ॲपलने आज त्यांच्या ग्राहकांना मोठा धक्का देत MacBook आणि iPad आणि इतर प्रॉडक्टच्या किंमतींमध्ये मोठी वाढ जाहीर केली आहे. कंपनीच्या अधिकृत भारतातील वेबसाइटवर नवीन किंमती लागू करण्यात आल्या असून, काही प्रीमियम मॉडेल्सच्या किंमतींमध्ये तब्बल १ लाख रुपयांपर्यंत वाढ झाली आहे. ही वाढ केवळ भारतापुरती मर्यादित नसून जागतिक स्तरावरही ॲपलने Mac आणि iPad उत्पादनांच्या किंमती वाढवल्या आहेत.

किंमती का वाढल्या?

ॲपलचे म्हणणे आहे की जागतिक स्तरावर मेमरी (DRAM) आणि स्टोरेज (NAND) चिप्सच्या किंमतींमध्ये झालेली मोठी वाढ, तसेच AI डेटा सेंटर्समुळे निर्माण झालेली प्रचंड मागणी यामुळे उत्पादन खर्च लक्षणीय वाढला आहे. याच वाढलेल्या खर्चाचा परिणाम आता ग्राहकांवर दिसत आहे. कंपनीचे सीईओ टिम कुक यांनी काही दिवसांपूर्वीच अशा किंमतवाढीची शक्यता व्यक्त केली होती.

किंमतीमधील बदल खालील प्रमाणे… तूर्तास आयफोनच्या किंमतीमध्ये कोणताही बदल झालेला नाही.

आयपॅड
iPad – ₹49,990 (पूर्वी ₹34,990)
iPad Mini – ₹69,900(पूर्वी ₹49,900)
iPad Air – ₹89,900(पूर्वी ₹64,900)
iPad Pro – ₹1,39,900 (पूर्वी ₹99,990)

मॅक
Mac Mini M4 – ₹94,900 (पूर्वी ₹59,900)
Mac Studio M4 Max – ₹2,79,900 (पूर्वी ₹2,14,900)
Mac Studio M3 Ultra- ₹5,99,900 (पूर्वी ₹4,29,900)
iMac M4 – ₹1,74,900 (पूर्वी ₹1,34,900)

मॅकबुक
MacBook Air M5 – ₹1,49,900 (पूर्वी ₹1,19,900)
MacBook Pro M5 – ₹2,39,900 (पूर्वी ₹1,69,900)
MacBook Pro M5 Max – ₹4,99,900 (पूर्वी ₹3,99,900) (सर्वाधिक १ लाख रुपयांची वाढ!)
MacBook Neo – ₹79,900 (पूर्वी ₹69,900)

ॲपलचे स्मार्ट होम प्रॉडक्ट्स
HomePod – ₹44,900 (पूर्वी ₹32,900)
HomePod Mini – ₹15,900 (पूर्वी ₹10,900)
Apple TV 4K 64GB – ₹25,900 (पूर्वी ₹14,900)
Apple TV 4K 128GB + Ethernet – ₹31,900 (पूर्वी ₹16,900)

कोणावर होणार सर्वाधिक परिणाम?

या किंमतवाढीचा सर्वाधिक फटका विद्यार्थी, कंटेंट क्रिएटर्स, सॉफ्टवेअर डेव्हलपर्स, व्हिडिओ एडिटर्स आणि व्यावसायिक वापरकर्त्यांना बसण्याची शक्यता आहे. विशेषतः नवीन MacBook किंवा iPad खरेदीचा विचार करणाऱ्या ग्राहकांना आता पूर्वीपेक्षा हजारो रुपयांचा अतिरिक्त खर्च करावा लागणार आहे. त्यामुळे अनेक ग्राहक जुनी मॉडेल्स, रिफर्बिश्ड डिव्हाइसेस किंवा इतर ब्रँडकडे वळण्याची शक्यता व्यक्त केली जात आहे.

