गेले काही महिने जिओ आणि एयरटेलकडे मोठ्या प्रमाणात ग्राहक वळत असल्याने डबघाईला आलेल्या व्होडाफोन आयडियाने शेवटी काही पावले उचलून नव्याने उभारण्याचा निर्णय घेत आता नवा ब्रॅंड सादर केला असून यांचं नवं नाव आता VI (वी) असणार आहे! याचा उच्चार वी (WE प्रमाणे) केला जाईल. यासाठी नवा लोगो नवे प्लॅन्ससुद्धा आणले जात आहेत.

व्होडाफोन आणि आयडिया यांच्या नेटवर्कचं इंटिग्रेशन आता पूर्ण झालं असल्याचंही त्यांनी जाहीर केलं असून एव्हढया मोठ्या प्रमाणावरचं हे इंटिग्रेशन विक्रमी वेळेत पूर्ण करण्यात आलं आहे. या दोन कंपन्या एकत्र आल्यापासून त्यांनी त्यांचं 4G नेटवर्क कव्हरेज दुप्पटीने वाढवलं आहे. त्यांचं नेटवर्क आता सर्वाधिक स्पेक्ट्रम पोर्टफोलियो असणारं असून 5G साठीही तयार असल्याचं सांगण्यात आलं आहे.

Vi ची अधिकृत वेबसाइट : https://myvi.in/

स्पर्धेच्या तुलनेत सतत ग्राहक कमी होत असताना व्होडाफोन आयडियाने शेवटी काहीतरी हालचाल करण्याचा निर्णय निकोप स्पर्धेसाठी चांगलाच आहे. अन्यथा या भारतातल्या टेलीकॉम विश्वात केवळ जिओ आणि एयरटेल हे दोनच पर्याय उरले असते ज्यामुळे त्यांची ड्युओपॉली (दोघांची एकाधिकारशाही) झाली असती. त्यातही वरचेवर जिओचच वर्चस्व दिसून येत आहे.

The post VI (वी) व्होडाफोन आयडियाचा आता नवा ब्रॅंड, नवा लोगो! appeared first on MarathiTech - मराठीटेक.

काही दिवसांपूर्वीच भारतातील सर्वच टेलिकॉम ऑपरेटर्सनी त्यांच्या प्लॅन्समध्ये बदल केले असून बऱ्यापैकी दरवाढ केली आहे. हे करताना सर्वानी इतर नेटवर्कवर कॉल्स करण्यासाठी काही मर्यादा आणल्या होत्या. अगदी मोठ्या रकमेचा प्लॅन असेल तरीही काही हजार मिनिटांची का होईना मर्यादा लादण्यात आली होती. आता गेले अनेक महीने पूर्ण मोफत कॉल्स व रोज अमुक जीबी डेटा वापरण्याची सवय झालेल्या युजर्सना अर्थातच ही गोष्ट आवडली नाही मग मग मोठ्या प्रमाणात नाराजी पसरल्यावर आणखी ग्राहक जिओकडे वळू नयेत या भीतीने एयरटेल, व्होडाफोन, आयडिया यांनी दुसऱ्या ऑपरेटर/नेटवर्कला कॉल केल्यावर घातलेली मिनिटांची मर्यादा आता रद्द केली आहे. जर तुम्ही या तीन ऑपरेटर पैकी कुणाची सेवा वापरत असाल आणि तुम्ही अमर्याद प्लॅनने रीचार्ज केला असेल तर तुम्ही कोणत्याही नेटवर्कला अमर्याद (अनलिमिटेड) व्हॉईस कॉल्स करू शकता.

कालच एयरटेल, व्होडाफोन आणि आयडिया या तिन्ही (व्होडाफोन, आयडिया आता एकत्र आहेत) कंपन्यांनी ट्विटरवर ट्विट करून ही माहिती दिली आहे. प्लॅन्समध्ये बदल केल्यावरही सर्वात स्वस्त प्लॅन्स जिओचेच राहिले. आधीच ग्राहकांची गळती होत असताना सध्याच्या ग्राहकांची नाराजी लक्षात घेत आता आणखी एक नवं कारण स्वतःहून दिल्या सारखं वाटलं असावं आणि त्यामुळेच लगेच काही दिवसात मर्यादा घालण्याचा निर्णय बदलण्यात आलेला दिसतोय. इतर नेटवर्कला कॉल्स करण्यासाठी वेगळा रीचार्ज आता जिओ ग्राहकांनाच करावा लागेल. IUC चार्जेसच्या नावाखाली फक्त जिओच ग्राहकांकडून पैसे आकारेल.

