IDC (इंटरनॅशनल डेटा कार्पोरेशन) ही संस्था टेक्नॉलॉजी, टेलीकम्यूनिकेशन क्षेत्रातल्या घडामोडींवर लक्ष ठेऊन असते. त्यांनी जाहीर केलेल्या भारतीय स्मार्टफोन बाजाराच्या सद्यस्थितीबद्दलच्या माहितीनुसार शायोमी अजूनही पहिल्या स्थानी कायम असून सॅमसंग दुसऱ्या ठिकाणी आहे. मात्र सॅमसंगची कमी होत असलेली विक्री लक्षात घेता सॅमसंग आणखी खाली घसरण्याची चिन्हे आहेत. टॉप ५ पैकी सॅमसंग एकटीच अशी कंपनी आहे जिचा मार्केटमधील हिस्सा कमी झाला आहे! गेल्यावर्षी २२.६ टक्के असलेला हिस्सा आता १८.९ टक्के झाला आहे. शिवाय शिपमेंट्सची गेलीवर्षीच्या तुलनेत या काळामध्ये ८.५ टक्क्यांची घसरण झाली आहे.

शायोमीच्या मार्केट शेयरमध्ये ०.२ टक्क्यांची थोडीशीच का होईना घट झाली आहे. रियलमी, ओप्पो, आणि विवो यांच्यात मात्र मोठी वाढ नोंदवण्यात आली आहे. रियलमीची यंदा प्रचंड मोठ्या प्रमाणात वाढ झालेली पाहायला मिळत असून गेल्यावर्षीच्या या चौमाहीत १३ लाख शिपमेंट्सपासून २०१९ च्या या चौमाहीत तब्बल ६७ लाख फोन्सची शिपमेंट रियलमीने केली आहे! यांचा बाजारातला हिस्सा ३.१ टक्क्यावरून थेट १४.३ टक्क्यांवर पोहोचला आहे! ओप्पो आणि विवोच्या शिपमेंट्समध्ये अनुक्रमे ९२.३ आणि ५८.७ टक्के वाढ झाली आहे!

सॅमसंगची घसरण सुरू असली तरी त्यातल्या त्यात चांगली गोष्ट म्हणजे M मालिकेतील प्रचंड लोकप्रिय ठरलेला Galaxy M30s फोन.

भारतातील टॉप ५ फोन्सपैकी चार फोन्स शायोमीचेच असून Redmi 7A आणि Redmi Note 7 Pro यांची यामध्ये आघाडी आहे. Redmi K20 मालिकेला सुद्धा चांगला प्रतिसाद आहे. ओप्पोच्या A5s ने पाचवं स्थान मिळवलं आहे.

ओप्पो, रियलमी, विवो आणि वनप्लस या सर्व कंपन्या BBK Electronics च्या अधिपत्याखाली असल्याने या एकाच कंपनीकडे भारतीय स्मार्टफोन बाजाराचा ४० टक्क्यांहून अधिक हिस्सा आहे! लवकरच रियलमी सॅमसंगला मागे टाकून दुसऱ्या स्थानी जाऊ शकते.

The post शायोमी स्मार्टफोन विक्रीत पुन्हा आघाडीवर : सॅमसंगची घसरण सुरूच! appeared first on MarathiTech - मराठीटेक.

शायोमी अजूनही भारतीय स्मार्टफोन बाजारात आपलं वर्चस्व कायम ठेऊन आहे. आयडीसीने जाहीर केलेल्या माहितीनुसार भारतातली स्मार्टफोनची विक्री दुसऱ्या चौमाहीत ३.६९ कोटींवर पोहोचली आहे. हा नवा विक्रम आहे. वार्षिक वाढीची गोष्ट करायची तर ती ९.९ टक्क्यांवर आहे! शायोमीच्या विक्री किंवा प्रत्यक्ष फोन शिपमेंटमध्ये ४.८ टक्क्यांची वाढ पहायला मिळाली तर सॅमसंगनेही १६.६ टक्क्यांची वाढ नोंदवली आहे. त्यांच्या मध्यम किंमतीच्या फोन्सनी चांगलीच स्पर्धा निर्माण केलेली दिसते. आता एकूण विक्रीमध्ये शायोमी, सॅमसंग, विवो, ओप्पोनंतर ओप्पोचा सबब्रॅंड असलेल्या रिअलमीने (Realme) पाचवा क्रमांक पटलावला आहे! त्यांच्या C2, 3, 3 Pro फोन्समुळे त्यांना हे यश मिळालं आहे.

