गूगलने आज त्यांच्या ऑनलाइन कार्यक्रमात नवे पिक्सल स्मार्टफोन्स, स्मार्ट स्पीकर्स, क्रोमकास्ट जाहीर केलं आहे. नवा Pixel 5 स्मार्टफोन व काही दिवसांपूर्वी आलेल्या Pixel 4a ची सुधारित 5G आवृत्ती आणली आहे. गूगलने दिलेल्या माहितीनुसार शक्यतो हे दोन्ही फोन भारतात उपलब्ध होणार नाहीत. यांची किंमत Pixel 5 $699 (~५१४००) आणि Pixel 4a 5G $499 (~३७०००) इतकी आहे.

Pixel 5 मध्ये ६ इंची FHD+ OLED डिस्प्ले असून 90Hz रिफ्रेश रेट आहे. ह्या फोनमध्ये Snapdragon 765 हा प्रोसेसर असून याची रॅम 8GB आहे तर स्टोरेज 128GB असेल. मुख्य कॅमेरा 12MP + 16MP Ultrawide लेन्स दिलेली आहे. फ्रंट कॅमेरा 8MP आहे. 4080mAh ची बॅटरी असून 18W चं फास्ट चार्जिंग आहे. हा फोन Android 11 ऑपरेटिंग सिस्टमवर चालेल.

यामध्ये नव्याने दिलेली सोय म्हणजे Hold For Me आपण ज्यावेळी कस्टमर केयर सारख्या फोन नंबर्सवर कॉल केलेला असतो तेव्हा बराच वेळ होल्ड करून थांबावं लागतं या नव्या सोयीद्वारे गूगल आपल्याला समोरून कोणी बोलण्यास सुरुवात केली तर सांगेल!

Pixel 4a 5G मध्ये ६.२ इंची FHD+ OLED डिस्प्ले असून 90Hz रिफ्रेश रेट आहे. ह्या फोनमध्ये Snapdragon 765 हा प्रोसेसर असून याची रॅम 6GB आहे तर स्टोरेज 128GB असेल. मुख्य कॅमेरा 12MP + 16MP Ultrawide लेन्स दिलेली आहे. फ्रंट कॅमेरा 8MP आहे. 3885mAh ची बॅटरी असून 18W चं फास्ट चार्जिंग आहे. हा फोन Android 11 ऑपरेटिंग सिस्टमवर चालेल.

गूगलचा ऑगस्ट मध्ये सादर झालेला Pixel 4a १७ ऑक्टोबरला भारतात फ्लिपकार्टद्वारे उपलब्ध होणार आहे.

गूगलने आता अँड्रॉइड टीव्ही बंद करून त्याच्या जागी गूगल टीव्ही आणत असल्याच जाहीर केलं आहे. यावर आधारित असलेलं क्रोमकास्ट सादर करण्यात आलं असून हे पहिलं क्रोमकास्ट आहे ज्यामध्ये सोबत रिमोट मिळेल. या रिमोटमध्ये वॉइस कंट्रोल यूट्यूब व नेटफ्लिक्ससाठी बटन दिलेलं आहे. हे Chromecast With Google TV आता 4K HDR, Dolby Atmos, Dolby Digital Plus, Dolby Vision, HDR10+ आणि DTSX या सर्वांना सपोर्ट करेल! याची किंमत $49.99 (~३७००) असेल. याच्या भारतातील उपलब्धततेबाबत माहिती सांगण्यात आलेली नाही.

The post गूगल Pixel 4a 5G, Pixel 5, नवं गूगल टीव्ही असलेलं क्रोमकास्ट सादर appeared first on MarathiTech - मराठीटेक.