ही वाढ ॲपलच्या वेबसाइटवर आत्ताच लागू झाली असून तुम्हाला अजूनही जुन्या किंमतीत खरेदी करायची असेल तर ऑनलाइन वेबसाइट्स (Amazon/Flipkart) किंवा ऑफलाइन दुकाने इथे आणखी काही दिवस तरी जुन्या किंमतीत खरेदी करू शकता.

सध्या ॲपलने iPhone, Apple Watch किंवा AirPods च्या किंमतींमध्ये कोणताही बदल केलेला नाही. मात्र उत्पादन खर्चातील वाढ कायम राहिल्यास भविष्यात इतर उत्पादनांच्या किंमतीतही बदल होण्याची शक्यता नाकारता येत नाही. अगदी हा लेख लिहीत असतानाच एक्सबॉक्सची सुद्धा किंमत 100 डॉलर्सने वाढवण्यात आली आहे!

AI तंत्रज्ञानामुळे मेमरी आणि स्टोरेज चिप्सची जागतिक मागणी वाढल्याने इलेक्ट्रॉनिक्स उद्योगावर खर्चाचा मोठा ताण निर्माण झाला आहे. ॲपलने हा वाढलेला खर्च ग्राहकांवर टाकण्याचा निर्णय घेतला असून, भारतातील MacBook आणि iPad खरेदी आता पूर्वीपेक्षा अधिक महाग झाली आहे. अमेरिकेतील वाढलेल्या किंमतीच्या तुलनेत भारतातील किंमती खूपच जास्त प्रमाणात वाढल्या आहेत. आगामी काळात इतर तंत्रज्ञान कंपन्याही अशाच प्रकारे किंमती वाढवण्याची शक्यता तज्ज्ञ व्यक्त करत आहेत.

The post ॲपलने मॅकबुक, आयपॅडच्या आणि इतर प्रॉडक्टच्या किंमती वाढवल्या appeared first on MarathiTech - मराठीटेक.

जगभरातील सर्वात मोठ्या कंपन्यापैकी एक असलेली प्रमुख ॲपल कंपनीने त्यांचा नवीन CEO (मुख्य कार्यकारी अधिकारी) जाहीर केला असून सध्याचे सीईओ टिम कुक यांच्या नंतर ही जबाबदारी आता जॉन टर्नस (John Ternus) यांच्याकडे सोपवण्यात आली आहे. ॲपलकडून हा निर्णय अधिकृतपणे जाहीर करण्यात आला आहे.

जॉन टर्नस हे ॲपलमध्ये दीर्घकाळ काम करत आहेत (जवळपास २५ वर्षं) आणि सध्या ते हार्डवेअर विभागाचे प्रमुख आहेत. iPhone, Mac, iPad यांसारख्या कंपनीच्या महत्त्वाच्या उत्पादने डिझाईन करण्यात त्यांचा थेट सहभाग राहिला आहे. ॲपलच्या उत्पादनांची गुणवत्ता, त्यांची रचना आणि कामगिरी यामागे टर्नस यांचा मोठा वाटा मानला जातो. त्यामुळेच कंपनीच्या आत त्यांना विश्वासू आणि महत्त्वाचे नेतृत्व मानले जाते.

ॲपलने काही वर्षांपूर्वी स्वतःचे ॲपल सिलिकॉन चिप तयार करून मॅकमध्ये वापरण्याचा मोठा निर्णय घेतला. या बदलामुळे मॅकबुक्सची गती वाढली आणि बॅटरीही जास्त काळ टिकू लागली. या संपूर्ण प्रक्रियेत जॉन टर्नस यांची भूमिका खूप महत्त्वाची होती. यामुळे कंपनीने इतरांवर अवलंबून राहण्याऐवजी स्वतःची ताकद वाढवली.

