लोकप्रिय डिझाईन एडिटिंग कंपनी Canva ने Affinity Creative Suite बनवणारी Serif कंपनी गेल्या वर्षी अधिग्रहीत केली होती. या अंतर्गत त्यांच्या Affinity Designer, Photo आणि Publisher या तिन्ही सॉफ्टवेअर्सची मालकी कॅन्व्हाला मिळाली. आता काही दिवसांपूर्वी त्यांनी या तिन्ही सॉफ्टवेअरला एकत्र करून एकच सॉफ्टवेअर बनवलं आणि ते आता चक्क सर्वांसाठी मोफत उपलब्ध करून देत असल्याचं सांगितलं आहे!

Download Link : https://www.affinity.studio

कॅन्व्हाने व्यावसायिक डिझाइन सूट अ‍ॅफिनिटी मधील वेक्टर, फोटो एडिटिंग आणि लेआऊट टूल्स एका अ‍ॅपमध्येच सर्वांना फ्री वापरता येतील. अडोबीच्या Photoshop, Illustrator आणि InDesign या तीन सॉफ्टवेअरला नवा आणि तो सुद्धा मोफत मिळणारा चांगला पर्याय म्हणून अफिनिटी सॉफ्टवेअर उपलब्ध असेल.

नवीन अ‍ॅफिनिटी सॉफ्टवेअर आता वेक्टर, फोटो आणि पेज लेआऊटची च्या सर्व सोयी एकाच अॅपमध्ये देणार असल्यामुळे वेगवेगळे अ‍ॅप उघडण्याची गरज कमी होणार आहे आणि डिझायनर्ससाठी कामाचा प्रवाह (workflow) सुलभ होणार आहे.

नव्या लाँचनंतर फक्त काही दिवसांतच अ‍फिनिटीवर दहा लाखांहून अधिक युजर्स जोडले गेले आहेत!

कॅन्व्हाने हे सॉफ्टवेअर फ्री केलं असलं तरी त्यामध्ये जिथे जिथे AI आधारित फीचर्स जोडली आहेत ते वापरण्यासाठी कॅन्व्हाचं प्रीमियम सबस्क्रिप्शन घ्यावं लागेल असं सांगितलं आहे. त्यामुळे मूळ सॉफ्टवेअर फ्री आणि त्यामधील AI सोयीद्वारे उत्पन्न मिळवण्याचं साधन असे दोन्ही उद्देश ते साध्य करण्याच्या प्रयत्नात आहेत.

तुमची कामे (प्रोजेक्ट्स) Locally तुमच्या डिव्हाइसवर साठवल्या जातील आणि कॅन्व्हा ती तुमच्या परवानगीशिवाय AI ट्रेनिंगसाठी वापरणार नाही, असं कंपनीने सध्यातरी सांगितलं आहे. त्यामुळे गोपनीयतेबाबत असणारा प्रश्न आणि त्याबाबतची शंका कमी करण्याचा प्रयत्न त्यांनी केला आहे. नवीन Affinity सॉफ्टवेअर वापरण्यासाठी Canva चं सबस्क्रिप्शन घेण्याचं बंधन नाही. त्याशिवायसुद्धा नेहमीप्रमाणे वापर करता येईलच.

विशेष म्हणजे अडोबीच्या फॉटोशॉपमधील .psd फाइल्स आपण अफिनिटीमध्येही import करून एडिट करू शकता. नव्या सॉफ्टवेअरसाठी त्यांना स्वतःचा नवीन .af नावाचा फॉरमॅट आणला आहे.

अडोबीने गेल्या काही वर्षात त्यांच्या क्रिएटिव क्लाऊडच्या सबस्क्रिप्शनच्या किंमतीमध्ये केलेली भरमसाठ वाढ आता विद्यार्थी आणि फ्रीलान्स पद्धतीने काम करणाऱ्या युजर्सच्या आवाक्याबाहेर गेली आहे. कॅन्व्हामधील मोफत टूल्स उपलब्ध होणे हा बदल त्या डिझायनर्ससाठी मोठी संधी आहे.

