डिज्नी (Disney) ने त्यांची बर्‍याच दिवसांपासून चर्चा सुरू असलेली स्ट्रिमिंग सेवा आज जाहीर केली असून ही सेवा १२ नोव्हेंबरपासून अमेरिकेत उपलब्ध होईल! या सेवेचं नाव डिज्नी प्लस असं असणार आहे. या सेवेची किंमत $6.99/महिना (~₹४८५) व $69.99/वर्ष (~₹४९००) अशी असेल. भारतीय बाजारात उपलब्धतता किंवा किंमतीबद्दल माहिती देण्यात आलेली नाही.

डिज्नीच्या केव्हीन मेयर यांनी कंपनीच्या या नव्या उत्पादनाची आज गुंतवणूकदारांना माहिती दिली. यावेळी Disney+ अॅप इंटरफेससुद्धा दाखवण्यात आला आहे. नेटफ्लिक्सप्रमाणेच आडव्या रांगामध्ये आपल्याला चित्रपट, मालिका यांची यादी पाहता येईल. मात्र याचं वेगळेपण म्हणजे वर आपल्याला पाच स्वतंत्र नावे असलेली जागा दिसेल ज्यामध्ये डिज्नीसोबत त्यांच्याच पिक्सार, मार्व्हल, स्टार वॉर्स व नॅशनल जिओग्राफिक यांना स्थान दिलेलं असेल. त्यानुसार ज्या त्या franchise चा चित्रपट/मालिका आपण सहज पाहू शकू…

डिज्नी प्लसची सेवा जवळपास सर्वच उपकरणांवर उपलब्ध होत असून स्मार्ट टीव्ही, वेब ब्राऊजर, टॅब्लेट्स, स्मार्टफोन्स, गेम कॉन्सोल्स, क्रोमकास्ट,इ अशा सर्व ठिकाणी आपण डिज्नी प्लस सेवा स्ट्रिम करू शकणार आहोत.

Disney+ च्या सभासदांना प्रोफाइल्स जोडता येणार असून त्यानुसार घरातील सर्वांना स्वतःची वेगळी प्रोफाइल देता येईल व त्यानुसार कंटेंट पाहता येईल. लहान मुलांसाठी पॅरेंटल कंट्रोल्ससुद्धा देण्यात आले आहेत. या सेवेमधील सर्व कंटेंट ऑफलाइन पाहण्यासाठी डाऊनलोड सुद्धा करता येणार आहे. 4K HDR सपोर्टेड टीव्ही असल्यास त्या प्रकारचा कंटेंट सुद्धा उपलब्ध करून देण्यात येणार आहे.

खास डिज्नी प्लससाठी नव्याने कंटेंट तयार करण्यात येणार असून याबद्दलसुद्धा माहिती देण्यात आलेली आहे. मार्व्हलसोबत फाल्कन, विंटर सोल्जर यांच्यावर आधारित मालिका, सोबत लोकी व हॉकआय यांची लाईव्ह अॅक्शन, मोंस्टर्स. इंक शो, स्टार वॉर्सची मालिका तयार करण्यात येत आहे.

गेले कित्येक महीने अनेक स्ट्रिमिंग सर्व्हिसेस/ टीव्ही चॅनल्सवरून नेहमीचा करार रद्द करण्याचे प्रकार पाहून लवकरच डिज्नी स्वतःची सेवा आणणार हे स्पष्ट होत होतं. त्यांचे स्वतःचे सर्व चित्रपट डिज्नी प्लस वर उपलब्ध होणार आहेतचं शिवाय आता 21st Century Fox च्या अधिग्रहणानंतर त्यांचेही सर्व चित्रपट/मालिका डिज्नीकडे उपलब्ध होतील!

आता नेटफ्लिक्स, अॅमेझॉन प्राइम व्हिडिओ, अॅपल यांना डिज्नीच्या मोठ्या स्पर्धेचा सामना करावा लागेल. मनोरंजन क्षेत्रात या सर्वांपेक्षा डिज्नीकडे साहजिकच फार मोठी ताकद असून अनेकांनी डिज्नी या क्षेत्रात एकाधिकारशाहीसुद्धा निर्माण करू शकेल अशी भीती व्यक्त केली आहे. ज्या वेगाने डिज्नीने इतरांकडून चित्रपट/मालिका खेचून घेतल्या आहेत त्यावरून त्यामध्ये तथ्य सुद्धा असू शकेल. ही सेवा आधीच उपलब्ध सेवांसमोर कशा प्रकारे चालेल हे येणार्‍या काळात कळेलच…

Search Terms : Disney+ streaming service launched to be available from November

The post डिज्नी प्लस : बहुचर्चित स्ट्रिमिंग सेवा सादर : नोव्हेंबरपासून उपलब्ध! appeared first on MarathiTech - मराठीटेक.

भारतात वेगाने वाढत असलेले वेब कंटेंटचं मार्केट पाहून काही महिन्यांपूर्वी नेटफ्लिक्स, प्राइम व्हिडिओ यांचा भारतात प्रवेश झाला. आता यामध्ये अनेक भारतीय कंपन्यासुद्धा उतरलेल्या असल्यामुळे मोठी स्पर्धा निर्माण झाली आहे. यामुळे आता नेटफ्लिक्स नव्या प्रकारच्या प्लॅन्सद्वारे ग्राहकांना आपल्याकडे खेचण्याचा प्रयत्नात आहे!

