ॲपलने काल झालेल्या कार्यक्रमात बरीच नवी उत्पादने सादर केली असून यामध्ये iMac, iPad Pro, Apple AirTags, Apple TV ची नवी आवृत्ती यांचा समावेश आहे.

यामधील AirTag हे छोटंसं उपकरण प्रथमच सादर करण्यात आलं आहे. हे कीचेन, बॅग, सायकल अशा प्रकारच्या वस्तूंना जोडता येतं आणि त्यानंतर आपण त्या त्या टॅगला नाव देऊन ती ती वस्तु ट्रॅक करू शकता! यासाठी तुम्हाला तुमचा फोन दिशा दाखवत मदत करेल. जर हा टॅग हरवला तर तो शोधण्यासाठीही तुमचा फोन आणि ॲपलची स्मार्ट सिस्टम मदत करेल.

याची किंमत ऐकून मात्र ॲपलच्या बऱ्याच उत्पादनांबद्दल पडणारा प्रश्न पुढे येतो की या एव्हढया गोष्टीसाठी $29 म्हणजे भारतात ३१९० रुपये कसे काय द्यायचे? चार टॅग घेतल्यावर किंमत $99 म्हणजे १०९०० रुपये! ॲपलने काही ब्रॅंड्स सोबत भागीदारी केली आहे आणि त्यांचे टॅग तर केवळ त्या ब्रॅंडच्या नावासाठी तब्बल $449 म्हणजे जवळपास ३४००० रुपयांना मिळतील! २२०० आणि ३४००० दोन्हीही टॅग काम तेच करणार आहेत तरीही…!

या AirTag सोबत त्यांनी नवा Apple TV आणला आहे. सोबत याचा रिमोटसुद्धा आता नव्या डिझाईनसह मिळेल. यामध्ये आता A12 चीप दिलेली आहे. याची किंमत $179 (भारतात १८९००) इतकी असणार आहे.

पॉडकास्ट मध्येही अपडेट देऊन आता क्रिएटर्सना पैसे देता येतील अशीही सोय देण्यात आली आहे. ॲपल कार्ड साठी आता ॲपल कार्ड फॅमिलीचाही पर्याय असेल ज्याद्वारे आपले कुटुंबीयसुद्धा हे डिजिटल कार्ड वापरू शकतील!

The post ॲपल AirTag, नवीन Apple TV, नवे मॅजिक किबोर्ड व मॅजिक माऊस सादर! appeared first on MarathiTech - मराठीटेक.

अनेक दिवस चर्चा सुरू असलेले realme 8 मालिकेतील फोन्स काल झालेल्या ऑनलाइन कार्यक्रमात सादर करण्यात आले असून यामध्ये realme 8 व realme 8 Pro या फोन्सचा समावेश आहे. रियलमीने 8 Pro मध्ये चक्क 108MP चा कॅमेरा दिला आहे.

दोन्ही फोन्समध्ये जुनाच Snapdragon 720G प्रोसेसर देण्यात आला आहे. शिवाय अलीकडेच आलेल्या रियलमीच्याच जवळपास याच किंमतीत मिळणाऱ्या फोनसोबत यांचीच स्पर्धा असणार आहे! इतक्या वेगात रियलमी फोन्स आणत आहे की त्यांना आपण स्वतःच्याच फोन्सना विनाकारण अनेक पर्याय देत आहोत याचंही भान राहिलेलं नाही! अनेकांनी Xiaomi च्या Redmi Note 10 मालिकेतील फोन्स अधिक चांगला पर्याय आहे असं मत व्यक्त केलं आहे. शिवाय सॅमसंगचेही नवे पर्याय आहेतच.

realme 8 : या फोनमध्ये 6.4″ FHD+ Super AMOLED डिस्प्ले देण्यात आला आहे. सोबत इन डिस्प्ले फिंगरप्रिंट, MediaTek Helio G95 प्रोसेसर, 4GB/8GB रॅम, 128GB स्टोरेज, 64MP+8MP+2MP+2MP असा कॅमेरा सेटप, 16MP फ्रंट कॅमेरा, 5000mAh बॅटरी, 30W चार्जिंग अशा सुविधा देण्यात आल्या आहेत.
याची किंमत १४९९९ (4GB+128GB), १५९९९ (6GB+128GB), १६९९९ (8GB+128GB) अशी असणार आहे.

