स्पेसएक्स (SpaceX) या इलॉन मस्क यांच्या खासगी अंतराळयान निर्माता, उपग्रह प्रक्षेपण सेवा कंपनीने १३ ऑक्टोबर २०२४ रोजी एक महत्त्वाची चाचणी यशस्वीपणे पूर्ण केली, ज्यामध्ये त्यांनी त्यांच्या स्टारशिप (Starship) रॉकेटच्या Super Heavy बूस्टरला लाँच पॅडवर “चॉपस्टिक्स” नावाच्या यांत्रिक हातांनी पकडले. या यशस्वी चाचणीने अंतराळ प्रवासात इतिहास रचून एक नवीन अध्याय सुरू केला आहे. स्टारशिपची ही पाचवी चाचणी होती. स्टारशिप हे जगातलं सर्वात मोठं अंतराळयान आहे!

मिशनची माहिती

• उड्डाणाची वेळ: Super Heavy बूस्टरने स्थानिक वेळेनुसार सकाळी ७.२५ वाजता टेक्सासच्या बोका चिका लाँच साइटवरून उड्डाण केले.
• बूस्टर सुमारे ७४ किमी उंचीवरून Starship पासून वेगळे झाले.
• पुनर्प्राप्ती: बूस्टरने सात मिनिटांत लाँच पॅडवर परत येताना यांत्रिक हातांनी (चॉपस्टिक्स) पकडले.
• हे सुपर हेवी बूस्टर कॅच करणाऱ्या स्ट्रक्चरला त्यांनी Mechazilla असं नाव दिलं आहे.

महत्त्वाचे मुद्दे

• यांत्रिक हात : SpaceX ने विकसित केलेले “चॉपस्टिक्स” या यांत्रिक हातांनी बूस्टरला सुरक्षितपणे पकडले, जे अंतराळ उद्योगात एक नवीन तंत्रज्ञान म्हणून ओळखले जात आहे.
• उपयुक्तता : बूस्टरची जलद पुनर्प्राप्ती SpaceX च्या पुनरुपयोगी रॉकेट तंत्रज्ञानाच्या विकासात महत्त्वाची ठरली आहे.
• स्टारशिपचा आकार : स्टारशिपची उंची १२१ मीटर आहे. याचा परीघ (Diameter) ९ मीटर आहे. तब्बल १५० मेट्रिक टन पेलोड वाहून नेण्याची क्षमता यामध्ये आहे.
• स्टारशिपचे बूस्टरची उंची ७१ मीटर आहे.
• या स्टारशिपचं वजन जवळपास 5,000,000 किलो आहे!
• वेगळ्या ग्रहांवरील मोहिमांसाठी हे यान तब्बल १०० लोकांना घेऊन जाऊ शकतं!

मिशनचे उद्दिष्ट

SpaceX चा उद्देश Starship रॉकेटचा वापर करून चंद्र आणि मंगळावर मानव पाठवण्याचा आहे. या यशस्वी चाचणीने अंतराळ उद्योगातील अनेक तज्ञ आणि उत्साही लोकांमध्ये उत्साह निर्माण केला आहे. SpaceX पुढील मिशन्ससाठी तंत्रज्ञान आणि प्रक्रियांचे सुधारणा करत राहील, ज्यामुळे भविष्यातील चंद्र आणि मंगळ मिशन्स अधिक सुलभ होतील. SpaceX ने या मिशनद्वारे अंतराळ प्रवासाच्या क्षेत्रात एक नवीन मानक स्थापित केले आहे कारण ही गोष्ट प्रथमच घडली आहे. यामुळे भविष्यातील मिशन्स अधिक जलद आणि प्रभावी होऊ शकतात.

The post स्पेसएक्सचं अद्वितीय कौशल्य: स्टारशिप रॉकेट बूस्टरला लॉंच पॅडवर झेललं! appeared first on MarathiTech - मराठीटेक.

नासा या अमेरिकन अंतराळ संस्थेने जाहीर केलेल्या माहितीनुसार त्यांच्या Artemis प्रोग्राम अंतर्गत पुन्हा एकदा चंद्रावर मानव पाठवण्याची तयारी सुरू करण्यात आली आहे. यामध्ये ह्युमन लँडरसाठी इलॉन मस्कच्या स्पेसएक्स कंपनीची निवड करण्यात आली आहे. ज्यामार्फत दोन अंतराळवीर चंद्रावर नेण्यात येणार आहेत. यापैकी एक अंतराळवीर चंद्रावर पाऊल ठेवणारी पहिली स्त्री अंतराळवीर ठरणार आहे. ही मोहीम २०२४ मध्ये पार पडेल.

