BroadBand Archives - MarathiTech - मराठीटेक

आता एयरटेल ब्रॉडब्रॅंड सुद्धा देणार सर्व प्लॅन्सवर अनलिमिटेड डेटा!

Sooraj Bagal — Tue, 08 Sep 2020 06:50:40 +0000

काही दिवसांपूर्वीच रिलायन्स जिओने त्यांच्या सर्व फायबर ब्रॉडब्रॅंडचा मर्यादित डेटा बंद करून अनलिमिटेड डेटा देण्याचं जाहीर केल्यावर लगेच एयरटेलनेसुद्धा सर्व प्लॅन्सवर अमर्याद डेटा देणार असल्याचं जाहीर केलं आहे. शिवाय 499 रुपयांचा नवा प्लॅन आणण्यात आला असून यामध्ये 40Mbps स्पीड मिळेल.

एयरटेलच्या ब्रॉडबॅंड सेवेचं नाव Xstream Fiber असं असून ही सेवा जिओ फायबरच्या आधीपासून सुरू आहे मात्र अजूनही जिओपेक्षा बऱ्याच कमी ठिकाणी उपलब्ध आहे. आजपर्यंत एयरटेल ग्राहकांना त्यांच्या प्लॅन्समध्ये अनलिमिटेड डेटा हवा असेल तर अधिकचे २९९ रुपये मोजावे लागत होते मात्र आता आहे त्या प्लॅन्सच्या किंमतीतच अमर्याद डेटा मिळेल. सोबत Airtel Xstream द्वारे १००००+ चित्रपट, मालिका, 7 OTT अॅप्सची सेवा मिळेल. सर्व प्लॅन्समध्ये Airtel Xstream 4K TV Box मिळेल! यासाठी १५०० डिपॉजिट मात्र भरावं लागेल जे तुम्ही सेवा बंद केली तर परत मिळेल. ९९९, १४९९ आणि ३९९९ च्या प्लॅन्सवर Disney+ Hotstar, Amazon Prime Video व ZEE5 सुद्धा मिळतील!

Image Source : TelecomTalk

ब्रॉडब्रॅंड क्षेत्रात आता तीव्र स्पर्धा सुरू होणार हे स्पष्ट आहे. अजूनही बरेच महीने अनेक कर्मचारी घरूनच काम करणार असं चित्र असल्याने याचा फायदा ग्राहक आणि कंपन्या दोघांनाही होऊ शकतो.

काही दिवसांपूर्वी जिओने truly unlimited डेटा देणार असं म्हटलं होतं पण प्रत्यक्षात या सर्व प्लॅन्सवर (500 Mbps plan or 1 Gbps प्लॅन सोडून) 3.3TB डेटाची मर्यादा आहे. वास्तविक पाहता इतका वापर होणं जवळपास अशक्य आहे मात्र तरीही असं truly unlimited मार्केटिंग करून डेटा कॅप लावणं नक्कीच एकप्रकारे फसवणूक आहे. एयरटेलला सुद्धा अशीच मर्यादा आहे याची नोंद घ्यावी.

The post आता एयरटेल ब्रॉडब्रॅंड सुद्धा देणार सर्व प्लॅन्सवर अनलिमिटेड डेटा! appeared first on MarathiTech - मराठीटेक.

रिलायन्स जिओ फायबर सेवा सादर : नोंदणी, प्लॅन्स, सुविधा अशी सर्व माहिती!

Sooraj Bagal — Thu, 05 Sep 2019 16:26:07 +0000

रिलायन्स जिओने त्यांच्या फायबर ब्रॉडब्रॅंड (FTTH) सेवा आजपासून उपलब्ध होत असल्याचं जाहीर केलं असून सेवेबद्दल माहिती, प्लॅन्स जाहीर केली आहे. या सेवेची गेल्या वर्षभरापासून चाचणी सुरू असून आता जवळपास १६०० शहरांमध्ये ही ब्रॉडब्रॅंड इंटरनेट सेवा सोबत डीटीएच सेवा सुद्धा उपलब्ध होत आहे. याद्वारे जिओ 100Mbps ते 1Gbps पर्यंत वेग असलेलं इंटरनेट पुरवणार आहे.