realme 8 Pro : या फोनमध्ये 6.4″ FHD+ Super AMOLED डिस्प्ले देण्यात आला आहे. सोबत इन डिस्प्ले फिंगरप्रिंट, Snapdragon 720G प्रोसेसर, 6GB/8GB रॅम, 128GB स्टोरेज, 108MP+8MP+2MP+2MP असा कॅमेरा सेटप, 16MP फ्रंट कॅमेरा, 4500mAh बॅटरी, 50W चार्जिंग अशा सुविधा देण्यात आल्या आहेत. यामध्ये 50W सपोर्ट असला तरी रियलमीने 65W चा चार्जर बॉक्समध्ये दिला आहे!
याची किंमत १७९९९ (6GB+128GB), १९९९९ (8GB+128GB) अशी असणार आहे.

realme Smart Scale : रियलमी त्यांच्या इंटरनेट ऑफ थिंग्ज साठीच्या स्मार्ट होम उपकरणात आता वजनकाटा सुद्धा आणला आहे. यामध्ये १६ प्रकारे वजन मोजणी केली जाते. हा वापरत असताना हार्टरेट सुद्धा पाहता येईल. याची किंमत १९९९ असणार आहे.

realme Smart Bulb : रियलमी त्यांच्या इंटरनेट ऑफ थिंग्ज साठीच्या स्मार्ट होम उपकरणात आता स्मार्ट बल्ब सुद्धा आणला आहे. यामध्ये 9W आणि 12W असे पर्याय असणार आहेत. गूगल असिस्टंट आणि अलेक्सा या दोन्हीचा सपोर्ट असेल. याची किंमत ७९९ (9W) आणि ९९९ (12W) असणार आहे.

The post रियलमीचे realme 8 आणि 8 Pro फोन्स भारतात सादर : 108MP कॅमेरा! appeared first on MarathiTech - मराठीटेक.

ॲमेझॉनकडे मालकी असलेल्या रिंग (Ring) या कंपनीने Always Home Cam आणला असून हा एक ड्रोन आहे जो आपल्या घरातच उडेल. आपण घरी नसताना हा ड्रोन घरी लक्ष ठेवेल आणि आपण आपल्या फोनमध्ये याचा लाईव्ह व्हिडिओ पाहू शकाल! काम झालं की हा ड्रोन त्याच्या डॉकमध्ये जाऊन बसेल आणि स्वतःची बॅटरी चार्ज करण्यास सुरुवात करेल.

रिंग कंपनीतर्फे या कॅमेराबाबत असं सांगण्यात आलं आहे की हा ड्रोन कॅमेरा आपल्या घरातील एकापेक्षा अधिक ठिकाणाची दृश्यं दाखवू शकेल ज्यामुळे अनेक कॅमेरा लावत बसण्याची गरज उरणार नाही. हा कॅमेरा स्वयंचलित असला तरी आपण त्याला मार्ग सांगून स्वतः सुद्धा फोनद्वारे देखरेख करू शकाल. आपल्या घराचा मॅप सेट करून द्यावा लागेल. जयनंतर तुम्ही कॅमेराला हॉल, किचन, बेडरूम असे पर्याय वापरुन त्या त्या ठिकाणी जायला सांगू शकता!

शिवाय या रिंग कंपनीचं दुसरं उत्पादन जे आपल्या घरी कोणी घुसत असेल तर त्याबद्दल अलर्ट देतं ते सुद्धा या कॅमेराला जोडता येतं यामुळे जर त्या अलार्म सिस्टमला तसा प्रकार आढळला तर हा ड्रोन कॅमेरा स्वतः त्या दिशेने उडत जाईल आणि त्या व्यक्तीचा लाईव्ह व्हिडिओ रेकॉर्ड करेल!

रिंग कंपनी स्मार्ट होम उपकरणे बनवते फेब्रुवारी २०१८ मध्ये ॲमेझॉनने रिंग कंपनीचं अधिग्रहण केलं आहे. या कॅमेरामागचा उद्देश चांगला असला तरी अनेकांनी प्रायवसीच्या दृष्टिकोनातून हे उपकरण चांगलं नसेल असं सांगितलं आहे. शिवाय हॅक होण्याचा धोका आहेच यावर रिंगतर्फे हा कॅमेरा केवळ उडत असतानाच रेकॉर्ड करेल आणि तसा आवाजसुद्धा येईल. आणि त्याच्या डॉकमध्ये बसल्यावर कॅमेरा झाकला गेलेला असेल असं सांगितलं आहे.