स्मार्टफोन्सच्या विक्रीमध्ये वेगाने वाढ होत असताना फीचर फोन्सची मागणी आणखी कमी होत आहे. या चौमाहीत गेल्या वर्षीच्या मानाने २६.३ टक्क्यांची घट झाली आहे! 4G फीचर फोन्सनाही मागणी नसल्यामुळे ही घट पहायला मिळाली आहे.

मल्टी चॅनल रिटेलिंग सुरू करूनसुद्धा ऑनलाइन माध्यमांमुळेच स्मार्टफोन विक्रीत वाढ झालेली दिसत आहे. ऑनलाइन माध्यमे नवीन फोन्स, आकर्षक ऑफर्स आणि स्वस्त पर्याय जसे की ईएमआय/कॅशबॅक उपलब्ध करून देत असल्यामुळे लोकांचा त्याकडे कल जास्त दिसून येतो! यंदा ऑनलाइन विक्रीमध्ये १२.४ टक्क्यांची वाढ झाली आहे! अशी माहिती उपासना जोशी असोशिएट रिसर्च मॅनेजर (आयडीसी इंडिया) यांनी दिली आहे. Itel, Infinix, Tecno, Oraimo आणि Spice या ब्रॅंडसची मालकी असणाऱ्या Transsion कंपनीला रिअलमीने गेले काही महीने मागे टाकून या चौमाहीत आपली जागा टॉप ५ मध्ये निश्चित केली आहे. आता उद्या त्यांचा Realme 5 व Realme 5 Pro सादर होणार आहेत!

The post रिअलमीची भारतीय स्मार्टफोन बाजारात पाचव्या स्थानी झेप : विक्रीमध्ये ६००% वाढ! appeared first on MarathiTech - मराठीटेक.

हुवावे (Huawei) या चीनी कंपनीने २०१९ च्या सुरूवातीस अॅपलला स्मार्टफोन विक्रीमध्ये मागे टाकत आता दुसरं स्थान पटकावलं आहे. सॅमसंग अजूनही पहिल्या स्थानी कायम आहे! ज्या वेगाने हुवावेची विक्री सुरू आहे त्यानुसार त्यांनी सॅमसंगलाही मागे टाकल्यास आश्चर्य वाटायला नको!

नेटवर्किंगमध्ये प्रामुख्याने वावर असलेल्या या कंपनीने गेल्या काही वर्षात स्मार्टफोन्समध्ये जम बनवण्यास सुरवात केली आणि आता थेट अॅपलला मागे टाकत दुसर्‍या क्रमांकाची कंपनी बनली आहे! हुवावेने गेल्या वर्षीच्या तुलनेत ५० टक्के वाढ नोंदवली आहे असं IDC मार्फत सांगण्यात आलंय! इतर कंपन्यांचे विक्रीचे आकडे घसरत असताना हुवावेने मात्र चक्क वाढ दर्शवली आहे!

हुवावेचे स्मार्टफोन निर्मिती जगामध्ये आघाडी मिळवण्याच कायमच ध्येय राहिलं आहे. अमेरिकेमध्ये मात्र त्यांना सध्या अडचणी असून अमेरिका चीन यांच्या व्यावसायिक युद्धामुळे त्यांना तिथे पूर्ण ताकदीनिशी प्रवेश करता येत नाहीये. शिवाय हुवावेवर नेहमीच चीनी सर्व्हर्सद्वारे हेरगिरी करत असल्याचा आरोप होतो. ग्राहकांच्या फोन्सची महत्वाची माहिती चीनकडे पुरवली जात असल्याच वारंवार म्हटलं जातं. (जे खरतर आता सर्वच चीनी कंपन्यांबाबत होत आहे.) अमेरिकेन बाजारात प्रवेश मिळाल्यास मात्र हुवावे पहिल्या क्रमांकावर सहज पोहचू शकेल…!

हुवावेने स्मार्टफोन कॅमेरा, प्रोसेसरमध्ये आणलेलं नवं तंत्रज्ञान त्यांना चांगलं यश मिळवून देत आहे. अलीकडेच त्यांनी सादर केलेला Huawei P30 Pro सध्या प्रचंड चर्चेत आहे. याच्या कॅमेराने तब्बल 50X हायब्रिड झुम करता येतं! उत्तम डिस्प्ले व उत्कृष्ट कॅमेरामुळे हा फोन ग्राहकांच्या पसंतीस उतरत असल्याचं चित्र आहे! असं तांत्रिक नावीन्य प्रदर्शित करत असल्यामुळेचं इतरांना मागे टाकणं यांना शक्य झालं आहे

The post हुवावे आता स्मार्टफोन्स विक्रीत अॅपलला मागे टाकत दुसर्‍या स्थानी! appeared first on MarathiTech - मराठीटेक.