जिओ फायबर सेवेची ठळक वैशिष्ट्ये

अल्ट्रा हाय स्पीड ब्रॉडब्रॅंड (1Gbps पर्यंत इंटरनेट स्पीड!)
मोफत व्हॉइस कॉलिंग, कॉन्फरन्स कॉल आणि इंटरनेट कॉलिंगसुद्धा
टीव्हीद्वारे जिओ वेबकॅममार्फत व्हिडिओ कॉल आणि कॉन्फरन्सिंग (JioTVCamera)
मनोरंजनासाठी विविध OTT सेवामार्फत चित्रपट, मालिका, गाणी उपलब्ध
गेमिंगसाठी विविध पर्याय सेट टॉप बॉक्स सर्व कंट्रोलर्स करेल सपोर्ट! शिवाय जिओ फायबर गेमिंगसाठी झेरो लेटन्सी इंटरनेट पुरवेल
होम नेटवर्किंग घरातील विविध खोल्यांमध्ये वायफाय मेश तयार करून इंटरनेट पुरवता येईल! फोटो, म्युझिक, व्हिडिओ शेयर करण्यासाठी सेवा उपलब्ध!
सुरक्षा : यासाठी safety & surveillance solution उपलब्ध करून दिलं जाईल ज्यामध्ये डोर कॅमेरा, CCTV, बाळांकडे लक्ष ठेवण्यासाठी बेबी मॉनिटरचा समावेश (ही उत्पादने स्वतंत्र उपलब्ध)
VR अनुभव : आभासी जगाची सफर घरबसल्या करण्यासाठी व्हर्च्युअल रियालिटी हेडसेटचा समावेश थिएटरमध्ये बसून चित्रपट पाहण्याचा अनुभव!
जिओ होम गेटवे : हा थोडक्यात राऊटर असेल जो जिओ फायबरद्वारे वायफाय मार्फत सेवा पुरवेल.

Jio Fiber Plans

जसे की तुम्ही वर दिलेल्या प्लॅन्समध्ये पाहू शकता जिओ फायबरचा बेस प्लॅन ६९९ पासून सुरू होत असून या प्लॅनमध्ये 100GB डेटा + 50GB मोफत डेटा (ही ऑफर सहा महिन्यांसाठीच असेल) देण्यात येईल. हा डेटा संपल्यावर स्पीड कमी करून 1Mbps करण्यात येईल. या वेगात पुढे अमर्याद इंटरनेट उपलब्ध असेल.

सर्वात मोठा प्लॅन दरमहा ८४९९ असून यामध्ये तब्बल 1Gbps स्पीड असलेलं इंटरनेट मिळणार आहे. ज्याला 5000GB पूर्ण वेग असेल तर हे संपल्यावर पुढे 1Mbps वेगात अमर्याद इंटरनेट वापरता येईल.

प्लॅन किंमत/स्पीड/FUP अंतर्गत डेटा+मोफत डेटा
₹ 699/100Mbps/100GB+50GB
₹ 849/100Mbps/200GB+200GB
₹ 1,299/250Mbps/500GB+250GB
₹ 2,499/500Mbps/1250GB+250GB
₹ 3,999/1Gbps/2500GB
₹ 8,499/1Gbps/5000GB
उजवीकडे असलेला अतिरिक्त मोफत डेटा सहा महिनेच मिळणार आहे.

जिओ फायबरच्या सर्वच प्लॅन्ससोबत फ्री व्हॉईस देण्यात आले आहेत. याद्वारे भारतात कोठेही मोफत कॉल्स करता येतील. यासाठी जिओचं JioCall हे अॅप वापरता येईल. यासोबत टीव्ही व्हिडिओ कॉलिंग, गेमिंग या सेवा असतील. व्हिडिओ कॉलिंग सेवेची किंमत वार्षिक १२०० रुपये, गेमिंग सेवेची किंमत वार्षिक १२०० (झेरो लेटन्सी नेटसाठी), डिव्हाईस सेक्युरिटी सेवा वार्षिक ९९९ रुपयात उपलब्ध असेल.

जिओ फायबर सेवेची किंमत

जिओ फायबर सेवा घेण्यासाठी तुम्हाला २५०० रुपये डिपॉजिट भरायचं आहे (हे एकदाच द्यावं लागेल) यामधील १५०० रुपये परत मिळू शकतील तर उर्वरित १००० रुपये इंस्टॉलेशन चार्ज असेल.
जिओच्या वेलकम ऑफर अंतर्गत जिओ होम गेटवे, 4K Jio Set Top Box मोफत मिळेल. सोबत एक टीव्ही (गोल्ड आणि पुढील प्लॅन्समध्ये म्हणजे दरमहा १२९९ आणि त्यापुढील प्लॅन्स) मिळेल (अधिक माहिती पुढे) सोबत OTT सेवांद्वारे चित्रपट, मालिका, गाणी मोफत पाहता येतील!