नासा मोहिमेत रॉकेटद्वारे orion स्पेसक्राफ्ट पाठवणार आहे ह्यामध्ये ४ अंतराळवीर असतील. यामधील २ अंतराळवीर स्पेसएक्सच्या Human Landing System (HLS) मध्ये प्रवेश करतील आणि त्यांचा चंद्रावरचा प्रवास सुरू होईल ते आठवडाभर चंद्रावर अभ्यास करून उर्वरित परतीच्या प्रवासासाठी पुन्हा Orion मध्ये जाऊन पृथ्वीवर परततील.

या मोहिमेचं कंत्राट स्पेसएक्सला मिळालं आहे ते तब्बल 2.89 बिलियन डॉलर्सचं असणार आहे अशी माहिती दिलेली आहे. हे कॉंट्रॅक्ट मिळवण्यासाठी स्पेसएक्सची स्पर्धा ॲमेझॉनच्या जेफ बेझोस यांच्या Dynetics Inc कंपनी सोबत होती. स्पेसएक्सच्या अलीकडच्या मोठ्या रॉकेट्सचा अनुभव पाहता स्पेसएक्सला हे कॉंट्रॅक्ट मिळणं स्पष्टच होतं.

पृथ्वीवरून शेवटची मानवी चंद्रमोहीम यापूर्वी १९७२ मध्ये झाली होती. ज्यानंतर आजवर अमेरिका किंवा इतर कोणत्याही देशाने त्यांचे अंतराळवीर चंद्रावर पाठवलेले नाहीत!

Elon Musk’s SpaceX wins $2.9bn NASA contract to send humans to the moon

The post इलॉन मस्कच्या स्पेसएक्समार्फत नासा चंद्रावर मानव पाठवणार! appeared first on MarathiTech - मराठीटेक.

स्पेसएक्सच्या यानातून नासाचे दोन अंतराळवीर आज अंतराळात झेप घेणार आहेत. इतिहासात प्रथमच एका खाजगी संस्थेद्वारे अंतराळवीर अवकाशात पाठवले जाणार आहेत. Bob Behnken आणि Doug Hurley ही दोन अंतराळवीर या मोहिमेमध्ये सहभागी अंतराळवीर आहेत. यासंबंधी लाईव्ह स्ट्रीम सुरू झाली असून केनेडी स्पेस सेंटरपर्यंतचा प्रवास टेस्ला मॉडेल एक्स या कारमधून करण्यात येत आहे. हा लेख अपडेट करत असताना प्रक्षेपणास १२ मिनिटे शिल्लक आहेत.

अपडेट १ : प्रतिकूल हवामानामुळे हे उड्डाण रद्द करण्यात आलं आहे. पुढील प्रयत्न आज म्हणजे ३१ मे रोजी करण्यात येईल.

अपडेट २ : ३१-०५-२०२० : हे प्रक्षेपण यशस्वी झालं असून दोन्ही अंतराळवीर आता स्पेस स्टेशनच्या दिशेने प्रवास करत असून त्यांना पृथ्वीच्या कक्षेबाहेर सोडून स्पेसएक्सचं रॉकेट पृथ्वीवर आय स्टिल लव्ह यू या ड्रोनशिप परतलं आहे असून हे परत वापरणंसुद्धा आता शक्य आहे! आणखी काही तासांनी हे अंतराळवीर स्पेसस्टेशनजवळ पोचतील आणि त्यांचं स्पेस क्राफ्ट स्पेसस्टेशनला जोडलं जाऊन ते त्यामध्ये प्रवेश करतील.

अपडेट ३ : ३१-०५-२०२० : दोन्ही अंतराळवीर आता इंटरनॅशनल स्पेसस्टेशनजवळ पोहोचले असून काही मिनिटात डॉकिंगची प्रक्रिया सुरू होईल! #ISS #InternationalSpaceStation

अपडेट ४ : ३१-०५-२०२० : क्रू ड्रॅगन आणि इंटरनॅशनल स्पेसस्टेशनची डॉकिंग प्रक्रिया पूर्ण झाली असून काही वेळातच अंतराळवीर स्पेस स्टेशनमध्ये प्रवेश करतील.