भारतात सध्या स्ट्रीमिंग सेवांचं पेव फुटलं आहे. अनेक मीडिया कंपन्या स्वतःच्या स्ट्रीमिंग सेवा, वेबस सिरिज, चित्रपट आणत आहेत. अनेक जाण इंटरनेटचाच वापर करून टीव्ही पाहण्यास प्राधान्य देत असल्याचं दिसून येत आहे. अशा वाढत्या डिजिटल कंटेंटच्या मागणीला पाहण्यासाठी माध्यम उपलब्ध करून देण्यास स्मार्ट टीव्ही, स्ट्रीमिंग स्टिक कारणीभूत ठरतात. हे नवं क्षेत्र लक्षात घेत फ्लिपकार्टने स्वतःची स्ट्रीमिंग स्टिक काल सादर केली आहे. अॅमॅझॉन फायर टीव्ही, गूगल क्रोमकास्ट, एयरटेल एक्सस्ट्रीम असे पर्याय उपलब्ध असताना फ्लिपकार्टच्या या MarQ TurboStream किती प्रतिसाद लाभेल हे पाहायचं…

Marq हा फ्लिपकार्टचा स्वतःचा ब्रॅंड असून ही स्ट्रीमिंग स्टिक या अंतर्गत फ्लिपकार्टवर ३४९९ किंमतीत उपलब्ध झाली आहे. यामध्ये अँड्रॉइड ९ पाय ऑपरेटिंग सिस्टमचा वापर केलेला आहे. गूगल असिस्टंटद्वारे व्हॉईस कंट्रोल सपोर्ट सुद्धा आहे. यामध्ये Chromecast सपोर्ट आहे आणि सोबत प्ले स्टोअरवर अॅप्ससुद्धा डाउनलोड करता येतील. हा एक अँड्रॉइड टीव्ही बॉक्स असल्यामुळे हे शक्य आहे. या स्टिकमध्ये Full HD (1920×1080) रेजोल्यूशनमध्येच स्ट्रीमिंग करता येईल. डॉल्बी डिजिटल ऑडिओ सपोर्ट आहे. या स्टिकमध्ये Quad Core प्रोसेसर, Mali 450 GPU, 1GB रॅम आणि 8GB स्टोरेज देण्यात आलं आहे! यामध्ये इंटरनेटसही जोडलं जाण्यासाठी ड्युयल बॅंड वायफायची जोड देण्यात आली आहे.

MarQ by Flipkart Turbostream Media Streaming Device http://fkrt.it/XMZYXoNNNN

क्रोमकास्ट सपोर्ट असल्यामुळे तुमच्या फोनवरील कंटेंट तुम्ही टीव्हीवर मिरर करू शकता. या स्टिकद्वारे तुमच्या नॉन स्मार्ट टीव्हीला सहज स्मार्ट टीव्ही बनवता येईल. यासोबत येणाऱ्या रिमोटवर नेटफ्लिक्स, यूट्यूब, गूगल असिस्टंटसाठी खास बटन देण्यात आलं आहे. नेटफ्लिक्सवर 60fps मध्ये व्हिडिओ पाहता येतील. शिवाय OTA सॉफ्टवेअर अपडेट्स दिली जातील.

The post फ्लिपकार्टची स्ट्रीमिंग स्टिक MarQ TurboStream सादर! appeared first on MarathiTech - मराठीटेक.

गूगल व अॅमेझॉन मध्ये नव्याने झालेल्या करारानुसार बरेच महीने फायर टीव्हीवरून वापरता येत नसलेल यूट्यूब आता पुन्हा सहज वापरता येईल. तसेच अॅमेझॉननेही त्यांच्या प्राइम व्हिडिओ सेवेला आता गूगल क्रोमकास्ट सपोर्ट जोडत असल्याच जाहीर केलं आहे! दोन्ही कंपन्यांनी काही महिन्यांपूर्वी स्पर्धेमुळे एकमेकांच्या प्लॅटफॉर्मवरून आपल्या सेवा बंद केल्या होत्या. मात्र यामुळे ग्राहकांना विनाकारण अडचणी होऊन दुसरे पर्याय शोधत असल्याच पाहून बहुधा हा निर्णय घेण्यात आला असावा.

