सॅमसंगने आज त्यांचा नवा फोन सादर केला आहे ज्यामध्ये जगात प्रथमच घडी घालता येईल अशी काच असलेला डिस्प्ले जोडण्यात आला आहे! होय या फोनची मधल्या भागात घडी घालता येते. यापूर्वीच्या गॅलक्सी फोल्डची घडी उघडली तर त्याचा जवळपास टॅब्लेट एव्हढा आकार व्हायचा मात्र हा फोनच्या आकाराचाच फोन घडी घातल्यावर आणखी लहान होतो आणि पूर्वीच्या काही प्रसिद्ध फोन्स प्रमाणे उघडून वापरता येतो! अतिशय पातळ असलेल्या या काचेची २,००,००० वेळा घडी घालता येईल असा दावा सॅमसंगने केला आहे! ही काच सॅमसंगने स्वतः तयार केलेली आहे.
हा फोन clam-shell प्रकारचा म्हणजे शिंपल्याच्या उघडझाप ज्याप्रमाणे करता येते तसा आहे. मात्र आधीच्या फोन्स इतका सहज नाही. एका हाताने सहज उघडला जात नाही असं अनेकांनी मत नोंदवलं आहे. या फोनचा डिस्प्ले 6.7″ OLED असून 21.9:9 aspect ratio आहे. सोबतच एक 1.1 इंची OLED डिस्प्लेसुद्धा पाठीमागे देण्यात आला आहे जो फोन घडी घातलेल्या स्थितीत असताना नोटिफिकेशन्स दाखवेल. फोनमध्ये Snapdragon 855 Plus हा प्रोसेसर, 8GB रॅम, 256GB स्टोरेज आणि 3300 ची ड्युयल बॅटरी देण्यात आली आहे. कॅमेरासाठी यामध्ये दोन 12MP लेन्स (एक अल्ट्रा वाईड व एक रेग्युलर वाइड) आणि 10MP चा फ्रंट कॅमेरा देण्यात आला आहे. फोनला वायरलेस चार्जिंग सपोर्ट आहे. या फोनमध्ये आज सादर झालेल्या Galaxy S20 मालिकेतील फोन्सप्रमाणे 5G मात्र देण्यात आलेलं नाही. हा फोन 14 फेब्रुवारी पासून अमेरिका आणि कोरियामध्ये उपलब्ध होतोय तोसुद्धा जवळपास ~रु ९९००० ($1380) एव्हढया किंमतीत!
डिस्प्ले : 6.7“ FHD+ Dynamic AMOLED Display(21.9:9) Infinity Flex Display + 1.1“ Super AMOLED Display
प्रोसेसर : 7㎚ 64-bit Octa-Core Processor
रॅम : 8GB LPDDR4X
स्टोरेज : 256GB
कॅमेरा : 12MP Ultra Wide Camera: F2.2 +
12MP Wide-angle Camera: Super Speed Dual Pixel AF, OIS, F1.8 FOV: 78˚, OIS,Up to 8x digital zoom HDR10+ recording Tracking AF
फ्रंट कॅमेरा : 10MP Selfie Camera: F2.4 Pixel size: 1.22μm FOV: 80˚
बॅटरी : 3300mAh 27W
ऑपरेटिंग सिस्टिम : Android 10
इतर : Wi-Fi 802.11 a/b/g/n/ac (2.4/5GHz),VHT80 MU-MIMO,256QAM, Bluetooth v 5.0 (LE up to 2Mbps), ANT+, USB Type-C, NFC, Location (GPS, Galileo, Glonass, BeiDou)
सेन्सर्स : Capacitive Fingerprint sensor (side), Accelerometer, Barometer, Gyro sensor, Geomagnetic sensor, Hall sensor (digital, analog), Proximity sensor, RGB Light sensor
किंमत : $1380
Search Terms Samsung Galaxy Z Flip Foldable Display Smartphone Price in India, Sale, Pre Order