सीईओपदाची जबाबदारी स्वीकारताना टर्नस यांच्यासमोर अनेक मोठी आव्हानं असतील. ॲपल ही केवळ उत्पादन बनवणारी कंपनी नाही, तर ती विविध सेवा आणि काही प्रमाणात त्यांच्या उत्पादनांसाठी सॉफ्टवेअर तयार करणारी कंपनी आहे. या सर्व गोष्टींचा समतोल राखत पुढे जाणं आणि नवीन तंत्रज्ञान, विशेषतः कृत्रिम बुद्धिमत्ता (AI) मध्येही कंपनीने आघाडी टिकवणं आवश्यक आहे.

टिम कुक यांच्या काळात ॲपलने आर्थिकदृष्ट्या मोठी झेप घेतली. त्यांचं मार्केट कॅपिटल तब्बल ४ ट्रिलीयन डॉलर्सच्या वर गेलं होतं. आता टर्नस यांच्या नेतृत्वाखाली कंपनी पुन्हा उत्पादनांमध्ये नवे बदल आणि सुधारणा आणण्यावर अधिक भर देईल, अशी अपेक्षा आहे.

ॲपलने केलेल्या अधिकृत घोषणेनुसार, हा बदल अचानक घेतलेला निर्णय नाही, तर अनेक वर्षांच्या नियोजनानंतर घेतलेला आहे. कंपनीच्या संचालक मंडळाने एकमताने हा निर्णय मंजूर केला आहे. टिम कुक हे १ सप्टेंबर २०२६ पर्यंत सीईओ पदावर राहणार आहेत. यानंतर Tim Cook हे ॲपलचे Executive Chairman म्हणून काम पाहणार आहेत. या नव्या भूमिकेत ते कंपनीला धोरणात्मक मार्गदर्शन देतील. म्हणजेच, ते पूर्णपणे कंपनीपासून दूर जाणार नाहीत तर कार्यकारी अध्यक्ष म्हणून महत्त्वाची भूमिका निभावतील.

जॉन टर्नस यांनीही या नव्या जबाबदारीबद्दल भावना व्यक्त करताना सांगितलं की, ॲपलमध्ये जवळपास संपूर्ण कारकीर्द घालवताना त्यांना स्टीव्ह जॉब्स आणि टिम कुक यांच्यासोबत काम करण्याची संधी मिळाली, जी त्यांच्या दृष्टीने खूप महत्त्वाची आहे. त्यांनी पुढे कंपनीची दिशा कायम ठेवत नवनवीन उत्पादने आणि अनुभव तयार करण्यावर भर देण्याची तयारी दर्शवली आहे.

एकूणच, जॉन टर्नस यांची सीईओ म्हणून नियुक्ती ही ॲपलसाठी महत्त्वाचा टप्पा मानली जात आहे. कंपनीची ओळख जपत नवे बदल घडवून आणण्याची जबाबदारी आता त्यांच्या खांद्यावर आहे. पुढील काही वर्षांत ॲपल कोणत्या दिशेने जातं, हे पाहणं उत्सुकतेचं ठरणार आहे.

ॲपलचे स्थापनेपासून आजवरचे सीईओ :

1. Michael Scott (1977–1981)
2. Mike Markkula (1981–1983)
3. John Sculley (1983–1993)
4. Michael Spindler (1993–1996)
5. Gil Amelio (1996–1997)
6. Steve Jobs (1997–2011)
7. Tim Cook (2011–2026)
8. John Ternus (2026-)

The post ॲपलचे नवे सीईओ जॉन टर्नस : टिम कुक यांच्यानंतर घेणार जबाबदारी! appeared first on MarathiTech - मराठीटेक.

ॲपलने आज नवा लॅपटॉप सादर केला असून ही मॅकबुक निओ त्यांचा उपलब्ध असलेला सर्वात स्वस्त लॅपटॉप असेल. यामध्ये आयफोन १६ मधील प्रोसेसर देण्यात आला असून याची किंमत भारतात ₹६९,९०० पासून सुरू होईल.