या नव्या मैत्रीमुळे फायर टीव्ही वापरणार्‍या ग्राहकांना महत्वाची गोष्ट मिळेल ती म्हणजे अधिकृत Certified YouTube Support ज्यामुळे फायर टीव्हीवर अधिकृत यूट्यूब अॅप उच्च गुणवत्तेमध्ये व्हिडिओ दाखवू शकेल! फायर टीव्ही हे उपकरण आपल्या टीव्हीला जोडून आपण त्यावर अॅमेझॉनच्या प्राइम व्हिडिओ, नेटफ्लिक्स सारख्या सेवांचा आनंद घेऊ शकतो. यासोबत एक रिमोटसुद्धा ज्यावर अलेक्सा हा डिजिटल व्हॉईस असिस्टंट उपलब्ध आहे ज्याला आपण प्रश्न उत्तरे विचारू शकतो व आज्ञा देऊ शकतो!

गूगलच्या या कृतीवर अॅमेझॉननेही त्यांची व्हिडिओ स्ट्रिमिंग सेवा प्राइम व्हिडिओला गूगलच्या स्ट्रिमिंग स्टिक क्रोमकास्टला सपोर्ट जाहीर केला त्यामुळे ज्यांच्याकडे क्रोमकास्ट असेल ते आता स्वतंत्र अॅपद्वारे प्राइम व्हिडिओमधील चित्रपट व मालिका पाहू शकतील!

हे अॅपमधील बदल कधी पूर्ण होतील हे मात्र जाहीर करण्यात आलेलं नाही मात्र येत्या काही महिन्यात हा बदल झालेला नक्की दिसून येईल व ग्राहकांना नक्कीच या सेवा वापरण सोपं जाईल!

अपडेट (९-७-२०१९) : यूट्यूब अॅप अॅमेझॉन फायर टीव्हीवर उपलब्ध झालं आहे!

The post यूट्यूब अॅप अॅमेझॉन फायर टीव्हीवर पुन्हा उपलब्ध! appeared first on MarathiTech - मराठीटेक.

सध्याच्या काळात गेमिंग म्हटलं की गेमिंग पीसी, गेमिंग कॉन्सोल किंवा आता आता गेमिंग स्मार्टफोन्स समोर येतात. गेली कित्येक वर्षं गेमिंगसाठी यापैकी एक साधन वापरलं जातं. यासाठी पीसी/कॉन्सोल/स्मार्टफोन यांची स्वतंत्र खरेदी करून गेम्स विकत घेऊन डिस्कद्वारे/डाऊनलोड करून मग खेळता यायच्या… गूगलच्या या नव्या थेट क्लाऊडद्वारे गेम स्ट्रिमिंग सेवा देणार्‍या स्टेडिया (Stadia) मुळे मात्र यामध्ये आमुलाग्र बदल होण्याची शक्यता आहे!

स्टेडियामुळे तुम्ही सध्या कोणत्याही प्रकारच्या गेमिंग डिव्हाईसवर असाल तरीही तुम्हाला इंटरनेटवर क्रोम ब्राऊजरमधून गेम्स लाईव्ह खेळता येतील तेही त्यासाठीचं हार्डवेअर नसताना! आहे न कमाल…! गेमच्या डेव्हलपरनी गूगलसोबत काम करून गेम डेव्हलप करायची. ती गूगलच्या डेटा सेंटरवर साठवली जाईल त्यानंतर जेव्हा जेव्हा प्लेयर गेम खेळण्यासाठी येईल तेव्हा तेव्हा ती गेम ब्राउझरमध्येच इंटरनेटने क्लाऊडला जोडले जाऊन ऑनलाईन खेळता येईल ते सुद्धा 1080p
60FPS मध्ये + 4K 60FPS सपोर्ट देण्यात येईल तसेच येत्या काळात 8K सपोर्ट सुद्धा दिला जाईल अस गूगलने जाहीर केलं आहे…! काही महिन्यांपूर्वी प्रोजेक्ट स्ट्रिमद्वारे याची झलक दाखवण्यात आली होती. आता इतक्यात अनेकांना ही संकल्पना समजणारही नाही. यासाठी हा व्हिडिओ पाहू शकता. लिंक : https://youtu.be/nUih5C5rOrA?t=2016