याची किंमत $249 (~१८४००) असेल सांगण्यात येत आहे आणि हा पुढच्या वर्षी खरेदीसाठी उपलब्ध होईल.

Search Terms : Amazon ring Always Home Drone Camera Always Home Cam Flying Security Drone Camera

The post ॲमेझॉनच्या रिंगचा उडणारा होम सिक्युरिटी ड्रोन कॅमेरा! appeared first on MarathiTech - मराठीटेक.

अनेक महिने पुढे ढकलल्यानंतर शायोमीने त्यांचा Mi 10 5G भारतात सादर केला आहे. यामध्ये 108MP कॅमेरा, Qualcomm Snapdragon 865 प्रोसेसर, 6.67 इंची AMOLED Display, 30W Wireless Charging देण्यात आलं आहे. यासोबत टीव्हीला जोडून त्यामध्ये स्मार्ट सुविधा देणारा Mi TV Box 4K सुद्धा भारतात आणला आहे. 4K HDR 10 सपोर्ट, Android TV 9.0, Dolby Audio, Chromecast Ultra अशा सुविधा यामध्ये अंतर्भूत करण्यात आल्या आहेत.
Mi 10 5G प्रि ऑर्डर करणाऱ्यांना २४९९ किंमतीची Mi Wireless Power bank मोफत मिळणार आहे.

Xiaomi Mi 10 5G

डिस्प्ले : 6.67″ 3D Curved E3 AMOLED Display
प्रोसेसर : Qualcomm Snapdragon 865
GPU : Adreno 650
रॅम : 8GB LPDDR5
स्टोरेज : 128GB/256GB UFS 3
कॅमेरा : 108MP Quad Camera + 13MP Ultrawide + 2MP Depth + 2MP Macro Lens
फ्रंट कॅमेरा : 20MP
बॅटरी : 4780mAh 30W Fast Wired & Wireless Charge
ऑपरेटिंग सिस्टिम : MIUI 11 based on Android 10
इतर : 802.11a/b/g/n/ac, Bluetooth 5.1, WiFi 6, In Display Fingerprint Scanner, 2 SIM Slot
सेन्सर्स : Proximity Sensor, Light Sensor, G Sensor, Electronic compass, Gyroscope, Hall IC, Barometer, Infrared Sensor
रंग : Twilight Grey, Coral Green
किंमत :
8GB+128GB ₹49999
8GB+256GB ₹54999

Mi TV Box 4K द्वारे तुम्ही तुमचा नॉन स्मार्ट टीव्हीला स्मार्ट टीव्ही बनवू शकता. यामध्ये असलेल्या Android TV मुळे यामध्ये आपण अँड्रॉइड अॅप्ससुद्धा इंस्टॉल करू शकतो. Netflix, Prime Video, Disney+ Hotstar आणि YouTube आधीपासून समाविष्ट करण्यात आले आहेत. यामध्ये ब्ल्यूटुथ, वायफाय, यूएसबी पोर्ट, Audio Output, HDMI पोर्ट देण्यात आलं आहे. याची किंमत ३४९९ आहे. हा ११ मे पासून फ्लिपकार्ट आणि शायोमीच्या वेबसाइट व दुकानांमध्ये उपलब्ध होईल. सोबत शायोमीने Mi True Wireless Earphones 2 सुद्धा भारतात आणले असून यांची किंमत ४४९९ इतकी आहे.

सध्या भारतात सोशल मीडियावर सुरू असलेल्या चीनी फोन्स आणि कंपन्याविरोधातील मोहीम पाहता शायोमी फोन्सची मागणी काही प्रमाणात कमी होऊ शकते. भारतीय स्मार्टफोन कंपन्या जवळपास नाहीशा झाल्या असल्या तरी सॅमसंग सारख्या चीनी नसलेल्या कंपनीला प्राधान्य द्यावं असं या मतप्रवाहात सांगण्यात येत आहे. दुसरीकडे काही दिवसांपूर्वीच फोन्सवरील नवीन GST लागू झाल्यामुळे आधीच फोन्सच्या किंमती वाढल्या आहेत तर आता शायोमी ज्या कंपनीची ओळख स्वस्त फोन्ससाठी आहे त्यांनीही ५०००० च्या आसपास किंमतीत फोन्स सुरू केल्यामुळे ग्राहक आणखी नाराज आहेत.