याशिवाय तूर्तास जिओसकट सर्वच ऑपरेटर्सचे डेटा प्लॅन्स मात्र महागच आहेत. गेल्या काही दिवसात बदललेल्या नियमांमुळे किंवा सरकारतर्फे आकारण्यात येणाऱ्या दरामुळे टेलिकॉम कंपन्या चिंतेत आहेत. बरेचसे प्लॅन्स ४० टक्क्यानी महाग होऊन त्यांच्यामध्ये मिळणारा डेटा कमी झाला आहे. काही प्लॅन्स तर थेट बंदच करण्यात आले आहेत. कालच व्होडाफोन आयडियाचे कुमार मंगलम बिर्ला यांनी जर सरकारने आम्हाला काही सहकार्य केलं नाही तर व्होडाफोन आयडिया बंद पडू शकते असं सांगितलं आहे!

या सर्व गोष्टी घडताना किमान कॉलिंग तरी अमर्याद ठेऊन एयरटेल, व्होडाफोन, आयडिया ग्राहकांची नाराजी कमी नक्कीच झाली असेल. याशिवाय या ऑपरेटर्सच्या पोस्टपेड प्लॅन्सच्या किंमतीत जवळपास कोणताही बदल करण्यात आलेला नाही हे विशेष!

Search Terms Airtel Vodafone Idea Unlimited Voice Calling Plans with Internet Data Calling Limit Revoked While Jio will still charge its customers IUC

The post एयरटेल, व्होडाफोन, आयडियातर्फे पुन्हा प्लॅन बदल : सर्व नेटवर्क्सना अमर्याद मोफत कॉल्स! appeared first on MarathiTech - मराठीटेक.

व्होडाफोन आयडियाने पुन्हा एकदा प्लॅनमध्ये बदल केले असून अलीकडेच कमी झालेले ग्राहक आणि स्पर्धा यामुळे टेलीकॉम कंपन्या प्लॅन्समध्ये पुन्हा पुन्हा बदल करत आहेत. आता व्होडाफोनने दररोज 1.6GB इंटरनेट डाटा देणारा प्लॅन आणला आहे किंवा जुन्याच प्लॅन मध्ये बदल केला आहे म्हणता येईल. आधीच्या 1.5GB ऐवजी आता 1.6GB/दिवस डाटा मिळेल.

२०९ आणि ४७९ चे प्लॅन्स बदलून 1.5GB ऐवजी 1.6GB डाटा मिळेल बाकी गोष्टी उदा. अमर्याद कॉल्स, 100 SMS, व्होडाफोन प्लेचं सबस्क्रिप्शन जे मोफत टीव्ही, चित्रपट पाहण्याची सोय देतं.
२०९ च्या प्लॅनमध्ये २८ दिवस तर ४७९ प्लॅनमध्ये ८४ दिवस वैधता मिळेल.

वरील प्लॅन्स जानेवारी २०१९ नुसार वैध आहेत कालांतराने यामध्ये बदल होऊ शकतात याची नोंद घ्यावी सध्याचे प्लॅन्स पाहण्यासाठी अधिकृत लिंक Vodafone Prepaid Plans

आमचे यापूर्वीचे टेलिकॉम संबंधित लेख
▸ पुरेसा बॅलन्स नसला तरीही त्यांची सेवा खंडित करण्यात येऊ नये : ट्रायचा आदेश!
▸सध्याची रीचार्ज प्लॅन्सची स्थिती! : टॉपअप पॅक्स जवळपास बंदच?
▸नोव्हेंबर महिन्यात व्होडाफोन आयडियाचे ६५ लाख ग्राहक कमी!

The post व्होडाफोनचा नवा प्लॅन : दररोज 1.6GB डाटा appeared first on MarathiTech - मराठीटेक.