गूगलने दिलेल्या डेमोनुसार प्रथम क्रोमबुकद्वारे असासीन्स क्रीड गेमने सुरुवात केली. ज्या गेमचं ग्राफिक्स उच्च प्रतीच मानलं जातं. गेम सुरू असताना मध्येच ती गेम सोडून नंतर एका फोनवर सुरू केली तर ती गेम आधी ज्या ठिकाणी/वेळी सोडली होती तिथूनच पुढे सुरू झाली! त्यानंतर पीसीवरही तेच… हे या सेवेचं खास वैशिष्ट्य आहे की तुम्ही कोणत्याही प्रकारच उपकरण वापरा त्यावर तुम्हाला मोठ्या ग्राफिक्सअसलेल्या गेम्सही सहज खेळता येतील…लॅपटॉप, पीसी, टॅब्लेट, फोन, क्रोमकास्ट जोडलेल्या टीव्हीवरसुद्धा…! आणि तुम्ही आधी वापरलेल उपकरण ती वेळ गूगलकडे साठवेल आणि तुम्ही पुढच्या वेळी ती गेम उघडताच त्याच पॉइंटला सुरू झालेली दिसेल!

गूगलने यासाठी एक स्वतंत्र कॉन्सोलसुद्धा जाहीर केला असून यामध्ये स्ट्रिमिंगसाठी व गूगल असिस्टंटसाठी बटणे देण्यात आली आहेत. हा तीन रंगात उपलब्ध होईल. मात्र गूगलने यावेळी असंही सांगितलं आहे कि तुमचे सध्याचे कंट्रोलर, किबोर्ड/माऊस सुद्धा स्टेडियामध्ये चालतीलच!

गूगल स्टेडिया २०१९ मध्येच ग्राहकांना उपलब्ध होणार असून त्यांनी सध्या अधिकाधिक डेव्हलपर्सना त्यांच्या गेमिंग प्लॅटफॉर्मवर येण्याचं आवाहन केलं आहे त्यांना https://stadia.dev वर अधिक माहिती देण्यात आली आहे. यासोबत गूगलने स्वतःचा गेमिंग स्टुडिओ Stadia Games & Entertainment जाहीर केला आहे ज्याद्वारे त्यांच्याकडून गेम्स स्वतः डेव्हलप करून सादर केल्या जातील. स्टेडियामध्ये गूगलने यूट्यूबद्वारे स्ट्रिमिंगसाठीही अनेक पर्याय उपलब्ध करून दिले असून यासाठी काही क्रिएटर्सना चाचणीची संधी देण्यात आली आहे.

याचा कॉसोल/पीसी गेमिंगवर काय परिणाम होतो ते येणारा काळच ठरवेल. वरवर स्टेडियाच्या सोयी चांगल्या असल्या तरी त्यालासुद्धा बरीच बंधने असणार आहेत जसे की कायम इंटरनेट सेवा सुरू असण्याची गरज, गेम दरम्यान अतिशय वेगवान इंटरनेट, इ. मात्र या प्लॅटफॉर्ममुळे गेमिंग क्षेत्रात काहीतरी नवीन नक्की पहायला मिळेल. शेवटी किती गेम डेव्हलपर्स या सेवेमध्ये सहभागी तो प्रश्न आहेच…

The post स्टेडिया : गूगलची क्लाऊड गेमिंग सेवा सादर : ब्राऊजरमध्येच गेम्स खेळा! appeared first on MarathiTech - मराठीटेक.