भारतात तरी मोठ्या प्रमाणात अडोबीचं पायरेटेड/क्रॅक केलेलंच सॉफ्टवेअर वापरलं जातं. त्यामुळे ते सोडून नैतिकता म्हणून भारतीय युजर्स अफिनिटी कडे वळण्याची शक्यता कमी असली तरी कॅन्व्हा प्रीमियमचा वापर करणारे युजर्स काही प्रमाणात अफिनिटीचा वापर सुरू करू शकतील. अर्थात अडोबीचे टूल्स अधिक प्रगत आणि अनेक वर्षे वापरात असल्यामुळे कोणत्याही कंपनीला त्यांचे युजर्स लगेच वळवणं अवघड आहे.

अडोबी सबस्क्रिप्शन मॉडेलला वैतागलेले युजर्स यामुळे पुढच्या काही वर्षांत इतर पर्याय मात्र नक्की शोधू लागतील आणि यामुळे व रोज नवनव्या रूपात येणारया AI टूल्समुळे डिझाइन व क्रिएटिव्ह कामकाजात मोठे बदल पाहायला मिळू शकतात.

The post Canva चं Affinity सॉफ्टवेअर आता सर्वांसाठी मोफत उपलब्ध! appeared first on MarathiTech - मराठीटेक.

टेलिकॉम ग्राहकांना आकर्षित करणासाठी देशातील दुसरी सर्वाधिक मोठी टेलिकॉम कंपनी वोडाफोन लवकरच काही शहरांमध्ये फ्री ‘वाय-फाय’ सुविधा सुरु करणार आहे. 


एका इंग्रजी वृत्तपत्राच्या वृत्तानुसार कंपनीने काही ठिकाणी ‘वाय-फाय’ची चाचणी देखील सुरु केली आहे. जिथे सर्वाधिक इंटरनेटचा वापर होत आहे त्याठिकाणी प्राधान्याने वाय-फाय सुरु करण्याचा निर्धार वोडाफोन व्यक्त केला आहे. 


वोडाफोनच्या ग्राहकांना ही सुविधा मोफत मिळणार आहे. यासाठी त्यांना कोणत्याही प्रकारचे युजर नेम आणि पासवर्ड द्यावं लागणार नाही. कंपनीने मुंबई सारख्या महानगरांमध्ये यावर काम देखील सुरु केलं आहे. हा प्रोजेक्ट ‘स्प्रिंग प्रोजेक्ट’ म्हणून ओळखला जाणार आहे. 


वाय-फाय जेथे-जेथे असणार आहे त्या ठिकाणांची खासियत म्हणजे तेथे इंटरनेटचा स्पीड फारच जास्त असणार आहे. याविषयी कंपनीच्या आर्थिक बाबीही लक्षात घेत आहे. 

The post वोडाफोन देणार फ्री ‘वाय-फाय’ appeared first on MarathiTech - मराठीटेक.

जगभरातील प्रत्येकाला ‘वायफाय’ सेवेचा मोफत लाभ घेता यावा, यासाठी एक अमेरिकन कंपनी घनाकृती कृत्रिम उपग्रहांच्या माध्यमातून इंटरनेट डेटा प्रक्षेपित करण्याचे नियोजन करीत आहे. हा प्रयोग यशस्वी ठरल्यास खंडांच्या, देशांच्या सीमा आड न येता प्रत्येकाला मोफत इंटरनेट वापराची संधी प्राप्त होणार आहे. 

या प्रकल्पाअंतर्गत जगभरातील नागरिकांना त्यांचे भौगोलिक स्थान लक्षात घेऊन कोणत्याही सेन्सॉरशिपविना मोफत आणि अमर्याद इंटरनेट अॅक्सेस मिळविता येणार आहे, असा दावा न्यूयॉर्कमधील ‘मीडिया डेव्हलपमेंट इन्व्हेस्टमेंट फंड’ (एमडीआयएफ) या स्वयंसेवी संस्थेने केला आहे. त्यासाठी ही संस्था घनाकृती कृत्रिम उपग्रहांच्या माध्यमातून ‘आउटरनेट’ नामक विस्तृत जाळे विणणार आहे. त्याअंतर्गत इंटरनेट डेटा जगभर प्रक्षेपित करण्यात येईल. जेणेकरून कुणालाही स्मार्टफोन, टॅब्लेट अथवा कम्प्युटरच्या माध्यमातूनही मोफत इंटरनेट सेवा वापरण्याची संधी उपलब्ध होईल. ‘आउटरनेट’च्या माध्यमातून प्रक्षेपित होणारे डेटा सिग्नल ‘कॅच’ करण्यासाठी जगभरात शंभर ठिकाणी ग्राउंड स्टेशनची उभारणी करण्यात येईल. ‘एमडीआयएफ’च्या अहवालानुसार आजही जगभरातील चाळीस टक्के नागरिकांना इंटरनेटच्या सुविधेपासून वंचित आहेत. ‘आउटरनेट’च्या माध्यमातून सायबेरियापासून अमेरिकेच्या पश्चिमेकडील भाग, तसेच निर्मनुष्य बेटांपासून आफ्रिका खंडातील अतिदुर्गम भागांपर्यंत इंटरनेटचे विस्तृत जाळे विणणे सहज शक्य होणार आहे. 