या मॅकबुक निओमध्ये अल्युमिनीयम बॉडी, 13-inch 60Hz 10-bit IPS डिस्प्ले, 8GB रॅम, 256GB/512GB स्टोरेज, मॅजिक किबोर्ड, मल्टीटच ट्रॅकपॅड, 1080p कॅमेरा, दोन USB-C पोर्ट (पैकी एक USB 3 आणि दुसरा USB 2), हेडफोन जॅक, spatial audio व Dolby Atmos सपोर्ट असलेले स्पीकर्स अशा सोयी मिळतील.

यामधील 8GB च्या रॅमचा एकमेव पर्याय असून ही वाढवता येणार नाही. शिवाय TouchID चा पर्याय फक्त 512GB स्टोरेज असलेल्या मॉडेलमध्येच मिळेल. यामधील चार्जिंगसुद्धा जुनं 20W चं स्लो चार्जर आहे. इतर मॅकबुक प्रमाणे यामधील USB मध्ये Thunderbolt ports किंवा MagSafe चा सपोर्ट नाही. 36.5Wh बॅटरी १६ तासांची बॅटरी लाईफ मिळेल असं सांगितलं आहे. यामध्ये Wi-Fi 6E & Bluetooth 6 असेल आणि याचं वजन 1.23 kg आहे. Silver, Blush, Citrus आणि Indigo या चार रंगाचा पर्याय आहे.

नवीन मॅकबुक मुख्यतः विद्यार्थ्याना समोर ठेऊन बनवण्यात आला आहे ज्याना स्वस्त मॅकचा (तुलनेने स्वस्त) पर्याय हवा आहे. स्वस्त विंडोज लॅपटॉप किंवा गूगलच्या क्रोमबुकला हा आता नवा पर्याय असेल. भारतात याची किंमत ६९,९०० (256GB) आणि ७९,९०० (512GB) अशी असेल.

ॲपलने कालच नवीन MacBook Air M5 व MacBook Pro M5/M5 Pro/M5 Max सुद्धा जाहीर केले आहेत. गेल्यावर्षीच्या तुलनेत यावेळी किंमत वाढली असून MacBook Air M5 ची किंमत ₹1,19,900 पासून तर MacBook Pro M5 ची किंमत ₹1,89,900 पासून सुरू होईल.

MacBook Air M5 : M5 प्रोसेसर, 10-core CPU, 8-core GPU, 16-core Neural Engine, 16GB RAM, Wi-Fi 7 and Bluetooth 6, 512GB Base storage, 13.6″/15.3″ डिस्प्ले, 30W चार्जिंग, उपलब्ध रंग : Sky Blue, Midnight, Starlight व Silver

MacBook Pro M5 : M5/M5 Pro/M5 Max प्रोसेसर, 24GB RAM, Wi-Fi 7 and Bluetooth 7, 512GB Base storage, 14″/16″ miniLED डिस्प्ले, 140W चार्जिंग, उपलब्ध रंग : Space Black व Silver

यासोबतच Studio Display (27″ 5K 60Hz LCD) ज्याची किंमत १८९९०० आणि Studio Display XDR (27″ 5K Retina XDR mini-LED) ज्याची किंमत ३९९९०० इतकी आहे! iPhone 17e हा नवा आयफोन सुद्धा जाहीर झाला असून याची किंमत ₹64,900 इतकी आहे.

हे सर्व मॉडेल्स ११ मार्च पासून खरेदीसाठी उपलब्ध होतील.

The post ॲपलचा सर्वात स्वस्त लॅपटॉप MacBook Neo सादर! appeared first on MarathiTech - मराठीटेक.