COAI च्या माहितीनुसार नोव्हेंबर २०१८ मध्ये व्होडाफोन आयडियाने ६५ लाख ग्राहक गमावले असून अजूनही एकत्रित असल्यामुळे यांची ग्राहकसंख्या ४२ कोटींवर आहे! दरम्यान एयरटेलने एक लाख ग्राहकांची भर घातली असल्याचीही माहिती समोर येत आहे! सप्टेंबर व ऑक्टोबरमध्ये ग्राहक गमावल्यावर प्रथमच ग्राहक नव्याने जोडलेले पाहून एयरटेलला नक्कीच हायस वाटलं असेल…!

COAI च्या माहितीनुसार व्होडाफोन आयडिया यांनी सलग तिसर्‍या महिन्यात ग्राहक गमावले असून हे त्यांच्या विलीनीकरणानंतर पाहायला मिळत आहे हे विशेष! दुसरीकडे जिओ मात्र अजूनही ग्राहक जोडण्यात यशस्वी ठरत असून ऑक्टोबरमध्ये जिओने आणखी कोटी ग्राहक जोडून संख्या एकूण २६.२३ कोटींवर नेली आहे!

COAI (Cellular Operators Association of India) संस्था बीएसएनएल, एमटीएनएल, टाटा व रिलायन्स कम्युनिकेशन्स यांच्या दरमहा ग्राहकांची नोंद ठेवत नाही. जिओ बाबतची माहिती ट्राय (TRAI) कडून प्रसिद्ध केलेल्या माहितीवर अवलंबून आहे!

The post नोव्हेंबर महिन्यात व्होडाफोन आयडियाचे ६५ लाख ग्राहक कमी! appeared first on MarathiTech - मराठीटेक.

टेलिकॉम रेग्युलेटर संस्था ट्रायने टेलिकॉम कंपन्यांना आदेश दिले आहेत की त्यांच्याकडे पुरेसा बॅलन्स नसला तरीही त्यांची सेवा खंडित करण्यात येऊ नये. अलीकडे अनलिमिटेड प्लॅन्सच्या नावाखाली बऱ्याच टेलिकॉम कंपन्या ग्राहकांना कमी रिचार्ज ऐवजी अनलिमिटेड पॅक्स जे किमान २८ दिवसांसाठीच वैध आहेत असेच रिचार्ज करा अन्यथा तुमची सेवा खंडित करण्यात येईल असं सुचवत आहेत. त्यावर ट्रायने नाराजी व्यक्त करत नवे आदेश दिले आहेत. याबद्दल काही दिवसांपूर्वीच मराठीटेकने एक लेख प्रकाशित केला होता : सध्याची रीचार्ज प्लॅन्सची स्थिती! : टॉपअप पॅक्स जवळपास बंदच?

ग्राहकांना याबद्दल किमान माहिती तरी द्यायला हवीच असा ट्रायकडून सांगण्यात आलं आहे. जिओमुळे वाढलेल्या स्पर्धेचा परिणाम काही कंपन्या बंद होण्यात तर काही एकमेकांमध्ये विलीन होण्यात झाला आहे. आता एअरटेल, व्होडाफोन, आयडिया पैसे मिळवण्यासाठी असे नवे मार्ग शोधत असल्याचं दिसून येत आहे. मात्र याचा ग्राहकांनाच त्रास होत असल्याचं चित्र समोर आहे. ग्राहकांना रिचार्ज करणं बंधनकारक व्हावं इथपर्यंत प्रकरण आल्यावर ट्रायने ग्राहकांची सेवा बंद करण्याची कृती करण्यास विरोध केला आहे.

या प्रकरणात ग्राहकांना कमीतकमी ठराविक रकमेचा रिचार्ज बंधनकारक केला गेला आहे जेणेकरून कमी वापर किंवा कमी रकमेचा रिचार्ज करणाऱ्या ग्राहकांना अधिक रकमेचा रिचार्ज तोसुद्धा दरमहा करावाच लागेल!  आता ट्रायच्या हस्तक्षेपामुळे तरी टेलिकॉम कंपन्यांना शहाणपण येईल ही अपेक्षा…   

The post पुरेसा बॅलन्स नसला तरीही त्यांची सेवा खंडित करण्यात येऊ नये : ट्रायचा आदेश! appeared first on MarathiTech - मराठीटेक.