गूगलने सोमवारी दिलेल्या माहितीनुसार यावर्षी ते त्यांच्या क्लाऊड संबंधित सेवांसाठी पुणे शहरात नवं कार्यालय सुरू करत आहेत. या ऑफिसमध्ये क्लाऊड टेक्नॉलॉजीवर काम करण्यासाठी संबंधित क्षेत्रातील तज्ञ लोकांची भरती केली जाणार आहे.

पुण्याचं हे नवं ऑफिस २०२२ च्या दुसऱ्या सहामाहीत सुरू होईल मात्र त्यांनी यासाठीची भरतीची प्रक्रिया सुरू केली आहे. गुरगाव, हैदराबाद आणि बेंगळुरूसोबत पुण्यातही गूगलच्या वाढत्या ग्राहकांना सेवा देता यावी या अनुषंगाने आणखी लोकांची भरती केली जात आहे.

या नव्या ठिकाणी भरती केले जाणारे गूगलर्स (गूगलमधील कर्मचारी) क्लाऊड प्रॉडक्ट इंजीनियरिंग, टेक्निकल सपोर्ट आणि ग्लोबल डिलिव्हरी सेंटर ऑर्गनायझेशन्ससाठी काम करतील.

एक आयटी हब असलेल्या पुण्यामधील आमच्या या नव्या कार्यालयाद्वारे आम्हाला टॉप टॅलेंटचा तुमच्याला प्रगत क्लाऊड कम्प्यूटिंग सोल्यूशन्स, उत्पादने आणि सेवा देण्यासाठी उपयोग करून घेता येईल असं गूगल इंडियाचे क्लाऊड इंजिनियरिंग उपप्रमुख अनिल भन्साळी यांनी सांगितलं आहे.

ज्यांना या नव्या कार्यालयामधील सेवांमध्ये सहभागी व्हायची इच्छा / काम करण्याची इच्छा आहे त्यांनी Google Careers या लिंकवर जाऊन आपल्या योग्यतेची जागा पाहून नोंदणी करावी.

Search Terms Google India to open a new Google Cloud Office in Pune

The post पुण्यात होणार गूगल क्लाऊडचं नवं ऑफिस! appeared first on MarathiTech - मराठीटेक.

काल गूगलच्या क्लाऊड सेवांचा वापर करणार्‍या जवळपास सर्वच प्रमुख वेबसाइट्स काही काळासाठी काम करत नव्हत्या. गूगल क्लाऊड सेवांमध्ये काही अडचणी निर्माण झाल्यामुळे यूट्यूब, जीमेलसारख्या गूगलच्या सेवांसोबत डिस्कॉर्ड, स्नॅपचॅट या गूगलच्या क्लाऊड सेवा वापरणार्‍या अॅप्स व वेबसाइट्ससुद्धा बंद झाल्या होत्या. प्रामुख्याने अमेरिका व युरोप भागामध्ये अनेकांना या वेबसाइट्स पाहण्यामध्ये अडचणी येत होत्या. गूगलची स्मार्ट होम सेवा पुरवणारी नेस्टसुद्धा यामध्ये सापडली आणि अनेकांना त्यांच्या घरातील नेस्ट आधारित स्मार्ट उपकरणे वापरता येत नव्हती!

गूगलच्या अधिकृत माहितीनुसार मोठ्या नेटवर्क अडचणीमुळे हा प्रकार घडला असल्याच तूर्तास सांगण्यात आलं आहे. मोठ्या कंपन्याच्या सेवांना अशा अडचणी फार काळ राहत नसल्या तरी अलीकडे यांच्या प्रमाणात मोठी वाढ झाली आहे हे नक्की. गेल्या काही महिन्यात गूगलच्याच बाबतीत अनेक वेळा झाली आहे. कधी यूट्यूब तर कधी सर्वच सेवा बंद पडण्याचे प्रकार पाहायला मिळाले आहेत.

आता हा लेख लिहीत असताना या सर्व सेवा पूर्वरत झाल्याचं गूगलतर्फे जाहीर करण्यात आलं आहे. याबद्दल अधिक माहिती अभ्यास करून जाहीर करण्यात येईल असंही सांगण्यात आलं आहे.

मात्र अशा वारंवार घडणार्‍या घटनांमुळे क्लाऊड सेवांच्या क्षमतेवर प्रश्नचिन्ह उपस्थित केलं जात असून गूगलसारख्या क्लाऊड सेवा पुरवणार्‍या एकाच कंपनीवर एकाच वेळी अनेक जन अवलंबून असतील आणि त्यांचीच सेवा अशी बंद पडत असेल तर मोठं नुकसान होऊ शकतं.

The post गूगलच्या क्लाऊड सेवा पडल्या बंद : काही काळानंतर झाल्या पूर्वरत! appeared first on MarathiTech - मराठीटेक.