जवळपास प्रत्येक विंडोज लॅपटॉप/पीसीवर इंस्टॉल केल्या जाणाऱ्या VLC Media Player वर भारत सरकारतर्फे दोन-तीन महिन्यांपासून बंदी घालण्यात आली आहे. त्यांच्या वेबसाइटवर गेल्यास ती वेबसाइट {videolan.org) इलेक्ट्रॉनिक्स आणि आयटी मंत्रालयाच्या आयटी अॅक्ट अंतर्गत ब्लॉक करण्यात आली आहे अशी नोटिस दिसते!

Videolan या VLC च्या डेव्हलपर्सच्या म्हणण्यानुसार १३ फेब्रुवारीपासून त्यांची वेबसाइट ब्लॉक करण्यात आली आहे. त्यामुळे या मीडिया प्लेयरची विंडोज आवृत्ती डाउनलोड करता येत नाही. सरकारमधील संबंधित लोकांच्या म्हणण्यानुसार या VLC मधील काही त्रुटींमुळे Cicada नावाचा चीनी हॅकर्स ग्रुप याचा वापर करून वेगवेगळ्या देशांमधील युजर्सची माहिती चोरत आहे.

प्रत्यक्षात VLC मध्ये तशा कोणत्याही त्रुटी नसल्याचं Videolan डेव्हलपर्सनी सांगितलं आहे. शिवाय सरकारनेही अद्याप नेमकी का बंदी घालण्यात आली आहे याचं स्पष्टीकरण दिलेलं नाही. VLC सारखा Open Source सॉफ्टवेअर केवळ त्याचा वापर अशा गोष्टीसाठी केला जातो म्हणून आलेल्या बातम्यांच्या आधारे थेट सॉफ्टवेअरवरच बंदी घालण्यात आली आहे. अनेकांचं याबाबत असंही म्हणणं आहे की या तर्कानुसार तर विंडोज ऑपरेटिंग सिस्टमवर पण बंदी घालायला हवी!

आमचंही वैयक्तिक मत असं आहे का ओपन सोर्स सॉफ्टवेअर मध्ये खरंच काही त्रुटी असेल तर त्यांनी तसं निदर्शनास आणून द्यावं अन्यथा त्यांच्यावर विनाकारण बंदी घालण्यात काहीच अर्थ नाही. आपण सर्वजण हे सॉफ्टवेअर वर्षानुवर्षं वापरत आलेलो आहोतच.

Videolan नेही त्यांच्या ट्विटर अकाऊंटवरून तुम्ही भारतीय युजर्स असाल तर आम्हाला मदत करा आणि तुमच्या सरकारला ही चूक निदर्शनास आणून द्या असं आवाहन केलं आहे. सध्या सरसकट सर्वच ISP वर हा ब्लॉक केलेला दिसत नाही. काही ठराविक ISP वर ब्लॉक केल्याची नोटिस दिसत आहे. उदा. Airtel, Vi, Jio

VLC चे अँड्रॉइड व iOS ॲप्स अजूनही डाउनलोड करण्यासाठी उपलब्ध आहेत. Windows आवृत्ती व वेबसाइट वरील बंदी संबंधित व्यक्तींची चूक लक्षात आल्यावर कदाचित उठवली जाईल.

यावरील बंदी उठेपर्यंत तुम्ही इतर काही पर्याय वापरू शकता त्यांची यादी खाली दिली आहे.

• K-Lite Codec Pack
• 5KPlayer
• KMPlayer
• GOM Player
• Windows Movies & TV (Inbuilt)

The post VLC मीडिया प्लेयरवर भारतात बंदी : वेबसाइट, डाउनलोड ब्लॉक! appeared first on MarathiTech - मराठीटेक.

कम्प्युटरवर सर्वात लोकप्रिय मीडिया प्लेयर म्हणजे व्हीएलसी (VLC) मीडिया प्लेयर जो मोफत उपलब्ध आहे!
जवळपास सर्वच प्रकारचे व्हिडिओ व ऑडिओ फॉरमॅट प्ले करू शकणारा वापरण्यास सहजसोपा असा हा प्लेयर अलीकडेच स्मार्टफोन्सवरसुद्धा उपलब्ध झाला आहे. याच वैशिष्ट्य म्हणजे हा ओपन सोर्स म्हणजे मुक्तपणे वापरण्यास उपलब्ध आहे. याचा कोड कोणीही पाहू शकतं! आणि हा प्लेयर प्रसिद्ध होण्याच हेच महत्वाच कारण आहे.
 
नव्या 3.0 आवृत्तीमध्ये 8K व्हिडिओ प्ले करण्याची, क्रोमकास्टला व्हिडिओ कास्ट करण्याची, नवीन कोडेक्स, HDR प्लेबॅकची सोय! विंडोज, मॅक, अँड्रॉइड, iOS, लिनक्स सर्व ओएसवर मोफत उपलब्ध! 

डाऊनलोड लिंक : Download VLC 3.0 for Windows, Linux, iOS, Mac, Android

इतर बदल (Source VLC Website) : 

VLC 3.0 “Vetinari” is a new major update of VLC.
VLC 3.0 activates hardware decoding by default, to get 4K and 8K playback!
It supports 10bits and HDR
VLC supports 360 video and 3D audio, up to Ambisoncics 3rd order
Allows audio passthrough for HD audio codecs
Can stream to Chromecast devices, even in formats not supported natively
Can play Blu-Ray Java menus: BD-J
VLC supports browsing of local network drives and NAS

The post VLC मीडिया प्लेयर 3.0 आता उपलब्ध appeared first on MarathiTech - मराठीटेक.