गोल्ड प्लॅन एक वर्षासाठी घेतल्यास Muse 2 Bluetooth speaker मिळेल.
गोल्ड प्लॅन जर दोन वर्षांसाठी घेतला तर २४ इंची एचडी टीव्ही मिळेल.
सिल्व्हर प्लॅन वर्षासाठी घेतल्यास Thump 2 Bluetooth speakers मिळतील.
डायमंड प्लॅन वर्षासाठी घेतल्यास २४ इंची एचडी टीव्ही मोफत देण्यात येईल.
प्लॅटिनम प्लॅन्स वर्षासाठी घेतल्यास ३२ इंची एचडी टीव्ही मोफत देण्यात येईल.
टायटॅनियम प्लॅन वर्षासाठी घेतल्यास ४३ इंची 4K टीव्ही मोफत मिळेल!

जिओ फायबर सेवेची नोंदणी कशी कराल?

www.jio.com वर जा किंवा MyJio अॅप घ्या
JioFiber सेवेसाठी नोंदणी करा. तुमचा पत्ता, नाव, मोबाइल क्रमांक विचारला जाईल.
जर तुमच्या भागात जिओ फायबर सेवा असेल तर त्यांचा प्रतिनिधी तुमच्याशी संपर्क साधेल
पुढील प्रक्रिया त्यांच्यामार्फत पार पाडली जाईल.
दरमहा/चौमाही/वार्षिक अशा कोणत्याही प्लॅन्सने रीचार्ज केल्यास ग्राहकांना सेट टॉप बॉक्स देण्यात येईल.

लेख अधिक माहिती मिळेल त्यानुसार अपडेट केला जात आहे याची नोंद घ्यावी.

Search Terms : Jio Fiber Broadband Plans, Price, Registration, Offers, Speed

The post रिलायन्स जिओ फायबर सेवा सादर : नोंदणी, प्लॅन्स, सुविधा अशी सर्व माहिती! appeared first on MarathiTech - मराठीटेक.

जिओ गिगाफायबर ब्रॉडब्रॅंड, जिओफोन २, गिगाटीव्ही नोंदणी १५ ऑगस्टपासून

Swapnil Bhoite — Sun, 12 Aug 2018 00:21:00 +0000

रिलायन्स जिओने ५ जुलै रोजी त्यांच्या वार्षिक कार्यक्रमात (Annual General Meeting ) मध्ये जिओ गिगाफायबर त्याचबरोबर जिओ गिगा टीव्ही आणि जिओ स्मार्ट होम उपकरणे सादर केली होती. जिओच्या ऑप्टिकल फायबर आधारित फिक्स्ड कनेक्शन (ब्रॉडबँड) साठी नोंदणी १५ ऑगस्ट पासून सुरु होणार आहे. जिओतर्फे घरगुती वापरकर्त्यांसोबतच लहान आणि मोठ्या बिझनेससाठी सुद्धा ही सेवा एकाचवेळी ११०० शहरांमध्ये उपलब्ध होईल.

जिओ गिगाफायबर सेवेमध्ये गिगाबीट पर सेकंड (Gbps) या वेगाने इंटरनेट सुविधा मिळेल. त्यासोबतच मनोरंजन सेवा सुद्धा उपलब्ध करण्यात येईल. जिओ गिगा टीव्ही सेट टॉप बॉक्स द्वारे ६००+ अधिक टीव्ही वाहिन्या, लाखो गाणी, हजारो चित्रपट पाहता येईल.

रजिस्ट्रेशन कसे कराल?
जिओ गिगाफायबर साठी रजिस्ट्रेशन १५ ऑगस्ट पासून MyJio अॅप सोबतच jio.com वर करता येईल. जिओ वापरकर्त्यांना वेबसाइट बरोबरच MyJio अॅपवर नोटिफिकेशन दिले जाईल, यानंतर सोप्या प्रक्रियेद्वारे नोंदणी करता येईल.

लिंक : Jio GigaFiber Registration
Video Tutorial : How to register Jio GigaFiber Video

वेबसाईटवर जा, तुमची माहिती (पत्ता, फोन क्रमांक) द्या, आणि नोंदणी झाल्याचं दिसेल. याचा थेट अर्थ तुमचं ब्रॉडबँड सुरु केलं जाईल असा नाही. त्यासाठी आणखी काही दिवस/महिने जाऊ शकतात.
Preview Offer अंतर्गत तीन महिने 100Mbps वेगाने दरमहा 100GB इंटरनेट डाटा मिळेल! मात्र ग्राहकांना security deposit साठी ४५०० रुपये द्यावे लागतील आणि ही सेवा दिवाळीत सुरु होईल असं सांगण्यात येत आहे.

