बऱ्याच दिवसांच्या घडामोडींनंतर सरतेशेवटी आज इलॉन मस्कने ट्विटरचं अधिग्रहण पूर्ण केलं आहे. सकाळी ९.१९ वाजता ट्विटद्वारे the bird is freed असं सांगत त्याने स्वतः हे जाहीर केलं आहे. पूर्वी जाहीर केलेल्या माहितीनुसार ट्विटर या सोशल मीडिया कंपनीला 44 बिलियन डॉलर्स म्हणजे जवळपास ३,३७,००० कोटी रुपयांना विकत घेतलं आहे!

अधिग्रहण पूर्ण करत असतानाच नुकतेच सीईओ झालेले पराग अगरवाल, CFO नेड सिगल, पॉलिसी प्रमुख विजया गड्डे अशा प्रमुख अधिकाऱ्यांना काढून टाकलं आहे.

ट्विटर विकत घेणार हे जाहीर केल्यानंतर बॉट अकाऊंट्सबद्दल माहिती जाहीर करण्यावरून पूर्वीच्या ट्विटर अधिकाऱ्यांसोबत बरेच वाद सुद्धा झाले आणि मग तो व्यवहार बारगळला होता मात्र आज तो पूर्ण झाला आहे.

कालच इलॉनने ट्विटमार्फत त्यांच्या जाहिरातदारांसाठी (Advertisers) ट्विट करून तो ट्विटर का विकत घेत आहे याबद्दल माहिती दिली होती. सोबत “मी हे सोपं आहे म्हणून केलं नाही. आणखी पैसे कमावण्यासाठी केलं नाही. मी हे मानवतेला मदत करण्यासाठी केलं आहे” अशा शब्दात उद्देश व्यक्त केला होता!

शिवाय ट्विटरच्या ऑफिसमध्ये चक्क किचन सिंक घेऊन Let that sink in म्हणत प्रवेश केला होता.

इलॉन मस्क यांनी SpaceX, Tesla, Boring Company, OpenAI, Neuralink, PayPal अशा कंपन्याची सुरुवात केली किंवा प्रमुखपद भुषवलं असून आता ट्विटरचीही मालकी मिळवली आहे.

The post ट्विटरची मालकी आता इलॉन मस्ककडे : सीईओ पराग अगरवालला घरचा रस्ता! appeared first on MarathiTech - मराठीटेक.

ट्विटर या प्रसिद्ध मायक्रो ब्लॉगिंग सोशल मीडिया वेबसाइटचे सह संस्थापक आणि सीईओ जॅक डॉर्सी यांना आज राजीनामा देत असल्याचं जाहीर केलं असून त्यांची जागा ट्विटरमध्ये सध्या CTO असलेले पराग अग्रवाल घेणार आहेत. पराग अग्रवाल हे मुंबई आयआयटीचे माजी विद्यार्थी आहेत.

सत्या नाडेला (मायक्रोसॉफ्ट), सुंदर पिचाई (गूगल), शंतनू नारायण (अडोबी),राजीव सुरी (नोकिया), अरविंद कृष्णा (आयबीएम), अजयपाल बंगा (मास्टरकार्ड), इ. यांच्यासारख्या मूळच्या भारतीय पण आघाडीच्या अमेरिकन कंपनीमध्ये प्रमुख पदावर असलेल्या उदाहरणानंतर आता पराग हे ट्विटरचे नवे सीईओ बनतील!

The post ट्विटर सीईओ जॅक डॉर्सी यांचा राजीनामा : पराग अग्रवाल नवे सीईओ! appeared first on MarathiTech - मराठीटेक.