‘आउटरनेट’ची कार्यपद्धती काय? 

‘आउटरनेट’च्या माध्यमातून एकाच दिशेने (वन वे) फीडर्सद्वारा कृत्रिम उपग्रहांकडे इंटरनेट डेटा सोडण्यात येईल. हे उपग्रह मिळालेला डेटा स्वीकारून जगभर उभारण्यात आलेल्या ग्राउंड स्टेशनकडे प्रक्षेपित करतील. जेथे पुरेशा प्रमाणात निधी उपलब्ध होईल, तेथे अशा प्रकारची स्टेशन उभारण्यात येणार आहेत. 

प्रचंड खर्च अपेक्षित 

जगभर मोफत ‘वायफाय सेवा’ देण्यासाठी उभारण्यात येणाऱ्या नेटवर्कसाठी मोठा खर्च अपेक्षित आहे. अवकाशात सोडलेल्या कृत्रिम उपग्रहांच्या चलनवलनासाठी एक लाख ते तीन लाख डॉलरचा खर्च अपेक्षित आहे.

The post …तर जगभरात वापरता येणार मोफत, अमर्याद इंटरनेट appeared first on MarathiTech - मराठीटेक.

बंगलोर शहर देशातील माहिती तंत्रज्ञानाची गंगोत्री म्हणून ओळखली जाते. माहिती तंत्रज्ञानाच्या क्षेत्रातील जागतिक दर्जाच्या कंपन्यांची डेव्हलपमेंट सेंटर बंगलोरमध्येच आहेत. आता या लौकिकात आणखी भर पडणार आहे ती म्हणजे मोफत वाय फाय सुविधेची….

कर्नाटक सरकारनं बंगलोरमधील सर्व नागरिकांना मोफत वाय फाय सूविधा देण्याचा निर्णय घेतला आहे. देशात अशा प्रकारची सूविधा उपलब्ध करुन देण्याचा हा पहिलाच उपक्रम आहे. आता बंगलोरमधील नागरिकांना विना खर्च इंटरनेटवर मुक्त संचार करता येणार आहे. नम्म वाय फाय या नावानं ओळखली जाणाऱ्या वाय फाय सेवेद्वारे नागरिकांना स्मार्टफोन, टॅबलेट, नेटबूक, लॅपटॉप आणि इतर मोबाईल उपकरणांनी इंटरनेट सूविधा लाभ घेता येणार आहे.

बंगलोरमधील एमजी रोड किंवा ब्रिगेड रोड हे मध्यवर्ती ठिकाण असो, शांतीनगर किंवा यंशवतपूर सारखी बस स्थानकं असो किंवा इंदिरानगर सारखं पॉश उपनगर… सर्वत्र नम्म वाय फाय सेवेच्या माध्यमातून नागरिकांना जगाशी जोडलेलं राहता येणार आहे. राज्याच्या माहिती तंत्रज्ञान खात्यानं तसचं इनफॉर्मेशन अँड कम्युनिकेशन टेक्नोलॉजी यांनी हा उपक्रम हाती घेतला आहे.

पुढच्या वर्षी शहरातील आणखी दहा महत्वाच्या ठिकाणीही ही सेवा उपलब्ध करुन देण्यात येणार आहे. नम्म वाय फायचा वेग 512 Kbps आणि दिवसाला या सेवेचा लाभ तीन तास किंवा 50 MB पर्यंत घेता येणार आहे. शहरातील महत्वाच्या उपनगरांध्ये कामानिमित्त येणाऱ्या हजारो नागरिकांना या सेवेचा लात्र मिळणार आहे.

