धूमकेतू उघड्या डोळ्यांनी पाहण्याची दुर्मिळ संधी : जाणून घ्या कसा पाहायचा

अनेक वर्षांनी उघड्या डोळ्यांनी पाहता येईल असा धूमकेतू पृथ्वीजवळ दिसून येत आहे. १४ जुलैपासून पृथ्वीवर वेगवेगळ्या देशात हा दिसण्यास सुरुवात झाली असून आता भारतातसुद्धा दिसू शकतो. १४ जुलैपासून रोज २० दिवस हा वायव्य दिशेला सूर्यास्तानंतर पाऊण-एक तासाने दिसू शकतो

धूमकेतू म्हणजे काय ?

धूमकेतू हे आपल्या सौरमालिकेचेच भाग असतात जे धूळ दगड आणि बर्फ यांच्या मिश्रणातून तयार होतात. यांची लांबी काही किलोमीटर्स पर्यंत असते तर हे जेव्हा सूर्याजवळ पोहोचतात तेव्हा गरम होऊन/जळून यांच्यामधून वायु आणि धूळ बाहेर पडू लागतात आणि मग यांच्यामागे धूराचं शेपूट असल्या सारखं दिसू लागतं. हे शेपूट लाखो किलोमीटर्सचंही असू शकतं!

अवकाशात आता दिसत असलेला नियोवाईज (Neowise) धूमकेतूचा २७ मार्च २०२० रोजी शोध लागला असून Near-Earth Object WISE (NEOWISE) या नासाच्या टेलिस्कोप दुर्बिणीद्वारे हा शोधण्यात आला आहे. याचं तांत्रिक नाव C/2020 F3 असं आहे.

१९९७ मध्ये दिसलेल्या Hale–Bopp धुमकेतू नंतर नियोवाईज सर्वात प्रखर आणि स्पष्ट पणे दिसेल असा धूमकेतू आहे. नियोवाईज पृथ्वीवरून यानंतर तब्बल ६८०० वर्षांनीच दिसणार आहे!

हा धूमकेतू कसा पहायचा?

यासाठी आपण SkySafari नावाचं मोफत ॲप वापरणार आहोत. तुमच्या फोनची लोकेशन ऑन करा. हे ॲप डाउनलोड करा. जवळपास सायंकाळी ७ ते आठ दरम्यान या ॲपद्वारे लक्ष ठेऊन पहा.

Download SkySafari on Google Play : https://play.google.com/store/apps/details?id=com.simulationcurriculum.skysafari5
Download SkySafari on App Store : https://apps.apple.com/us/app/skysafari/id1257281849

• आता Compass च्या आयकॉनवर क्लिक करून आजूबाजूला तुमच्या लोकेशननुसार ग्रह तारे फोनमध्ये अॅडजस्ट होत आहेत का ते पहा.
• आता सर्च पर्याय निवडून तिथे Neowise असं टाइप करा
• आता तुम्हाला आलेल्या यादीतून C/2020 F3 वर क्लिक करायच आहे
• आता त्याची थोडी माहिती दिसेल आता डाव्या कोपऱ्यात खाली Locate वर क्लिक करा
• बाणाची आयकॉन तुम्हाला धूमकेतूच्या दिशेने मार्ग दाखवत राहील त्यानुसार फोन फिरवा.
• वायव्य (उत्तर आणि पश्चिम यांच्यामधील दिशा) इथे तुम्हाला हा कॉमेट/ धूमकेतू पाहता येईल
• यासाठी आकाश मोकळं असेल तितकं स्पष्ट पाहता येईल. जवळपास २० मिनिटे स्पष्ट तर उर्वरित वेळ धूसर अशा स्वरूपात हा दिसेल.

या लेखासाठी वर वापरण्यात आलेला फोटो Firgun Shoja (@livefirgun) या इंस्टाग्राम यूजरच्या अकाऊंटवरून घेण्यात आला आहे. त्यांनी हिमाचल प्रदेशातून हा फोटो टिपला आहे.

See more

From July 14, C/2020 F3, a comet discovered on March 27, will be clearly visible in the north-western sky. It will be visible after sunset for around 20 minutes for the next 20 days. People can observe it from naked eyes: Deputy Director, Pathani Samanta Planetarium #Odisha pic.twitter.com/to1ajvv7cc

— ANI (@ANI) July 12, 2020

Search Terms : How to see neowise comet? Free app to locate neowise in india neowise comet india timing