भारती एयरटेल कंपनीतर्फे नवी इंटरनेट टीव्ही सेवा सादर करण्यात आली असून यामधील टीव्ही बॉक्सद्वारे डीटीएच वाहिन्या तर पाहता येतीलच सोबत नेटफ्लिक्स, एयरटेल टीव्ही, प्राइम व्हिडिओ, यूट्यूब यासारख्या सेवांचे ऑनलाइन कार्यक्रमसुद्धा पाहता येतील! यामुळे नेहमीच्या वाहिन्यांसोबत ऑनलाइन कार्यक्रम, चित्रपट सहज त्याच बॉक्सद्वारे पाहू शकाल. एयरटेलची डीटीएच सेवा डिजिटल टीव्ही सोबत इंटरनेटची सेवा जोडून हा नवा एयरटेल इंटरनेट टीव्ही बॉक्स सादर करण्यात आला आहे.

हा बॉक्स डीटीएचचा सेट टॉप बॉक्स व अँड्रॉइड टीव्ही बॉक्स यांना एकत्रित करून बनवलेल उपकरण आहे. यामध्ये बिल्ट इन क्रोमकास्ट सेवा सुद्धा देण्यात आलेली आहे. ज्यामुळे आपल्या स्मार्टफोन्सवरील फोटो, व्हिडिओ, अॅप्स आपण टीव्हीवर सहज कास्ट करून पाहू शकू! हा इंटरनेट टीव्ही बॉक्स 4K स्ट्रिमिंग सपोर्ट करतो यामुळे नेटफ्लिक्ससारख्या सेवा 4K रेजोल्यूशनमध्ये वापरता येतील! डीटीएच सेवा नेहमीप्रमाणेच काम करेल तर ऑनलाइन सेवा वापरण्यासाठी मात्र स्वतःचं स्वतंत्र इंटरनेट कनेक्शन द्यावं लागणार आहे जे तुम्ही ब्रॉडबॅंड, वायफाय, हॉटस्पॉट हे पर्याय वापरुन देऊ शकाल.

Airtel Internet TV Specifications :
Dual-core ARM B15 BCM7252S chipset
Supported media formats : MPEG-2, MPEG-4, H.265, H.264, MC, VC-1, VP9, AVI, MP-4, FLV, 3GP, WMV, MOV, MP4, MKV
8GB internal storage (expandable up to 128GB with a microSD card slot)
Wi-Fi 802.11ac, Bluetooth 4.1, Ethernet, HDMI 2.0, 1xUSB 3.0, 1xUSB 2.0 and Optical SPDIF.
रिमोटमधील माइक वापरुन व्हॉईस कमांड्स देता येतील
टीव्हीच रेकॉर्डिंग करता येईल!
प्ले स्टोरवरून अॅप्स डाऊनलोड करता येतील!
गेम्स खेळता येतील ज्यासाठी ब्ल्युटुथद्वारे किबोर्ड माऊस जोडण्याचीही सोय!

Airtel Internet TV किंमत : या इंटरनेट टीव्हीची किंमत ₹३४९९ असून ही बॉक्ससाठीची किंमत असेल ज्यासोबत एक महिन्याचं Netflix व डीटीएच सेवेच Mega HD एक महिन्याचं पॅकेज मिळेल. वार्षिक प्लॅनमध्ये ७९९९ किंमत असणार आहे. नेटफ्लिक्स, प्राइम व्हिडिओसारख्या सेवेसाठी मात्र स्वतंत्र त्या त्या सर्विसच पॅकेज ग्राहकांना साहजिकच विकत घ्यावं लागेल. डीटीएच सेवा बंद केल्यास इतर सोयीसुद्धा वापरता येणार नाहीत व सेवा बंद केल्यावर पुढे टीव्ही बॉक्स परत करावा लागेल.

The post एयरटेल इंटरनेट टीव्ही बॉक्स : डीटीएचसोबत स्ट्रिमिंग सेवाही वापरा! appeared first on MarathiTech - मराठीटेक.