आता नव्याने सादर झालेल्या प्लॅन्सनुसार ग्राहक आठवड्याच्या बिलिंगचा पर्याय निवडू शकतील. हा पर्याय फक्त मोबाइलवर पाहण्यासाठीच उपलब्ध असणार आहे.

• ₹ ६५ दर आठवडा मोबाइल ओन्ली प्लॅन
  
• ₹ १२५ दर आठवडा Basic Plan (SD)
• ₹ १६५ दर आठवडा Standard Plan (दोन डिव्हाइसेस, HD)
• ₹ २०० दर आठवडा Ultra Plan (चार डिव्हाइसेस, 4K)
• सोबत ₹ २५० दर महिना मोबाइल ओन्ली या प्लॅनचीही चाचणी सुरु आहे
• सोबत एक महिना मोफत ट्रायल उपलब्ध आहेच…

मोबाइल ओन्ली प्लॅन्समध्ये ग्राहक फोन/टॅब्लेट यापैकी केवळ एक डिव्हाईस वापरू शकतील. यामध्ये HD/4K रेजोल्यूशनमध्ये कंटेंट पाहता येणार नाही. तसेच हा प्लॅन सुरु असताना लॅपटॉप/डेस्कटॉपवर नेटफ्लिक्स वापरता येणार नाही. हे प्लॅन्स सध्या चाचणी स्वरुपात असल्यामुळे सर्वांना दिसतीलच असे नाही याची नोंद घ्यावी.

हे स्वस्त प्लॅन्स आल्यावरसुद्धा नेटफ्लिक्स भारतातील सर्वात महाग स्ट्रिमिंग सेवा आहे. अॅमेझॉनची प्राईम सेवा वस्तूंच्या डिलिव्हरीसोबत चित्रपट, गाणी, मालिका असं सर्वकाही उपलब्ध करून देत असल्यामुळे तो चांगला पर्याय ग्राहकांना उपलब्ध आहेच. आता हॉटस्टार, अल्टबालाजी, Zee5, Voot, Hooq, Sony LIV, Eros Now, यांनीही वेब कंटेंट स्ट्रिमिंग सेवा उपलब्ध करून दिल्या आहेत. हे प्रमाण वाढत गेल्यास ग्राहकांना सर्व सेवासाठी वेगवेगळ सबस्क्रिप्शन घेत बसणं जड जाणार आहे हे मात्र नक्की…

The post नेटफ्लिक्सवर आता आठवड्याचंही सबस्क्रिप्शन उपलब्ध! appeared first on MarathiTech - मराठीटेक.

सध्या सुरु असलेला प्रीमियम सबस्क्रिप्शन सेवांचा जोर लक्षात घेता भारतातील आघाडीची पेमेंट कंपनी पेटीएमने आता स्वतःची पेटीएम फर्स्ट नावाची प्रीमियम सबस्क्रिप्शन सेवा सुरु केली आहे ज्याद्वारे ग्राहकांना वर्षभर कॅशबॅक, रिवार्डस, इतर अनेक सेवांची मेंबरशिप सुद्धा देण्यात येईल! अमेझॉन प्राईम व फ्लिपकार्ट प्लस सोबत यांची स्पर्धा होईल. ही पेटीएम फर्स्ट सेवा वार्षिक ७५० रुपयात घेता येईल. ज्यामध्ये झोमॅटो, उबर, सोनी लिव्ह, गाणा अशा इतर सेवांसोबत अनेक सोयी सुविधा वर्षभर मिळतील!

पेटीएम फर्स्ट (Paytm First)अंतर्गत पेटीएमच्या ऑफर्ससोबत खालील गोष्टीसुद्धा मिळतील!

• Zomato Gold membership
• Annual Gaana membership
• Annual Sony Liv subscription
• ViU Premium
• Eros Now Annual membership
• Uber (benefits up to Rs 6000)
• Uber Eats (benefits up to Rs 2400)
• and many more exciting partner offers worth more than Rs. 12,000.
• पेटीएमकडून दरमहा चित्रपट तिकीटांवर १०० कॅशबॅक
• पेटीएम मॉलवरील वस्तूंवर सूट आणि अमर्याद मोफत डिलिव्हरी

पेटीएम फर्स्टची किंमत एका वर्षासाठी ७५० रुपये असून मर्यादित कालावधीसाठी पहिल्या वर्षी ६५० रुपयात (७५० – १०० = ६५०) मिळणार आहे ज्यामध्ये १०० रुपये कॅशबॅक देण्यात आलेला आहे. ही सदस्यता घेतल्यावर अनेक ब्रॅंड्सची खास सेवा उपलब्ध होणार आहेत. चित्रपट, गाणी, खाद्यपदार्थ, मनोरंजन अशा विविध क्षेत्रातील सेवांचा लाभ ग्राहकांना घेता येईल. ही सेवा अँड्रॉइडवर सर्व ग्राहकांना उपलब्ध झाली असून ७ मार्चपासून iOS यूजर्सना उपलब्ध करून देण्यात येईल…

Search Terms What is Paytm First How to register / subscribe Paytm First

The post पेटीएम फर्स्ट : आता ७५० रुपयात प्रीमियम सेवा! appeared first on MarathiTech - मराठीटेक.