रिलायन्सने AGM मध्ये सांगितल्याप्रमाणे ज्या भागातून सर्वात जास्त नोंदणी होतील त्या ठिकाणी जोडणीसाठी प्रथम प्राधान्य दिले जाईल. तुमच्या भागात लवकरात लवकर सेवा मिळावी यासाठी मित्रांना आणि शेजाऱ्यांना सुद्धा याबद्दल माहिती द्या असे जिओतर्फे सांगण्यात आले होते.

जिओ फोन २
नव्याने सादर करण्यात आलेला जिओ फोन २ सुद्धा १५ ऑगस्ट पासून खरेदीसाठी उपलब्ध होईल. यासाठी MyJio अॅप किंवा Jio.com वर जाऊन रजिस्ट्रेशन करावे लागेल त्याठिकाणी नाव वगैरे माहिती भरल्यानंतर पत्ता टाकून पुढे जाता येईल. जिओ फोन २ साठी ₹२,९९९ ऑनलाईन पद्धतीने भरावे लागतील. यानंतरच बुकिंग कन्फर्म होईल आणि काही दिवसात तुमच्या पत्त्यावर जिओ फोन वितरित केला जाईल.

जिओ फोनचा फ्लॅश सेल १६ ऑगस्टपासून सुरू होत आहे! लिंक

जिओ गिगाटीव्ही द्वारे व्हिडिओ कॉल्स सुद्धा करता येणार आहेत! तसेच व्हर्च्युअल रिअॅलिटी हेडसेट जोडून आभासी जगाची सफर सुद्धा घेता येईल! याचबरोबर जिओ ब्रॉडबँड द्वारे स्मार्ट होम सोल्यूशन सुद्धा देण्यात येणार आहे. यामध्ये Smart Speaker, Audio Dongle, Video Dongle, WiFi Extender, Smart Plug, TV Camera, Outdoor Camera यांसारख्या उपकरणांचा समावेश असेल.

या फायबर ब्रॉडबँडचे प्लॅन्स मात्र जाहीर करण्यात आले नसून मराठीटेक तर्फे वेळोवेळी याबद्दल माहिती उपलब्ध करून देण्यात येईल.

search terms reliance jio broadband GigaFiber GigaRouter gigatv jio phone 2 booking maharashtra

The post जिओ गिगाफायबर ब्रॉडब्रॅंड, जिओफोन २, गिगाटीव्ही नोंदणी १५ ऑगस्टपासून appeared first on MarathiTech - मराठीटेक.

रिलायन्स जिओ गिगाफायबर ब्रॉडब्रॅंड सेवा सादर : सोबत जिओफोन २, गिगाटीव्ही, स्मार्ट उपकरणे

Sooraj Bagal — Thu, 05 Jul 2018 01:29:00 +0000

बर्‍याच दिवसांपासून चर्चा सुरू असलेली रिलायन्स जिओ फायबर ब्रॉडब्रॅंड Jio GigaFiber सेवा आज सादर झाली असून रिलायन्सच्या वार्षिक (AGM) कार्यक्रमात प्रमुख मुकेश अंबानी यांनी याची घोषणा केली.

रिलायन्स जिओने २१ कोटी पन्नास लाख ग्राहकांचा टप्पा ओलांडला!
रिलायन्स जिओफोनचे सध्या २,५०,००,००० हून अधिक ग्राहक
लवकरच फेसबुक, व्हॉट्सअॅप, युट्युब जिओफोनवर उपलब्ध
जिओ गिगाफायबर सेवेमध्ये गिगाबीट पर सेकंड (Gbps) या वेगाने इंटरनेट!

जिओ गिगाफायबर सेवेमध्ये गिगाबीट पर सेकंड (Gbps) या वेगाने इंटरनेट वापरता येईल! यासाठी जिओ एक राऊटर देणार असून याला जिओ राऊटर म्हटलं जाईल. सोबत जिओ गिगाटीव्ही जो इंटरनेटद्वारे ६००+ अधिक टीव्ही वाहिन्या, लाखो गाणी, हजारो चित्रपट अशा मनोरंजन सेवा उपलब्ध करून देईल! हे सर्व UHD 4K रेजोल्यूशनमध्ये पाहता येईल! आपण रीमोटला बोलून आज्ञा (व्हॉइस कमांड) शकतो. आणखी एक वैशिष्ट्य म्हणजे जिओ गिगाटीव्ही द्वारे व्हिडिओ कॉल्स सुद्धा करता येणार आहेत! व्हर्च्युयल रियालिटी हेडसेट जोडून आभासी जगाची सफर सुद्धा घेता येईल!

