काल रिलायन्स जिओ आणि आज लगेचच एयरटेलने सुद्धा त्यांच्या प्रिपेड प्लॅन्सच्या किंमतीमध्ये जवळपास १२ ते २५% वाढ केली आहे! कदाचित Vi सुद्धा नवीन प्लॅन्स लवकरच जाहीर करेल. जरी किंमती वाढल्या असल्या तरी या प्लॅन्समध्ये मिळणारा डेटा आणि व्हॅलिडिटी यामध्ये कोणताही बदल झालेला नाही. दोन्ही कंपन्यांचे प्लॅन्स ३ जुलै २०२४ पासून लागू होतील. प्रिपेडसोबत काही पोस्टपेड प्लॅन्सच्याही किंमती वाढवल्या आहेत.

नेटवर्क टेक्नॉलजी आणि त्यासाठी लागणारी गुंतवणूक यानुसार एक यशस्वी बिझनेस मॉडेल सुरू ठेवण्यासाठी आम्हाला हे बदल करावे लागत आहेत असं एयरटेलने सांगितलं आहे. ARPU (Avarage Revenue Per User) म्हणजेच प्रत्येक ग्राहकाकडून मिळणारं सरासरी उत्पन्न ३०० च्या वर असावं असं त्यांचं म्हणणं आहे!

जिओचे सर्व नवे प्लॅन्स तुम्ही खालील इमेजमध्ये पाहू शकता. २०९ चा 1GB/Day २८ दिवसांसाठीचा प्लॅन आता २४९ रुपये करण्यात आला आहे. २९९ चा 2GB/Day २८ दिवसांसाठीचा प्लॅन आता ३४९ रुपये करण्यात आला आहे. जिओचे रु. ३९५ आणि रु. १५५९ चा प्लॅन आता रीचार्ज करण्यास उपलब्ध नाहीत असंही दिसून येत आहे!

मोफत अनलिमिटेड 5G सुद्धा आता फक्त 2GB/Day किंवा त्यावरील प्लॅन्सवरच वापरता येणार आहे! प्रिपेडसोबत काही पोस्टपेड प्लॅन्सच्याही किंमती वाढवल्या आहेत.

तुम्ही ३ जुलै पूर्वी जिओचा रीचार्ज करून ठेवणार असाल तर खालील गोष्टी लक्षात ठेवा.

• जिओला तुम्ही तुमचा सध्याचा रीचार्ज कोणताही असेल तरीही जुन्या किंमतीचा कोणताही प्लॅन आधीच रीचार्ज करून ठेवण्यासाठी निवडू शकता.
• शक्यतो हे रीचार्ज MyJio App वरच करा.
• तुम्ही जास्तीत जास्त ५० रीचार्ज करून ठेवू शकता. (अर्थात इतके रीचार्ज करून ठेवण्याची गरज नाहीच पण किमान वर्ष भराचे रीचार्ज करून ठेवा)
• रीचार्ज आत्ताच करून ठेवले तर तुमचे वर्षाला जवळपास ६०० रु वाचू शकतील!

एयरटेलनेसुद्धा त्यांचे नवे प्लॅन्स लगेच जाहीर केले असून त्यांचा २६५ चा 1GB/Day २८ दिवसांसाठीचा प्लॅन आता २९९ रुपये करण्यात आला आहे. इतर प्लॅन्स खालील इमेजमध्ये पाहू शकता.

तुम्ही ३ जुलै पूर्वी एयरटेलचा रीचार्ज करून ठेवणार असाल तर खालील गोष्टी लक्षात ठेवा.

• तुम्ही सध्या सुरू असलेल्या प्लॅनच पुढे सुरू ठेवू शकता. सध्या सुरू असलेल्या प्लॅनचाच रीचार्ज केला तरच तो stack होईल म्हणजेच त्याची व्हॅलिडिटी पुढे वाढेल.
• पुढे सुरू ठेवण्यासाठी रीचार्जची व्हॅलिडिटी जास्तीतजास्त ७३० दिवस असेल तरच ती पुढे सुरू राहील.
• you can stack up your recharge upto 730 days with the condition of recharge should be done with same nature of the plan.
• जर तुम्ही सध्या सुरू असलेला प्लॅन सोडून दुसऱ्या किंमतीचा रीचार्ज केला तर तो पुढे सुरू राहणार नसून तो प्लॅन लगेच अॅक्टिवेट होईल (तुमच्या जुन्या प्लॅनची व्हॅलिडिटी शिल्लक असेल तरीही तो लगेच बंद होईल.)