Apple ने काल रात्री त्यांच्या “Awe-Dropping” कार्यक्रमात iPhone 17, iPhone 17 Pro, iPhone 17 Pro Max आणि संपूर्णपणे नवीन iPhone Air हे नवं मॉडेल सादर केलं आहे. यासोबत Apple Watch Series 11, Apple Watch Ultra 3, SE 3 आणि AirPods Pro 3 सुद्धा सादर झाले आहेत. iPhone Plus मॉडेल आता बंद करण्यात आलं असून त्याची जागा आता नव्या iPhone 17 Air ने घेतली आहे जो त्यांचा सर्वात कमी जाडीचा आयफोन असेल.

iPhone 17 Air हा त्यांचा आजवरचा Thinnest (कमी जाडीचा) फोन असून याची जाडी केवळ 5.6mm इतकीच आहे! या आयफोनमध्ये पाठीमागे केवळ एकच कॅमेरा आहे. यामध्ये २७ तासांचा व्हिडिओ प्लेबॅक करण्याची क्षमता असलेली बॅटरी आहे असं ॲपलने सांगितलं आहे (बंद केलेल्या Plus मॉडेल एव्हढी). फोनची जाडी कमी असूनही त्याची बॅटरी लाईफ चांगली असेल.

iPhone 17 मधील सोयी पुढील प्रमाणे : 6.3″ 120Hz Super Retina XDR OLED डिस्प्ले, 3000nits Peak Brightness, Apple A19 प्रोसेसर, 48MP Main (Sensor Shift OIS) + 48MP Ultrawide, 18MP फ्रंट कॅमेरा, 8GB रॅम

iPhone 17 Air मधील सोयी पुढील प्रमाणे : 6..5″ 120Hz Super Retina XDR OLED डिस्प्ले, 3000nits Peak Brightness, Apple A19 Pro प्रोसेसर, 48MP Main (Sensor Shift OIS), 18MP फ्रंट कॅमेरा with Center Stage, 12GB रॅम

iPhone 17 Pro आणि Pro Max मधील सोयी पुढील प्रमाणे : 6.3″ / 6.9″ 120Hz Super Retina XDR OLED डिस्प्ले, 3000nits Peak Brightness, Apple A19 Pro प्रोसेसर, 48MP Main (Sensor Shift OIS) + 48MP Ultrawide + 48MP Telephoto, 18MP फ्रंट कॅमेरा with Center Stage, 12GB रॅम

या सर्व आयफोन्समध्ये ॲपलची नवी N1 Wireless Networking चिप असेल ज्यामध्ये WiFI7, Bluetooth 6 चा सपोर्ट आहे. iPhone Air मध्ये C1X मोडेमचा सपोर्ट आहे. यावेळी Recyled अॅल्युमिनियम पासून बनवलेल्या आयफोन्सबद्दल त्यांनी बरीच माहिती दिली आहे. सोबत डिस्प्लेवर Ceramic Shield 2 असून यामुळे तीन पट अधिक चांगलं Scratch Resistance मिळेल. यावेळी प्रथमच सर्व आयफोन्समध्ये किमान 256GB स्टोरेज असेल

iOS 26 अपडेट सर्व जुन्या व नव्या फोन्सवर १५ सप्टेंबरपासून उपलब्ध होईल.

काल जाहीर झालेल्या सर्व ॲपल उत्पादनांची भारतीय किंमत खालील प्रमाणे

• iPhone 17 ₹82,990 पासून सुरू
• iPhone 17 Air ₹1,19,900 पासून सुरू
• iPhone 17 Pro ₹1,34,900 पासून सुरू
• iPhone 17 Pro Max ₹1,49,900 पासून सुरू
• Apple Watch Series 11 ₹46,900 पासून सुरू
• Apple Watch SE 3 ₹25,900
• Apple Watch Ultra 3 ₹89,900
• AirPods Pro 3 ₹25,900

The post ॲपलची iPhone 17 सिरीज, 17 Air सोबत नवे Watch व Airpods सादर appeared first on MarathiTech - मराठीटेक.