The post Xiaomi Mi 10 5G व Mi TV Box 4K भारतात सादर! appeared first on MarathiTech - मराठीटेक.

अनेक बाबतीत भारतात सर्वप्रथम ठरतील अशा सुविधांची जोड देण्यात आलेला रियलमीचा realme X50 Pro 5G भारतात सादर करण्यात आला आहे. Snapdragon 865 प्रोसेसर असलेला पहिला फोन, सर्वात वेगवान 65W सुपरडार्ट फास्ट चार्जिंग, WiFi 6 असलेला पहिला फोन, पहिला LPDDR5 रॅम असलेला फोन रियलमीने सादर करून iQoo या विवोच्या काही दिवसातच येणाऱ्या नव्या सबब्रॅंडच्या पहिल्या फोनसोबत आधीच मजबूत पर्याय दिला आहे. दोन्ही कंपन्यामध्ये पहिला 5G फोन भारतात सादर करण्यासाठी स्पर्धा पाहायला मिळाली. अर्थात कंपन्या दोन्ही कंपन्याचं पालकत्व BBK Group या चीनी कंपनीकडेच आहे.

या फोनद्वारे रियलमीने प्रथमच realmeUI फोनमध्ये समाविष्ट केला आहे जो Android 10 आधारित असून याचं डिझाईन स्टॉक अँड्रॉइड प्रमाणे असेल असं सांगण्यात आलं आहे.

या कार्यक्रमात IoT (इंटरनेट ऑफ थिंग्ज)वर आधारित विविध उत्पादने रियलमी आणत असून फोन, पॉवरबँक, स्मार्ट बॅंड, स्मार्ट डिस्प्ले, स्मार्ट स्पीकर/इयरफोन्स, स्मार्ट वॉच, स्मार्ट घरगुती उपकरणे, इ उत्पादनांचा यामध्ये समावेश आहे. रियलमी लवकरच त्यांचे स्वतःचे स्मार्ट टीव्हीसुद्धा सादर करणार असल्याचं जाहीर करण्यात आलं आहे.

5G फोन्स सादर करण्यासाठी स्पर्धा सुरू झाली असली तरी खरेदी करताना केवळ फोन 5G आहे म्हणून खरेदी करू नका कारण भारतात 5G ग्राहकाना उपलब्ध होण्यास अनेक महिन्यांचा (कदाचित वर्षांचा) कालावधी लागणार आहे. त्यामुळे सध्यातरी 5G फोनमध्ये असण्याचा काहीही उपयोग नाही.

डिस्प्ले : 6.44″ Ultra Smooth Super AMOLED 90Hz Display
प्रोसेसर : Qualcomm Snapdragon 865
GPU : Adreno 650
रॅम : 12GB LPDDR5
स्टोरेज : 256GB UFS 3.0+Turbo Write+HPB Technology
कॅमेरा : 64MP Quad Camera + 12MP Telephoto + 8MP Ultrawide & Macro Lens + 2MP Portrait lens
फ्रंट कॅमेरा : 32MP Wide-angle +8MP
बॅटरी : 4200mAh 65W SuperDart Fast Charge
ऑपरेटिंग सिस्टिम : realmeUI based on Android 10
इतर : 802.11a/b/g/n/ac Bluetooth 5.0, WiFi 6, Fastest In Display Fingerprint Scanner, NFC, Dolby Atmos
नेटवर्क : 5G
सेन्सर्स : Dual GPS, Light sensor, Proximity sensor, Magnetic induction sensor, Gyro-meter, Acceleration sensor
रंग : Moss Green & Rust Red
किंमत : हा फोन आजपासूनच फ्लिपकार्ट आणि realme.com वर उपलब्ध होत आहे. याचा पहिला सेल आज संध्याकाळी ६ वाजता आहे.
6GB+128GB ₹37999
8GB+128GB ₹39999
12GB+256GB ₹44999

Search Terms : realme X50 Pro 5G Launch Price Sale Buy Now 65W SuperDart Charging 32MP Dual Selfie Camera 90Hz Super AMOLED Display realmeUI Update
realme smart display smart tv smart band smart home travel realme smartwatch coming soon

The post realme X50 Pro सादर : भारतातला पहिला 5G फोन! appeared first on MarathiTech - मराठीटेक.