नवे प्लॅन्स ३ जुलैपासून लागू होणार असल्यामुळे ३ जुलैच्या आत तुम्ही जुन्या किंमतीत रीचार्ज करून ठेऊ शकता. त्यासाठी Jio Prepaid Plans ह्या लिंकवर आणि एयरटेलचे Airtel Prepaid Plans वर जाऊन तपासून पहा आणि मग रीचार्ज करा.

बरेच महिने स्वस्तात इंटरनेट आणि मोफत कॉलिंग देऊन सवय लावली आणि आता एकाधिकारशाही प्रमाणे या मोजक्या दोन तीन कंपन्या किंमती वाढवत आहेत अशी प्रतिक्रिया सोशल मीडियावर पाहायला मिळत आहे. विशेष म्हणजे तुम्हाला जर फक्त कॉलिंगसाठी प्लॅन्स हवे असतील तर ते आता उपलब्ध नाहीतच. तुम्हाला इंटरनेट डेटा असलेलेच प्लॅन्स घ्यावे लागतात. ज्यांचा तसा काहीच वापर नाही त्यांनासुद्धा असे जास्त किंमतीचे रीचार्ज करण्याशिवाय पर्याय उरणार नाही.

The post जिओ, एयरटेल आणि Vi ने त्यांच्या प्लॅन्सच्या किंमती वाढवल्या! appeared first on MarathiTech - मराठीटेक.

गेल्या आठवड्यात एयरटेल आणि Vi ने त्यांची दरवाढ जाहीर केल्यावर आता रिलायन्स जिओने सुद्धा त्यांचे प्रिपेड प्लॅन्सचे दर वाढवत असल्याचं जाहीर केलं आहे. नवे दर १ डिसेंबर २०२१ पासून लागू होतील.

अजूनही तुलेनेने जिओच्या प्लॅन्स इतरांपेक्षा स्वस्त दिसत आहेत. शिवाय जिओ प्लॅन्स सोबत येणाऱ्या लाईव्ह टीव्ही, न्यूज, मासिके अशा इतर सोयीसुद्धा जास्त आहेत. मात्र त्यांची 4G सेवेची गुणवत्ता बऱ्याच ठिकाणी घसरली आहे असं आमच्या बऱ्याच वाचकांनी मत नोंदवलं आहे. बाकी हे त्या त्या ठिकाणावर व इतर बऱ्याच गोष्टींवर अवलंबून असलं तरीही कंपन्यांनी नुसते दर न वाढवता सेवेची गुणवत्तासुद्धा सुधारायला हवी.

इतके दिवस हे स्वस्त प्लॅन्सचे आता लवकरच संपण्याच्या वाटेवर आहेत. कमी पैशात इंटरनेटची सवय लावून आता सर्वच टेलिकॉम कंपन्या एकदम प्लॅन्सच्या किंमती वाढवत नेत असल्याच दिसत आहे. या सर्वांमध्ये फक्त कॉलिंग आणि अमर्याद व्हॅलिडिटी असलेले प्लॅन्स बंद झाले. आता प्रत्येकाला दर महिना रीचार्ज करावाच लागतो. एकंदर पुढे येणाऱ्या काळात या प्लॅन्समध्ये काय बदल पाहायला मिळतील आणि 5G आल्यावर यांची अवस्था काय असेल यावरसुद्धा लक्ष ठेवावं लागेल.

खाली एयरटेल, Vi आणि जिओच्या नव्या प्रिपेड प्लॅन्सची माहिती दिली आहे.

The post एयरटेल, Vi नंतर जिओनेही प्लॅन्सच्या किंमती वाढवल्या! appeared first on MarathiTech - मराठीटेक.

