाचणे, समजून घेणे आणि त्यावर कार्यवाही करणे.
• कोडिंग आणि डेटा ॲनालिसिस: ज्युनिअर इंजिनिअर्स जी कामे तासनतास करत असत, ती कामे हे AI एजंट काही मिनिटांत आणि अधिक अचूकपणे करू शकते.
• स्वयंचलित वर्कफ्लो: सेल्स, मार्केटिंग आणि ॲडमिनशी संबंधित कामे (उदा. ईमेल पाठवणे, रिपोर्ट्स बनवणे) पूर्णपणे ऑटोमेट करणे.

या नव्या टूलमुळे SaaS म्हणजेच सॉफ्टवेअर अॅज ए सर्व्हिस प्रकारचा सेवा देणाऱ्या मोठ्या कंपन्यांचा व्यवसाय कमी होऊ शकतो अशी भीती दिसू लागल्याने आधी अमेरिकेतील स्टॉक मार्केट आणि आज भारतातील स्टॉक मार्केटमधील आयटी कंपन्यांचे शेयर्स मोठ्या प्रमाणात घसरले आहेत!

NIFTY IT निर्देशांक जवळपास 6.3% ने घसरला असून ही मार्च २०२० नंतरची सर्वात मोठी घसरण असेल. Infosys, TCS, Wipro, HCL Tech आणि Persistent Systems यांच्या शेअर्समध्ये सुमारे ४ ते ७% पर्यंत घसरण झाली. काही कायदा-सॉफ्टवेअर कंपन्यांचे शेअर्स १०%-२०% पर्यंत खाली आलेत.

सोप्या भाषेत सांगायचे तर, अमेरिकन आणि युरोपियन क्लायंट्ससाठी कोडिंग, टेस्टिंग आणि मेंटेनन्सची कामे करण्यासाठी भारतीय कंपन्या हजारो इंजिनिअर्सना कामावर ठेवतात. जर AI एजंट एका तासात १० माणसांचे काम करू लागले, तर IT कंपन्यांचे ‘बिलिंग’ (Billable Hours) कमी होतील. कोडिंग, टेस्टिंग आणि डेटा एंट्रीसारखी जी कामे फ्रेशर्स किंवा ज्युनिअर लेव्हलवर केली जात होती, ती आता AI स्वतः करू शकेल. त्यामुळे क्लायंट्सना मोठ्या IT टीमची गरज उरणार नाही.

‘SaaSpocalypse‘ ची भीती: जागतिक स्तरावर याला ‘SaaSpocalypse’ (सॉफ्टवेअर-ॲज्-अ-सर्व्हिसचा अंत) असे म्हटले जात आहे. जर AI स्वतः सॉफ्टवेअर डेव्हलप आणि मॅनेज करू शकत असेल, तर महागड्या सॉफ्टवेअर सबस्क्रिप्शनची गरज कमी होईल.

अँथ्रोपिकच्या नवीन प्लग्इन्समुळे “AI आता माणसांची जागा घेण्यास सज्ज झाले आहे,” हा संदेश गेला आहे. यामुळे भारतीय IT कंपन्यांच्या मनुष्यबळ-आधारित (Manpower-heavy) बिझनेस मॉडेलवर प्रश्नचिन्ह उभे राहिले आहे. आपण सध्या AI टूल्समध्ये ChatGPT किंवा Gemini चाच वापर करताना पाहत असतो मात्र सॉफ्टवेअर कोडिंग किंवा आयटीमधील सेवांमध्ये Claude AI त्यांच्यापेक्षा चांगलं मॉडेल देत आहे.

गेले काही महिने अनेक आयटी कंपन्यांमध्ये कर्मचारी कपात सुरू असून कोरोना काळात मोठ्या प्रमाणात झालेली भरती हे कारण सांगितलं जात होतं. आता मात्र स्पष्टपणे AI मुळेच पुढील नोकऱ्यांचं प्रमाण कमी होत आहे हे दिसून येत आहे. आता या नव्या टूल मुळे तर थेट कंपन्यांच्याच भविष्याबद्दल मार्केटच्या मनात शंका उत्पन्न झाली आहे त्यामुळेच ही शेयर्सची पडझड दिसून येत आहे.

The post Anthropic च्या नव्या AI प्लगइन्समुळे जगभरात आयटी शेयर्स घसरले! appeared first on MarathiTech - मराठीटेक.