गेले काही दिवस चर्चा असलेली बातमी आज अधिकृत झाली असून सेल्सफोर्स (SalesForce) कंपनीने स्लॅक (Slack) कंपनीला विकत घेतलं आहे. हा व्यवहार तब्बल 27.7 बिलियन डॉलर्स म्हणजे जवळपास दोन लाख कोटी रुपयांना झाला असल्याचं सांगण्यात आलं आहे.

कार्यालयीन कामाच्या नियोजनासाठी कंपन्यांकडून मोठ्या प्रमाणात वापरल्या जाणार्‍या ‘स्लॅक‘ या सेवेचा तब्बल १ कोटी यूजर्सकडून रोज वापर केला आहे! (२०१९ मधील माहितीनुसार) स्लॅक आता कंपनीमधील कर्मचार्‍यांच्या कामासंबंधित चर्चेसाठी उत्तम साधन बनलं आहे.

स्लॅकला आता सेल्सफोर्सच्या Salesforce Customer 360 सोबत जोडलं जाणार असून त्यांच्या क्लाऊड सेवेमध्येही समाविष्ट केलं जाईल.

स्लॅकची २०१५ पासून नेहमीच वाढ होत राहिली आहे. लाखो युजर्सची यामध्ये रोज भर पडत असून वापरण्यास सोपी आणि सुटसुटीत रचना यामुळे कंपनी, कर्मचारी यांचा स्लॅक वापरण्याकडे ओढा दिसून येत आहे. स्लॅकची सुरुवात स्टेवर्ट बटरफिल्ड यांनी त्यांच्या Tiny Speck या गेम कंपनीच्या अंतर्गत कामासाठी केली होती. होय हा एका कंपनीचा अंतर्गत प्रकल्प आता सॉफ्टवेअरच्या रूपात जगभर वापरला जातोय! Slack हे नाव Searchable Log of All Conversation and Knowledge चं संक्षिप्त रूप आहे!

कोरोनाच्या काळात सर्व कंपन्यानी वर्क फ्रॉम होम स्वीकारलं आणि स्लॅकचा वापर अनेक पटींनी वाढला आहे. सध्या त्यांची मुख्य स्पर्धा असलेल्या मायक्रोसॉफ्ट टीम्सला त्यांना अधिक चांगल्या प्रकारे लढत देता येईल. मायक्रोसॉफ्टसारख्या मोठ्या कंपनीमुळे अलीकडे त्यांना काही प्रमाणात फटका नक्कीच बसत होता. Salesforce ही क्लाऊड आधारित बिझनेस सेवा पुरवणारी कंपनी आता स्लॅकला आणखी पुढे घेऊन जाईल असं मत त्यांच्या सीईओने व्यक्त केलं आहे.

The post स्लॅक (Slack) कंपनीला सेल्सफोर्सने दोन लाख कोटी रुपयात विकत घेतलं! appeared first on MarathiTech - मराठीटेक.

व्हिडिओ कॉन्फरन्स अॅप्स सध्याच्या करोना व्हायरसमुळे जगभरात लॉकडाऊन स्थितीत अनेकांना वेगवेगळ्या प्रकारे उपयोगी ठरत आहेत. यामध्ये स्काइप, ,मायक्रोसॉफ्ट टीम्स, गूगल हॅंगआउट्स, हॅंगआउट्स मीट, झुम, डिस्कॉर्ड, हाऊस पार्टी इ. अनेक पर्याय उपलब्ध आहेत. यापैकी सध्या स्काइप, झुम, हॅंगआउट्स चर्चेत आहेत. झुमने अचानक या काळात मोठी झेप घेत इतरांकडून यूजर्स मोठ्या संख्येने आपल्याकडे वळवले आहेत! १४ मार्च ते २१ मार्च दरम्यान या व्हिडिओ कॉन्फरन्स अॅप्सचे तब्बल ६.२ कोटी डाउनलोड्स झाले आहेत!

कोरोना/COVID-19 मुळे सध्या बऱ्यापैकी सर्वच लोक घरी आहेत. काही जणांना वर्क फ्रॉम होम म्हणजे घरून काम करण्याची परवानगी/सक्ती करण्यात आली आहे. अशावेळी व्हिडिओ कॉन्फरन्स/व्हिडिओ कॉलद्वारे एकमेकांशी संपर्क साधून काम करणं, गप्पा मारणं सहजसोपं होऊन जातं. अनेक व्यवसाय त्यांच्या कर्मचाऱ्यांकडून अशा प्रकारे सध्या काम करून घेत आहेत. यामुळेच अशा अॅप्स/सॉफ्टवेअर/ऑनलाइन पर्यायांच्या वापरात अनेक पटींनी वाढ पाहायला मिळत आहे.