एयरटेलने आज ऑल इन वन असा एकत्रित काम करणारा Airtel Black नावाचा प्लॅन सादर केला आहे. यानुसार फिक्स्ड बंडल प्लॅन मिळेल ज्यामध्ये तुम्हाला मोबाइल कनेक्शन, फायबर कनेक्शन आणि डीटीएच कनेक्शनसुद्धा मिळेल. या सर्वांचे पैसे एकच प्लॅनमध्ये भरले की तिन्ही सेवा वापरता येतील!

एयरटेलचे हे प्लॅन्स पाहून आपल्या गरजेनुसार निवड करु शकता. त्यामधील फायदे, ऑफर्स यांचा नक्की आपल्याला उपयोग आहे का याची माहिती घेऊन मग अशा प्लॅन्समध्ये सहभागी व्हा.

Airtel Black प्लॅन्स मधील ग्राहकांसाठी सुविधा

• एक बिल आणि एकच कॉल सेंटर
• मदतीसाठी खास टीम
• समस्या दूर करतेवेळी या प्लॅनच्या ग्राहकांना प्राधान्य
• ६० सेकंदात कॉल उचलला जाणार
• मोफत सर्व्हिस व्हिजिट्स
• डीटीएच आणि फायबर इंस्टॉलेशन मोफत
• एयरटेल Xstream Box मोफत
• एयरटेल शॉपमध्ये Buy Now Pay Later ची सोय

Airtel Black प्लॅन्स

या प्लॅनमध्ये सहभागी होण्यासाठी दोन पर्याय आहेत. पहिल्या पर्यायानुसार तुम्ही तुमचं सध्याचं मोबाइल पोस्टपेड कनेक्शन किंवा फायबर कनेक्शनला सिंगल बिल पॅकमध्ये घेऊ शकता किंवा दुसरा पर्याय म्हणजे फिक्स्ड बंडल प्लॅन जो ९९८ रुपये दरमहा दराने सुरू होतो.

• ऑल इन वन बंडल : २०९९ रुपये दरमहा : ३ मोबाइल कनेक्शन्स + १ फायबर कनेक्शन + १ डीटीएच कनेक्शन
• फायबर + मोबाइल : १५९८ रुपये दरमहा : २ मोबाइल कनेक्शन्स + १ फायबर कनेक्शन
• डीटीएच + मोबाइल : १३४९ रुपये दरमहा : ३ मोबाइल कनेक्शन्स + १ डीटीएच कनेक्शन
• डीटीएच + मोबाइल : ९९८ रुपये दरमहा : २ मोबाइल कनेक्शन्स + १ डीटीएच कनेक्शन

या प्लॅन्सच्या अधिक माहितीसाठी अधिकृत लिंक : https://www.airtel.in/airtel-black/

The post एयरटेल ब्लॅक : मोबाइल, फायबर, डीटीएच सर्वांसाठी मिळून एकच प्लॅन! appeared first on MarathiTech - मराठीटेक.

भारत सरकारने अलीकडेच नवी संस्था स्थापन केली असून या संस्थेचं नाव डिजिटल इंटेलिजन्स यूनिट (DIU) असं असणार आहे. ही संस्था टेलिकॉम सेवांचा वापर करून घडलेल्या गैरव्यवहारांबाबत टेलिकॉम कंपन्या, आर्थिक क्षेत्रात काम करणाऱ्या संस्था आणि दूरसंचार विभाग (DoT) यांच्यासोबत संपर्क ठेवेल. यामुळे आर्थिक गैरव्यवहार आणि त्रासाला सामोरं जाणाऱ्या व्यक्तींना मदत मिळवण्यासाठी पर्याय उपलब्ध होणार आहे.

भारत सरकारतर्फे ही संस्था तयार केल्यावर फसवणुकीच्या कॉल्समार्फत किंवा खोट्या एसएमएस मार्फत होणारे गैरप्रकार थांबवता येतील आणि लोकांना या माध्यमांबद्दल विश्वास निर्माण होईल अशी अपेक्षा व्यक्त करण्यात आली आहे. यासाठी एक स्वतंत्र मोबाइल ॲप्लिकेशनसुद्धा आणलं जाणार आहे ज्याद्वारे ग्राहकांना त्यांच्या तक्रारी नोंदवता येतील.