३१-०५-२०२०
लाईव्ह स्ट्रीम पाहण्यासाठी लिंक : https://youtu.be/rjb9FdVdX5I

स्पेसएक्स (SpaceX) ही कंपनी इलॉन मस्कनी स्थापन केली आहे. जवळपास नऊ वर्षांनी मानवी अंतराळ मोहीम पार पाडण्यात येणार असून ही घटना नक्कीच ऐतिहासिक असणार आहे. या मोहिमेचं नाव Demo 2 असं असून स्पेसएक्सच्या Falcon 9 या रॉकेटद्वारे Crew Dragon या स्पेसक्राफ्टद्वारे दोन अंतराळवीर अवकाशात झेप घेतील! अवकाशात प्रवास करत ते इंटरनॅशनल स्पेस स्टेशनमध्ये पोचतील जिथे सध्या एक अंतराळवीर आधीच असून आता एकूण तीन अंतराळवीर स्पेस स्टेशनमार्फत पृथ्वीकडे लक्ष ठेवतील!

लाईव्ह अपडेट्ससाठी लिंक्स

• https://twitter.com/SpaceX
• https://youtube.com/spacex

The post स्पेसएक्सच्या यानातून नासाचे दोन अंतराळवीर काही क्षणात स्पेस स्टेशनमध्ये! appeared first on MarathiTech - मराठीटेक.

स्पेसएक्सया अमेरिकन खाजगी संस्थेने त्यांच्या फाल्कन हेवी या जगातल्या सर्वात मोठ्या यानाचं पुन्हा एकदा यशस्वी उड्डाण करून याचे तिन्ही रॉकेट बूस्टर्स पुन्हा वापर करण्यासाठी यशस्वीरीत्या पृथ्वीवर लँड करून दाखवले आहेत. तिन्ही रॉकेट बूस्टर्स पृथ्वीवर परत आणण्याची ही स्पेसएक्सचीही पहिलीच वेळ आहे. या तीन पैकी दोन बूस्टर्स जमिनीवर तर एक समुद्रात ड्रोनशिप नावच्या बोटवजा लॅंडींग पॅडवर लँड झालेले आहेत!

फेब्रुवारी २०१८ मध्ये फाल्कन हेवी यानाचं पहिलं उड्डाण झालं होतं हे उड्डाण यशस्वी ठरलं तरी तीनपैकी दोनच बूस्टर्स यशस्वीरीत्या लँड झाले होते मात्र तिसरा बूस्टर समुद्रात कोसळला होता. यावेळी मात्र स्पेसएक्सने तिन्ही बूस्टर्स लँड केले असून हे आता पुढच्या अंतराळ मोहिमांमध्ये वापरता येतील! हे बूस्टर्स मूळ रॉकेट अवकाशात सोडून पृथ्वीकडे परत निघतात आणि यांचा पुन्हा वापर करणं शक्य होतं.

या आज पार पाडलेल्या मोहिमेच नाव अरबसॅट 6A (Arabsat 6A) असं आहे. नासाच्या केनेडी स्पेस सेंटर, फ्लोरिडा येथे ही मोहीम पार पडली. याचा लाईव्हस्ट्रिम व्हिडिओ आपण खाली पाहू शकता.

The post स्पेसएक्सच्या सर्वात मोठ्या रॉकेटच पुन्हा यशस्वी उड्डाण! appeared first on MarathiTech - मराठीटेक.

स्पेसएक्स (SpaceX) ने आज चंद्रावर जाणाऱ्या त्यांच्या पहिल्या प्रवाशाची घोषणा केली आहे. जपानी उद्योजक युसाकू मायेजावा (Yusaku Maezawa) २०२३ मध्ये चंद्रावर जाणार आहेत. युसाकू हे जपानच्या ऑनलाईन फॅशन रिटेल वेबसाइट झोझोटाउनचे संस्थापक आहेत. “मी चंद्रावर जाण्याचे निवडले आहे” असे युसाकू यांनी स्पेसएक्सच्या मुख्यालयात झालेल्या कार्यक्रमात सांगितले. युसाकू स्वतःसोबत आणखी ६-८ लोकांना घेऊन जाणार आहेत यामध्ये जगभरातील कलाकार जसे की संगीतकार, चित्रकार, चित्रपट दिग्दर्शक, फॅशन डिझायनर इत्यादींचा समावेश असणार आहे.