या सेवेचा लाभ घेण्यासाठी पासवर्ड आवश्यक आहे. इच्छुकानं नेटवर्कवर नोंदणी केल्यानंतर त्यांच्या मोबाईल क्रमांकावर वाय फाय सेवेचा पासवर्ड पाठवला जाईल. बंगलोर स्मार्ट आणि कनेक्टेड शहर होण्याच्या दृष्टीने हे पहिले पाऊल असल्याचं इंटरनेट आणि वाय फाय सेवा पुरविणारी कंपनी D Vois Broadband Ltd व्यवस्थापकीय संचालक रमेश सत्य यांनी सांगितलं…

सध्या भारतात सर्वत्रच तरुणाई टेक्नोसेव्ही झाली आहे. मोबाईल, लॅपटॉप, कम्प्युटर्स आदी बाबी तर सर्वांसाठीच आवश्यक झाल्या आहेत. त्यामुळं बंगलोरचा हा आदर्श इतर शहरांनीही घ्यायला काहीच हरकत नाही.

Extra tags : Bangalore becomes first city in India to offer free WiFi

The post बंगलोरमध्ये नागरिकांसाठी मोफत वायफाय सुविधा appeared first on MarathiTech - मराठीटेक.

त्यामुळे विबर , स्काइप ,निंबुझ , फ्रिंग , टँगो आणि काकाओ टॉक यांसारख्या मोबाइल अॅप्लिकेशन्सने मोबाइल डेटा व वायफायच्या आधारे देऊ केलेल्या फ्री कॉलिंगच्या सुविधेला चांगला प्रतिसाद मिळतो आहे. ब्लॅकबेरीनेही नुकतीच त्यांची मेसेंजर सर्विस अपग्रेड केली असून त्यात बीबीएम व्हॉइस हे फीचर अॅड केले आहे. त्याआधारे वाय-फायचा वापर करून जगातील कोणत्याही व्यक्तीला मोफत कॉल करता येतो. लवकरच ही सुविधा भारतात उपलब्ध होणार आहे. 


निंबुझने प्रसिद्ध केलेल्या आकडेवारीनुसार , गेल्या डिसेंबरपर्यंत भारतात निंबुझ ते निंबुझ असे तब्बल एक अब्ज ६८ कोटी मिनिटांचे कॉल केले. २०११ मधील ५१ कोटी मिनिटांच्या तुलनेत हा आकडा तिप्पट झाला आहे. फ्री कॉलिंगची सुविधा देणाऱ्या अॅप्सना मिळणारा प्रतिसाद वाढत असला , तरी त्यामुळे व्यवसायावर काही परिणाम झाला किंवा नाही याबाबत टेलिकॉम कंपन्या बोलण्यास तयार नाहीत. मात्र दूरसंचार क्षेत्रातील जाणकार हे मान्य करतात. स्काइप किंवा विबरसारख्या अॅपमुळे इंटरनॅशनल कॉल करणाऱ्यांचा खूप फायदा होतो. तसेच विविध राज्यात प्रवास करणाऱ्यांनाही रोमिंग चार्जेस द्यावे लागत नाहीत. त्यामुळे या सुविधांना मिळणारा प्रतिसाद वाढतो आहे , असे जाणकार सांगतात. प्रामुख्याने अँड्रॉइड डिव्हाइसच्या वाढत्या वापरामुळे अॅप टू अॅप फ्री कॉलिंग वाढले आहे. प्रामुख्याने कॉलेजला जाणारे विद्यार्थी व तरुण व्यावसायिकांमध्ये हे प्रमाण जास्त आहे. त्यातच नॅशनल टेलिकॉम पॉलिसीमध्ये इंटरनेटवर आधारित व्हॉइस कॉल्सची परवानगी देण्यात आल्याने फ्री कॉलिंगच्या सुविधेला मिळणारा प्रतिसाद वाढतोच आहे. 


अगदी दूरसंचार मंत्री कपिल सिबल यांनीही मोबाइल कंपन्यांना त्यांचे बिझनेस मॉडेल बदलून व्हॉइस कॉलिंगची सुविधा मोफत देत डेटा वापरासाठी शुल्क आकारण्याची शिफारस केली आहे. आजकाल विविध कार्यालये ,बीपीओ आणि मॉल्समध्ये वायफाय सुविधा घेण्याचे प्रमाण वाढते आहे. निश्चित आकडेवारी उपलब्ध नसली , तरी देशात जवळपास २० हजार वायफाय हॉटस्पॉट असल्याचा अंदाज आहे. 

The post फ्री कॉलिंगला वाढती पसंती appeared first on MarathiTech - मराठीटेक.