माध्यामांमध्ये आलेल्या माहितीनुसार सरकार यासाठी २० ते २५ कोटी रुपये खर्च करून नवी सिस्टिम तयार करत आहे. जसजशा तक्रारी येतील तसा तो क्रमांक आणि सिम कार्ड फोनसह ब्लॉक केला जाईल.

यासोबत अशीही माहिती देण्यात आली आहे की DND नोंदणी केलेल्या ग्राहकांना नोंदणी करूनसुद्धा त्रासदायक ठरतील असे मेसेज किंवा कॉल केल्यास संबंधित कंपनीला दंड आकारला जाईल.

केंद्रीय टेलिकॉम मंत्री रवी शंकर प्रसाद यांनी याबद्दलची माहिती प्रसारित केली आहे. यावेळी त्यांनी टेलिमार्केटर्स आणि मोबाइल यूजर्सना त्रास देणाऱ्या व्यक्तींविरोधात कडक कारवाई केली जाईल असंही सांगितलं आहे.

फोनमार्फत होत असलेल्या फसवणुकीच्या वाढलेल्या गुन्ह्यावर अंकुश मिळावा म्हणून सरकारी पातळीवर यूजर्सच्या सुरक्षिततेसाठी अशा प्रकारचं पाऊल उचलणं नक्कीच गरजेचं होतं. आता या संस्थेअंतर्गत आलेल्या तक्रारींवर लवकरात लवकर कार्यवाही सुरू व्हायला हवी.

Search Terms : Government Sets Up Digital Intelligence Unit (DIU) To Monitor Fraudulent Transactions

The post DND नोंदणी केलेल्या ग्राहकांना मेसेज किंवा कॉल केल्यास संबंधित कंपनीला दंड appeared first on MarathiTech - मराठीटेक.

भारती एयरटेलने २८ जानेवारी रोजी हैदराबादमध्ये त्यांच्या 5G नेटवर्कची यशस्वी चाचणी घेऊन ते आता 5G Ready Network असल्याचं जाहीर केलं आहे. या चाचणीमुळे एयरटेल भारतातली पहिली 5G रेडी कंपनी बनली आहे. 5G सेवांमुळे अवघ्या काही सेकंदात पूर्ण चित्रपट डाउनलोड करता येईल इतक्या वेगात इंटरनेट आपल्या फोन्सवर उपलब्ध होणार आहे. चाचणी पूर्ण झाली असली तरीही सरकारकडून स्पेक्ट्रम वाटप झाल्यावर परवानगी मिळवून मगच प्रत्यक्षात 5G आपणा सर्वांना उपलब्ध होणार आहे.

या चाचणीसाठी त्यांनी सध्याचाच 1800MHz बॅंड वापरला. डायनॅमिक स्पेक्ट्रम शेयरिंग वापरुन 5G व 4G एकाच स्पेक्ट्रम ब्लॉकमध्ये वापरुन ही चाचणी घेण्यात आली आणि याद्वारे दहापट अधिक वेग मिळाला असं एयरटेलने सांगितलं आहे!

एयरटेलने दिलेल्या माहितीनुसार त्यांचं सर्व नेटवर्क आता 5G साठी तयार असून परवानगी मिळाल्यावर अवघ्या काही महिन्यात सर्वत्र 5G सेवा पुरवू शकू असा त्यांना विश्वास आहे!

नव्या जनरेशन वेळी जाहिराती केलेला स्पीड आपल्याला नंतर निम्मासुद्धा राहत नाही हे वास्तव असलं तरी 5G द्वारे आता पुरेसा वेग सर्वत्र उपलब्ध होऊ शकेल. एयरटेलच्या चाचणीनंतर आता असं सांगता येऊ शकतं की २०२१ मध्ये भारतात 5G सेवा सुरू होऊ शकेल. रिलायन्स जिओनेही त्यादृष्टीने माहिती जाहीर केली आहे.

The post एयरटेलकडून 5G ची यशस्वी चाचणी : भारतातली पहिली कंपनी! appeared first on MarathiTech - मराठीटेक.