ॲपलच्या काल WWDC या Cupertino येथे पार पडलेल्या त्यांच्या डेव्हलपर्ससाठी असलेल्या कार्यक्रमात अनेक नव्या गोष्टी जाहीर केल्या असून iOS 26, iPadOS 26, vision OS 26, macOS 26, watchOS 26, tvOS26 अशा ओएस अपडेट्स जाहीर झाल्या आहेत. यासोबत अनेक वर्षांनी ॲपलने त्यांच्या डिझाईन मध्ये बदल करत सर्वच उपकरणांमध्ये नवं Liquid Glass नावाचं डिझाईन आणत असल्याचं सांगितलं आहे. या डिझाइनमध्ये बटन्स, स्लायडर्स, टेक्स्ट आणि मीडिया कंट्रोल्स अधिक पारदर्शक आणि गोलाकार दिसतील, ज्यामुळे इंटरफेसमध्ये एक काचेसारखा अनुभव येईल!

ऍपलने आपल्या ऑपरेटिंग सिस्टम्सच्या नामांकरणात महत्त्वपूर्ण बदल केला आहे. आता पूर्वीच्या नावांऐवजी, ऑपरेटिंग सिस्टम्सचे नाव थेट संबंधित वर्षाशी जोडले जाईल. त्यामुळे iOS 19 ऐवजी आता iOS 26, iPadOS 19 ऐवजी iPadOS 26, watchOS 12 ऐवजी watchOS 26, tvOS 19 ऐवजी tvOS 26, आणि visionOS 2 ऐवजी visionOS 26 असे संबोधले जाईल. macOS चे नाव मात्र कॅलिफोर्निया-प्रेरितच राहील, त्यामुळे ते macOS Tahoe 26 असे असेल. हे बदल वापरकर्त्यांना नवीन आवृत्त्या समजून घेणे सोपे करेल.

iOS 26 मध्ये मिळणाऱ्या नव्या सोयी

• Live Translation – Messages, FaceTime, voice calls साठी ऑन-डिव्हाइस लाइव्ह भाषांतर
• AI‑आधारित Call Features – कॉल screening, Hold Assist, voicemail summary
• Messages मध्ये बदल – chat background, ग्रुप चॅट मध्ये पोल्स
• Genmoji & Image Playground – इमोजी मर्जिंग व AI‑जनरेटेड इमेजेससाठी नवीन सुविधा
• Battery Insights – Adaptive Power mode आणि charging time estimates

iPadOS 26 मध्ये मिळणाऱ्या नव्या सोयी :

• Mac सारखी सुविधा iPad वर – windowed multitasking, top menu bar, अधिक चांगलं आणि सोपं file management
• नवीन iPadOS मॅकओएसप्रमाणे काम करेल, जिथे वापरकर्ते ॲप विंडोजना resize करू शकतील, त्यांना हवं तिथे ठेऊ शकतील आणि एकाच वेळी अनेक विंडोज उघडू शकतील. आता अधिक अचूक माऊस पॉइंटर आणि नवीन मेनू बार देखील जोडला जाईल.
• आता पीडीएफफाइल्सवर लिहिता येणार आहे. सोबत नवी Preview नावाची सोय सुद्धा मिळेल.

macOS Tahoe 26 मध्ये मिळणाऱ्या नव्या सोयी :

• ‘लिक्विड ग्लास’ डिझाइनसह, मॅकमध्येही ‘फोन’ ॲप मिळेल, ज्यामुळे आयफोन जवळ नसतानाही मॅकवरून सेल्युलर कॉल करणे सोपे होईल.
• स्पॉटलाइटमध्ये आणखी सुधारणा केल्या आहेत, ज्यामुळे ते अधिक स्मार्ट आणि कार्यक्षम बनेल.
• फोल्डरना आता रंग आणि इमोजीसुद्धा सेट करता येतील

The post ॲपल WWDC25 : iOS 26, macOS 26 व Liquid Glass डिझाईन जाहीर! appeared first on MarathiTech - मराठीटेक.