Hanging out with @yousuck2020 before the @SpaceX moon mission announcement pic.twitter.com/RTOwutzMtG

— Elon Musk (@elonmusk) September 18, 2018

‘डिअर मून’ (DearMoon) असे या प्रोजेक्टचे नाव असणार असून युसाकू त्यांच्यासोबत घेऊन जाणाऱ्या कलाकार सदस्यांची निवड प्रक्रिया लवकरच चालू करणार आहेत. यासाठी जगभरातील आर्टिस्टना याचा भाग होता येईल तर युसाकू स्वतः सुद्धा काही कलाकारांना निमंत्रण देणार आहेत. त्यानंतर ट्रेनिंग प्रोग्रॅमला सुरवात होईल. जवळपास ५ ते ६ दिवस ही मोहीम चालेल. मोहिमे दरम्यान तसेच पृथ्वीवर परतल्यानंतर सहभागी आर्टिस्टना त्यांच्या अनुभवातून व्यक्त होण्यास सांगितले जाईल व त्यांनी तयार केलेले साहित्य प्रसिद्ध केले जाईल.

या प्रोजेक्टसाठी स्पेसएक्सच्या BFR (Big Falcon Rocket) चा वापर केला जाणार असून काही दिवसांपूर्वी सादर करण्यात आलेल्या BFR मध्ये अनेक बदल करण्यात आले आहेत. BFR हे स्पेसएक्सचे सर्वात मोठं व जास्त क्षमता असणारे रॉकेट आहे. जे ११८ मीटर उंच असून, यामधून १०० टन पेलोड, LEO ( Lower Earth Orbit) पर्यंत वाहण्याची त्याचबरोबर पुन्हा वापर करता येण्याची याची क्षमता आहे.

विमानातून प्रवास करण्याएवढी सोपी ही मोहीम नसून यामध्ये अनेक धोके उद्भवतील त्याचबरोबर २०२३ मध्येच खात्रीशीर ही मोहीम पार पडेल हे सांगता येणार नाही असे इलॉन मस्क यांनी सांगितले. परंतु स्पेसएक्सने फक्त १० वर्षांत केलेली प्रगती पाहता हे संभव असेल. डिअर मून प्रोजेक्ट साठी किती खर्च येईल तसेच युसाकू यांनी किती पैसे दिले आहेत याबद्दल काहीही सांगण्यात आलेले नाही. परंतु सर्व आर्टिस्ट साठी ही मोहीम फ्री असेल.

डिअर मून प्रोजेक्टमध्ये सहभागी होणारे आर्टिस्ट तसेच भविष्यातील अपडेट्स साठी dearmoon.earth वेबसाइट तयार करण्यात आली आहे. त्याचबरोबर #dearmoonproject म्हणून ट्विटर आणि इंस्टाग्राम अकाउंट सुद्धा उघडण्यात आले आहेत. या प्रोजेक्ट बद्दल अपडेट्स मिळविण्यासाठी पुढील ट्विटर आणि इंस्टाग्राम अकाउंट आपण फॉलो करू शकता.

ट्विटर – @dearmoonproject / Yusaku Maezawa 
इंस्टाग्राम – @dearmoonproject / Yusaku Maezawa

संपूर्ण कार्यक्रम पुढील लिंक वरून पाहता येईल. First Private Passenger on Lunar BFR Mission

संबंधित लेख :

• टेस्ला मोटर्सचा इलेक्ट्रिक सेमी ट्रक सादर! सोबत रोडस्टर २.० सादर!
• स्पेसएक्सच्या फाल्कन हेवी यानाचं टेस्ला रोडस्टर कार सोबत यशस्वी प्रक्षेपण

search terms : spacex dear moon mission project first passenger announcement elon musk marathi

The post स्पेसएक्सच्या चंद्रमोहिमेसाठी पहिल्या प्रवाशाच नाव जाहीर : इलॉन मस्कचा नवा प्रोजेक्ट! appeared first on MarathiTech - मराठीटेक.