या ब्रॉडबँड सेवेसाठी १५ ऑगस्टपासून MyJio व jio.com वर नोंदणी सुरू होईल. या फायबर ब्रॉडबँडचे प्लॅन्स मात्र जाहीर करण्यात आले नाहीत. (Reliance Jio Fiber Broadband Plans : Yet to be announced)

JioPhone 2 Specs and Price :
डिस्प्ले : 2.4″ QVGA
रॅम : 512MB
बॅटरी : 2000mAh
स्टोरेज : 4GB + 128GB SD Card Support
कॅमेरा : 2MP फ्रंट कॅमेरा : VGA
किबोर्ड : Qwerty Keypad
इतर : VoLTE, VoWiFi, FM Radio, WiFi, GPS, NFC, Dual SIM, EMBMS
किंमत : ₹२९९९ उपलब्धतता : १५ ऑगस्टपासून MyJio वर नोंदणी सुरू
जिओफोन मान्सून हंगामा ऑफर असून यामध्ये २१ जुलैपासून जुना फीचर फोन एक्सचेंज करून नवा जिओफोन ५०१ रुपयांमध्ये मिळेल!

Jio Smart Home Accessories

या घोषणांसोबत जिओ स्मार्ट होम उपकरणे सुद्धा जाहीर करण्यात आहेत. यामध्ये Smart Speaker, Audio Dongle, Video Dongle, WiFi Extender, Smart Plug, TV Camera, Outdoor Camera अशी स्मार्ट उपकरणे उपलब्ध होतील ज्याद्वारे घरातील जवळपास सर्व गोष्टी स्मार्ट सुविधांद्वारे वापरता येतील. उदा एसी, टीव्ही, दरवाजे, सेन्सर फोनद्वारे नियंत्रित करता येतील!

search terms Reliance Jio JioPhone 2 JioGigaFiber GigaRouter GigaTV SetTopBox WiFi

The post रिलायन्स जिओ गिगाफायबर ब्रॉडब्रॅंड सेवा सादर : सोबत जिओफोन २, गिगाटीव्ही, स्मार्ट उपकरणे appeared first on MarathiTech - मराठीटेक.

डिजिटल इंडिया वीक उपक्रमास सुरुवात

Sooraj Bagal — Wed, 01 Jul 2015 12:30:00 +0000

मा.पंतप्रधान नरेंद्र मोदींनी जनतेला तंत्रज्ञाच्या माध्यमातून सरकारशी जोडले जाण्याच्या हेतूने डिजिटल इंडिया नावच्या उपक्रमाची आज सुरवात केली. या माध्यमाने देशातील जनता सरकारी सेवांचा व सुविधांचा घरबसल्या इंटरनेटचा वापर करून लाभ घेऊ शकतील. मुख्य ध्येयांपैकी एक म्हणजे सर्व पंचायतींना ब्रॉडब्रॅंड सुविधा उपलब्ध करून देणं, सर्व शाळा कॉलेजेस मध्ये वायफाय सुविधा पुरवणं तसेच शहरातील महत्वाच्या ठिकाणी वायफाय हॉटस्पॉट देखील २०१९ अखेरपर्यंत उपलब्ध होतील.

डिजिटल इंडिया अंतर्गत काही महत्वाच्या घोषणा :

डिजिटल लॉकर : कागदपत्रांची उठाठेव कमी व्हावी म्हणून ऑनलाइन साठवता येणारी डॉक्युमेंट्स
MyGov.in : सरकार व जनतेमधील संवाद वाढण्याच्या हेतूने नवी वेबसाइट
स्वच्छ भारत मोहिमेच मोबाइल App
आधार वापरुन E-Sign फ्रेमवर्कचा वापर : कागदपत्रे ऑनलाइन साइन करत येणार.
E-हॉस्पिटल: ऑनलाइन नोंदणी, फी भरणा, डॉक्टर अपॉईंटमेंट ऑनलाइन करण्याची सोय
ऑनलाइन शिष्यवृत्ती योजना
भारतनेट मोहिमेद्वारे २५०००० ग्रामपंचायती ऑप्टिकल फायबर इंटरनेटने जोडले जाणार
बीएसएनएलतर्फे वायफाय हॉटस्पॉटची उभारणी

The post डिजिटल इंडिया वीक उपक्रमास सुरुवात appeared first on MarathiTech - मराठीटेक.