Skype : गेली अनेक वर्षं व्हिडिओ कॉन्फरन्ससाठी सर्वात लोकप्रिय असलेली सेवा म्हणजे Skype (स्काइप). स्काइपच्या अॅक्टिव यूजर्समध्ये ७० टक्क्यांनी वाढ झाली असून आता जवळपास ४.४ कोटी लोक स्काइप वापरत आहेत! स्काइप ते स्काइप कॉल्सच्या मिनिटांची संख्या सुद्धा तब्बल २२० टक्क्यानी वाढली असल्याची माहिती मायक्रोसॉफ्टने दिली आहे! त्यांच्याच Microsoft Teams या बिझनेस सेवेचे सुद्धा ४.४ कोटी यूजर्स झाले असल्याचं त्यांनी यावेळी जाहीर केलं आहे. २१ एप्रिल पासून त्यांच्या Office 365 सेवेचं नाव Microsoft 365 असं असणार आहे.
Download Skype : skype.com

ZOOM : या गेल्या काही दिवसांच्या काळात मोठी प्रगती केलेली कंपनी म्हणजे Zoom Video Communications. या अॅपचा वापर इतक्या मोठ्या प्रमाणावर होत आहे की यांनी आता गूगल प्ले स्टोअरवर टिकटॉक, व्हॉट्सअॅप, इंस्टाग्राम यांनाही मागे टाकलं आहे! या अॅपचं प्रमुख वैशिष्ट्य म्हणजे यामध्ये व्हिडिओ कॉन्फरन्सला एकाचवेळी १०० जण सहभागी होऊ शकतात! तेसुद्धा मोफत बेसिक प्लॅनमध्ये. झुम कंपनीची ही वाढ पाहून अॅडवीकने झुम म्हणजे करोना क्वारटाईन अर्थव्यवस्थेचा राजा म्हटलं आहे! अधिकअधिक लोक घरून काम करत असताना रिमोट वर्किंग आणि व्हिडिओ कॉन्फरन्ससाठी झुमला प्राधान्य दिलं जात आहे. सध्या हे भारतात सर्वाधिक डाउनलोड केलं जात असलेलं अॅप आहे!
Download Zoom : https://zoom.us/

WhatsApp : व्हॉट्सअॅपच्या अॅक्टिव यूजर्समध्येही ४० टक्क्यानी वाढ झाली असून व्हिडिओ कॉल्स, चॅट मेसेजेस, स्टेट्स असं सर्वच गोष्टींचं प्रमाण वाढलं आहे! अर्थात हे तर होणारच होतं. मात्र प्रमाण इतक वाढलं आहे की भारतात नेटवर्क लोड कमी व्हावा म्हणून व्हॉट्सअॅपने स्टेट्ससाठी ३० सेकंदाची मर्यादा आता १५ सेकंदावर आणली आहे!

Download Links for Video Conferencing/Calling Apps

• Microsoft Teams : teams.microsoft.com
• Zoom : https://zoom.us
• Skype : skype.com
• Google Hangouts : hangouts.google.com
• Hangouts Meet : gsuite.google.com/products/meet
• Houseparty : houseparty.com
• Discord : discordapp.com
• GoToMeeting : https://gotomeeting.com
• Slack : https://slack.com

The post व्हिडिओ कॉन्फरन्स अॅप्सचे ६.२ कोटी डाउनलोड्स : यूजर्समध्ये ७०% वाढ! appeared first on MarathiTech - मराठीटेक.

कार्यालयीन कामाच्या नियोजनासाठी कंपन्यांकडून मोठ्या प्रमाणात वापरल्या जाणार्‍या ‘स्लॅक’ या सेवेचा तब्बल १ कोटी यूजर्सकडून रोज वापर केला आहे! स्लॅक आता कंपनीमधील कर्मचार्‍यांच्या कामासंबंधित चर्चेसाठी उत्तम साधन बनलं आहे.

स्लॅकची २०१५ पासून नेहमीच वाढ होत राहिली आहे. लाखो युजर्सची यामध्ये रोज भर पडत असून वापरण्यास सोपी आणि सुटसुटीत रचना यामुळे कंपनी, कर्मचारी यांचा स्लॅक वापरण्याकडे ओढा दिसून येत आहे. कंपनीने नुकताच (गरज नसताना) नवा लोगोसुद्धा सादर केला आहे!
स्लॅकची सुरुवात स्टेवर्ट बटरफिल्ड यांनी त्यांच्या Tiny Speck या गेम कंपनीच्या अंतर्गत कामासाठी केली होती. होय हा एका कंपनीचा अंतर्गत प्रकल्प आता सॉफ्टवेअरच्या रूपात जगभर वापरला जातोय! Slack हे नाव Searchable Log of All Conversation and Knowledge चं संक्षिप्त रूप आहे!

तरीही सध्या स्लॅक एकत्रितपणे कामासाठी वापरल्या जाणार्‍या चॅट सेवांमध्ये तिसर्‍या क्रमांकावर आहे! पहिल्या क्रमांकावर मायक्रोसॉफ्टचं स्काईप (Skype) फॉर बिझनेस आणि दुसर्‍या क्रमांकावर मायक्रोसॉफ्टचच टीम्स (Microsoft Teams) आहे. एकूण मार्केटचा ४४ टक्के हिस्सा स्काईप, २१ टक्के मायक्रोसॉफ्ट टीम्स आणि स्लॅक कडे १५ टक्के असा विभागला गेला आहे!

The post स्लॅक (Slack)चे १ कोटी दैनंदिन अॅक्टिव्ह युजर्स! appeared first on MarathiTech - मराठीटेक.